Policia e Kosovës ka raportuar se katër persona janë zhdukur gjatë 24 orëve të fundit. Dy fëmijë, një djalë dhe një vajzë të mitur, janë larguar nga shtëpia në Prishtinë më 24 shkurt, dhe deri tani nuk ka asnjë informacion për vendndodhjen e tyre. Ky rast është iniciuar si “person i zhdukur”.
Po ashtu, në Prizren, një person ka njoftuar policinë se vajza e tij ka ikur nga shtëpia dhe nuk ka asnjë informacion për vendndodhjen e saj. Ky rast është nën hetime.
Në fshatin Ozdrim të Pejës, një burrë ka raportuar se bashkëshortja e tij, e cila ka probleme psikike, ka braktisur shtëpinë dhe nuk dihet ku ndodhet. Ky rast është raportuar më 3 mars 2025 dhe është nën hetime.
Policia ka filluar hetimet për të gjitha rastet dhe po bën përpjekje për gjetjen e personave të zhdukur./UBTNews/
Kryeministri Edi Rama ka folur nga Berlini nëpërmjet rubrikës së tij “Sy me Sy” në facebook. Ai tha se për faktin kur Shqipëria u zgjodh vend nderi në Panairin e Turizmit, ishte një rrugë jo e lehtë. Më tej ai ka folur për transformimin pozitiv të Shqipërisë, gjë që ka sjellë turistë në një numër të madh.
“Jemi në një situatë që s’kemi qenë ndonjëherë dhe do ishte vështirë të imagjinohej pak kohë më parë. Për të ardhur këtu ka qenë jo e lehtë. Ka qenë situatë skeptike, janë bërë shumë biseda, pasatj vera e vjetshme na ka çliruar shumë, arritëm në afro 400 mijë turistë gjermanë dhe këtë vit synojmë të arrijmë gjysmë milionëshin, të paktën në turistë gjermanë.
Turistët gjermanë janë vërtet një lloj testi domethënës, sepse janë të ngadaltë në marrjen një vendimi për të hyrë në një vend, pastaj janë komplet pushtues. Janë turistë që vijnë me të gjitha pretendimet, nga të gjitha kategoritë. Kjo është shumë gjë e mirë që na ka ndodhur.
Nga ana tjetër, imazhi ka ndryshuar shumë dhe mbrëmë ka marrë një formë të plotë edhe në aspektin e proceseve të tjera, të respektit, dinjitet dhe anëtarësimit në BE. Është pak por e sigurt, përmes turizmit, disa vende para nesh thyen akullin dhe kaluan malin e paragjykimeve. Për ne ka qenë vargmal, jo mal.
Izraeli ka kryer sulme ajrore pranë qytetit port sirian të Tartusit, në bregun mesdhetar të Sirisë. Sipas mediave shtetërore siriane, sulmet ndodhen në periferi të Tartusit, pa shkaktuar viktima deri tani. Ushtria izraelite njoftoi se objektivi ishte një vendndodhje ushtarake në zonën Qardah, ku ruheshin armë të regjimit të rrëzuar të Bashar al-Assad.
Këto sulme janë pjesë e një fushate të Izraelit, i cili ka realizuar qindra sulme ajrore në Siri që prej rrëzimit të Al-Assad në dhjetor të vitit të kaluar, për të parandaluar që armët të bien në duar të grupeve armiqësore.
Izraeli ka shkelur marrëveshjen e shkëputjes së vitit 1974 me Sirinë dhe ka bombarduar vazhdimisht objektet ushtarake siriane, përfshirë zonat e çmilitarizuara. Kjo ka shkaktuar shqetësim ndërkombëtar, ku pjesëmarrësit e një konference mbi dialogun kombëtar në Siri riafirmuan kundërshtimin ndaj agresioneve izraelite dhe kërkuan presion nga komuniteti ndërkombëtar për të ndaluar këto sulme./UBTNews/
Votimi për pranimin e Kroacisë në Organizatën për Bashkëpunim Ekonomik dhe Zhvillim (OECD) u shty. Sekretari i Shtetit, Zdenko Lucić, mohoi informacionin që SHBA po bllokonte hyrjen e Kroacisë, duke theksuar se votimi u vonua për arsye të kërkesave të partnerëve amerikanë për një kohë tjetër.
Kroacia ka përmbushur 19 nga 25 komitetet e anëtarësimit të OECD, dhe 17 prej tyre kanë dhënë mendimin e tyre zyrtar. Pavarësisht shtyrjes, Lucić e cilësoi këtë si një procedurë standarde dhe pa probleme të veçanta. OECD është një organizatë që bashkon 38 shtete të zhvilluara, dhe anëtarësimi në të është një prioritet i politikës së jashtme të Kroacisë për përfitime ekonomike dhe reputacionale./UBTNews/
Zhduken tre fëmijë e një grua gjatë 24 orëve të fundit
Rama nga Panairi i Turizmit në Berlin: Imazhi i Shqipërisë ka ndryshuar shumë
Liga e Kampioneve kthehet në ferr: Real-Atletiko dhe 3 sfida të tjera!
Izraeli kryen sulme ajrore pranë qytetit port sirian Tartus
“Putin do trimërohet”- Reagime të ashpra në Kiev pas pezullimit të ndihmës nga SHBA
Votimi për pranimin e Kroacisë në OECD u shty, SHBA mohon bllokimin
Operacionet izraelite shkatërrojnë rreth 4,000 shtëpi në Gazën jugore
Disa rajone të Spanjës në alarm për shkak të reshjeve të dendura
Sot pritet të fillojë numërimi i votave me kusht
-
Magazinë3 months agoKy mendohet se është djali 20 vjeçar i Parashqevi Simaku, Luke Nohfe
-
Bota1 month agoMarrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota1 month agoFluturimet e dëbimit kanë filluar, thotë Shtëpia e Bardhë
-
Bota1 month agoShtëpia e Bardhë: Armëpushimi në Liban do të zgjatet deri më 18 shkurt