Lajmet

Punëtorët e “Kosova Thëngjillit” insistojnë për takim me ministren Rizvanolli

Ata dy herë kanë hyrë brenda me ftesë për takim, por në asnjërin rast nuk janë pritur nga Rizvanolli.

Published

2 years ago

August 25, 2022

Betim Gashi

Për të pestën herë me radhë po protestojnë punëtorët e kompanisë “Kosova Thëngjilli”. Me dhjetëra punëtorë të kësaj kompanie po qëndrojnë për më shumë se katër orë para objektit të Ministrisë së Ekonomisë. Ata po kërkojnë rikthimin në punë pas ndërprerjes së punës nga Korporata Energjetike të Kosovës. Punëtorët dy herë kanë hyrë brenda me ftesë për takim, por në asnjërin rast nuk janë pritur në takim nga ministrja Artane Rizvanolli.

Kryetari i aksionarëve i kompanisë “Kosova Thëngjilli”, Imri Restelica i cili është pritur në takim nga këshilltari Vullnet Gacaferri, tha se nuk shpresojnë në zgjidhje të problemit të tyre.

“Kërkova për mundësinë e vazhdimit të punës me gjet një mundësi, megjithatë në bazë të bisedimeve, ai do t’ia përcjell ministres të gjitha këto probleme që i kemi ne. Mirëpo, absolut po shihet që ky problem është shumë i madh jo vetëm i ministrisë, por edhe më i madh. Përmes kompanisë të KEK-ut dhe Kosova Thëngjillit, sipas tyre ‘nuk mund të ndërhyjmë shumë, sepse duhet të konsultohemi me zyrën ligjore dhe të bisedojmë për më tutje’”, ka njoftuar ai para protestuesve.

Sipas tij, mbi 160 punëtorë padrejtësisht kanë mbetur pa punë. Megjithatë, Restelica tha se nuk ka marrë ndonjë përgjigje konkrete.

“Derisa të kemi një takim tjetër zyrtar nuk mund të them që kemi një pozitivitet dhe fjalë pozitive që mund të kryhet diçka… Nuk kanë dhënë afat dhe kohë të caktuar”, ka shtuar ai.

Protestuesit janë të shprehur të indinjuar me qasjen e zyrtarëve të ministrisë, për çka kanë kërkuar takim me vet ministren Artane Rizvanolli.

“Ne qe sa vite jemi me protesta pa kurrfarë zgjidhje, po të na i bën zgjidhjen e problemit. Ne nuk po kërkojmë as më shumë, e as më pak. Por, po kërkojmë kafshatën e gojës, se si ministri na i kanë ndërprerë. Kush është nga nga KEK-u. Qeveria mund të bëjë zgjidhjen e menjëhershme të 160 punëtorëve. Ne jemi të varur nga kjo ministri, nëse është ministri e shtetit”, ka deklaruar Behxhet Fejza.

Me dhjetëra punëtorë, të cilët që nga mëngjesi kanë qëndruar para objektit të Ministrisë së Ekonomisë, po shprehen të indinjuar. Ata thonë se do të qëndrojnë gjatë tërë ditës në rrugë, derisa të takohen me ministren Rizvanolli.

Dy punëtorë të kompanisë “Kosova Thëngjilli” u ftuan në takim sërish, por nuk u pritën në takim nga ministrja e Ekonomisë, Artane Rizvanolli.

Inxhinieri i prodhimit, Petrit Muleta ka bërë thirrje që ministrja t’i pret në takim, në të kundërtën do të hyjnë me dhunë.

“Nuk janë të interesuar të na bëjnë zgjidhje, kështu që ne do të insistojmë sërish. Prej këtu nuk do të largohemi pa dal ministrja. ‘Nuk është kjo kompetencë e ministrisë’, shumë mirë i dimë kompetencat e kësaj ministrie.. Imriu është mirë t’iu përcjell organeve të rendit që ne do të insistojmë me hy brenda direkt te ministrja. Jo, jo do të tentojmë të hyjmë me dhunë brenda”, u shpreh ai.

Pjesëtarë të policisë së Kosovës që nga fillimi i protestës kanë qëndruar para hyrjes së objektit të ministrisë.

Inxhinieri Ramadan Berisha tha se tash e dy muaj janë pa punë dhe se janë në gjendje jo të mirë sociale.

“160 punëtorë në këtë kohë me mbet ma punë, ka 40 vjet që kanë punuar, është njëjtë si me privuar prej jete. Në këtë gjendje ekonomike, gjendja sociale është sikur me privuar nga jeta. Për shembull, ne po bëhemi barrë e shoqërisë, po kalojmë prej një gjendje që kemi mundur të kontribuojmë për shtetin ne po kalojmë në një gjendje sociale që duhet të varemi prej shtetit”, është shprehur ai.

Protesta e punëtorëve të kompanisë “Kosova Thëngjilli” po mbahet për herë të pestë me kërkesën për rikthimin në punë. E njëjta është paraparë të mbahet deri në orën 16:00.

Bota

Ish-udhëheqësi i Hezbollah do të varroset të dielën

Published

22 hours ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

23 hours ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

23 hours ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

24 hours ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.