

Lajmet
Projektligji për grante dhe performancë së shpejti në Kuvend
Projekti do të shërbejë për përmirësimin e përformancës në komuna.
Published
4 years agoon
By
Betim GashiËshtë hartuar projektligji për grante dhe performancë dhe shumë shpejt do të jetë për votim në kuvend. Kështu tha Ministri i Administrimit të Pushtetit Lokal, Elbert Krasniqi, gjatë lansimit të faza e tretë të projektit Demos, ku përfshihen disa komuna dhe që ka për qellim përmirësimin e mëtutjeshëm të qeverisjes demokratike, menaxhimit komunal dhe rritjes së kënaqëshmërinë e qytetarëve.
Gjatë këtu prezantimi u tha se ky projekt i cili do të implementohet nga viti 2022-2025, do të shërbejë për përmirësimin e përformancës në komuna.
Ministri i Administrimit të Pushtetit Lokal, Elbert Krasniqi, tha se ligji i ri i grantit të performancës do të jetë i hapur edhe për donatorët.
“Me ligjin e ri i cili prite të aprovohet shumë shpejt në Kuvendin e Kosovës, grandi për përformancë do të jetë burim shtetëror i financimin e komunave i bazuar në përformancë dhe i hapur edhe për donatorët. Vetëm gjatë periudhës 2018-2021, janë financuar mbi 150 projekte në vlerë totale prej 14 milionë euro. Këtë vit bashkë me donatorët do të ndajmë edhe rreth 8 milionë euro mbështetje për komunat të cilat do të finalizohen shumë shpejt”, tha ai.
Përfaqësuesi i Bashkimit Evropian në Kosovë, Tomas Szunyog, tregon se kjo është fazë e tretë e implementimit të projektit, e cila do të mundësojë komunave marrëdhënie më të afërta me qytetarët.
“Në këtë fazën e re të projektit që jemi duke e lansuar sot, BE është duke donatori më i madh. …vazhdimi i reformës në amdinistratën publike dhe menaxhimit financiar këto janë bazat e pranimit në BE dhe objektivi kryesor të cilin po fokusohemi është që të përmirësojmë komunat në Kosovë”, potencoi ai.
Kryetari i Asociacionit të Komunave të Kosovës, njëherit kryetar i komunës së Lipjanit, Imri Ahneti tha se AKK e ka mbështetur këtë projekt që nga fillimi, madje thotë se e ka mirëpritur edhe hartimin e ligjit të grantit dhe performancës.
“Padyshim që kjo mbështetje është një mundësi e veçantë e komunave dhe të kësaj mbështetje financiare në interes të qytetarëve dhe të ngrisin përgjegjshmërinë, si dhe të rritet vendimmarrja dhe qeverisja lokale. Është me rëndësi që të dëgjohet se Asociacioni i komunave të Kosovës e ka përkrahur që nga fillimi të rrjetit të performancës dhe është përkrahur jashtëzakonisht shumë. AKK e ka mirëpritur edhe hartimin e ligjit të grantit dhe performancës sepse me këtë ligj të komunave të Kosovës do të shtohet si stil jete për realizimin e skenës dhe performancës”, tha ai.
Lajmet
Ia vodhi babait mbi 24 mijë euro, arrestohet 34-vjeçari në Shtime
Published
12 minutes agoon
October 22, 2025By
UBT News
Një person është arrestuar të martën për vjedhjen e 24 mijë e 800 eurove në banesën e babait të tij, në rrugën “14 Dhjetori” në Shtime, gjatë periudhës kohore nga 22 gushti deri më 18 tetor të këtij viti.
Sipas njoftimit të Policisë, arrestimi u bë pasi ankuesi, një shtetas i Kosovës që jeton dhe punon jashtë vendit, më 19 tetor kishte vërejtur mungesën e parave.
Gjatë ekzaminimit të vendngjarjes, policia nuk ka konstatuar shenja thyerjeje apo dëmtime që do të tregonin hyrje me forcë në banesë.
“Si rezultat i hetimeve intensive, më 21.10.2025, policia ka identifikuar dhe arrestuar të dyshuarin B.N. (34 vjeç) – djalin e ankuesit, i cili është intervistuar në prani të avokatit mbrojtës dhe ka pranuar kryerjen e veprës penale”, thuhet në njoftim.
Me urdhër të prokurorit të shtetit, i dyshuari është dërguar në ndalim policor për 48 orë. Hetimet lidhur me rastin janë duke vazhduar./S.K/EO/PK/
Lajmet
Rekord i ri, 43 gola në një natë në Champions League
Published
14 minutes agoon
October 22, 2025By
UBT News
Gjithsej, 43 gola janë shënuar në 9 ndeshjet e para të javës së tretë në Champions League, ku aktualisht shihet një dominim i frikshëm nga ekipet e mëdha.
14 skuadra zbritën në fushë në orën 21:00, pas dy ndeshjeve të pasdites, ku takimi që spikati më shumë ishte Arsenal-Atletico Madrid.
Pjesa e parë u mbyll pa gola, por në të dytën “Topçinjtë” dominuan frikshëm, duke shënuar plot 4 herë, me ekipin e Simeones që ishte i pafuqishëm për t’u kundërpërgjigjur.
PSG shkaktoi një tërmet, duke marrë fitoren e tretë në po kaq ndeshje, kësaj radhe duke mundur Leverkuesenin në Gjermani me rezultatin e thellë 2-7.
Të dyja ekipet ngelën me 10 lojtarë, ndërsa në listën e golashënuesve i pranishëm ishte edhe Dembele, i cili sapo u kthye nga një dëmtim.
Interi gjithashtu tregoi forcën në Belgjikë, duke mundur 0-4 debutuesit e Royal Union.
Haaland dhe Bernardo Silva i dhanë fitoren 0-2 Manchester Cityt kundër Villarrealit.
Surpriza më e madhe erdhi nga Holanda, ku Napoli u mposht me rezultatin e thellë 6-2 nga PSV-ja.
Në sfidat e tjera, Dortmund mundi 2-4 Copenhagen, ndërsa Newcastle triumfoi 3-0 me Benficën.
Sa i përket sfidave të orës 18:45, Barcelona mundi 6-1 Olympiacosin, ndërsa Kairat Almaty-Pafos u mbyll pa gola./S.K/Tch/
Lajmet
Dy të vrarë me armë zjarri në Durrës
Published
23 minutes agoon
October 22, 2025By
UBT News
Dy persona kanë vdekur pasi janë qëlluar për vdekje nga armë zjarri pranë një karburanti në Manëz të Durrësit. Ngjarja e rëndë ka ndodhur në orët e para të mëngjesit të sotëm, ku sipas informacioneve të para, bëhet me dije se si pasojë e një konflikti janë qëlluar A. K (23-vjeçar) dhe F. P (33-vjeçar).
Policia e shtetit ka njoftuar se ka shpallur në kërkim autorin e veprës D.P.
Durrës- Informacion paraprak:
“Rreth orës 01:45 të datës 22.10.2025, në Manëz, pranë një karburanti, pas një konflikti dyshohet për motive të dobta, kanë mbetur të vrarë me armë zjarri shtetasit A. K., 23 vjeç, dhe F. P., 33 vjeç, të dy banues në Manëz.
Nga veprimet e para hetimore të kryera nga grupi i posaçëm hetimor, dyshohet se shtetasi F. P. është vrarë me armë zjarri nga shtetasi D. P., 21 vjeç, banues në Manëz, ndërsa shtetasi A. K. dyshohet se është vrarë nga shtetasi F. P.
Shërbimet e Policisë po vijojnë kontrollet intensive për kapjen e shtetasit D. P. Ndërkohë, një grup i posaçëm hetimor, nën drejtimin e Prokurorit, po vijon punën në vendngjarje për zbardhjen e rrethanave, identifikimin e personave të tjerë të përfshirë në këtë ngjarje dhe administrimin e çdo prove, me qëllim dokumentimin e plotë ligjor të rastit.”, thuhet në njoftim./S.K/TopChannel/
Lajmet
Britania e Madhe nikoqire e Samitit të Procesit të Berlinit për vendet e Ballkanit Perëndimor
Published
32 minutes agoon
October 22, 2025By
UBT News
Britania e Madhe do të jetë sot nikoqire e mbajtjes së Samitit të Procesit të Berlinit për vendet e Ballkanit Perëndimor, me qëllim promovimin e bashkëpunimit rajonal dhe ofrimin e sigurisë e zgjerimit.
Procesi i Berlinit është një platformë ndërkombëtare që bashkon qeveritë e të gjashtë vendeve të Ballkanit Perëndimor, së bashku me partnerë të tjerë evropianë.
Qëllimi i tij është të rrisë bashkëpunimin rajonal, të mbështesë zhvillimin ekonomik dhe të përshpejtojë përpjekjet për një përafrim më të ngushtë evropian të Ballkanit Perëndimor.
Qeveria e Britanisë së Madhe do të punojë me Gjermaninë, si iniciatore e Procesit të Berlinit, mbi prioritetet e përbashkëta në Ballkanin Perëndimor.
Sipas raportimeve, liderët ballkanikë do të priten fillimisht nga kryeministri britanik, Keir Starmer. Më pas, ata do të priten nga Sekretari i Jashtëm i Mbretërisë së Bashkuar.
Nga ora 15:00 do të nisë seanca plenare me dy panele: njëri me temën “Ambicia dhe Vizioni Strategjik”, ndërsa paneli tjetër do të trajtojë temat “Zgjerimi, Migracioni dhe Siguria”.
Kosova përfaqësohet nga kryeministri në detyrë, Albin Kurti, ndërsa Shqipëria nga kryeministri i saj, Edi Rama.
Kryeministri Starmer do të presë udhëheqës dhe përfaqësues të lartë nga vendet e Ballkanit Perëndimor si Kosova, Shqipëria, Bosnja e Hercegovina, Mali i Zi, Maqedonia e Veriut dhe Serbia, si dhe nga shtete partnere të BE-së, përfshirë Austrinë, Francën, Gjermaninë, Italinë e Greqinë.
Këtë vit, Samiti zhvillohet në një moment simbolik, pasi përkon me 30-vjetorin e Marrëveshjes së Paqes së Dejtonit, 30-vjetorin e gjenocidit të Srebrenicës, 50-vjetorin e Aktit Final të Helsinkit dhe 80-vjetorin e përfundimit të Luftës së Dytë Botërore dhe themelimit të Kombeve të Bashkuara.
Përndryshe, Mbretëria e Bashkuar kishte qenë nikoqire e këtij procesi edhe në vitin 2018. /S.K/EO/

Ia vodhi babait mbi 24 mijë euro, arrestohet 34-vjeçari në Shtime

Rekord i ri, 43 gola në një natë në Champions League

Dy të vrarë me armë zjarri në Durrës

Britania e Madhe nikoqire e Samitit të Procesit të Berlinit për vendet e Ballkanit Perëndimor

Villarreal-Barcelona nuk do luhet në Miami

Skëndërbeu luan në Europë, por me të rinjtë

Basha: Do të ishte antikushtetuese nëse nuk do t’i jepja mundësinë Rashiqit për nënkryetar

Ari bie nga nivelet e tij më të larta

Rënie dramatike e pensioneve invalidore në Kosovë, 26.8% më pak përfitues
Të kërkuara
-
Lajmet2 months ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni4 weeks ago
Policia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet nga UBT2 months ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni2 months ago
Profesori i UBT-së fiton grant prestigjioz kërkimor në Universitetin Çarls të Pragës