Lajmet

​Pulmologjia shndërrohet në klinikë COVID, vetëm dy shtretër të lirë, 80% e pacientëve janë të pavaksinuar

Published

5 years ago

on

Klinika e Pulmologjisë është shndërruar në klinikë COVID e në të cilën kanë mbetur të lirë vetëm edhe dy shtretër. Kjo pas përkeqësimit të situatës me COVID-19 në vendin tonë. 87 shtretërit e tjerë në këtë klinikë janë me pacientë që vuajnë nga koronavirusi, prej të cilëve mbi 90% janë me oksigjenoterapi. Në këtë klinikë po trajtohen pacientë të cilët janë vaksinuar e të njëjtit kanë gjendjen më stabile krahasuar me pacientët të cilët janë të pavaksinuar.

Kështu bëri të ditur për KosovaPress, ushtruesi i detyrës së drejtorit të Klinikës së Pulmologjisë, Musa Hoxha i cili thotë se aktualisht në këtë klinik katër pacientë janë në gjendje më të rëndë.

“Gjendja në Klinikën e Pulmologjisë, aktualisht sot i kemi 87 të shtruar dhe dy vende të lira dhe komplet klinika është COVID pozitiv me raste të infektuara. Janë të infektuara me variantin Delta që mbi 90% e ka përfshirë botën. Gjendja e pacientëve tanë në Klinikën e Pulmologjisë në përgjithësi është stabile përveç katër rasteve që janë pak më të rënda dhe kërkojnë përkrahje më të madhe me oksigjenoterapi, kurse pjesa tjetër është stabile edhe pse edhe pjesa tjetër mbi 90% janë me oksigjenoterapi dhe terapi tjetër mbështetëse”, theksoi Hoxha.

Pulmologu Hoxha thotë se mbi 80% e pacientëve të shtrirë janë të pavaksinuar kundër COVID-19, ndërsa nëntë prej tyre kanë marrë vetëm me dozën e parë, kurse 6 të tjerë janë të imunizuar plotësisht me të dy dozat.

Sipas tij, gjendja shëndetësore e pacientëve të vaksinuar është shumë më stabile sesa e atyre që nuk janë të vaksinuar.

“Nga të shtruarit që i kemi ne i kemi për momentin 9 të vaksinuar me një dozë dhe gjashtë i kemi të vaksinuar me dy dozat, nga ata 15, nga numri i përgjithshëm 87 që janë, ata janë në gjendje më stabile dhe gjendja e tyre është më e lehtë, edhe klinike, por edhe sa i përket ndërrimeve radiologjike në rentgen që shihen janë më të pakta. Pjesa më e madhe do thotë mbi 80% janë të pa vaksinuar”, theksoi ai.

Ushtruesi i detyrës së drejtorit të Klinikës së Pulmologjisë, Musa Hoxha ka bërë të ditur se shumë shpejt pacientët që kanë nevojë për remdesivir nuk do të kenë nevojë ta blejnë atë pasi do të furnizohen me këtë ilaç nga barnatorja qendrore e QKUK-së.

Hoxha thotë se deri tani nuk kanë pasur telashe për furnizimin me oksigjen, dhe si klinik kanë shtruar edhe pesë shtretër të tjerë vetëm për t’u dalë në ndihmë pacientëve të infektuar.

Ndonëse varianti Delta i COVID-19 po konsiderohet më agresiv, pulmologu, Musa Hoxha deklaron se terapia për trajtimin e pacientëve të infektuar me këtë variant është e njëjtë sikur tek pacientët që kanë qenë të prekur me llojet e tjera të mëhershme të koronavirusit.

“Në Pulmologji ne i kemi shtruar katër-pesë shtretër sa kemi pasur mundësi dhe pjesa e Pulmologjisë është komplet e pajisur me oksigjen qendror, oksigjen të lëngët, kurse pjesa e Dermatologjisë aty i kemi pacientët që oksigjenin e marrin me gaz përmes bombolave. Jo nuk ka pasur për asnjë moment telashe sa i përket furnizimit me oksigjen, por edhe në përgjithësi edhe me barnat e tjera të cilat kërkohen për këta pacientë shumica kanë qenë vazhdimisht në barnatoren qendrore. Edhe remdesiviri po ashtu është aprovuar. Remdesivirin deri tani pacientët kanë blerë privat ndërsa tani është aprovuar dhe mund të merret nga barnatorja qendrore. Në mbledhjen e djeshme e kuptova që edhe remdesiviri është aprovuar dhe tash po presim t’i marrim dozat e para”, tha ai.

Pulmologu Hoxha thotë se më herët kanë pasur të shtrirë edhe pacientë që kanë ardhur nga mërgata, por që aktualisht nuk kanë raste të tilla.

“Për momentin nuk jam i informuar se kemi ndonjë rast që jeton në shtetet perëndimore, por kemi pasur nga këto raste. Zakonisht kanë qenë të vaksinuar”, theksoi ai.

Menaxhmenti i Shërbimi Spitalor Klinik Universitar të Kosovë sot ka njoftuar se kanë krijuar hapësira edhe me 80 shtretër shtesë të cilët janë vendosur në dy katet e pjesës së përfunduar së fundmi në objektin e Mjekësisë Sportive.

Gjatë 24 orëve të fundit, janë shënuar 26 raste të vdekjes, kurse pozitiv me koronavirus kanë rezultuar 1 mijë e 383 qytetarë të Kosovës.

Related Topics:
Continue Reading

Lajmet

UBT hap konkursin për pranimin e studentëve të rinj për vitin akademik 2026/27

Published

17 hours ago

on

June 12, 2026

By

UBT ka hapur zyrtarisht konkursin për pranimin dhe regjistrimin e studentëve të rinj për vitin akademik 2026/27, duke ofruar mundësi studimi në mbi 50 programe akademike në nivelet Bachelor dhe Master dhe mbi 150 fusha të specializimit.

Si institucioni më i vlerësuar në botë, UBT vazhdon të ofrojë programe bashkëkohore studimi të harmonizuara me kërkesat e tregut vendor dhe ndërkombëtar të punës, duke integruar teknologjitë më të avancuara dhe Inteligjencën Artificiale në procesin mësimor.

Të drejtën e aplikimit në studimet Bachelor e kanë të gjithë kandidatët që kanë përfunduar arsimin e mesëm të lartë, ndërsa për studimet Master kërkohet përfundimi i nivelit Bachelor.

Programet e studimit në UBT, në nivelin Bachelor i gjeni në këtë link:

PROGRAMET BACHELOR

Për regjistrimin në studimet Master kërkohet që kandidati të ketë përfunduar studimet Bachelor.

Programet e studimit në UBT, në nivelin Master i gjeni në këtë link:

PROGRAMET MASTER

Qendrat e regjistrimit të UBT-së në Kosovë:

  • Prishtinë;
  • Lipjan;
  • Prizren;
  • Pejë;
  • Ferizaj;
  • Gjilan.

Mobilitetet/bursat ndërkombëtare:

  • Erasmus+;
  • CEEPUS;
  • PoSIG, etj.

Gjuha e studimeve:

  • Gjuhë shqipe;
  • Gjuhë angleze;
  • Mundësia e studimit në gjuhë të tjera.

Për sukses të garantuar, UBT ofron për studentët:

  • Orientim dhe praktika profesionale, kurse, vizita studimore dhe certifikime;
  • Sistem online dhe qasje në kompjuterë;
  • Licenca falas për softuerë;
  • Praktikë në kompani vendore dhe ndërkombëtare;
  • Librari me mbi 200 mijë tituj dhe qasje në libraritë elektronike botërore;
  • Praktikë dhe eksperimente në laboratorë bashkëkohorë;
  • Trajnime: CISCO, Microsoft, AutoCad, IPMA, etj;
  • Certifikime për kontabilistë në bashkëpunim me SCAAK.
  • Integrim të Inteligjencës Artificiale – VR/AR.

Studentët të cilët aplikojnë në studime themelore, i bashkëngjisin aplikacionit:

  • Certifikatën e maturës shtetërore – origjinale ose kopje të noterizuar (Për shtetasit jashtë Kosovës nuk nevojitet);
  • Diplomën e shkollës së mesme – origjinale ose kopje të noterizuar;
  • Dëftesat e shkollës së mesme – origjinale ose kopje të noterizuar;
  • Ekstrakti i lindjes.

Për më shumë informacione rreth programeve të studimit dhe mundësive që ofron UBT, ju lutemi që të ndiqni linkun: ubt-uni.net, na ndiqni edhe në rrjetet tona sociale: Facebook, Instagram, Twitter, LinkedIndhe TikTok.

APLIKO TANI ONLINE dhe studio në institucionin nr. 1 në botë.

Continue Reading

Lajmet

Nisin vlerësimet për masat e reja të Pakos 2.0, pagesat për sektorin privat javën e ardhshme

Published

18 hours ago

on

June 12, 2026

By

Ministri në detyrë i Financave, Hekuran Murati, ka bërë të ditur se komisionet vlerësuese kanë nisur shqyrtimin e aplikimeve për dy masat e mbetura të Pakos për Përballje me Inflacion 2.0, përkatësisht mbështetjen për punëtorët e sektorit privat dhe studentët.

Sipas Muratit, puna e komisionit për masën e sektorit privat është drejt përfundimit dhe pagesat pritet të ekzekutohen në fillim të javës së ardhshme, të hënën.

Ndërkaq, komisioni përgjegjës për masën e studentëve do ta përmbyllë procesin pas pranimit të konfirmimeve nga institucionet e arsimit të lartë për aplikuesit. Ai tha se qytetarët do të njoftohen me kohë sapo listat e përfituesve të jenë gati për ekzekutim.

“Qeveria për të gjithë!”, ka shkruar Murati në njoftimin e tij./A.K/

Continue Reading

Lajmet

Vizitë zyrtare e presidentit të Shqipërisë në Kosovë, priten masa të përkohshme në trafik

Published

19 hours ago

on

June 12, 2026

By

Presidenti i Republikës së Shqipërisë, Bajram Begaj, do të qëndrojë për një vizitë zyrtare në Kosovë më 12 qershor 2026, në orët e mbrëmjes.

Policia e Kosovës ka bërë të ditur se gjatë kësaj vizite do të angazhohet për ruajtjen e rendit dhe qetësisë publike, si dhe për rregullimin e trafikut gjatë lëvizjes së eskortës dhe aktiviteteve të delegacionit.

Për shkak të itinerarit të lëvizjes së eskortës nga pika kufitare në Vërmicë dhe aktiviteteve zyrtare gjatë ditës, pritet të ketë ndërprerje të përkohshme të qarkullimit në disa segmente rrugore, si dhe riorientim të trafikut në rrugë alternative në intervale të shkurtra kohore.

Policia e Kosovës ka kërkuar mirëkuptim nga qytetarët dhe pjesëmarrësit në trafik gjatë zhvillimit të vizitës./A.K/

Continue Reading

Lajmet

Nis edicioni i 8-të i “Mitrovica Guitar Days”

Published

19 hours ago

on

June 12, 2026

By

Ka nisur edicioni i tetë i festivalit “Mitrovica Guitar Days”, i cili po sjell në Mitrovicë artistë dhe kitaristë të njohur ndërkombëtarë, koncerte dhe aktivitete të ndryshme artistike që po e pasurojnë jetën kulturore të qytetit.

Festivali është hapur me një performancë nga artistja me renome botërore Carlotta Dalia, e cila ka sjellë një mbrëmje të veçantë me interpretime mbresëlënëse për publikun.

“Mitrovica Guitar Days” vazhdon të afirmohet si një prej festivaleve më të rëndësishme të kitarës në vend, duke krijuar hapësirë për shkëmbim artistik, zhvillim profesional dhe promovim të muzikës.

Ngjarja mbështetet nga Ministria e Kulturës përmes një financimi trevjeçar, me synim zhvillimin dhe qëndrueshmërinë afatgjatë të festivalit. Në koncertin hapës ka marrë pjesë edhe zëvendësministrja Nora Arapi-Krasniqi./A.K/

Continue Reading

Të kërkuara