Lajmet

​PSD i dorëzon Kurtit peticionin që kundërshtonte marrëveshjet me Serbinë

Aktiviteti i PSD-së përfundoi i qetë dhe pa incidente.

Published

on

Partia Socialdemokrate në një aktivitet simbolik i ka dorëzuar para hyrjes së qeverisë mbi 205 mijë nënshkrime nga qytetarët e Kosovës kur Lëvizja Vetëvendosje kishte organizuar një peticion kundër marrëveshjeve me Serbinë, ku ishte edhe marrëveshja për energjinë.

Dardan Molliqaj ka thënë se kryeministri i vendit, Albin Kurti në atë kohë e kishte nënshkruar këtë peticion së bashku me 205 mijë qytetarë të vendit, përfshirë këtu marrëveshjen e nënshkruar për energjinë në veri, e cila u formalizua ditë më parë nga qeveria aktuale.

Molliqaj ka thënë se Albin Kurti nuk ka mandat të nënshkruan marrëveshje politike etnike, pa marrë edhe mbështetjen e qytetarëve. Molliqaj i pyetur nga KosovaPress për mosliberalizimin e vizave dhe vizitën e Lajçak në Kosovë, ka thënë se ky i fundit nuk do ta dërgoi vendin në një marrëveshje përfundimtare midis Kosovës dhe Serbisë.

“Sipas nesh kjo marrëveshje është në logjikën e vjetër e ndarjes etnike në Kosovë, ne sot këtu edhe qysh po i shihni i kemi sjellë mbi 205 mijë nënshkrimet të qytetarëve të Republikës së Kosovës, të cilët e kishin kundërshtuar në mes të tjerash edhe këtë marrëveshje, ne qytetarët e nënshkruar në këtë peticion i kundërshtojmë marrëveshjet e datës 25 gusht 2015 të nënshkruara me Serbinë, që lidhën me krijimin e asociacionin , bashkësisë së komunave me shumicë serbe në Kosovë, barrikada në murin Ibër, kodit telefonik shtetëror, marrëveshja për energjinë, si dhe marrëveshja për demarkacionin me Malin e Zi. Pra kemi të bëjmë me marrëveshjen për energjinë, tutje në këto marrëveshje thuhet se Kosovën e ndanë në vija etnike duke krijuar entitet të ri politik serb brenda Kosovës që rrezikon copëtimin e territorit, mosfunksionimit të shtetit, pengimit të zhvillimit ekonomik dhe qon drejtë një bashkë qeverisje midis Kosovës dhe Serbisë”, ka deklaruar Molliqaj.

Molliqaj ka shtuar se Kurti nuk ka mandat për të nënshkruar marrëveshje të cilat janë të dëmshme për Kosovën.

“Besoj që kurrë më shumë se sot Albin Kurti duhet të ketë parasysh që s’ka mandat për këto marrëveshje, që s’ka mandat me bo marrëveshje etnike në Kosovë dhe po ashtu i ka mbi 205 mijë qytetarë të republikës së Kosovës në mesin e tyre edhe veten e tij që e kanë kundërshtuar ky është vullnet politik më shumë së ai në zgjedhje në zgjedhje ka garuar për çështje të tjera, e po servon për çështje të tjera”, deklaroi Molliqaj.

Miroslav Lajçak sipas Molliqajt nuk është i duhur për të quar Kosovën në një marrëveshje me Serbinë.

“Nëse qeveria tentoi t’i marrë meritat për mosliberalizim duhet t’i merr edhe përgjegjësit. Unë besoj që përgjegjësia e mosliberalizimit të vizave është e Bashkimit Evropian dhe nuk është meritë e kësaj qeverie e as nuk është përgjegjësi e kësaj qeverie direkt, krejt çka ka bërë qeveria Kurti i ka ndërruar vetëm emrat në vend se me qenë Isa Mustafa në takim është Albin Kurti, në vend se me qenë Edita Tahiri është Besnik Bislimi por marrëveshjet e këqija po mbesin të njëjta… Procesi në dialogun e Brukselit e udhëhequr nga Lajçak nuk ka sinjale që dërgon në një marrëveshje përfundimtare drejt të zbatueshme që i rrit gjasat për fqinjësi të mirë mes Kosovës dhe Serbisë, që ne e quajm paqe e përhershme mes popujve kjo është ngurtësim i konfliktit edhe vazhdimësi e tij”, tha Molliqaj.

Aktiviteti i PSD-së përfundoi i qetë dhe pa incidente.

Lajmet

PE: Kosova të bëjë reforma për t’iu afruar BE-së, të hapë kapitull të ri bisedimesh me Serbinë

Published

on

By

Deputetët e Parlamentit Evropian kanë miratuar një raport për Kosovën që inkurajon shtetin të bëjë reforma për të lëvizur drejt anëtarësimit në Bashkimin Evropian, por po ashtu kërkon që Prishtina dhe Beogradi të hapin një kapitull të ri në bisedimet për normalizim.

Është e qartë që procesi integrues i Kosovës ka nevojë për një momentum të ri – na duhet një kapitull i ri i bisedimeve mes Prishtinës dhe Beogradit. Është jashtëzakonisht pozitive që të gjitha partitë e mëdha politike në Kosovë mbështesin fuqishëm integrimin në BE. E ardhmja e Kosovës është në familjen evropiane dhe ne do të punojmë së bashku në agjendën e reformave sepse çdo anëtarësim në të ardhmen duhet të bazohet në meritë”, tha raportuesi për Kosovën në PE, Riho Terras.

Sipas eurodeputetëve, dialogu për normalizimin e raporteve mes Kosovës dhe Serbisë, “fatkeqësisht nuk ka prodhuar rezultatet e pritura”, teksa ata u kërkuan të dyja palëve që të zbatojnë marrëveshjet e Brukselit dhe Ohrit, përfshirë themelimin e Asociacionit të komunave me shumicë serbe dhe që Serbia të mos kundërshtojë anëtarësimin e Kosovës në organizata rajonale dhe ndërkombëtare.

Për shkak të krizave në veriun e Kosovës, që rritën tensionet mes dy vendeve, që nga shtatori i vitit 2023 në Bruksel nuk është zhvilluar asnjë rund i dialogut politik, por ka pasur vetëm bisedime në nivel të kryenegociatorëve.

BE-ja ka përsëritur vazhdimisht se normalizimi i raporteve mes Kosovës dhe Serbisë është parakusht për rrugën e të dyja vendeve drejt integrimit evropian.

Së voni, shefja për politikë të jashtme dhe siguri e BE-së, Kaja Kallas, ka thënë se Brukseli është duke analizuar gabimet në procesin e dialogut, që ka nisur më 2011.

Ndërkaq, në raportin për Kosovë, PE-ja tha se shteti ka bërë përparim të dukshëm në reformën zgjedhore, qëndrueshmërinë ekonomike dhe mbrojtjen e të drejtave themelore.

Megjithatë, sfidat mbeten sa i përket reformave në gjyqësor, liri të medias, efikasitetit të administratës publike dhe digjitalizimit të shërbimeve publike. Eurodeputetët theksuan se përkushtimi i vazhdueshëm i reformave gjithëpërfshirëse dhe qeverisjes përfshirëse është thelbësore për përparimin e Kosovës në rrugën drejt integrimit evropian.

Eurodeputetët thanë po ashtu se Kosova ka qenë cak i ndërhyrjeve të huaja dhe fushatave dezinformuese, veçmas nga Rusia dhe Kina, që kishin për synim destabilizimin e rajonit dhe pengimin e integrimit evropian të Ballkanit perëndimor.

Prandaj, “Parlamenti Evropian i bën thirrje Qeverisë së Kosovës që të forcojë kapacitetet e saj për të luftuar këto kërcënime”, tha PE-ja.

Më 7 maj, eurodeputetët po ashtu kanë miratuar një raport për Serbinë, të cilës iu kërkua që të përmirësojë dialogun e brendshëm politik, të mbrojë sundimin e ligjit dhe të bëjë reforma kundër korrupsionit.

Ndërkaq, sa i përket dialogut me Kosovës, në raport u tha se Serbia “duhet të punojë në arritjen e një marrëveshjeje gjithpërfshirëse të normalizimit me Kosovën”, por po ashtu edhe të “harmonizojë plotësisht politikën e saj të jashtme me atë të BE-së”./REL/

Continue Reading

Lajmet

Arrestohet i dyshuari për shpërthimin e veturës së u.d. të drejtorit të QKUK-së

Published

on

By

Prokuroria Themelore në Prishtinë njofton se është arrestuar B.K., në Podujevë, nën dyshimin për shpërthimin e veturës private të ushtruesit të detyrës së drejtorit të QKUK-së, Osman Hajdari, më 30 prill 2025.

Prokuroria Themelore në Prishtinë, në bashkëpunim dhe koordinim të plotë me Policinë e Kosovës ka arrestuar një (1) person B.K. në  Podujevë i dyshuar për kryerjen e veprave penale “Përdorimi i armës apo mjetit të rrezikshëm”  nga neni 367 par. 2 të KPRK-së, Zjarrvënia” nga neni 322 par. 2 të KPRK-së dhe “Mbajtja në pronësi, kontroll ose posedim të paautorizuar të armëve” nga neni 366 par 1 të KPRK-së, i cili ka ndodh me datë 30.04.2025 në oborrin e QKUK-së, kundër veturës  se UD Drejtorit të QKUK-së”, thuhet në njoftim.

Sipas Prokurorisë, operacioni policor në bashkëpunim të ngushtë me prokurorin e shtetit është duke vazhduar në mënyrë të intensifikuar në disa lokacione të ndryshme për mbledhjen e provave për hetimin e të gjitha rrethanave të rastit.

Shërbimi Spitalor Klinik Universitar (SHSKUK) përmes një komunikate për medie kishte se dëmtimi ka ndodhur në rrethana të panjohura, teksa parasahihej të mbahej mbledhja e Bordit Drejtues.

Sot, në parkingun e administratës së Qendrës Klinike Universitare të Kosovës (QKUK), ka ndodhur një incident që përfshin dëmtimin e veturës private të ushtruesit të detyrës së drejtorit të QKUK-së, e parkuar në parkingun e administratës. Dëmtimi ka ndodhur në rrethana ende të panjohura, në kohën kur po bëheshin përgatitjet për fillimin e mbledhjes së rregullt të Bordit Drejtues të Shërbimit Spitalor dhe Klinik Universitar të Kosovës (ShSKUK), e cila ishte paraparë të mbahej në hapësirat e administratës qendrore të ShSKUK-së”, thuhej në komunikatë./BetimipërDrejtësi/

Continue Reading

Lajmet

Osmani përkujton Betejën e Çabratit: Piedestali i qendresës dhe lavdisë

Published

on

By

Presidentja e Kosovës Vjosa Osmani, e ka përkujtuar Betejën e Çabratit, në 26 vjetorin e saj.

Osmani tha se kjo betejë është piedestal i qëndresës dhe lavdisë.

Në ballë të historisë, aty ku gjaku i lirisë u bë flamur, qëndruan vajzat dhe djemtë e Brigadës 137 “Gjakova”, të Ushtrisë Çlirimtare të Kosovës. Me zemër e besë, ata mbrojtën Gjakovën nga barbaria e regjimit gjenocidal serb. Në atë betejë të lavdishme ranë heroikisht 26 luftëtarë të UÇK-së, u vranë mizorisht afër 100 banorë dhe u rrëmbyen me dhunë mbi 300 të tjerë”, tha Osmani.

E para e shtetit theksoi se Çabrati është betim për liri, kujtesë e përhershme dhe thirrje për drejtësi.

Lavdi dëshmorëve! Nderim për të rënët! Drejtësi për të pagjeturit!”, theksoi ajo.

Continue Reading

Lajmet

Presidentja Osmani gjatë vizitës në Brunei diskutoi mundësitë për bashkëpunim në fusha të ndryshme

Published

on

By

Presidentja e Kosovës, Vjosa Osmani, gjatë vizitës në Brunei takoi Princin e Kurorës, Al-Muhtadee Billah si dhe Princeshën e Kurorës Sarah, Me këtë rast u diskutuan mundësitë për bashkëpunim në fusha të ndryshme.

Në banketin shtetëror të organizuar nga Sulltani i Bruneit, për nder të vizitës sonë, u dëshmuan vlerat e bujarisë e mikpritjes dhe respektit që e karakterizojnë këtë komb.

Përgjatë vizitës, kishim nderin që gjithashtu të takojmë Princin e Kurorës, Al-Muhtadee Billah, si dhe Princeshën e Kurorës Sarah, ku diskutuam rreth mundësive të shumta për bashkëpunim në fusha të interesit të dyanshëm.

Momente të tilla na kujtojnë fuqinë e diplomacisë dhe të respektit të ndërsjellë në ndërtimin e urave ndërmjet kulturave dhe shteteve”, u shpreh presidentja Osmani.

Continue Reading

Të kërkuara