

Lajmet
Osmani në samitin në Tiranë: Vuçiq vazhdimësi e mendësisë së viteve të 90-ta
Kryetarja e shtetit ka theksuar se ky samit nuk është vend për dialog apo negociata ndërmjet Kosovës dhe Serbisë.
Published
3 years agoon
By
Betim GashiPresidentja e vendit, Vjosa Osmani ka deklaruar se presidenti i Serbisë, Aleksandër Vuçiq është vazhdimësi e mendësisë së vjetër e viteve të 90-ta. Sipas saj, dialogu i udhëhequr nga Bashkimi Evropian dhe i mbështetur nga ShBA-ja është e vetmja rrugë drejt marrëveshjes përfundimtare me Serbinë. Kështu është deklaruar ajo, teksa ka mbërritur për Samitin BE-Ballkani Perëndimor, i cili po mbahet në Tiranë. Kryetarja e shtetit ka theksuar se ky samit nuk është vend për dialog apo negociata ndërmjet Kosovës dhe Serbisë. Ajo para gazetarëve ka shtuar se Bashkimi Evropian duhet të lëvizë nga fjalët në vepra.
Samitin që po mbahet në kryeqytetin shqiptar, Osmani e ka quajtur iniciativë shumë të rëndësishme për Ballkanin Perëndimor dhe për Bashkimin Evropian.
“Për fat të keq, Vuçiq është vazhdimësi e një mendësie që ka ekzistuar në vitet ’90 në Serbi dhe është saktësisht kjo mendësi që çoi në luftë, në shkatërrim, në vrasje në 150 mijë civilëve që është mentalitet, që duhet të refuzohet nga të gjithë… Ajo çfarë po tregon Kosova këto ditë është maksimumi i asaj çfarë tregon Vuciqi. Edhe pse ata asnjëherë nuk kanë kërkuar falje për krimet që kanë kryer dhe ne besojmë se dialogu i udhëhequr nga Bashkimi Evropian dhe i mbështetur plotësisht nga Shtetet e Bashkuara të Amerikës është e vetmja rrugë përpara drejt arritjes së një marrëveshjeje përfundimtare që është në qendër të njohjes reciproke”, ka deklaruar Osmani.
Kryetarja e Kosovës ka shtuar se është lidere e vendit më pro-evropian, duke shtuar se Kosova në fund të vitit do të dorëzojë aplikimin për anëtarësim në BE.
“Shpresoj se konkluzionet si dhe deklaratat do të shfaqin këtë përbashkësi të Bashkimit Evropian drejt një procesi të përshpejtuar për Ballkanin Perëndimor. Në të njëjtën kohë, unë jam këtu si lider i vendit më pro evropian që ekziston dhe në këtë kuptim, ne kemi treguar përkushtimin ndaj Bashkimit Evropian dhe vlerave të BE-së në çdo veprim që kemi ndërmarrë, veçanërisht kur jemi te harmonizimi 100% me BE-në për çdo vendim të politikës së jashtme dhe sigurisë, përafrimi ndaj sanksioneve kundër Rusisë si dhe në refuzimin e çdo ndikimi dhe faktori keqdashës siç janë Rusia dhe Kina, por në të njëjtën kohë na duhet që BE-ja të lëvizë nga fjalët në vepra. Sidomos kur është fjala për liberalizimin e vizave për qytetarët e Kosovës, por siç e dini dhe siç do të njoftoj sot këtu para të gjithë liderëve të BE-së, Kosova do të dorëzojë aplikacionin e saj për anëtarësim në BE deri në fund të këtij viti, dhe sigurisht, shpresojmë përmes mbështetjes së plotë të anëtarëve të Bashkimit Evropian”, ka deklaruar Osmani.
Mes tjerash, presidentja Osmani ka shtuar se ky samit nuk është vend për dialog apo negociata mes Kosovës e Serbisë.
“ Ky është një takim mes BE-së dhe Ballkanit Perëndimor dhe këtu nuk është vendi për dialog apo negociata ndërmjet Kosovës dhe Serbisë, siç e dini, është një proces i veçantë që po e përsëris, është i lehtësuar nga Bashkimi Evropian në Bruksel, por është një proces i cili besojmë se duhet të përqendrohet në njohjen reciproke, dhe në të njëjtën kohë të mbrojë dhe ruajë integritetin territorial të Kosovës dhe sovranitetin si karakter unitar, si dhe sistemin e saj kushtetues”, ka shtuar Osmani.
Teksa është deklaruar për liberalizimin e vizave për Kosovën, Osmani theksoi se edhe sot në këtë samit do të bëjë thirrje për mbështetje në mbledhjen e këshillit që do të mbahet gjatë këtij muaji.
“Ndërkohë, ajo që ndodhi është se Maqedonia e Veriut, e ashtu edhe Shqipëria, kanë ecur përpara me hapjen e bisedimeve të anëtarësimit. Dhe sigurisht, ka pasur edhe një vendim të ambasadorëve të BE-së, vendim njëzëri për mbështetjen e plotë të liberalizimit të vizave për Kosovën, ku shpresojmë dhe besojmë që do t’iu bëjmë thirrje të gjithë liderëve sot që ta votojnë pro, në konkluzionet e mbledhjes së këshillit që do të mbahet më 15 dhjetor. Dhe mendoj se ky do të ishte një hap i madh përpara për t’i dhënë një sinjal të qartë Ballkanit Perëndimor se ka rëndësi nëse qëndroni me vlerat e BE-së apo jo, sepse ndonjëherë më duhet të pranoj se ka mesazhe të çuditshme që dërgohen, sepse nga njëra anë, ju keni vende që janë plotësisht të lidhura me Bashkimin Evropian dhe nga ana tjetër, keni vende të tjera që janë plotësisht të lidhura me Putinin. Ata nuk duhet të trajtohen njësoj. Ose je krah Ukrainës, ose krah Rusisë dhe kjo duhet të vlejë”, ka përfunduar Osmani.
Në kuadër të Samitit BE-Ballkani Perëndimor është arritur marrëveshja për tarifat Roaming mes vendeve të Ballkanit Perëndimor dhe Bashkimit Evropian, e cila cakton uljen e tarifave në vitin e ardhshëm.
Samiti që po mbahet në Tiranë është i pari që po zhvillohet në territorin e një vendi të rajonit që nuk është në Bashkim Evropian dhe ka në agjendë krizat energjetike, luftën në Ukrainë si dhe krizën e migracionit. Ndërsa punimet e samitit do të zhvillohen në ambientet e stadiumit Arena Kombëtare.
Lajmet
OpenAI mposht Grok-in e Elon Musk në turneun e shahut me AI
Published
22 hours agoon
August 8, 2025By
UBT News
OpenAI, krijuesi i ChatGPT, ka mundur Grok-in e Elon Musk-ut në finalen e një turneu për të shpallur lojtarin më të mirë të shahut me inteligjencë artificiale (AI).
Historikisht, kompanitë teknologjike shpesh kanë përdorur shahun për të vlerësuar përparimin dhe aftësitë e një kompjuteri, me makinat moderne të shahut që janë praktikisht të pamposhtura edhe nga lojtarët më të mirë njerëzorë, raporton BBC.
Por kjo garë nuk përfshinte kompjuterë të dizajnuar posaçërisht për shah ai u zhvillua mes programeve të AI që janë krijuar për përdorim të përditshëm.
Modeli o3 i OpenAI doli fitues pa humbje në turne dhe mundi në finale modelin Grok 4 të xAI, duke shtuar tensionin në rivalitetin në vazhdim mes dy kompanive. Musk dhe Sam Altman, të dy bashkëthemelues të OpenAI, pretendojnë se modelet e tyre të fundit janë më të zgjuarat në botë.
Modeli Gemini i Google mori vendin e tretë në turne, pasi mundi një model tjetër të OpenAI.
Megjithatë, këto AI, edhe pse të talentuara në shumë detyra të përditshme, janë ende duke u përmirësuar në shah – me Grok që bëri disa gabime gjatë ndeshjeve të fundit, përfshirë humbjen e herë pas hershme të mbretëreshës së tij.
“Derisa arriti në gjysmëfinale, dukej sikur asgjë nuk do ta ndalë Grok 4 drejt fitimit të ngjarjes”, tha Pedro Pinhata, një gazetar i Chess.com, në mbulimin e tij.
“Pavarësisht disa momenteve të dobësisë, AI e X dukej larg më e fortë si lojtar shahu… Por iluzioni u shemb në ditën e fundit të turneut”.
Ai tha se loja “e pakonceptueshme” dhe “gabimet” e Grok i mundësuan o3 që të merrte një sërë fitoreve të bindshme.
“Grok bëri shumë gabime në këto ndeshje, por OpenAI jo”, tha mjeshtri i madh i shahut Hikaru Nakamura gjatë transmetimit të tij live në finalen.
Para finales së të enjtes, Musk kishte thënë në një postim në X se suksesi paraprak i xAI-së në turne ishte një “efekt anësor” dhe se ata “nuk kanë shpenzuar pothuajse aspak përpjekje për shah”.
Aktualitet
Vendimi i gjykatës: Popoviq dëbohet nga Kosova
Published
24 hours agoon
August 8, 2025By
UBTnews
Igor Popoviq është shpallur fajtor dhe është dënuar nga Gjykata Themelore në Prishtinë me gjobë prej 3 mijë eurosh dhe me masën plotësuese të dëbimit nga territori i Kosovës për një periudhë dyvjeçare, pas arritjes së marrëveshjes për pranimin e fajësisë me Prokurorinë Speciale të Republikës së Kosovës.
Sipas aktakuzës së ngritur më 4 gusht 2025 nga PSRK-ja , Igor Popoviq, ndihmësdrejtor në të ashtuquajturën Zyrë për Kosovën në Qeverinë e Serbisë, me dashje dhe me qëllim ka nxitur dhe përhapur publikisht urrejtje dhe mos durim midis grupeve etnike.
Në atë mënyrë që i njëjti me datën 18 korrik 2025, rreth orës 12:00 në Rahovec ka mbajtur një fjalim publik me të cilin i është drejtuar një mase të gjerë të qytetarëve, ku mes tjerash ka përdorur gjuhë me përmbajtje nxitëse dhe urrejtëse.
Kryetari i trupit gjykues, gjyqtari Kujtim Krasniqi, tha se i akuzuari Igor Popoviq, me është shpallur fajtor për veprën penale “nxitja e përçarjes dhe mosdurimit” nga neni 141, paragrafi 1 i Kodit Penal të Republikës së Kosovës.
Sipas tij, gjykata, në përputhje me dispozitat penale dhe procedurale, e ka dënuar Popoviqin me 6 muaj burgim, dënim i cili, me pëlqimin e të akuzuarit, zëvendësohet me gjobë në shumën prej 3 mijë eurosh.
Krasniqi tha se gjykata ka shqiptuar edhe dënim plotësues, dëbimin e Popoviqit nga territori i Republikës së Kosovës dhe ndalimin e hyrjes së tij për një periudhë prej dy vitesh.
“I akuzuari Igor Popoviq me shënime personale si në shkresë të lëndës është fajtor për veprën penale nxitja e përqarjes dhe mos durimit nga neni 141, paragrafi 1 i kodit penal të Republikës së Kosovës. Andaj gjykata konform dispozitave penale dhe procedurale të njëjtin e gjykon me dënim me burgim me kohëzgjatje prej 6 muajve, i cili dënim me pëlqimin e të akuzuarit zëvendësohet me dënim me gjobë në shumën prej 3 mijë eurove… Koha e kaluar në masën e paraburgimet nga data 18.07.2025 deri më datën 08.08.2025 i llogaritet në dënimin me burgim të shqiptuar. Po ashtu, Gjykata i shqipton edhe dënim plotësues. Urdhërohet dëbimi i të pandehurit Igor Popoviq nga territori i Republikës së Kosovës dhe i ndalohet hyrja për dy vite”, tha Krasniqi.
Mëngjesin e sotëm, më 8 gusht, Prokuroria Speciale i propozoi gjykatës që ndaj Popoviqit të shqiptohet i njëjtit dënim, sipas marrëveshjes, për veprën penale për të cilën akuzohet, gjashtë muaj burgim, i cili të zëvendësohet me gjobë në shumën prej 3 mijë eurosh.
Sot, prokurorja e rastit, Fikrije Krasniqi-Zejnullahu i propozoi gjykatës që ndaj Popoviqit të shqiptohet edhe dënimi plotësues – dëbimi nga territori i Kosovës për një afat prej dy vitesh, për çka palët janë pajtuar.
Avokati i Popoviq, Millosh Delliviq tha se i qëndrojnë mbrapa marrëveshjes së arritur me Prokurorinë Speciale.
Kujtojmë se arrestimi i Popoviq ndodhi pas mbajtjes së një fjalimi në Hoçë të Madhe të Rahovecit, ku ai u shpreh kundër Ushtrisë Çlirimtare të Kosovës.
Prokuroria vlerësoi se përmes këtyre deklaratave, Popoviq ka ndikuar negativisht në marrëdhëniet ndërmjet komuniteteve, duke nxitur mosbesim dhe tensione ndëretnike, dhe duke rrezikuar bashkëjetesën në shoqërinë kosovare.
Aktualitet
Qeveria në detyrë merr këto vendime në mbledhjen e radhës
Published
24 hours agoon
August 8, 2025By
UBTnews
Qeveria në detyrë e Kosovës ka mbajtur sot mbledhje elektronike në të cilën ka marrë disa vendime.
Kabineti qeveritar në detyrë ka miratuar vendimin për shqyrtim të mëtejmë të kërkesës me vetiniciativë për shpronësim për interes publik të pronave të paluajtshme të cilat janë të nevojshme për realizimin e Projektit Infrastrukturor për Interes Publik- Ndërtimi i Urës mbi lumin Ibër që lidh Mitrovicën e veriut dhe Mitrovicën e jugut.
Po ashtu, janë caktuar zonat e shërbimit për ofruesit e shërbimeve të ujit në Kosovë, si dhe është miratuar ndryshimin e Statutit të Kompanisë Rajonale të Ujësjellësit “Mitrovica” sipas vendimit të bordit të drejtorëve.
Aktualitet
Kurti takoi ambasadorët e QUINT-it dhe shefin e Zyrës së BE-së në Kosovë
Published
1 day agoon
August 8, 2025By
UBT News
Kryeministri në detyrë Albin Kurti ka pritur në takim ambasadorët dhe përfaqësuesit diplomatikë të shteteve të QUINT-it dhe shefin e Zyrës së Bashkimit Evropian në Kosovë.
Aty u diskutua mbi rrugën e integrimit të vendit tonë në BE, mos konstituimin e Kuvendit dhe arrestimet e qytetarëve të Kosovës nga Serbia.
Kurti informoi ambasadorët dhe përfaqësuesit diplomatikë për performancën ekonomike të vendit dhe rezultatet e politikave të qeverisë përgjatë pjesës së parë të këtij viti.
Ai tha se qarkullimi i bizneseve për gjashtë muajt e parë të vitit ka arritur vlerën 10.7 miliardë euro, duke shënuar një rritje 10.3%. Shpenzimet kapitale të qeverisë gjatë këtyre gjashtë muajve të parë janë 24% më të larta sesa në gjysmën e parë 2024.
Në çerekun e parë 2025, ekonomia është rritur për 3.61% të Bruto Produktit Vendor, tha ai.
Kurti ka folur edhe mbi numrin e bizneseve të reja të regjistruara këtë vit, si dhe veçoi të dhënat e fundit nga skema e punësimit “Qeveria për Familjet”, anëtarësimin e Kosovës në Regjistrin Evropian për Cilësi të Arsimit të Lartë dhe në Aleancën Evropiane për Praktikën Profesionale.

UBT zhvillon qendrën e saj të sigurisë kibernetike në njërën nga qendrat më të avancuara në rajon

Studimet: Alzheimeri mund të fillojë jashtë trurit!

Rita Ora publikon këngën e re ‘Joy’

Super kompjuteri parashikon golashënuesit e Ligës Premier 2025/26: Gyokeres e mbyll si i treti

OpenAI mposht Grok-in e Elon Musk në turneun e shahut me AI

Pulsimi i veshëve; Pse ndodh dhe si ta largoni?

Pesë vitet e fundit, Sony ka shitur më shumë se 80 milionë konsola PlayStation 5

Truket që e bëjnë grimin të qëndrojë edhe kur jashtë është vapë

Vendimi i gjykatës: Popoviq dëbohet nga Kosova
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit