Lajmet

Papa: Më shumë armë nuk janë një zgjidhje afatgjatë për luftën në Ukrainë

Kjo është hera e dytë që nga fillimi i luftës në Ukrainë që Papa ngjall një parandjenjë të luftës bërthamore.

Published

4 years ago

March 23, 2022

Betim Gashi

Papa Françesku deklaroi sot se lufta në Ukrainë ka treguar se njerëzimi duhet të refuzojë instinktin e çuditshëm të “vetëshkatërrimit” dhe se blerja e më shumë armëve nuk është zgjidhja përfundimtare për çdo konflikt.

Françesku u kërkoi pjesëmarrësve në audiencën e tij të përgjithshme javore të kujtonin të gjitha viktimat e luftës – të vdekurit, duke përfshirë “ushtarët e rënë në njërën anë ose tjetrën”, të plagosurit, të pastrehët dhe refugjatët.

“Zoti dërgoftë shpirtin e tij për të kuptuar se lufta është disfata e njerëzimit, se ne duhet të mposhtim të gjithë ata që bëjnë luftë”, tha ai.

“(Lufta) është një nevojë që na shkatërron”, tha ai, duke iu lutur Zotit që “të na çlirojë nga kjo nevojë për vetëshkatërrim”.

Kjo është hera e dytë që nga fillimi i luftës në Ukrainë që Papa ngjall një parandjenjë të luftës bërthamore.

Françesku e ka dënuar ashpër luftën disa herë, por e ka kritikuar Rusinë vetëm në mënyrë implicite, duke shmangur deri më tani përmendjen e emrit të vendit. Ai përdori terma si agresion i pajustifikuar, masakra dhe mizori.

“Le të lutemi që ata në pushtet të kuptojnë se blerja dhe prodhimi i armëve nuk është zgjidhja e problemit. Zgjidhja është të punojmë së bashku për paqen, siç thotë Bibla, për t’i kthyer armët në instrumente paqeje”, tha Papa Françesku.

Françesku ka thënë në të kaluarën se buxheti i shpenzuar për armë duhet të rialokohet për qëllime të tjera, të tilla si luftimi i urisë në botë dhe zhvillimi dhe shpërndarja e vaksinave. Ai bëri thirrje gjithashtu për ndalimin e armëve bërthamore, duke thënë se edhe mbajtja e tyre për parandalim është imorale.

Lajmet

Ekstradohen nga Gjermania dhe Franca dy persona të kërkuar nga Kosova

Published

1 hour ago

December 24, 2025

UBTnews

Dy persona të kërkuar me urdhërarrest ndërkombëtar janë ekstraduar për në Kosovë, në kuadër të bashkëpunimit ndërkombëtar policor.

Policia e Kosovës, përkatësisht Drejtoria për Bashkëpunim Ndërkombëtar Policor, në koordinim me njësitet relevante të Policisë së Kosovës dhe institucionet e drejtësisë, më 23 dhjetor 2025 ka realizuar ekstradimin e dy shtetasve kosovarë, L.V. (1990) dhe A.M. (1991). Njëri prej tyre është ekstraduar nga Gjermania, ndërsa tjetri nga Franca.

Sipas njoftimit zyrtar, ekstradimi është bërë falë bashkëpunimit të ngushtë me autoritetet e këtyre dy shteteve. Të dyshuarit ishin arrestuar nga autoritetet gjermane dhe franceze, pasi kërkoheshin me urdhërarrest ndërkombëtar të lëshuar nga institucionet e drejtësisë së Republikës së Kosovës.
Të njëjtit dyshohen se kanë qenë të përfshirë në vepra penale të ndara dhe se i janë shmangur drejtësisë.

Pas ekstradimit, ata u janë dorëzuar njësive përkatëse të Policisë së Kosovës në rajonin e Prishtinës, përkatësisht atë të Gjilanit, për vazhdimin e procedurave të mëtejme ligjore.

Lajmet

Punëtorët e KEK-ut në protestë, kërkojnë rritje pagash

Published

1 hour ago

December 24, 2025

UBTnews

Sindikatа e Re e Korporatës Energjetike të Kosovës (SRKEK) sot po organizon një protestë paqësore me punëtorët e KEK-ut, para zyrave qendrore të ndërmarrjes në sheshin “Nëna Terezë” në Prishtinë.

Kjo protestë po mbahet si reagim ndaj kërkesës për rritje pagash, ku punëtorët kërkojnë trajtim më të drejtë dhe përmirësim të kushteve ekonomike në përputhje me përgjegjësitë dhe rrezikun e punës së tyre. Protesta po vazhdon, e cila ka nis nga ora 11:00.

Lajmet

Energjia gjatë sezonit të dimrit, KOSTT mban konferencë për media

Published

2 hours ago

December 24, 2025

UBTnews

KOSTT do të mbaj konferencë për media, në të cilën thonë se do të prezantohet gjendja aktuale e sistemit elektro-energjetik të Kosovës dhe masat e nevojshme për ruajtjen e stabilitetit gjatë kësaj periudhe dimërore ku konsumi ka arritur pikën rekorde.

Konferenca do të mbahet sot në ora 15:00.

Si pika kryesore të trajtimit do të jenë;

-Rritja e konsumit krahasuar me vitin e kaluar

-Ngarkesa maksimale e arritur (dhe pritshmëria për rritje të mëtejshme në ditët më të ftohta)

-Rreziku i mundshëm i reduktimeve të kontrolluara në rast mbingarkese

-Thirrja për bashkëpunim nga qytetarët, institucionet dhe bizneset për ulje të konsumit dhe zhvendosje të përdorimit jashtë orëve të pikut.

Lajmet

Arb Manaj lojtari më i vlefshëm në Superligë, i afrohet vlerës së milionëshit

Published

2 hours ago

December 24, 2025

UBT News

Sulmuesi i Dritës, Arb Manaj të dielën e kaluar e fitoi “Topin e Artë” në futbollin e Kosovës, si futbollisti më i mirë i Superligës, i cili iu dha nga Federata e Futbollit e Kosovës.

Manaj tashmë është edhe futbollisti më i vlefshëm i Superligës së Kosovës, së bashku me futbollistin e Ballkanit, Giovannin.

Sipas “Transfermarkt”, dy lojtarët vlerësohen me 800 mijë euro, me Manajn që me përditësimin e fundit ka arritur këtë shifër dhe është vendosur si i pari në listë.

Manaj këtë sezon ka shënuar tre gola në Superligën e Kosovës, teksa dy të tillë i ka shënuar në Ligën e Konferencës, në fazën e ligës.

Top 5-shen e futbollistëve më të vlefshëm e mbyllin Muhamet Hyseni (650 mijë euro), Senad Jarovic (600 mijë euro) dhe Raddy Ovouka (600 mijë euro)./S.K/EO/