Lajmet

​Osmani: Qytetarët duan zgjidhjen e problemeve, serbët të lodhur nga presioni i Beogradit

Ai ka përmendur problemet e shumta me të cilat ballafaqohen qytetarët e veriut të Mitrovicës.

Published

2 years ago

on

Kandidati për kryetar të Komunës së Mitrovicës Veriore nga Iniciativa Qytetare Mitrovica, Betim Osmani, ka folur lidhur me kandidimin e tij dhe arsyen pse qytetarët duhet t’ia japin votën në zgjedhjet e jashtëzakonshme të 23 prillit që do të mbahen në veri.

Ai ka përmendur problemet e shumta me të cilat ballafaqohen qytetarët e veriut të Mitrovicës, siç janë përmbytjet nga vërshimet e fundit, çështja e ujit të pijshëm, kthimi i shqiptarëve në atë pjesë, çështja e sigurisë etj., për të cilat tha se janë emergjente dhe duan zgjidhje të menjëhershme.

‘Ne si Iniciativë Qytetare tash e dy vjet që jemi formuar, kemi qenë gjithmonë në krah me qytetarin… Kështu që tash besoj është një kohë e artë për marrjen e pushtetit në Mitrovicën e Veriut dhe në realizimin e kërkesave të qytetarëve të veriut pa marrë parasysh cilës etni i përkasin… Ne kemi probleme të shumta. Së pari kisha me cekë disa probleme të cilat janë emergjente që na kanë ndodhur pikërisht në kohën kur pushteti i komunës së Mitrovicës Veriore ka dhënë dorëheqje, do të thotë i kemi qytetarët të cilët janë vërshuar nga lumi Ibër, dhe tash e tre muaj nuk kanë marrë përkrahje ekonomike ose financiare nga institucionet… Pastaj e kemi ujin që është problem tash e 25 vjet. Pushteti komunal, por edhe ai qendror nuk kanë ndërhyrë, ndërsa janë të prekura tre komuna, Mitrovica e Jugut, Veriut dhe Zveçani, ku janë humbur miliarda litra ujë dhe miliona euro janë humbur tash e 25-26 vite, do të thotë edhe këtu do të ndërmarrim hapa shumë shpejtë sepse është çështje emergjente. Po ashtu kemi raste tjera p.sh. te ‘Lagjja e doktorëve’ është shembur një kodër, ku në qoftëse nuk ndërhyhet shpejtë rrezikohen të shemben edhe katër shtëpi të komunitetit serb… Pastaj kemi probleme shumë, siç është kthimi, siguria’, ka thënë Osmani.

Osmani deklaroi se gjendja e sigurisë nuk është e keqe, andaj ka kushte për mbajtjen e zgjedhjeve dhe se disponimi i qytetarëve për pjesëmarrje në këto zgjedhje është në nivel. Ai potencoi se nuk do të ketë incidente, ndërsa tha se serbët e këtushëm janë lodhur tashmë nga presioni i Serbisë dhe Listës Serbe për të mos lejuar integrimin e tyre në institucionet e Kosovës.

“Gjendja e sigurisë nuk është e keqe në qoftëse institucionet e sigurisë e bëjnë punën e vet. Është jashtë logjikës nëse Mitrovica është anembanë e pajisur me kamera dhe institucionet tona nuk bëjnë arrestime, kjo nuk është normale… Besoj se nuk do të ketë incidente. Qytetarët e komunitetit serb në këtë situatë janë shumë të lodhur nga presioni që vjen nga Serbia, por edhe nga Lista Serbe, si për të mos dalë në votime ashtu edhe në integrimin e tyre në institucionet e Kosovës… Po besoj se ka kushte për zgjedhje dhe disponimi i qytetarëve është shumë i mirë për të dalë në zgjedhje”, tha ai.

Osmani ka apeluar te qytetarët që të dielën të dalin në numër sa më të madh për ta shfrytëzuar të drejtën e votës. Ai premtoi gjithashtu se do të jetë kryetar shumë më i mirë për qytetarët sesa dy paraardhësit e tij të mëparshëm.

“Të gjithë qytetarëve të veriut ju bëj thirrje që të dalin në zgjedhje, ta shfrytëzojnë të drejtën e tyre për përfaqësim… Do të jem përfaqësimi i tyre më i mirë, dhe ju garantoj se do të jem shumë më i mirë sesa dy kryetarët që i kemi pasur deri tani në Mitrovicën e Veriut’”, tha Osmani.

Përpos Osmanit, për kryetar të Komunës së Mitrovicës Veriore garojnë edhe Erden Atiq nga Lëvizja Vetëvendosje dhe Taulant Kelmendi nga Partia Demokratike e Kosovës. Të drejtë vote në këtë komunë kanë 18 mijë e 118 qytetarë. 

Related Topics:
Continue Reading

Lajmet

Sveçla: Aksioni në Kaçanik po vazhdon, ka arrestime të reja

Published

5 hours ago

on

April 25, 2025

By

Ministri në detyrë i Punëve të Brendshme, Xhelal Sveçla deklaroi se ka arrestime të reja që lidhen me vrasjen e rreshterit, Muhamed Lika.

Ai theksoi se operacioni i Policisë së Kosovës në Kaçanik po vazhdon dhe numri i të arrestuarve nuk dihet.

“Tashmë është publike që ka arrestime të reja. Numri përfundimtar ende nuk dihet, për shkak se aksioni është duke vazhduar. Gjitha institucionet ligj-zbatuese janë të vendosura që të luftohet çfarëdo lloj ekstremizmi apo dhune, e cila dëmton institucionet dhe pjesëtarët e saj por po ashtu vetë popullin e saj”, ka thënë Sveçla.

Ai tha se Inspektorati Policor i Kosovës është duke zhvilluar hetime, derisa u pyet se personat e arrestuar kanë qenë në liri ani pse me vepra penale.

“Inspektorati Policor i Kosovës është duke zhvilluar hetime sa i përket kësaj informate, kur t’i kemi të dalurat nga këto hetime pastaj do të marrim masat e nevojshme”, shtoi ai.

Sot, në orët e hershme të mëngjesit, Policia e Kosovës me njësitë e saja relevante ka filluar një operacion policor, në komunën e Kaçanikut.

Ky informacion është konfirmuar për KosovaPress nga zëdhënësi i Policisë së Kosovës, Baki Kelani.

“Edhe në këtë rast pas përfundimit të operacionit policor, i cili po realizohet në bashkëpunim dhe koordinim me organet e drejtësisë, do të bëhen publike informacione shtesë”, tha Kelani.

Më 1 prill, Muhamed Lika ishte gjetur i plagosur rëndë në hyrje të ndërtesës së tij, në rrugën ‘Idriz Seferi’, në Kaçanik rreth orës 23:00. Ai u transportua në Qendrën e Mjekësisë në Kaçanik, por nuk arriti t’u mbijetojë plagëve.

Continue Reading

Lajmet

KEK-u njofton se ka përfunduar me sukses riparimin e njësisë B1: Gjendja është stabile

Published

5 hours ago

on

April 25, 2025

By

Korporata Energjetike e Kosovës tha se kanë përfunduar me sukses punimet për remontin e njësisë B1, të cilat kanë nisur më 23 mars dhe tha se kanë përfunduar përpara afatit të parashikuar.

“Korporata Energjetike e Kosovës njofton opinionin se, falë angazhimit të jashtëzakonshëm të stafit të TCB, punëtorëve, inxhinierëve dhe menaxhmentit, kemi përfunduar me sukses të gjitha punimet e planifikuara për remontin e njësisë B1, i cili kishte nisur më dt: 23.03.2025 dhe ka përfunduar përpara afatit të parashikuar”, njoftoi KEK.

Ai tha se gjatë kësaj periudhe, janë realizuar riparime dhe përmirësime të ndryshme, duke përfshirë ndërrimin e pjesëve të dëmtuara, rinovimin e sistemeve të ndryshme dhe realizimin e procedurave të domosdoshme për stabilitetin dhe efikasitetin e njësisë.

“Falë përgatitjes dhe kontrollit të kujdesshëm, si dhe angazhimit të palodhshëm të ekipit të ekspertëve të TC-B-së, njësia B1 është sinkronizuar me rrjetin elektrik në orën 22:32 të dt: 24.04.2025 dhe aktualisht gjendja e saj është stabile. Kjo arritje është një dëshmi e punës së shkëlqyer të të gjithë të përfshirëve dhe vlerësimit të lartë të performancës gjatë periudhës së remontit”, tha KEK.

Continue Reading

Lajmet

Vazhdojnë regjistrimet në UBT International Smart Schools – Shkollat më inovative të mesme në vend

Published

5 hours ago

on

April 25, 2025

By

Në UBT International Smart Schools po vazhdojnë regjistrimet për vitin e ri shkollor, në institucionin që tashmë njihet si një ndër platformat më të avancuara arsimore në Kosovë dhe rajon. Këto shkolla të mesme ofrojnë një model të veçantë të arsimit, duke kombinuar pjesën teorike me atë praktike, teknologjinë me kreativitetin, dhe edukimin me zhvillimin e lidershipit.

UBT International Smart Schools janë të parat në Kosovë dhe rajon që kanë zbatuar edukimin 4.0 – një model që përfshin përdorimin e teknologjive të avancuara, si dhe metodave moderne të mësimdhënies. Kjo qasje inovative mundëson që nxënësit të përgatiten për sfidat reale të së ardhmes dhe të dalin në tregun e punës apo arsimit të lartë me njohuri të thelluara dhe përvoja konkrete.

Përmes kurrikulave të harmonizuara me ato evropiane dhe amerikane, nxënësit zhvillojnë aftësi të avancuara akademike, teknike dhe shoqërore. Mësimi zhvillohet në ambiente moderne, të pajisura me laboratorë, pajisje teknologjike dhe hapësira të dizajnuara për të nxitur të menduarit kritik dhe bashkëpunimin.
Zgjedh programin që i përshtatet pasioneve dhe ambicieve të tua:

•     Gjimnazi TIK – Për të rinjtë që duan të jenë pjesë e botës së teknologjisë dhe inovacionit.
•     Gjimnazi Natyror – Për ata që kanë pasion për shkencat natyrore dhe kërkimin shkencor.
•     Gjimnazi Gjuhësor – Për nxënësit që duan të përparojnë në gjuhë të huaja dhe komunikim ndërkombëtar.
•     Asistent Dentar
•     Bashkëpunëtor Profesional i Infermierisë
•     Teknik i Farmacisë
•     Teknik i Laboratorit Mjekësor
•     Teknik i Optikës – Opticient

Formimi i liderëve të së nesërmes nis në UBT International Smart Schools

UBT International Smart Schools janë shkollat me synimin në zhvillimin e liderëve, inovatorëve dhe profesionistëve të së ardhmes. Me mentorim nga profesorë të kualifikuar, me praktika dhe projekte reale, si dhe me mundësi të shumta për pjesëmarrje në gara, konferenca dhe bashkëpunime ndërkombëtare, këto shkolla ofrojnë më shumë se një arsim – ofrojnë një përvojë jetësore.
Regjistrohu tani dhe bëhu pjesë e një udhëtimi edukativ që formëson të ardhmen tënde!

Për më shumë informata dhe aplikim: https://ubt.school/
046 332 233

Continue Reading

Lajmet

Duda Balje: Nuk ndryshojmë qëndrim për koalicion me Vetëvendosjen

Published

7 hours ago

on

April 25, 2025

By

Deputetja nga radhët e komunitetit boshnjak dhe kryetare e Unionit Socialdemokrat, Duda Balje, ka deklaruar se partia e saj nuk ka ndryshuar qëndrim sa i përket bashkëpunimit me Lëvizjen Vetëvendosje. Deklarata e saj erdhi si përgjigje ndaj deputetit të VV-së, Arbër Rexhaj, i cili kishte përmendur një ofertë për pozitë ministrore ndaj Unionit Socialdemokrat.

“Unë jam mbrapa qëndrimit, të cilin e kemi marrë si parti. Ne nuk e ndryshojmë qëndrimin,” u shpreh Balje.

Ajo gjithashtu reagoi ndaj komenteve të Rexhajt lidhur me deputetët me pak vota, duke rikujtuar se ajo dhe partia e saj kanë mbështetur Vetëvendosjen në të kaluarën.

“Arbër Rexhaj ka pasur një pikëpyetje se çka është duke ndodhur me deputetët që i kanë pasur 500 vota. Unë e kam një përgjigje për Arbërin se ku ishte Arbëri kur ne kemi votuar për qeverisjen lokale të VV-së dhe për kryeministrin Kurti. Unë i them se kjo nuk ka logjikë prej Arbërit,” tha Balje

Continue Reading

Të kërkuara