Shëndeti

​Pesë shenjat e hershme të diabetit

Periodontiti, i njohur gjithashtu si sëmundja e mishrave të dhëmbëve, mund të jetë një shenjë e hershme e diabetit të tipit 2.

Published

on

Shumë njerëz që zhvillojnë diabetin e tipit 2 nuk e kanë idenë se janë të sëmurë derisa një test gjaku të tregojë një nivel të ngritur të sheqerit në gjak ose derisa sëmundja të përparojë aq shumë sa të fillojnë të shfaqen komplikime serioze.

“Diabeti është i qetë dhe tinëzar. Në shumicën e rasteve, njerëzit nuk kanë simptoma të hershme”, tha Ronald Tamler, drejtor i Institutit Klinik Mount Sinai për Diabetin.

Në disa raste, ka shenja tinëzare. Disa simptoma të hershme të diabetit janë të njohura: etja e vazhdueshme, urinimi i tepërt ose shtimi ose humbja e papritur e peshës. Të tjerat janë të lehta për t’u injoruar dhe më poshtë zbulojmë se cilat janë ato.

Periodontiti, i njohur gjithashtu si sëmundja e mishrave të dhëmbëve, mund të jetë një shenjë e hershme e diabetit të tipit 2, sipas një studimi të ri të botuar në revistën BMJ Open Diabetes Research & Care.

Studimi zbuloi se njerëzit me sëmundje të mishrave të dhëmbëve, veçanërisht ata me raste të rënda, kanë një shkallë më të lartë të diabetit (si të diagnostikuar ashtu edhe të pa diagnostikuar) si dhe me prediabet.

Lidhja midis sëmundjes së mishrave të dhëmbëve dhe diabetit nuk është e re, thotë Tamler.

“Inflamacioni i shkaktuar nga sëmundja e mishrave të dhëmbëve bazohet në të njëjtët faktorë që janë përgjegjës për sheqerin e lartë në gjak dhe shkaktojnë diabetin”, tha ai.

“Para se të prekeni nga diabeti, mund të vëreni një njollë të errët në pjesën e pasme të qafës”, pohon Tamler.

Kjo është zakonisht një shenjë e rezistencës ndaj insulinës, një humbje e ndjeshmërisë ndaj hormonit që trupi përdor për të rregulluar glukozën, gjë që përfundimisht mund të çojë në diabet të plotë.

Ndryshimet e ngjyrës së lëkurës në raste të rralla mund të shkaktohen nga cistat ovariane, çrregullimet hormonale, çrregullimet e tiroides ose kanceri. Disa medikamente dhe suplemente, duke përfshirë pilulat e kontrollit të lindjes dhe kortikosteroidet, mund të jenë gjithashtu fajtorë.

Rreth 10 deri në 20 për qind e njerëzve të diagnostikuar me diabet tashmë kanë disa dëmtime nervore të lidhura me sëmundjen. Në fazat e hershme kjo mund të jetë mezi e dukshme. Për shembull, mund të ndjeni ndjesi shpimi gjilpërash në këmbë ose ulje të ndjeshmërisë dhe ekuilibrit.

Nivelet e ngritura të sheqerit në gjak mund të dëmtojnë retinën dhe të bëjnë që nivelet e lëngjeve të luhaten rreth kokës së syrit, duke rezultuar në shikim të paqartë ose të dëmtuar.

Kur nivelet e sheqerit në gjak kthehen në normale, shikimi zakonisht kthehet, por nëse diabeti nuk trajtohet për një kohë të gjatë, dëmtimi mund të bëhet i përhershëm.

Po kështu, sheqeri i lartë në gjak mund të ndikojë gjithashtu në qelizat nervore në vesh dhe të shkaktojë dëmtim të dëgjimit.

Në një përmbledhje shkencore të paraqitur vitin e kaluar, njerëzit që flinin më shumë se një orë në ditë kishin 45 për qind më shumë gjasa të kishin diabet të tipit 2 në krahasim me ata që flinin më pak ose nuk flinin.

Dremitja gjatë ditës nuk ka gjasa të shkaktojë diabet, thonë autorët e studimit. Por ata theksojnë se kjo mund të jetë një shenjë paralajmëruese e një problemi themelor siç është mungesa e gjumit, depresioni apo apnea e gjumit, apo të gjitha gjendjet që lidhen me rritjen e rrezikut të diabetit.

Shëndeti

Sporti ndihmon edhe në përmirësimin e shikimit

Published

on

Sporti është një ndër aktivitetet më të vlefshme, si për t’u mbajtur në formë, por dhe për të parandaluar plakjen. Nga aktiviteti përfiton i gjithë organizim, duke përfshirë organe si zemra, aparati kardiovaskular dhe respirator, muskujt dhe artikulacionet.

Por, sipas një studimi të udhëhequr nga dy kërkues italianë të universitetit të Pizës, ka marrë nën shqyrtim ndikimin e sportit në sistemin viziv, duke analizuar fenomenin e rivalitetit biokular, ose thënë ndryshe, performancën e sinjaleve të ndryshme që vijnë përmes të dy syve.

“Kemi testuar efektet e fashimit të njërit nga sytë, për dy orë tek 20 persona të rritur në kushte të ndryshme. Një pjesë e njerëzve që morën pjesë në eksperiment qëndronin ulur për të dyja orët e fashimit, ndërsa të tjerët ishin vendosur në një pistë-biçikletë”, tregojnë studiuesit.

Shkenctarët vunë re se përgjigja e sistemi viziv tek njerëzit që ishin duke bërë aktivitet fizik, ishte më e mirë se tek ata që qëndronin ulur.

Rezualtatet e këtij studimi të botuara në revistën “Current Biology”, ka rëndësi të madhe për kërkimet klinike në lidhje me patologji të përhapura dhe të pashërueshme të syve, një ndër to i njohur si “syri dembel”.

Continue Reading

Shëndeti

Vetitë e shkëlqyera të karafilit në mjekësinë natyrale

Published

on

Këtë erëz e quajmë karafil , por është ndryshe nga karafili që kultivojmë në saksi. Emri shkencor është Eugenia Caryphyllata dhe e ka origjinën nga Indonezia. Sot kultivohen në gjithë zonën tropikale.

Kokrrat e karafilit përmbajnë flavonoide, e përbërje të dobishme mes të cilave eugenol, substancë me fuqi analgjezike e kësaj erëze.

Në Mesjetë quhej një ilaç për gjithë të këqijat.

Benefitet e karafilit

Edhe nëse nuk besoni në mrekulli, benefitet shëndetësore të kokrrave të karafilit janë konfirmuar edhe nga shkenca moderne.

Anti-inflamator – Kokrrat e karafilit lehtësojnë inflamacionin në gojë, mishrat e dhëmbëve, afte, herpes, stomatit dhe dhimbjet e fytit. Në këto raste duhen mbajtur në gojë si karamele, duhen përdorur si çaj ose si gargarë me disa pika vaj.

Tretës – Të marra në formën e çajit, kokrrat e karafilit njihen për vetitë tretëse. Ndihmojnë në punën e stomakut dhe largojnë gazrat e tepërta inestinale.

Kundra erës së keqe së gojës – Nëse keni një takim të rëndësishëm përtypni një karafil. Është shumë efikas edhe në rastet kur keni ngrënë hudhër.

Antioksidant – Një tjetër benefit është se kokrrat e karafilit janë 80 herë më antioksidante se një mollë. Kështu që konsumi i këtyre kokrrave ndihmon në luftën kundra plakjes së qelizave.

Dhimbje dhëmbësh –  Vaji esencial i karafilit është një ilaç i shkëlqyer natyral për të trajtuar dhimbjen e dhëmbëve. Mjafton të vendosni një kokërr karafil pranë vendit ku keni dhimbje dhe të prisni disa minuta, shkruan living.al.

Dhimbje koke – Përtypja e disa kokrrave karafila ose çaji është mënyrë e shkëlqyer për të lehtësuar dhimbjen e kokës e për të parandaluar lodhjen mendore.

Afrodiziak – Kokrrat e karafilit janë konfirmuar për fuqitë e tyre afrodiziake. Gjithashtu i japin fuqi afrodiziake çdo pjate me të cilën shërbehen.

Antimikrobik – Çaji i kësaj erëze përdoret për të luftuar mykun e lëkurës, shpesh së bashku me trumzën dhe korianderin.

Për të konservuar ushqimin – Kokrrat e karafilit pengojnë procesin e oksidimit të lipideve duke bërë që ushqimet të ruhen më gjatë.

Të vjella – Kokrrat e karafilit përdoren edhe kundër të vjellave, problemeve në tretje dhe shqetësimeve intestinale.

Si përgatitet çaji i karafilit?

Përbërësit:

3-4 kokrra karafil

1 gotë ujë

Përgatitja:

Mbushni një çajnik me ujë. Shtoni kokrrat e karafilit e vendoseni të ziejë. Mbuloni me kapak e fikni zjarrin. E lëmë për 10 minuta derisa çaji të jetë i vakët.

Continue Reading

Shëndeti

Studimi: Pijet me sheqer ndikojnë në shëndetin mendor

Published

on

Një raport nga Shkolla e Shëndetit Publik në Harvard ka ngritur shqetësime lidhur me konsumin e pijeve me përmbajtje të lartë sheqeri – si pijet e gazuara, lëngjet industriale të frutave dhe pijet energjike.

Personat që konsumojnë këto produkte shpesh, shfaqin më shumë simptoma të depresionit dhe ankthit, veçanërisht adoleshentët dhe të rinjtë deri 30 vjeç.

Sheqeri i tepërt ndikon në balancën e neurotransmetuesve në tru dhe në nivelet e energjisë, duke shkaktuar luhatje të humorit dhe probleme emocionale. Specialistët rekomandojnë zëvendësimin e këtyre pijeve me ujë, çajra bimorë apo smoothie natyralë, si mënyrë për të ruajtur jo vetëm formën fizike, por edhe mirëqenien mendore.

Studiuesit po ashtu paralajmërojnë se konsumimi i sheqerit në nivele të larta mund të krijojë cikël varësie ku sa më shumë të konsumoni, aq më shumë trupi dhe truri kërkojnë.

Kjo çon në luhatje të shpeshta të nivelit të sheqerit në gjak, çka ndikon negativisht në stabilitetin emocional.

Shumë vende diskutojnë vendosjen e taksave shtesë për pijet me sheqer, për të frenuar konsumin dhe rritur ndërgjegjësimin për pasojat që ato sjellin.

Siç duket, shëndeti mendor nuk varet vetëm nga mendimet, por edhe nga ajo që vendosim në gotë.

Continue Reading

Shëndeti

Shëndeti i dhëmbëve mund të ndikohet nga problemet e zemrës

Published

on

Studimet kanë zbuluar një lidhje të befasishme mes shëndetit të dhëmbëve dhe shëndetit të zemrës.

Studiuesit sugjerojnë se personat që vuajnë nga probleme të shëndetit oral, si gingiviti (inflamacion i mishrave të dhëmbëve) ose humbja e dhëmbëve, mund të kenë rrezik më të lartë për të zhvilluar sëmundje të zemrës.

Ky zbulim ka nxitur një rishikim të rëndësishëm të lidhjes ndërmjet shëndetit oral dhe atij kardiovaskular.

Infeksioni në mishrat e dhëmbëve mund të çojë në përgjigje inflamatorie të trupit, që ndikon negativisht në enët e gjakut dhe të rrisë rrezikun për zhvillimin e sëmundjeve të zemrës.

Një nga teoritë që shpjegon këtë është se bakteret që shkaktojnë infeksione në gojë mund të kalojnë në qarkullimin e gjakut, duke shkaktuar inflamacion në trup, përfshirë edhe në arterie.

Ky inflamacion mund të kontribuojë në ngushtimin e enëve të gjakut, duke e bërë zemrën më të mundshme për të zhvilluar sëmundje të tilla si ateroskleroza, gjendje që ndikon në furnizimin me gjak të trupit. Kjo e bën të rëndësishme kujdesin e rregullt për shëndetin oral si masë parandalimi për problemet kardiovaskulare.

Sudimi ka nxitur kërkesa për mbikëqyrje më të ngushtë të shëndetit oral dhe kardiovaskular në pacientët që kanë histori të problemeve të dhëmbëve. Specialistët sugjerojnë se  kontrolli i rregullt i dhëmbëve dhe higjiena e mirë orale mund të ndihmojnë në parandalimin e këtyre komplikacioneve dhe në përmirësimin e shëndetit të përgjithshëm.

Rregulli i thjeshtë i pastrimit të dhëmbëve dy herë në ditë, përdorimi i perit dentar e vizitat e rregullta te dentisti kanë ndikim të madh në uljen e rrezikut për zhvillimin e sëmundjeve të zemrës dhe në ruajtjen e shëndetit të përgjithshëm.

Continue Reading

Të kërkuara