Lajmet

​Publikohet raporti i “Çohu” për monitorimin e mediave online, KMShK miraton 88 ankesa

Cak i monitorimit kanë qenë 24 media, prej të cilave dy rajonale, njëra në gjuhën serbe.

Published

on

Organizata “Çohu” publikoi raportin e monitorimit të mediave online për periudhën janar 2020-dhjetor 2021, ku monitoruesit e mediave online kane evidentuar 145 shkelje eventuale të Kodit të Mediave të Shkruara e që të njëjta janë dërguar në KMShK për trajtim, ku kjo e fundit ka miratuar 88 prej tyre, 52 i ka hedhur poshtë ndërsa për pesë të tjera “Çohu” nuk kishte marrë përgjigje deri në përpilimin e raportit.

Cak i monitorimit kanë qenë 24 media, prej të cilave dy rajonale, njëra në gjuhën serbe. Përzgjedhja e tyre ishte bërë duke u nisur nga fakti se janë anëtare të Këshillit të Mediave të Shkruara të Kosovës (KMShK) dhe pasi klikohen më shumë.

Ankesat e dërguara janë ndarë sipas kapitujve, ku për privatësinë ka pasur më së shumti ankesa, pastaj për vërtetësinë, për mbrojtjen e fëmijëve dhe të miturve, të drejtat e autorit si dhe reklamat dhe sponsorizimet.

Drejtori i kësaj organizate, Arton Demhasaj, duke folur për qëllimin e projektit, deklaroi se i njëjti ka pasur ndikim tek mediat që janë treguar më të kujdesshme kur kanë kuptuar se janë duke u monitoruar.

“Qëllimi i këtij projekti ka qenë një lloj edukimi i mediave, pra që ta respektojnë Kodin e Mediave të Shkruara që vetë e kanë hartuar atë kod. Ky projekt ka katër vite që është duke vazhduar, këto dy vitet e fundit ka qenë projekt që është mbështet nga Bashkimi Evropian, ku ne me 12 monitorues që i kemi pas, kemi vazhduar dhe i kemi monitoruar të gjithë mediat që janë pjesë, anëtarë e Këshillit të Mediave të Shkruara të Kosovës (KMShK), kemi dërguar ankesa dhe kemi pasur njësi se a po shkon respektimi i Kodit të Mediave të Shkruara. Mund të themi se në përgjithësi ka pasur sukses ky projekt për arsye sepse në fillim të monitorimit të mediave kemi parë që ka pasur shumë shkelje dhe me kohën kur e kanë kuptuar që po monitorohen kanë filluar të jenë më të kujdesshëm dhe muajve të fundit kemi parë që ka pasur më pak shkelje ose edhe shkeljet kanë qenë shumë më të lehta dhe ndoshta të paqëllimshme. Por mund të them që ky projekt ka pasur një ndikim të madh që gazetarët apo mediat të jenë më të kujdesshëm në shkrimet që ata i bëjnë”, thotë ai.

Vlora Krasniqi nga organizata “Çohu” tregoi se cilët janë kapitujt ku janë vërejtur shkelje më të mëdha.

“Gjatë këtij monitorimi dyvjeçar që është bërë nga organizata jonë ka pasur shkelje të shumta, prej tyre kemi dërguar shkresa, një numër të konsiderueshëm ku arrijnë mbi 145 ankesa për dy vite, prej këtyre 145 ankesave kemi pranuar 140 vendime nga KMSHK-ja, prej tyre 88 kanë qenë ankesa pozitive të miratuara, 52 kanë qenë jo të miratuara dhe për 5 ankesa nuk kemi pranuar akoma vendime deri në momentin kur kemi qenë duke e përpiluar raportin final të projektit. […] Kapitulli i dytë (Raportimi i së vërtetës) me 30 ankesa ku 13 prej tyre janë të miratuara, kapitulli i gjashtë është mbrojtja e fëmijëve dhe të miturve ku prej 11 ankesave janë të miratuara 7, kapitulli i shtatë është privatësia ku ka 36 ankesa ku prej tyre 26 janë të miratuara, kapitulli i 11 të drejtat e autorit 8 prej tyre janë të miratuara, dhe kapitulli i 12 përbën reklama dhe sponsrizim janë 31 kërkesa të dërguara dhe 25 të miratuara”, tha ajo.

Rekomandimet e këtij projekti janë që të rriten kapacitetet e KMShK-së për monitorimin e mediave të shkruara online sipas detyre. Pastaj që KMShK duhet të bëjë fushata vetëdijësuese në mënyrë që qytetarët të dinë se aty mund t’i dërgojnë ankesat e tyre lidhur me raportimet e shkruara mediale.

Po ashtu, rekomandohet që vendimet e KMShK-së të publikohen tek të gjitha mediat anëtare të saj, si dhe KMShK të mbajë më shumë trajnime me redaktorë dhe gazetarë lidhur me respektimin e Kodit të Mediave të Shkruara.

Drejtori i KMShK-së, Imer Mushkolaj, tha se kanë pasur fushata vetëdijësuese ndërsa ka qenë i befasuar për të keq edhe me zyrtarët shtetërorë të cilët nuk e kanë ditur se çfarë procedurash duhet të ndjekin ndaj një shkrimi.

“Sa i përket fushatave vetëdijesuese ne jemi përpjekur në kuadër të projekteve të ndryshme, shembull, në dy muajt e kaluar kemi pas një fushatë vetdijësuese, ku fokusi kanë qenë zyrtarët e Kuvendit dhe të Qeverisë, unë jam i zhgënjyer me njohuritë e pakta që i kanë për mënyrën se si duhet të veprojnë kur një media raporton diçka për ta e kur ata nuk janë të kënaqur, zgjedhin Facebook-un e tyre për të sulmuar, të linçojnë, të fyejnë edhe unë prej niveleve të larta të tregojnë procedurën çfarë bëjnë, nuk e kanë ditur. Dhe për këtë shkak kemi zgjedh në 25 grafika t’ua sqarojmë procedurën dhe mënyrën si duhet të ankohen dhe si merret vendimi, sidomos në raste të privatësisë” , tha ai.

Nga organizata “Çohu” thanë se duke qenë që një numër i lartë i ankesave të tyre janë miratuar, është e domosdoshme që të ketë një vetëdijësim më të madh të mediave për të respektuar etikën e gazetarisë gjatë raportimit.

Lajmet

Protestë e re kundër shtrenjtimit të rrymës në Prishtinë

Published

on

By

Grupi “Asnjë cent më shumë” ka njoftuar se do të organizojë një protestë të re më 19 prill, kundër rritjes së çmimit të energjisë elektrike. Protesta do të mbahet në sheshin “Skënderbeu” në orën 12:00, dhe organizatorët kanë ftuar qytetarët të marrin pjesë në masë.

Besnik Shabiu, organizatori i protestës, ka deklaruar se protesta është një reagim ndaj vendimit të ZRRE-së për rritjen e çmimit të energjisë elektrike, duke theksuar se, nëse autoritetet nuk reagojnë, grupi nuk përjashton mundësinë e përshkallëzimit të aksioneve. Ai paralajmëroi se mund të ndodhin bllokime të rrugëve dhe institucioneve, për të siguruar që zëri i qytetarëve të dëgjohet.

Shabiu ka shtuar se protesta e nesërme vjen në një moment të rëndësishëm, pasi të njëjtën orë mbahet edhe vazhdimi i seancës konstituive të Kuvendit të Kosovës. Ai bëri thirrje për deputetët e zgjedhur që, sapo Kuvendi të konstituohet, të thirret komisioni për energji dhe ZRRE-ja për të raportuar mbi çështjen e rritjes së çmimit të energjisë.

“Zëri i qytetarëve duhet të dëgjohet pa ndërprerë. Ne do të vazhdojmë të jemi të zëshëm, dhe nëse pas kësaj proteste nuk ka reagim, do të jemi të detyruar të përshkallëzojmë aksionet”, tha Shabiu.

Ai gjithashtu njoftoi se po shqyrtohen mundësitë e pezullimit të pagesave për energjinë elektrike për qytetarët si një masë për të mbrojtur interesat e tyre. “Ky është një kërkesë legjitime e qytetarëve. Kur institucionet nuk punojnë për qytetarët, pse duhet të funksionojnë?”, shtoi ai.

Në anën tjetër, Ardian Bajraktari, një nga përfaqësuesit e grupit, ka bërë të ditur se ekipi i tij po punon për hartimin e padisë për anulimin e vendimit të aktit administrativ nga ZRRE. Sipas tij, ky vendim është marrë në shpërputhje me autorizimet e këtij institucioni dhe ka dëme të mëdha për qytetarët. Ai ka njoftuar se janë duke përgatitur gjithashtu një propozim për një masë të përkohshme, për të shtyrë ekzekutimin e vendimit derisa të shqyrtohet nga gjykatat.

Ky zhvillim vjen pas njoftimit të ZRRE-së për një rritje të çmimit të energjisë elektrike për 16%, që do të hyjë në fuqi nga muaji maj. Ky vendim ka shkaktuar reagime të shumta nga qytetarët, bizneset dhe subjektet politike, që po kundërshtojnë një rritje të tillë. Protesta të ngjashme janë mbajtur tashmë dhe grupet e aktivistëve po kërkojnë anulimin e këtij vendimi.

Për më shumë, grupi “Asnjë cent më shumë” ka paralajmëruar se do të vazhdojnë aksionet deri në arritjen e kërkesave të tyre dhe kanë ftuar qytetarët të bashkohen në protestën e nesërme për të shprehur pakënaqësinë e tyre ndaj shtrenjtimit të rrymës.

Continue Reading

Lajmet

Osmani dekoron me medalje tre të mbijetuar të dhunës seksuale gjatë luftës

Published

on

By

Presidentja e Republikës së Kosovës, Vjosa Osmani, ka dekoruar me medaljen “Nderi i Republikës së Kosovës” tre të mbijetuar të dhunës seksuale gjatë luftës së fundit në Kosovë. Në një ceremoni të organizuar në Presidencë, medalja iu dorëzua Vasfije Krasniqi-Goodman, Shyrete Tahiri-Sylejmani dhe Ramadan Nishori, të cilët kanë folur publikisht për përvojat e tyre të dhunës nga forcat serbe gjatë luftës.

Në fjalimin e saj, Presidentja Osmani ka vlerësuar guximin e të mbijetuarve për të ndarë me publikun përvojat e tyre dhe ka theksuar rëndësinë e dëshmive të tyre për drejtësinë dhe të vërtetën historike të Kosovës. Ajo ka shtuar se këta individë janë dëshmi e gjallë e luftës për drejtësi dhe kanë kontribuar në ndriçimin e rrugës së drejtë të historisë së vendit.

“Ka momente ku fjalët nuk mjaftojnë për të shprehur mirënjohjen, siç ka edhe njerëz që me guximin e tyre të lënë pa fjalë. Sot jemi këtu për t’iu përulur me respektin më të thellë përballë tre individëve që janë më shumë se thjesht individë, sepse me dhimbjen e tyre kanë ndriçuar rrugën e drejtë së vërtetës, drejtësisë dhe shpresës. Ju jeni zëri që keni zgjedhur dinjitetin, jeni zëri i të mbijetuarve që kanë zgjedhur heshtjen. Ky është një premtim i gjallë se historia nuk do t’i harrojë,” tha Osmani.

Pas dekoratës, Ramadan Nishori shprehu mirënjohjen për përkrahjen nga populli, duke theksuar se ndihej mirë që kishte marrë mbështetje në këtë rrugëtim të vështirë. “E përshëndes gjithë popullin tonë që më ka përkrahur këto ditë,” tha ai shkurt.

Vasfije Krasniqi, një tjetër e dekoruar, bëri thirrje që viktimat e dhunës seksuale të flasin hapur dhe të kërkojnë drejtësi. “Dua të falënderoj për qasjen, angazhimin. Të dashura viktima, ju lutem, ku do që jeni, ka ardhur koha të kërkojmë drejtësi. Lirojeni shpirtin që të mos ia falim Serbisë krimin që ka kryer,” tha Krasniqi.

Shyrete Tahiri-Sylejmani, gjithashtu e dekoruar, theksoi rëndësinë e drejtësisë për arritjen e paqes. “Kur të kemi drejtësi, kemi paqe. Faleminderit për kurajën që na jepni,” përfundoi ajo.

Continue Reading

Lajmet

Prokuroria kërkon vazhdimin e paraburgimit për Selimin dhe Krasniqin

Published

on

By

Prokuroria në Hagë ka kërkuar vazhdimin e paraburgimit për Rexhep Selimin dhe Jakup Krasniqin edhe për dy muaj të tjerë.

Në kërkesën për Krasniqin e ngjashëm edhe për Selimin, Prokuroria thotë se përfundimi i paraqitjes së provave nga ana e tyre rrit rrezikun e pengimit të drejtësisë dhe kryerjes së krimeve të tjera.

Veç kësaj, ZPS ka thënë se kjo justifikon edhe rishqyrtimin e rrezikut të arratisjes në vendimet për vazhdimin e paraburgimit. E njëjta gjë është theksuat edhe tek vendimi për Rexhep Selimin.

Sipas tyre vazhdon të ekzistojnë dyshime të bazuara se Jakup Krasniqi ka kryer një ose më shumë prej krimeve që bien në jurisdiksiomin e DHSK-së. Madje, Prokuroria thotë se ky dyshim është përforcuar edhe nga provat e ZPS-së që tashme janë përfshirë në dosjen e gjykimit.

Ata thonë se, fakti që Krasniqi dhe Selimi tani kanë njohuri të veçantë mbi rastin dhe provat kundër tij e rrit rrezikun që ai mund të kryejë krime të tjera, përfshirë kundër dëshmitarëve që kanë dhënë ose mund të japin dëshmi në çështje dhe/ose që mund të paraqiten para këtij Paneli në faza të ardhshme të procedurave.

“Për më tepër, Selimi tashmë është në dijeni të identitetit të të gjithë dëshmitarëve të ZPS-së dhe të provave të tyre. Përfundimi i çështjes së ZPS-së nuk e zvogëlon rrezikun e pengimit, por e rrit atë, pasi i akuzuari tashmë ka njohuri të plotë për përmbajtjen e çështjes ndaj tij. Siç është theksuar nga Trupi Gjykues, ekziston rreziku që ndërhyrjet me qëllim për të siguruar tërheqje të dëshmive dhe/ose për të dekurajuar dëshmitarët e ardhshëm nga dhënia e dëshmive mund të pengojnë përparimin e procedurës. Më tej, ekziston mundësia që dëshmitarët të thirren sërish, duke i bërë ata të cenueshëm ndaj përpjekjeve për ndërhyrje”, thuhet në kërkesën e Prokurorisë për Selimin.

Përveç rrezikut të arratisjes dhe pengimit të procedurave, Prokuroria ka thënë se masat e vendosura ne objektet e paraburgimit kanë ofruar garanci kundër vizitave dhe komunikimeve të pa-monitoruara si masa për të minimizuar rreziqet përkatëse.

Ata thonë se paraburgimi mbetet proporcional dhe i arsyeshëm veçanërisht që procedurat tashmë kanë përparuar.

Ndryshe, Prokuroria më 15 prill 2025 ka njoftuar se ka përfunduar paraqitjen e provave në këtë rast.

Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020. /Betimi për Drejtësi/

Continue Reading

Lajmet

Rama: Vendimi për ndërprerjen e projektit në shesh nuk është i mbështetur ligjërisht

Published

on

By

Kryetari i Prishtinës, Përparim Rama, ka deklaruar se vendimi për ndalimin e punimeve në sheshin “Xhorxh Bush” është i paligjshëm dhe i pambështetur në argumente juridike. Ai tha se institucionet që morën këtë vendim po ndikohen nga qëllime politike, edhe pse duhet të veprojnë në mënyrë të pavarur.

“Për herë të dytë janë ndërprerë punimet në një projekt të planifikuar për transformimin e hapësirës publike. Arsyetimet për këtë ndërhyrje nuk qëndrojnë në bazë ligjore dhe nuk janë ngritur nga palët përkatëse,” tha Rama në një konferencë për media.

Ai theksoi se projekti ka për qëllim përmirësimin e hapësirës publike dhe integrimin e trashëgimisë kulturore në zhvillimin urban të qytetit.

“Ka munguar përgjigjja nga Ministri për një debat publik për këtë çështje, edhe pse kemi qenë të hapur për diskutim,” shtoi ai.

Rama njoftoi se Komuna e Prishtinës do të ndjekë rrugë ligjore ndaj veprimeve që, sipas tij, bien ndesh me ligjin.

“Kryeqyteti do të vazhdojë procedurat ligjore ndaj të gjithë atyre që shkelin ligjin,” përfundoi ai.

Continue Reading

Të kërkuara