

Lajmet
Osmani takon fëmijët me sindromën Down: Të ndryshëm jemi më të pasur
Osmani tha se duhet të krijohet një shoqëri gjithëpërfshirëse.
Published
3 years agoon
By
Betim GashiFëmijët me sindromën Down pritën krahë hapur presidenten e Kosovës, Vjosa Osmani në muajin e fushatës të ndërgjegjësimit dhe sensibilizimit.
Presidentja e Kosovës, Vjosa Osmani ka thënë se 11 tetori synon që të adresohen sfidat me të cilat përballen vajzat si dhe promovon fuqizimin e të drejtave të tyre. Gjithashtu ajo tha se vajzave duhet t’u sigurohet arsimimi dhe hapësira për të shkëlqyer në profesionet e tyre.
“Një dekadë më parë 11 tetori nisi të shënohet si dita e fëmijëve vajza, një ditë e dedikuar për to është më shumë vëmendje dhe më shumë shanse të barabarta. Kjo ditë synon adresimin e nevojave dhe sfidave me të cilat përballen vajzat dhe njëkohësisht promovon fuqizimin e vajzave dhe të drejtave të tyre. Sot vajzat tona janë shndërruar në modele frymëzimi nga Majlinda tek Nora, Distria, Dua, Rita e deri tek Medina jonë e shkëlqyeshme ato na bëjnë krenar të gjithëve. Ato janë shndërruar ambasadoret më të mira të shtetit tonë. Megjithëse vajzat tona dëshmojnë çdo ditë se janë luftëtare të denja, kundrejt pabarazisë stereotipave dhe diskriminimit nuk është e mjaftueshme prandaj duhet të vazhdojmë përpjekjen tonë që fëmijëve dhe vajzave tu sigurojmë një jetë të sigurt, arsimim, shëndet të plote dhe shanse të barabarta që ato të shkëlqejnë kudo dhe kurdo. Fëmijëve dhe vajzave duhet t’ua krijojmë mundësinë që të mund ta realizojnë potencialin e tyre të plotë ashtu siç i kanë edhe ato mundësitë edhe fëmijët e tjerë, asgjë më shumë se sa të bëjnë çfarë të duan dhe çfarë të vendosin ato me jetën e tyre”, tha ajo.
Osmani tha se duhet të krijohet një shoqëri gjithëpërfshirëse ku fëmijët me sindromën Down do të ndiheshin të barabartë me fëmijët tjerë dhe do të merrnin pjesë në vendimmarrje, larg paragjykimeve.
“Ata janë si ne të ngjashëm e të ndryshëm, por të barabartë, secili fëmijë duhet të ketë të drejtë dhe mundësi për ta arritur potencialin e vetë të vërtetë, prandaj na nevojitet jo vetëm një arsim gjithëpërfshirës por një shoqëri gjithëpërfshirëse ku secili anëtar i shoqërisë sonë e përkrahë secilin anëtar tjetër. Vetëm duke mos paragjykuar dhe duke mos krijuar përjashtime sociale por duke i përfshirë që të gjithë në vendimmarrje. Fëmijët me sindromën Down do të mund të ndihen pjesë e barabartë e integruar e shoqërisë sonë, për fëmijët tanë nuk mjafton e as nuk duhet të gëzojnë të punojnë dhe të flasim vetëm një ditë. Fëmijët më sindromën Down kanë nevojë për ne secilën ditë të jetës sonë, çdo ditë e tyre është edhe ditë e jona, e çdo ditë e jona e vë në qendër të vëmendjes kujdesin ndaj secilës kategori të shoqërisë sonë. Personat me sindromë Down e sidomos fëmijët e jashtëzakonshëm me sindromë kanë të drejtë dhe kanë potencial të madh që të ndihen si pjesë e barabartë e shoqërisë sonë dhe të kontribuojnë për shoqërinë tonë, ne duhet të mbështesim maksimalisht dhe do ta bëjmë këtë”, foli ajo.
Koordinatorja e OKB-së për Zhvillim dhe Përfaqësuesja e përhershme e UNDP-se ne Kosovë, Maria Suokko tha se shoqëritë që investojnë te vajzat mund të transformohen për të mirën e të gjithëve.
“Kjo ditë është një mundësi që ne t’i kujtojmë vetes se investimi te vajzat është jashtëzakonisht i rëndësishëm. Shoqëritë që investojnë te vajzat mund të transformohen për të mirën e të gjithëve. Kur vajzat janë të arsimuara, ato kanë më shumë gjasa të bëjnë jetë të shëndetshme, produktive dhe jetë të përmbushur. Kur vajzat marrin kujdesin e duhur shëndetësor, ato rriten me vetëbesim dhe autonomi më të madhe. Kur vajzat i kuptojnë të drejtat e tyre, duke përfshirë të drejtën për të jetuar pa kërcënimin e dhunës, ato kanë më shumë gjasa të qëndrojnë të sigurta dhe të raportojnë abuzimin.. Autobusi i fushatës së tyre do të vizitojë deri në 10 komuna në Kosovë, duke u takuar me qeveritë lokale dhe komunitetet. Përpara se të kthehemi në shtëpinë e OKB-së, më 24 tetor për të shënuar ditën e OKB-së, ne jemi vërtet krenarë që jemi partnerë në këtë fushatë. Fushata do të trajtojë një çështje tjetër të rëndësishme që prek vajzat me aftësi të kufizuara, mungesën e mirëkuptimit në komunitet për aftësitë e kufizuara”, deklaroi ajo.
Drejtoresha ekzekutive e shoqatës së personave me sindromën Down, Sebahate Beqiri tha se duhet të punojmë të gjithë që në këtë vend të ketë të ardhme të sigurt po ashtu ajo në qendrën e saj ofron shërbime terapeutike mbështetëse, ku përfitues direkt kemi mbi 300 anëtar me sindromën Down.
“Në gjithë botën muaji tetor shënohet si muaji i ndërgjegjësimit dhe sensibilizimit për sindromës Down. Jemi munduar dhe në vazhdimësi promovojmë vlerat tona jo vetëm për komunitetin tonë por të promovojmë vlera që në këtë vend ka një të ardhme të sigurt vetëm duhet dhënë kontributi i secilit të punojmë bashkë për një të ardhme më të mirë jo vetëm për persona me sindromën Down po për të gjithë qytetarët. Shoqata Down sindrom Kosova numëron mbi 9801 anëtar. Jemi një familje e madh. Për momentin ofrojmë shërbime terapeutike mbështetëse në katër qendra të shoqatës, ku përfitues direkt kemi mbi 300 anëtar me sindromën Down përfshirë fëmijë të rinj dhe të rritur me sindrom Down. Rrugëtimi ynë që nga viti 2007 deri më tani nuk ka qenë aspak i lehtë, kemi pasur ditë të cilat kanë qenë dërrmuese mirëpo asnjëherë nuk jemi ndalur. Besojmë në fëmijët tanë, besojmë që vendi ynë do të krijoj mundësi më të mira, një jetë të dinjitetshme për personat me sindromën Down”, tha ajo.
Afrim Sahiti, prind me fëmijë të prekur nga kjo sindromë tha se është i kënaqur që viteve të fundit me të arriturat e integrimit të këtyre fëmijëve. Por theksoi se ka ende për të punuar.
“Sot ka rastisur të jetë 11 tetori si muaji i ndërgjegjësimit të personave me sindromë Down si dhe viti ndërkombëtar i ditës së vajzave. Të cilët kanë arsyeje jashtëzakonisht të madhe të avokojnë në fushën e sensibilizimit dhe njohjes së drejtave të tyre. Ne si prind na ka sfiduar në një formë me ardhjen e tyre në jetë mirëpo, në momentin e marrjes së lajmit që kam një fëmijë me sindrom Down, kemi bërë të pamundurën që të arrijmë ta integrojmë sa më tepër në shoqërinë tonë. Fatkeqësisht në zbatim nuk është arritur sa duhet edhe pse po punohet jemi të kënaqur jashtëzakonisht sepse viteve të fundit është bërë shumë për ta mirëpo ende duhet të punohet”, u shpreh ai.
Kurse Ermelinda Hyseni e prekur nga kjo sindromë tha se ka ardhur për të ngritur zërin mbi të drejtat e tyre
“Sot jemi mbledhur për fëmijët me sindromën Down dhe vajzat tona. Kam pasur shumë dëshirë me takuar presidenten Vjosa Osmani dhe të gjithë stafin. Kam dëshirë që të gjithë fëmijët të ngrisin zërin që ne kemi të drejtë të punësohemi jo vetëm të tjerët por edhe ne kemi të drejtë”, u shpreh ajo.

Policia e Kosovës ka njoftuar se i dyshuari për rastin e tentimvrasjes në Pejë, të martën, është në arrati.
Në raportin 24-orësh të Policisë, bëhet e ditur se pas rastit viktima ka folur në Polici. Sipas raportit, ai ka treguar se ka ikur nga vendi i ngjarjes, pasi i dyshuari ka shtënë me armë.
“VRASJE NË TENTATIVË. Rr. Vëllezërit Gërvalla, Pejë 22.04.2025 – 12:18. Viktima mashkull kosovar, ka informuar se i dyshuari mashkull kosovar, pas një mosmarrëveshje ka shtënë me armë zjarri prapa tij, pastaj viktima nga paniku është larguar nga vendi i ngjarjes. I dyshuari gjendet në arrati. Rasti është duke u hetuar”, thuhet në njoftim.
Aktualitet
Seanca konstituive vazhdon të premten në ora 10:00
Published
21 hours agoon
April 23, 2025
Kryesuesi i seancës konstituive, Avni Dehari, e ka ndërprerë seancën pasi dështoi të votohet Albulena Haxhiu si kryeparlamentare.
Ai tha se seanca do të vazhdojë sërish më 25 prill në ora 10:00.
“Në sallë kanë votuar 57 deputetë për, 46 kundër dhe 3 kanë abstenuar. Në bazë të rezultateve të votimit nuk kalon kandidatja për kryetare dhe seanca ndërpitet për të premtën 25 prill në ora 10:00”, tha Dehari.
Aktualitet
Burimet e Vatikanit zbulojnë detaje të momenteve të fundit të Papës
Published
21 hours agoon
April 23, 2025
Burime nga Vatikani kanë dhënë më shumë detaje për momentet e fundit të Papës.
Bëhet e ditur se të hënën në mëngjes, Papa u zgjua rreth orës 6 të mëngjesit dhe ishte mirë për të paktën një orë.
Por rreth orës 7 të mëngjesit, njësia mjekësore e Vatikanit mori një telefonatë urgjente nga apartamenti i tij në Casa Santa Marta.
Zyrtarët e Vatikanit konsideruan një transferim urgjent në Spitalin Gemelli në Romë dhe burime policore kanë konfirmuar se kanë marrë një kërkesë urgjente për shoqërim policor nga Vatikani pas orës 7 të mëngjesit, shkruan Skynews.
Mësuam më herët sot se infermierja personale e Papës Massimiliano Strappetti e pyeti atë përpara paraqitjes së tij të së dielës së Pashkëve nëse mendonte se mund ta menaxhonte atë.
Papa kishte insistuar se ishte në rregull. Më pas, Papa e falënderoi dhe i tha: “Faleminderit që më ktheve në shesh”.
Më pas ai kaloi një pasdite “të qetë” të së dielës dhe shijoi darkën e tij, bëhet e ditur nga Vatikani.

Edhe produktet e qumështit mund të ngrihen, dhe kryesisht të mos e ndryshojnë teksturën dhe shijen. Zbuloni se cilat janë truket për ngrirje të duhur të produkteve të qumështit.
Në këtë mënyrë do ta zgjasni afatin e qumështit, djathit dhe produkteve të tjera, por disa prej tyre nuk ka kuptim të ngrihen, sepse pas shkrirjes nuk do ta kenë të njëjtën shije.
Truket që funksionojnë:
Ai reagon mjaft mirë ndaj ngrirjes. Atë mund ta “paketoni” në shishe plastike dhe ta vendosni në ngrirës.
E shkrini në frigorifer. Nëse e keni ngrirë qumështin e papërpunuar të pavluar, më së miri është ta vendosni (të shkrirë) në një tigan në shporet (në temperaturë mesatare) dhe të lihet të vlojë. (Bëni kujdes, qumështi është “mashtrues”, – ai mund të vlojë shpejt).
Mos e pini qumështin derisa të shkrihet, yndyrat dhe pjesa e lëngshme nuk shkrihen në të njëjtën kohë, po të shkrihej qumështi do mbetej vetëm një përzierje e bardhë e holluar me ujë. Vetëm lëreni të shkrihet ngadalë dhe përzieni para se ta përdorni. Ai do ta ketë të njëjtën shije sikurse kur e keni blerë.
Djathërat
Edhe djathërat mund t’i ngrini lehtë, bëni kujdes me shkrirjen. Në qoftë se përdorni djathë të fortë e doni ta përdorni në ushqimin ku duhet të shkrihet, vetëm vendoseni të ngrirë, në salca dhe supa. Atë mund ta imtësoni edhe të ngrirë mbi pica a ndonjë ushqim tjetër dhe vetëm e lini në furrë për disa minuta.
Nuk do duhej ta shkrini në frigorifer, sidomos djathërat e forta, se fillojnë të shpërbëhen, nëse e shkrini në temperaturë dhome, e vendosni në frigorifer për një orë ose dy para se ta përdorni. Ai do të jetë pothuajse i njëjtë si kur e keni blerë. Djathërat tjerë do t’i shkrini në frigorifer, si djathi i dhisë, krem djathi.
Ato mund t’i konsumoni pa ndonjë përgatitje të veçantë kur të shkrihen. Djathi i shtëpisë reagon në mënyrë të ngjashme me qumështin. Duhet ta keni parasysh që shtrihet kur ngrihet, bëni kujdes në çfarë do ta vendosni kur ta vendosni në frigorifer, opsioni më i mirë janë enët plastike.
Lëreni atë të shkrihet në frigorifer.
Gjalpi
Nuk ka asgjë më të thjeshtë. Vetëm vendoseni në ngrirës, dhe më pas nxirreni të shkrihet në frigorifer apo vetëm përdoreni një pjesë (sikurse në gjendje të shkrirë), dhe pjesën tjetër kthejeni në frigorifer. (Nëse gjalpi është në ulje çmimi, blijeni në sasi më të madhe dhe ngrijeni).
Ajka
Për këtë produkt të qumështit nuk rekomandohet ngrirja. Kur e shkrini në frigorifer mund ta hani pa ndonjë rrezik, por ajo do të jetë e shpërbërë dhe krejtësisht ndryshe. Më së miri është që ngrirjen e ajkës ta anashkaloni dhe atë ta përdorni të freskët.

Marcus Rashford ‘nuk dëshiron’ të luajë sërish nën drejtimin e Ruben Amorimit

A përplaseni me objekte e mavijoseni lehtë? Mund t’ju mungojë një nga këto lëndë ushqyese

Pse nuk është e sigurt të vozisni me goma dimri gjatë verës?

BE-ja gjobit Apple dhe Meta me 700 milionë euro

Studimi: Lotët ndihmojnë në diagnostifikimin e Parkinsonit

Mbrëmje vendimtare në “Fadil Vokrri”: Prishtina në kërkim të biletës për finalen e Kupës së Kosovës

23 prilli – Dita Ndërkombëtare e Librit

Uthulla e mollës, shëruese nëse përdoret për çdo ditë

Tentimvrasja në Pejë, i dyshuari në arrati
Të kërkuara
-
Bota3 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months ago
Fluturimet e dëbimit kanë filluar, thotë Shtëpia e Bardhë
-
Bota3 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT