Kronikë e zezë

Policia e Kosovës fillon fushatën 16-ditore kundër dhunës në familje

Kjo fushatë do të realizohet përmes shpërndarjes së materialit promovues – fletushkave.

Published

3 years ago

November 25, 2022

Betim Gashi

Policia e Kosovës si institucion i ruajtjes së rendit dhe sigurisë publike në kuadër të detyrave dhe autorizimeve që i përkasin, që nga themelimi i saj ka trajtuar me seriozitetin e duhur rastet e dhunës në familje, me ç’rast në vazhdimësi ka realizuar edhe fushata vetëdijësuese për pasojat e dhunës në familje, duke potencuar se dhuna nuk ndalet pa u raportuar dhe pa u trajtuar nga organet kompetente.

“Duke ditur ndjeshmërinë e tyre edhe qasja e policisë karshi rasteve të dhunës në familje është; parandalimi për dhunën në njërën anë si dhe trajtimi i rasteve më seriozitet, ka bërë që raste e tilla të vijnë duke u raportuar më shpesh, ndër vite”, thuhet në komunikatën e Policisë.

Në vazhdën e realizimit të aktiviteteve, me qëllim parandalimin e rasteve të tilla, me datën 25.11.2022, Policia e Kosovës, në bashkëpunim me zyrën e UN- Women, ka filluar zbatimin e fushatës sensibilizuese “16 ditë aktivizimi kundër dhunës në familje”.

Kjo fushatë do të realizohet përmes shpërndarjes së materialit promovues – fletushkave, të cilat përmbajnë këshilla për ndërmarrjen e masave në parandalimin e dhunës në familje si dhe raportimin e këtyre rasteve në Policinë e Kosovës që bartin mesazhin “Ndal dhunën në familje”, ku të njëjtat do të shpërndahen tek qytetarët e të gjitha qyteteve të Kosovës pavarësisht moshës.

Kjo fushatë sensibilizuese do të vazhdojë deri me datën 10 dhjetor 2022 me aktivitete të ndryshme sensibilizuese, siç janë: takimet njoftuese me qytetarë, ligjërata në institucione shkollore, takime në nivelin e institucioneve shtetërore, duke mos lënë anash edhe segmentin e rëndësishëm dhe kontribuues pra angazhimin e shoqërisë civile.

Related Topics:dhuna dhuna ne familje fletushka

Up Next

Vdiq një i burgosur në burgun e Dubravës

Don't Miss

Prokuroria: 70-vjeçari në Prishtinë vrau gruan me sëpatë

Kronikë e zezë

Tri raste të dhunës në familje brenda 24 orëve në Kosovë

Published

35 minutes ago

May 25, 2026

UBTNews

Brenda 24 orëve të fundit në Kosovë janë regjistruar tri raste të dhunës në familje, sipas raportit të Policisë së Kosovës.

Rastet janë raportuar në Prishtinë, Rahovec dhe Zubin Potok.

Në rastin e parë në Prishtinë, një burrë dhe një grua janë shoqëruar në polici pasi dyshohet se janë përfshirë në një përleshje fizike si pasojë e një mosmarrëveshjeje. Të dy kanë marrë trajtim mjekësor, ndërsa pas intervistimit dhe me vendim të prokurorit janë liruar në procedurë të rregullt.

Në Rahovec, një person është shoqëruar në stacionin policor nën dyshimin se ka sulmuar fizikisht një viktimë femër. Viktima ka pranuar trajtim mjekësor në Qendrën e Mjekësisë Familjare, ndërsa pas intervistimit palët janë liruar dhe rasti vazhdon në procedurë të rregullt.

Rasti i tretë është raportuar në Zubin Potok, ku një grua dhe një burrë dyshohen se kanë kanosur një person tjetër. Lidhur me rastin është njoftuar prokurori dhe procedura po vazhdon sipas rregullave ligjore.

Kronikë e zezë

Kanoset një zyrtar policor në Suharekë, i dyshuari dërgohet në mbajtje

Published

55 minutes ago

May 25, 2026

UBTNews

Në raportin 24-orësh të Policisë së Kosovës është raportuar për një rast të kanosjes ndaj personit zyrtar në Suharekë.

Sipas policisë, një burrë i dyshuar është arrestuar pasi dyshohet se ka kanosur me një mjet të mprehtë një zyrtar policor derisa ndodhej në veturë.

Me vendim të prokurorit, i dyshuari është dërguar në mbajtje, ndërsa rasti po trajtohet nga organet kompetente.

Lajmet

Arrestohet i dyshuari për tentim vrasje në Prizren

Published

1 hour ago

May 25, 2026

UBTNews

Një rast i tentim vrasjes është raportuar mbrëmjen e së shtunës në Prizren, ku një person dyshohet se ka sulmuar me thikë një tjetër.

Sipas raportit të Policisë së Kosovës, ngjarja ka ndodhur rreth orës 20:30 në rrugën “Rexhep Kabashi”.

I dyshuari, burrë, është arrestuar nga policia pasi dyshohet se ka therur viktimën pas një konflikti.

Viktima ka marrë trajtim mjekësor në spital, ndërsa gjendja e tij nuk është bërë e ditur.

Me urdhër të prokurorit, i dyshuari është dërguar në mbajtje dhe rasti po hetohet si “vrasje në tentativë”.

Lajmet

Arrestohet një person në Aeroportin “Adem Jashari” për kanosje

Published

1 hour ago

May 25, 2026

UBTNews

Policia e Kosovës ka arrestuar një person të dyshuar për kanosje në Aeroportin Ndërkombëtar të Prishtinës, Adem Jashari.

Sipas raportit policor, rasti ka ndodhur të shtunën rreth orës 17:20, pas një mosmarrëveshjeje mes dy personave, ku i dyshuari, dyshohet se ka kanosur një tjetër burrë.

Gjatë intervenimit, policia ka sekuestruar nga i dyshuari një pistoletë me leje dhe 45 fishekë.

Ndërsa, me vendim të prokurorit, i dyshuari është liruar në procedurë të rregullt, ndërsa rasti po hetohet më tej.