Lajmet

​“Protesta në Hagë është fillimi i revoltës publike për mbajtje të lirisë”

Në Hagë po protestohet në shenjë mbështetjeje të ish-krerëve të UÇK-së.

Published

on

Shqiptarë të diasporës janë mbledhur në Hagë në mbështetje të ish-krerëve të UÇK-së, gjykimi ndaj të cilëve ka filluar sot.

Veprimtarja Lindita Haxhiu-Zeqiri ka thënë se lufta e çlirimtare ishte e drejtë dhe e përkrahur nga bota demokratike prandaj sipas saj cilësimi si ndërmarrje e përbashkët kriminale dhe përndjekja e çlirimtarëve është kontradiktore.

“Ne ishim viktime kolektive e një shteti gjenocidal. Nuk po kërkojmë as më pak e as më shumë sesa drejtësi. Njëkohësisht, nuk po kërkojmë që t’u mohohet drejtësia viktimave të çfarëdo krimi të kryer gjatë dhe pas luftës për hesape personale. Mirëpo, kërkojmë që përgjegjësia të mos i faturohet martirëve, as dëshmorëve, të cilët vetëdijshëm paguan me jetët e tyre çmimin e lirisë sonë kolektive e as UÇK-së. Nuk lejojmë që liria jonë të cilësohet si ndërmarrje përbashkët kriminale… Kjo protestë është fillimi i shfaqjes se revoltës publike për mbajtje në jo liri të lirisë. Aktivitetet tona do vazhdojnë deri sa akterët e lirisë nuk lirohen e kthehen vendit e familjes”, ka thënë ajo.

Protesta në Hagë është paraparë të vazhdojë deri në orën 13:00.

Lajmet

Murati: Propozimi për Albulena Haxhiun nuk do të ndryshojë, zgjedhjet janë opsioni i fundit

Published

on

By

Ministri në detyrë i Financave, Hekuran Murati, ka deklaruar se propozimi i Vetëvendosjes për kandidatin për kryetare të Kuvendit, Albulena Haxhiu, do të mbetet i pandryshuar. Ai theksoi se ky propozim është bërë pas shfrytëzimit të të drejtës së Vetëvendosjes si fituese e zgjedhjeve.

Murati theksoi gjithashtu se zgjedhjet e reja nuk janë qëllimi i Vetëvendosjes dhe se ato do të ishin opsioni i fundit. Ai theksoi se duhet të arrihet një dakordim politik për nënkryetarët, duke shtuar se strategjitë aktuale janë më shumë taktizime.

“VV-ja si fitues e zgjedhjeve e ka të drejtën e propozimit të kandidatit dhe këtë të drejtë e ka shfrytëzuar duke propozuar Albulena Haxhiun. Këto sjellje janë më shumë taktizime. Kemi propozuar gruan më të votuar. Ky është propozimi ynë dhe nuk do të ndryshojë. Duhej dakordim politik, i cili mund të arrihet për nënkryetarët. Nuk është qëllimi ynë për të shkuar në zgjedhje. Ai do të ishte opsioni ynë i fundit”, tha Murati.

Continue Reading

Lajmet

Krasniqi: Nëse nuk ka zgjidhje, zgjedhjet mund të mbahen në maj ose qershor

Published

on

By

Pas dështimit të sërishëm të seancës konstituive, kryetari i PDK-së, Memli Krasniqi, ka deklaruar se nëse nuk arrihet një zgjidhje për konstituimin e Kuvendit, Kosova mund të shkojë në zgjedhje të reja në muajin maj ose qershor.

Krasniqi ka theksuar se partia në pushtet, Vetëvendosje, nuk ka arritur të sigurojë votat e nevojshme për formimin e qeverisë dhe për zgjedhjen e kryetarit të Kuvendit. Ai ka shtuar se nëse nuk ka një marrëveshje politike për të zhbllokuar situatën, zgjedhjet janë një opsion i mundshëm.

“Nuk i ka votat as për qeveri. Sikur t’i kishte votat për qeveri do t’i kishte edhe votat për kryetar të Kuvendit. Ose duhet konstituar Kuvendi ose një marrëveshje politike, ose të shkohet në zgjedhje. Duhet ta propozojmë dikë tjetër. Nuk dua t’ua imponoj kandidatin. Veten ta propozon ai (Albin Kurti). Nëse nuk dalim nga kjo situatë, zgjedhje do të kemi në maj ose në qershor. Albulena Haxhiu nuk kalon. I ftoj të ndërrojnë kandidatin, nxirreni dikë që i merr votat”, tha Krasniqi.

Continue Reading

Lajmet

Dështon për të gjashtën herë konstitutimi i Kuvendit të Kosovës

Published

on

By

Konstitutimi i Kuvendit të Kosovës ka dështuar për të gjashtën herë, pasi kandidatja e Vetëvendosjes për kryeparlamentare, Albulena Haxhiu, nuk ka arritur të sigurojë më shumë se 57 vota. 

Emri i Albulena Haxhiut u hodh në votim pas propozimit të deputetit Glauk Konjufca, i cili kërkoi mirëkuptimin e deputetëve për të zhbllokuar situatën politike.

“Emri ynë i vetëm është Albulena Haxhiu, për kryetare të Kuvendit të Kosovës, ju kërkoj mirëkuptimin tuaj që ta zhbllokojmë situatën në të cilën kemi mbetur”, tha Konjufca para procesit të votimit.

Continue Reading

Lajmet

Çitaku: Detyrë e Vetëvendosjes të gjejë zgjidhje për situatën

Published

on

By

Nënkryetarja e PDK-së, Vlora Çitaku, ka theksuar se është detyrë e Vetëvendosjes që të gjejë një zgjidhje për të zhbllokuar situatën politike në Kosovë.

Ajo theksoi se debati i ditëve të fundit ka qenë i gabuar, duke shtuar se çështja nuk është nëse PDK ka ndryshuar qëndrim, por nëse ka pasur përpjekje nga ana e Vetëvendosjes për të zhbllokuar situatën.

“Po besoj që i tërë debati i këtyre ditëve të fundit është në mënyrë të gabuar. Nuk është çështja a ka ndërruar qëndrim PDK-ja, por a ka ndryshuar qëndrim dhe a ka përpjekje për zhbllokim nga ana e subjektit të parë parlamentar, Vetëvendosjes. Kjo parti duhet të zhbllokojë situatën”, tha Çitaku.

Continue Reading

Të kërkuara