

Aktualitet
Qytetarët solidarizohen me popullin izraelit
Published
4 years agoon
By
Betim GashiPasditen e sotme është mbajtur në sheshin “Skënderbeu” në Prishtinë marsh solidarizues me popullin hebre, duke u dhënë të drejtë të vetëmbrohen nga grupi Hamas. Aty, qytetarët kërkuan që të ketë paqe mes Izraelit dhe Palestinës.
Njëri nga organizatorët e këtij marshi, Arlind Imeri, tha se kanë dalë në sheshin “Skënderbeu” për të përçuar mesazhin e paqes, që siç tha ai, është e domosdoshme për të dy popujt. Ai tha që çdo humbje jete, qoftë nga ana e palestinezëve apo nga izraelitët është e dhimbshme dhe duhet të mbrohet.
Sipas Imerit, populli palestinez ka nevojë të çlirohet prej grupit terrorist Hamas e jo nga Izraeli.
“Përçojmë mesazh paqeje për të dy popujt, edhe popullin palestinez edhe popullin izraelit. Në këtë rast, jemi rreshtuar kah populli izraelit duke i dhënë të drejtë të vetëmbrohet nga sulmet terroriste të organizatës terroriste ‘Hamas’[…]Sigurisht se çdo jetë e humbur qoftë e popullit palestinez, qoftë izraelit është një dhembje për secilin për ne dhe ndjejmë dhembje edhe me popullin palestinez edhe me popullin izraelit. Mirëpo mendojmë që populli palestinez ka nevojë që përfundimisht të çlirohet prej grupit terrorist ‘Hamas’ dhe jo nga Izraeli”, tha ai.
Ai tha se e mbështesin marrëveshjen për armëpushim, të arritur mes Izrealit dhe grupit terrorist ‘Hamas’, por që u shpreh skeptik, pasi siç tha ai, “Hamas” ka thyer marrëveshjet në të kaluarën.
Në këtë marsh morën pjesë një grup i vogël i qytetarëve të cilët kishin dalë për t’i dhënë të drejtë popullit izraelit që të mbrohet nga sulmet terroriste.
Njëri nga ta, qytetari Basri Beka tha për KosovaPress se marrëdhëniet e popullit shqiptar me atë izraelit janë të veçanta dhe historike, prandaj nga rrjedhë edhe solidarizimi me Izraelin.
“Arsyeja e daljes sot në këtë marsh ishte solidarizimi me kombin dhe shtetin e Izraelit. Ne kemi arsye solidarë me popullin izraelit sepse ne kemi marrëdhënie historike me këtë komb. Ne kemi qenë solidarë me popullin izraelit në Luftën e Dytë Botërore dhe kanë qenë solidarë edhe ata me ne gjatë luftës në Kosovë, terrorit që bënte Serbia. Ne kemi dal edhe në mbështetje të kombit edhe të shtetit të Izraelit dhe e kemi urimin që shteti i Izraelit të ngadhënjejë ndaj grupit terrorist të Hamasit dhe të ngadhënjej paqja atje”, u shpreh ai.
Në Kosovë ka pasur reagime të shumta për konfliktin Izrael-Palestinë, ndërsa janë organizuar marshe të tjera në mbrojtje të popullit palestinez.
Bota
Shembja e çatisë së një klubi nate domenikane, numri i viktimave arrin në 200
Published
12 hours agoon
April 10, 2025By
UBTnews
Numri i të vdekurve nga shembja e çatisë në klubin e natës Jet Set në Santo Domingo, kryeqyteti i Republikës Domenikane, u rrit në 218, thanë në një raport zyrtarët e menaxhimit të emergjencave.
Sipas raportit të cituar nga gazeta lokale Diario Libre, 189 persona u shtruan në spital. Ekipet e shpëtimit raportuan të mërkurën në mbrëmje se vazhdojnë punën, por tashmë nuk ka asnjë shans për të gjetur njerëz të gjallë. Më shumë se 300 reagues janë në punë në vend.
Çatia u shemb mbrëmjen e së martës. Mes të vrarëve janë Nelsy Cruz, guvernatorja e provincës Monte Cristi dhe këngëtarja e famshme domenikane Rubby Perez, e cila po jepte një performancë në klub atë natë.
Presidenti i Republikës Domenikane Luis Abinader shpalli zi kombëtare treditore. Presidenti rus Vladimir Putin i shprehu ngushëllime Abinaderit për viktimat e shumta.
Bota
“Koalicioni i Vullnetit” mblidhet në Bruksel për Ukrainën, zbardhen diskutimet
Published
12 hours agoon
April 10, 2025By
UBTnews
Ministrat nga më shumë se 30 vende të “Koalicionit të Vullnetit” janë mbledhur në Bruksel për të shqyrtuar avancimin e planeve të mbështetjes për Ukrainën në kontekstin e luftës me Rusinë.
Samiti, i organizuar nga sekretari i mbrojtjes i Mbretërisë së Bashkuar, John Healey, dhe ministri francez i mbrojtjes, Sébastien Lecornu, synon të forcojë angazhimet ndërkombëtare për sigurinë e Ukrainës.
John Healey, duke hapur takimin, tha se planet janë “të zhvilluara mirë” dhe se ato kanë objektiva të qarta për sigurimin e qiellit të sigurt, deteve të sigurta, mbështetje për forcën tokësore të Ukrainës dhe ndihmë për forcimin e aftësive ushtarake të Ukrainës për të siguruar një “pengesë të fortë” ndaj agresionit rus.
“Forca jonë e sigurimit për Ukrainën do të ishte një marrëveshje sigurie e përkushtuar dhe e besueshme për të siguruar që çdo paqe e negociuar të sjellë një paqe të qëndrueshme për Ukrainën,” tha Healey, duke theksuar mbështetjen e vazhdueshme për Ukrainën gjatë luftës dhe procesit të paqes.
Ministri holandez i mbrojtjes Ruben Brekelmans thotë se takimi i sotëm është më “politik” për skenarë të ndryshëm për Ukrainën.
Ai shprehimisht thotë se do të ishte e rëndësishme të kishte mbështetjen e SHBA-së, por thotë se roli i saktë i nevojshëm do të varet nga formati i misionit.
“Unë mendoj se është shumë e rëndësishme të kemi Shtetet e Bashkuara në bord. Por atëherë duhet të jetë gjithashtu e qartë se çfarë lloj misioni dhe çfarë kërkojmë nga Shtetet e Bashkuara. Dhe kjo është ajo që do të diskutojmë gjithashtu sot,” thotë ai.
Ministri letonez i mbrojtjes, Andris Sprūds, tha se grupi ka një qëllim të qartë për të mbështetur Ukrainën me forcë dhe për të nxitur një paqe të qëndrueshme. Ai gjithashtu diskutoi mundësinë e krijimit të një “force sigurie” që do të dislokohej në Ukrainë për të mbajtur paqen në rast të një marrëveshjeje paqeje, por shtoi se disa aspekte të këtij diskutimi mbeten të rezervuara për vendimet që do të merren.
Ministri finlandez i mbrojtjes, Antti Häkkänen, theksoi se, për shkak të qëndrimeve të Rusisë, është ende më e rëndësishme të forcohet pozita e Ukrainës në bisedimet për një paqe. Ai po ashtu theksoi rëndësinë e angazhimit të SHBA-ve në garantimin e sigurisë së Ukrainës, por nuk dha detaje të mëtejshme.
Ndërkohë, ministri suedez i mbrojtjes, Pål Jonson, bëri thirrje për një diskutim më të thellë mbi forcën e parandalimit në Ukrainë dhe për të sqaruar disa pyetje të rëndësishme përpara se të mund të bëhet një angazhim përfundimtar nga ana e Suedisë.
Kryeministri polak, Donald Tusk, kishte një bisedë telefonike me presidenten e Komisionit Evropian, Ursula von der Leyen, për të diskutuar mbi vendimin e BE-së për pezullimin e tarifave hakmarrëse ndaj SHBA-së. Tusk theksoi rëndësinë e mbrojtjes së interesave të Polonisë dhe aleancës transatlantike, duke theksuar se kjo ishte një qëllim i përbashkët për të ruajtur unitetin dhe qëndrueshmërinë ndërkombëtare.
Takimi i “Koalicionit të Vullnetit” vjen në një moment kritik për Ukrainën, ku bisedimet për paqe janë të domosdoshme për të arritur një zgjidhje të qëndrueshme të konfliktit.
Bota
Kaja Kallas: Ukraina kërkon paqe, por Rusia ende jo
Published
13 hours agoon
April 10, 2025By
UBTnews
Shefja e politikës së jashtme të Bashkimit Evropian, Kaja Kallas, ka deklaruar se Ukraina ka treguar vullnet të qartë për paqe, ndërsa Rusia, sipas saj, nuk ka bërë të njëjtën gjë.
Në komentet e saj, Kallas theksoi se kanë kaluar më shumë se katër javë që kur Ukraina pranoi një armëpushim të pakushtëzuar, por Moska nuk ka ofruar një përgjigje të ngjashme.
“Është e qartë se Ukraina dëshiron paqen, por Rusia, deri më tani, jo,” tha ajo, duke nënvizuar mungesën e angazhimit nga ana ruse për ndalimin e luftimeve.
Kallas gjithashtu foli për paqartësitë rreth rolit të forcës së sigurisë në terren, duke thënë se duhet të jetë më e qartë nëse detyra e saj është parandalimi i konflikteve, monitorimi i situatës apo ruajtja aktive e paqes.
“Kjo lidhet drejtpërdrejt me faktin nëse kemi apo jo paqe. Deri më tani, nuk kemi paqe,” u shpreh ajo.
E pyetur në lidhje me mungesën e përfshirjes së Sekretarit Amerikan të Mbrojtjes në bisedimet aktuale, Kallas shmangu një përgjigje të drejtpërdrejtë, por theksoi rëndësinë e rolit amerikan në stabilitetin e kontinentit.
“Është gjithashtu në interes të SHBA-së që të ketë stabilitet dhe paqe në Evropë. Ne duhet të përcaktojmë se çfarë mund të bëjmë të gjithë së bashku dhe të përpiqemi të mbajmë edhe Shtetet e Bashkuara në bord,” tha Kallas.
Bota
Kina kërkon aleanca, Pekini synon ngritjen e një fronti kundër Shteteve të Bashkuara
Published
13 hours agoon
April 10, 2025By
UBTnews
Ndërsa Shtetet e Bashkuara kanë rritur maksimalisht tarifat mbi importet kineze, Pekini po kërkon vende të tjera në përpjekje për të krijuar një front për të detyruar Uashingtonin të tërhiqet.
Por pas disa ditë përpjekje, suksesi ka qenë i pjesshëm, pasi shumë vende kanë zgjedhur të mos bëjnë aleancë me shenjëstrën kryesore të luftës tregtare të Donald Trump.
Deri më tani, Kina i ka refuzuar bisedimet me administratën amerikane, duke deklaruar se do ta luftojë deri në fund betejën e tarifave dhe duke detyruar presidentin amerikan t’i rrisë ato në 125 për qind.
Nga ana e tij, Pekini është hakmarrë me tarifa prej 84 për qind ndaj produkteve amerikane, të cilat hynë në fuqi të mërkurën.
Lëvizja e Trump në pamje të parë dukej një përpjekje për të ngushtuar atë që kishte qenë një luftë e paprecedent mes Amerikës dhe pjesës tjetër të botës në një përballje mes Shteteve të Bashkuara dhe Kinës.
“Një kauzë e drejtë merr mbështetjen e shumë njerëzve. Shtetet e Bashkuara nuk do ta fitojnë këtë mbështetje dhe do të dështojnë në nismën e tyre”, deklaroi të enjten zëdhënësi i Ministrisë së Jashtme kineze, Lin Jian.
Kina deri tani është fokusuar tek Evropa dhe kryeministri Li Qiang e ka diskutuar çështjen në një bisedë telefonike me presidenten e KE, Ursula von der Leyen.
“Kina është e gatshme të punojë me BE-në për të thelluar shkëmbimet tregtare, rritur investimet dhe bashkëpunimin industrial”, raportoi agjencia e lajmeve “Xinhua”.
Për këtë qëllim u zhvillua edhe një video-konferencë mes ministrit kinez të Tregtisë dhe komisionerit të BE-së për Tregtinë, Maroš Šefčović, për të diskutuar edhe tarifat reciproke të SHBA.

Shembja e çatisë së një klubi nate domenikane, numri i viktimave arrin në 200

“Koalicioni i Vullnetit” mblidhet në Bruksel për Ukrainën, zbardhen diskutimet

Kaja Kallas: Ukraina kërkon paqe, por Rusia ende jo

Kina kërkon aleanca, Pekini synon ngritjen e një fronti kundër Shteteve të Bashkuara

Merz në vizitë zyrtare në Uashington mes tensioneve tregtare SHBA-Evropë

Sudani akuzon Emiratet e Bashkuara Arabe për “bashkëfajësi në gjenocid”

Lëvizja Vetëvendosje pretendon se i ka numrat për formimin e qeverisë së re

Aksionet evropiane shënojnë rritje pasi Trump njofton pezullimin e tarifave

Rexhep Qosja shpallet fituesi i çmimit “Lumo Skëndo”
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë