Kronikë e zezë

Policia jep detaje për vrasjen në Prizren, gjashtë persona janë arrestuar

Një tjetër person është plagosur në incidentin e së martës.

Published

3 years ago

January 4, 2023

Betim Gashi

Policia e Kosovës ka arrestuar gjashtë persona për vrasjen që ndodhi në orët e para të së martës në Prizren, ku i plagosur mbeti edhe një tjetër person.

“Pas incidentit, tre nga të përfshirët në rast që ishin shtetas të Shqipërisë janë larguar me veturë në drejtim të Republikës së Shqipërisë. Pas kontaktit me autoritetet e Shqipërisë, është konfirmuar se njëri nga personat e përfshirë në incident ka ndërruar jetë, ndërsa një tjetër është i plagosur”, thuhet në njoftimin e Policisë.

Bëhet e ditur se me urdhër të prokurorit është kryer bastisje në lokalin ku ka ndodhur incidenti, dhe në shtëpinë e njërit nga të dyshuarit lidhur me rastin, janë sekuestruar disa dëshmi.

“Lidhur me rastin janë arrestuar gjashtë të dyshuar meshkuj kosovar dhe të njëjtit me vendim të prokurorit janë dërguar në mbajtje”, thuhet po aty derisa bëhet e ditur se në afërsi të vendit të ngjarjes janë gjetur dhe sekuestruar tri gëzhoja.

Njësitë e hetuesisë janë në koordinim me autoritetet e Shqipërisë për vazhdimin e ekzaminimeve e trupit të pajetë si dhe veturën e viktimës.

Rasti i cili është hapur si “vrasje e rëndë/shkaktim i rrezikut të përgjithshëm” është duke u hetuar nga njësitet kompetente policore.

Kronikë e zezë

Arrestohen dy persona për dhunim në Vushtrri

Published

20 hours ago

February 25, 2026

UBTNews

Dy burra janë arrestuar në Vushtrri nën dyshimin për dhunim, njofton Policia e Kosovës.

Sipas policisë, të dyshuarit dyshohet se kanë dhunuar një grua, e cila është dërguar për trajtim mjekësor.

Pas intervistimit me vendim të prokurorit, të dyshuarit janë dërguar në mbajtje për procedura të mëtejme.

Rasti është raportuar më 24 dhe 25 shkurt 2026

Kronikë e zezë

Dy raste të falsifikimit të parave, policia nis hetimet

Published

20 hours ago

February 25, 2026

UBTNews

Dy raste të dyshuara për falsifikim të parasë janë raportuar në Graçanicë dhe Lipjan, sipas raportit të Policisë se Kosovës.

Në Graçanicë, një zyrtar banke ka njoftuar se një klient ka deponuar rreth 766.50 euro, të cilat dyshohet të jenë të falsifikuara. Monedhat janë sekuestruar dhe rasti është duke u hetuar.

Ndërkaq, në Lipjan, gjithashtu një zyrtar banke ka raportuar se një klient ka deponuar një monedhë prej 500 euro, që dyshohet të jetë e falsifikuar. Monedha është sekuestruar dhe autoritetet po vazhdojnë hetimet.

Kronikë e zezë

Tri raste të dhunës në familje brenda një dite në Kosovë

Published

20 hours ago

February 25, 2026

UBTNews

Tri raste të ndara të dhunës në familje janë raportuar në Gjilan, Pejë dhe Skenderaj, sipas raportit 24-orësh të Policisë se Kosovës.

Në Gjilan, dy vëllezër janë arrestuar pasi, pas një mosmarrëveshjeje, janë përleshur fizikisht mes vete. Gjatë kontrollit policor, tek ta është gjetur dhe sekuestruar një revole me leje. Me vendim të prokurorit, pas intervistimit, të dyshuarit janë dërguar në mbajtje.

Në një rast tjetër në Pejë, është arrestuar një grua e dyshuar se ka ushtruar dhunë psikike dhe ka tentuar ta sulmojë vëllain e saj. Pas intervistimit, me vendim të prokurorit, palët janë liruar dhe rasti ka shkuar në procedurë të rregullt.

Ndërkaq, në Skenderaj është raportuar se një grua ka pësuar dhunë nga i dyshuari burrë, me të cilin kishte bashkëjetuar. Për rastin është njoftuar prokurori dhe hetimet janë në zhvillim.

Rastet janë raportuar më 24 shkurt 2026.

Kronikë e zezë

Vrasje në tentativë në Pejë, arrestohet një i mitur

Published

20 hours ago

February 25, 2026

UBTNews

Një i mitur është arrestuar në Pejë nën dyshimin për veprën penale “vrasje në tentativë”, sipas raportit 24-orësh të Policisë se Kosovës.

Sipas njoftimit, rasti ka ndodhur dje rreth orës 13:10, pas një mosmarrëveshjeje mes dy të miturve. I dyshuari dyshohet se ka therur me thikë viktimën, po ashtu të mitur.

Viktima ka marrë trajtim mjekësor në Spitali i Pejës, ndërsa me vendim të prokurorit, i dyshuari është dërguar në mbajtje për procedura të tjera.