Aktualitet

​Përmbytje në disa qytete në Shqipëri

Si pasojë e reshjeve të dendura të shiut, sot në Obot janë 600 hektarë tokë e përmbytur, më shumë se një ditë më parë.

Published

on

1 mijë hektarë tokë ndodhet nën ujë në bashkinë e Shkodër, ndërsa disa fshatra janë pa energji elektrike.

Si pasojë e reshjeve të dendura të shiut, sot në Obot janë 600 hektarë tokë e përmbytur, më shumë se një ditë më parë.

Rruga e Obotit është e kalueshme vetëm me mjete të larta. Fshati është pa energji elektrike, ndërsa ujësjellësi ka dalë jashtë funksionit.

Aktualisht, kërkohet një mjet i ushtrisë dhe katër forca ushtarake për t’i ardhur në ndihmë banorëve.

Në njësinë administrative Dajç, fshatrat Mushan, Shirq, Suka Dajç janë pa energji elektrike. Pjesa më e madhe e Velipojës është pa energji elektrike.

Niveli i lumit Drin shënon kuotën 6.20, ndërkohë që kuota maksimale është 7.50 m.

Niveli i Liqenit shënon 7.85 m me një rritje prej 23 cm me orën 19.00 të një dite më parë. Kuota maksimale është 8.70 m.

Kurse, mbrëmjen e kaluar dhe gjatë mëngjesit të sotëm, qarku Lezhë është shoqëruar me reshje dhe stuhi të fortë, duke shkaktuar probleme në disa zona.

Probleme me energjinë elektrike ka në qytetin e Lezhës në lagjen “11 Janari” dhe në lagjen “Besëlidhja”. Në të dyja këto lagje ka prezencë të lartë të ujit, duke bllokuar banorët që nuk mund të dalin nga pallatet dhe duke vështirësuar qarkullimin në rrugë. Bizneset në katet e para po qëndrojnë mbyllur për shkak të pranisë së ujit. Mësimi është ndërprerë në disa shkolla të qytetit. Energjia elektrike mungon dhe në disa fshatra.

Shiu vazhdon dhe këtë paradite, kur për disa minuta u shoqërua me breshër të fuqishëm.

Era e fortë përgjatë gjithë natës që vazhdon ende të jetë e fuqishëm ka shkaktuar mungesë të furnizimit me ujë edhe në disa zona të Vlorës.

Aktualisht, pa energji elektrike janë fshatrat Orikum, Dukat, Llogora,Radhime, Kallarat, Bolene, Vranisht, Mesaplik, Terbac, Brataj, Velcë, Bashaj, Sevaster, Gorisht, Dushkarak, Mazhar.

Ndërkohë, niveli i Vjosës gjatë mbrëmjes së djeshme arriti në 6:30 metra duke dalë nga shtrati në pjesën e pazarit tek Ura e Mifolit. Tani, niveli ka rënë në 5.8 metra, ndërsa pritet që prurjet të intensifikohen gjatë pasdites si pasojë e shiut të dendur në jug të vendit.

Përmirësim ka njohur lundrimi detar, trageti i Linjës Vlorë-Brindizi pritet të mbërrijë gjatë mesditës si pasojë e rënies së fuqisë së detit i cili shënon 6-7 ballë në det të hapur.

Peshkarexhat dhe anijet e vogla do të vazhdojnë të jenë të pezulluara.

Shkollat në Bashkinë e Vlorës e Himarës kanë vijuar procesin mësimor pa probleme, ndërsa përjashtim bën shkolla e Dukatit ku mungon energjia elektrike.

Reshjet intensive të shiut gjatë orëve të fundit kanë shkaktuar probleme në disa kryqëzime dhe rrugë të qytetit të Durrësit.

Prania e ujit në rrugë vështirëson qarkullimin e këmbësorëve dhe mjeteve.

Ndërkohë, për shkak të motit të paqëndrueshëm, edhe natën e kaluar ka pasur probleme në nisjen e trageteve nga portet e Durrësit dhe Barit. Tragetet kanë regjistruar vonesa të theksuara. Konkretisht, dy tragetet që ishin parashikuar për nisje drejt Barit natën e kaluar, në orën 23.00, kanë arritur të nisen mëngjesin e sotëm, përkatësisht 08:00 dhe 08:10.

Edhe tragetet nga Bari drejt Durrësit priten të mbërrijnë me vonesë, për shkak të nisjes me disa orë vonesë nga porti i Barit.

Bota

BE-ja miraton paketën e re të sanksioneve kundër Rusisë

Published

on

By

Bashkimi Evropian (BE) e ka miratuar të mërkurën një paketë të re të sanksioneve kundër Rusisë, duke goditur “flotën në hije” të Rusisë, ndërkohë që Evropa po kërcënon me ndëshkim shtesë, nëse Moska nuk pajtohet për armëpushim në Ukrainë.

Masat e reja kundër Kremlinit – pra paketa e 17-të e sanksioneve nga BE-ja që nga fillimi i pushtimit të plotë të Ukrainës nga Rusia në vitin 2022 – ishin përgatitur para se liderët evropianë ta jepnin ultimatumin e fundit për Moskën lidhur me përpjekjet e udhëhequra nga SHBA-ja për paqe në Ukrainë.

Diplomatët – që përfaqësojnë 27 shtetet anëtare të BE-së – e miratuan paketën në e re një takim në Bruksel, sipas presidencës polake të bllokut.

Paketa, e cila pritet të miratohet zyrtarisht të martën që vjen, përfshin futjen në listën e zezë të rreth 200 cisternave të naftës që përdoren për t’i shmangur kufizimet ndaj eksporteve të naftës ruse.

Kompani nga vende si Vietnami, Serbia dhe Turqia, të akuzuara se ndihmojnë në furnizimin e ushtrisë ruse me mallra, gjithashtu do të përballen me kufizime.

Dhjetëra zyrtarë rusë do t’i shtohen listës prej gati 2.400 personash dhe entitetesh që tashmë përballen me ndalime vizash dhe ngrirje pasurish.

Paketa përfshin gjithashtu sanksione ndaj individëve rusë për sulme kibernetike, shkelje të të drejtave të njeriut dhe akte sabotimi në Evropë.

Zyrtarët e pranojnë se paketa e re e sanksioneve ndaj Moskës është relativisht i kufizuar krahasuar me paketat e mëparshme, pasi BE-së po i vështirësohet puna të arrijë pajtueshmëri për objektivat.

Përveç këtyre masave, liderët e BE-së e kanë kërcënuar Rusisë me “sanksione të mëdha”, nëse ajo nuk e pranon një propozim të mbështetur nga Shtetet e Bashkuara për armëpushim 30-ditor në Ukrainë.

Kancelari gjerman, Friedrich Merz, e paralajmëroi Rusinë të martën se do të përballet me sanksione të tjera evropiane nëse nuk ka “përparim të mirëfilltë” këtë javë drejt paqes në Ukrainë.

Merz i bëri thirrje presidentit të Rusisë, Vladimir Putin, të ulet në tavolinën e bisedimeve për të folur për armëpushimin dhe për paqen në Ukrainë, bashkë me presidentin Volodymyr Zelensky, në Stamboll, të enjten.

Presidenti amerikan, Donald Trump, ka thënë se mund të marrë pjesë në bisedimet në Turqi nëse Putin dhe Zelensky ulen në tryezë, por deri tani nuk ka pasur asnjë shenjë nga Kremlini se Putin do të marrë pjesë./REL/

Continue Reading

Bota

Tërmet i fuqishëm në Greqi

Published

on

By

Një tërmet i fuqishëm me magnitudë 6.1 të shkallës Rihter është regjistruar në orën 01:50 të mëngjesit të së mërkurës në zonën detare mes ishujve të Kretës, Kasos dhe Karpathos, duke shkaktuar shqetësim tek banorët.

Tërmeti shkaktoi shqetësim te banorët e ishujve të Egjeut jugor dhe në Kretën lindore, ku u ndje veçanërisht, megjithëse epiqendra e tij ishte në një thellësi prej 60 km.

Ai u ndje gjithashtu në disa zona të Atikës dhe përgjatë bregdetit të Turqisë.

Nuk ka raportime për të lënduar apo për dëme materiale, ndërsa sizmologët shprehen se pavarësisht fuqisë së lëkundjes, nuk do të ketë tërmete të tjera.

Ndërkohë nëpërmjet numrit 112 është dërguar mesazh tek banorët me paralajmërim për cunami dhe kërkesë që të largoheshin nga brigjet.

Kreu i OASP (Organizata për Planifikimin Antisizmik) Efthymios Lekkas theksoi se bëhet fjalë për një tërmet që ndodhi pikërisht mbi harkun grek, pra në vendin ku përplasen pllakat tektonike evropiane dhe afrikane dhe se nuk ka asnjë lidhje absolutisht me tërmetet në Santorini apo me tërmetin që ndodhi në Turqi.

Pavarësisht distancës relativisht të madhe të Iraklios nga epiqendra, tërmeti u ndje si tre “valë” me intensitet të ndryshëm dhe me ndjesinë e zgjatjes për të paktën 15 sekonda.

Continue Reading

Bota

BE do vendosë sanksione të reja ndaj Rusisë, nëse Putini refuzon armëpushimin

Published

on

By

Bashkimi Evropian ka rënë dakord të vendosë një raund të ri sanksionesh kundër Rusisë, duke kërcënuar se do të vendosë një tjetër nëse vendi vazhdon të refuzojë armëpushimin 30-ditor pa kushte të propozuar nga Shtëpia e Bardhë dhe “Koalicioni i të Vullnetshmëve”.

Shtytja e madhe vjen ndërsa Volodymyr Zelenskyy e sfidon Vladimir Putinin të ulet për bisedime të drejtpërdrejta paqeje në Turqi, një format i mbështetur nga Donald Trump. Deri më tani, Kremlini nuk e ka konfirmuar nëse presidenti rus do të udhëtojë vërtet në Stamboll.

Unë besoj se nëse Putini nuk mbërrin dhe luan lojëra, kjo është pika e fundit që ai nuk dëshiron t’i japë fund luftës”, tha Zelenskyy.

Marrëveshja paraprake mbi sanksionet e reja, paketa e 17-të që nga shkurti i vitit 2022, u nënshkrua të mërkurën në mëngjes gjatë një takimi të ambasadorëve të BE-së dhe pritet të miratohet zyrtarisht nga ministrat e punëve të jashtme javën e ardhshme.

Hungaria, një kritike e zëshme e kufizimeve ekonomike, e cila dy herë këtë vit pothuajse e ka bllokuar rinovimin e tyre, nuk i kundërshtoi masat. Diskutimet prapa skenave midis shteteve anëtare u zhvilluan pa ndonjë polemikë të madhe, vunë në dukje diplomatët, një shenjë e mundshme e fushëveprimit të kufizuar të propozimit.

Edhe një herë, objektivi kryesor i sanksioneve është “flota në hije” që Kremlini ka vendosur për të anashkaluar kufizimet perëndimore mbi tregtinë e naftës dhe për të ruajtur një burim të ardhurash që është thelbësor për të financuar pushtimin në shkallë të plotë të Ukrainës.

Flota përbëhet nga anije të vjetra dhe të pasiguruara, të dyshuara për praktika mashtruese, duke përfshirë transmetimin e të dhënave të falsifikuara, fikjen e transponderëve të tyre për t’u bërë të padukshëm dhe kryerjen e transferimeve të shumëfishta nga një anije në tjetrën për të fshehur origjinën e fuçive të tyre. Anijet janë gjithashtu nën shqyrtim për përfshirje në sabotim kundër infrastrukturës kritike.

Deri më tani, blloku ka synuar 153 anije cisterna nga “flota në hije”, të cilave të gjitha u është mohuar qasja në portet dhe shërbimet e BE-së.

Sanksionet e reja shtojnë pothuajse 200 anije, duke e çuar numrin e përgjithshëm në mbi 350.

Marrëveshja e së mërkurës gjithashtu fut në listën e zezë 75 individë dhe kompani të përfshira në kompleksin ushtarako-industrial të Rusisë dhe mbi 30 firma të dyshuara se furnizojnë Moskën me mallra me përdorim të dyfishtë që aleatët perëndimorë i kanë ndaluar, thanë diplomatët. Ajo gjithashtu ndalon eksportet e kimikateve të prodhuara në BE që mund të përdoren për të prodhuar raketa.

Continue Reading

Bota

Trump takon udhëheqësin e ri të Sirisë pas premtimit për heqjen e sanksioneve

Published

on

By

Presidenti i Shteteve të Bashkuara të Amerikës, Donald Trump, është takuar të mërkurën me presidentin e ri të përkohshëm të Sirisë, Ahmad al-Sharaa, një ish-udhëheqës i kryengritësve, që kaloi vite i burgosur nga forcat amerikane pasi u kap në Irak.

Takimi ndodhi para se Trump të përfundojë qëndrimin e tij në Arabinë Saudite dhe të udhëtojë për në Katar, në kuadër të një turneu në Lindjen e Mesme, që do të përfshijë, gjithashtu, një ndalesë në Emiratet e Bashkuara Arabe.

Trump dhe al-Sharaa u takuan prapa dyerve të mbyllura, ndërsa gazetarët nuk u lejuan të merrnin pjesë, raportoi Associated Press.

Al-Sharaa u shpall president i Sirisë në janar, një muaj pas një ofensive të befasishme të grupeve kryengritëse të udhëhequra nga Hayat Tahrir al-Sham (HTS), të cilën ai e drejtonte. Kjo organizatë është e shpallur terroriste nga SHBA-ja. Ato forca pushtuan Damaskun dhe i dhanë fund sundimit 54-vjeçar të familjes Assad.

Trump tha, para takimit, se vendimin për ta takuar al-Sharaan e mori pas inkurajimit nga princi saudit, Mohammed bin Salman, dhe presidenti turk, Recep Tayyip Erdogan. Ai premtoi, gjithashtu, se do të heqë sanksionet shumëvjeçare ndaj Sirisë.

Në Siri ka një qeveri të re që, shpresojmë, do të arrijë të stabilizojë vendin dhe të ruajë paqen”, tha Trump në një fjalim të gjerë për politikën e jashtme të mbajtur të martën, ku njoftoi heqjen e sanksioneve që kanë qenë në fuqi që nga viti 2011.

Kjo është ajo që duam të shohim në Siri”.

I njohur më parë me nofkën Abu Mohammed al-Golani, al-Sharaa ishte rreshtuar me radhët e al-Kaidës kundër forcave amerikane në Irak pas pushtimit të udhëhequr nga SHBA-ja.

Ai ende përballet me një fletarrestim për akuza për terrorizëm në Irak. Dikur, SHBA-ja kishte ofruar një shpërblim prej 10 milionë dollarësh për informacione mbi vendndodhjen e tij, për shkak të lidhjeve të tij me al-Kaidën.

Al-Sharaa u rikthye në Siri pas shpërthimit të konfliktit në vitin 2011, dhe mori drejtimin e degës së al-Kaidës, e njohur si Fronti Nusra. Më pas, ai e riemërtoi grupin në Hayat Tahrir al-Sham, dhe shkëputi lidhjet formale me al-Kaidën.

Sanksionet ndaj Sirisë datojnë nga koha e Bashar al-Assadit, i cili u rrëzua nga pushteti në dhjetor. Ato synonin të dëmtonin rëndë ekonominë e regjimit të tij.

Të dy administratat amerikane – administrata e kaluar e presidentit Joe Biden dhe administrata aktuale e presidentit Trump – i kishin lënë në fuqi këto sanksione edhe pas rrëzimit të Assadit, ndërsa vlerësonin qëndrimin e al-Sharaas, i cili ka mohuar lidhjet e mëtejshme me al-Kaidën./REL/

Continue Reading

Të kërkuara