Aktualitet

​Osmani: Do të kujdesem që të forcohen shtyllat e shtetësisë në kufijtë e 17 shkurtit

Published

5 years ago

on

Presidentja Vjosa Osmani është zotuar se do të kujdeset që shtyllat e shtetësisë së Kosovës, nën kufijtë e pavarësisë së 17 shkurtit çdo ditë e më shumë të forcohen.

E para e shtetit gjatë akademisë solemne me rastin e shënimit të 109 vjetorit të Kuvendit të Junikut tha se kujtesa historike duhet të ruhet, pasi ngjarjet e tilla kanë peshë kombëtare. Pjesë e kësaj akademie ishte edhe kryetari i AAK-së, Ramush Haradinaj, i cili tha se kushdo që nderon të kaluarën, nuk duhet të turpërohet të lartësojë edhe heronjtë e UÇK-së.

“Ne duhet të kujdesemi që trashëgimia politike e Kuvendit të Junikut, maturia dhe vendosmëria e prijësve të tij për ta marrë në duar fatin e vendit dhe jetësuar vullnetin e qartë për liri, të jetë udhërrëfyes i vazhdueshëm për mënyrën si të veprojmë dhe artikulojmë qëndrimet tona. Si presidente e vendit do të kujdesem fortë që shtyllat e shtetësisë sonë, të republikës sonë të pavarur dhe sovrane të Kosovës, në kufijtë të 17 shkurtit çdo ditë e më shumë të forcohen. Kujtesa historike të ruhet dhe kultivohet që ngjarjet e tilla të marrin trajtimin e duhur edhe shkencor, kulturor dhe mbi të gjitha institucional. Mos të harrojmë kurrë se ne jemi sot që dje ishin ata”, tha ajo.

Bashkim dhe unifikim të shqiptarëve kërkoi zëvendëskryeministrja e Kosovës, njëherësh ministre e Punëve të Jashtme dhe Diasporës, Donika Gërvalla.

“Bashkimi qëndron edhe në themelet e të ardhmes evropiane të të gjithë shqiptarëve kudo që ata jetojnë. Ta kujtojmë Kuvendin e Junikut, të parët tanë, dëshmorët dhe heronjtë e përditshëm që sot i shohim në gjitha sferat e jetës dhe të përgatisim një të ardhme më të mirë për fëmijët tanë”, u shpreh ajo.

Ndërsa, lideri i AAK-së, Ramush Haradinaj tha se bashkimi bëhet duke respektuar secilin e të kaluarës, të tanishmes dhe të ardhmes.

“Kushdo që nderon të kaluarën tonë dhe harron një sekuencë të kësaj të kaluare, nuk duhet të turpërohet të lartësojë heronjtë e UÇK-së. Nuk ndahen këto periudha të historisë, nuk ndryshojnë, e bëjmë gabime që kanë bërë të tjerët para nesh duke mohuar një etapë duke i ndarë shqiptarët. Bashkimi bëhet duke e respektuar secilin dhe secilës së atëhershme, të tanishme dhe të ardhshme”, theksoi ai.

Në emër të familjeve, Prishtina, Boletini dhe Galica foli stërnipi Hasan Prishtinës, Mehmet Prishtina, i cili tha se Kuvendi i Junikut është gur i çmuar i kujtesës kombëtare.

“Datat 21 deri 25 maj të vitit 1912 do të mbesin në historinë e lavdisë shqiptare si gurët më të çmuar të kujtesës kombëtare. Si i tillë paraqet platformën më të kristaltë kombëtare që i paraprinë ngjarjeve të bujshme”, tha ai.

Kurse, kryetari i Komunës së Junikut, Agron Kuçi tha se ky qytet është djep i pavarësisë që paraqiti platformën e lirisë në momentet historike të kombit shqiptar.

“Kuvendi i Junikut paraqet një nga momentet më të rëndësishme të historisë kombëtare shqiptare, të udhëhequra nga ideologu i pavarësisë së Shqipërisë, Hasan Prishtina përkrahur na 300 delegatë të të gjithë trevave shqiptare”, tha ai.

Paraprakisht, presidentja Osmani në Junik bëri homazhe pranë lapidarit të heronjve, dëshmorëve dhe martirëve të këtij qyteti.

Related Topics:
Continue Reading

lajme

Publikohet studimi shumëvjeçar në stomatologji me kontributin e Prof. Asoc. Dr. Jeta Kiseri Kubati në International Journal of Dental Hygiene

Published

21 minutes ago

on

August 13, 2026

By

Një tjetër rezultat i rëndësishëm i bashkëpunimit ndërkombëtar në fushën e shkencave dentare vjen nga Prof. Asoc. Jeta Kiseri Kubati, nga Fakulteti i Stomatologjisë në UBT, e cila është bashkëautore e një studimi shkencor të realizuar në bashkëpunim me studiues të Fakultetit të Mjekësisë Dentare të Universitetit të Rijekës, Kroaci.

Studimi, i cili është rezultat i një pune kërkimore shumëvjeçare dhe i një bashkëpunimi akademik ndërinstitucional, është publikuar në International Journal of Dental Hygiene, revistë shkencore ndërkombëtare e botuar nga Wiley dhe revista zyrtare e International Federation of Dental Hygienists. Revista është e indeksuar në Web of Science – Science Citation Index Expanded (SCIE), Scopus dhe MEDLINE/PubMed, duke i dhënë publikimit një shtrirje të gjerë në komunitetin ndërkombëtar të kërkimit shkencor.

Punimi, me autorë Milan Kos, Marija Kolceg Batinic, Jeta Kiseri Kubati, Daniela Kovacevic Pavicic dhe Stjepan Spalj, trajton perceptimin e pacientëve dhe efektet psikososiale të ndryshimit të ngjyrës së dhëmbëve pas zbardhimit dentar, duke ndjekur ndryshimet jo vetëm në periudhën e menjëhershme pas ndërhyrjes, por edhe gjatë një periudhe njëvjeçare.

Rezultatet sjellin një perspektivë interesante mbi lidhjen ndërmjet estetikës dentare, perceptimit të pacientit dhe mirëqenies psikososiale. Ndryshimi i ngjyrës së dhëmbëve ishte dukshëm më i madh në grupin aktiv pas një jave, ndërsa diferenca u zvogëlua gjatë një viti për shkak të rikthimit gradual të ngjyrës. Në të njëjtën kohë, të dy grupet raportuan rritje të kënaqësisë me estetikën orofaciale në periudhën afatshkurtër.

Ky publikim përbën një dëshmi të rëndësishme të vlerës së bashkëpunimit akademik ndërmjet institucioneve të arsimit të lartë në Kosovë dhe Kroaci, duke krijuar mundësi për realizimin e projekteve kërkimore klinike me standarde ndërkombëtare.

Continue Reading

Vendi

Besnik Tahiri i kërkon takim Avni Deharit për caktimin e seancës së radhës së Kuvendit

Published

1 hour ago

on

August 13, 2026

By

Besnik Tahiri i kërkon takim Avni Deharit për caktimin e seancës së radhës së KuvenditShefi i Grupit Parlamentar të Aleancës për Ardhmërinë e Kosovës (AAK), Besnik Tahiri, i ka kërkuar sot zyrtarisht takim kryesuesit të seancës knstituive, Avni Dehari, për të koordinuar përgatitjet rreth mbajtjes së seancës së radhës së Kuvendit të Kosovës.

Tahiri ka theksuar se, në përputhje me Rregulloren e Punës së Kuvendit dhe afatin e përcaktuar 48-orësh, seanca konstituive duhet të mbahet ditën e premte.

“Sot i kam drejtuar një kërkesë Kryesuesit të Seancës Konstituive, z. Avni Dehari, për zhvillimin e një takimi lidhur me përgatitjen dhe koordinimin e seancës së radhës, e cila, në përputhje me Rregulloren e Punës së Kuvendit, duhet të mbahet nesër”, ka njoftuar Tahiri.

Përfaqësuesi i AAK-së ka propozuar që takimi të zhvillohet deri në orën 13:30 në ambientet e Kuvendit, duke nënvizuar se kjo kërkesë bëhet në frymën e përgjegjësisë institucionale dhe respektimit të procedurave parlamentare.

“Pres konfirmimin e kohës dhe vendit të takimit”, ka deklaruar më tej Tahiri. /E.A/

Continue Reading

Aktualitet

E ardhmja e Maignan: Mes Milanit dhe Arabisë Saudite

Published

2 hours ago

on

August 13, 2026

By

Klubi i futbollit Al Nassr ka shfaqur interesim konkret për portierin e Milanit, Mike Maignan, teksa gjiganti saudit është në kërkim të një portieri të ri për ta vendosur titullar në përbërjen e tij.

Ndërkohë, situata e gardianit francez pritet të qartësohet shumë shpejt. Maignan dhe drejtuesit e klubit italian do të zhvillojnë një takim kokë më kokë, ku pritet të diskohet hapur e ardhmja e tij dhe qëndrimet e të dyja palëve.

Megjithatë, ende mbetet e paqartë nëse 30-vjeçari do të jetë i gatshëm të transferohet në Arabinë Saudite apo dëshiron të vazhdojë aventurën e tij në “San Siro”. /A.M/

Continue Reading

Lajmet

Sekuestrohen dhjetëra thika e boksa metalikë në Pejë

Published

2 hours ago

on

August 13, 2026

By

Zyrtarët policorë të Stacionit Policor në Pejë, në bashkëpunim me inspektorët e tregut, kanë sekuestruar një sasi të konsiderueshme të mjeteve të mprehta dhe të rrezikshme që po shiteshin nga shitësit ambulantë në zonën e “Qarshisë së Gjatë”.

Sipas komunikatës zyrtare të Policisë së Kosovës, aksioni ka nisur më 5 gusht 2026, kur gjatë aktiviteteve rutinë u vërejt se shitësit ambulantë po tregtonin mjete të mprehta dhe boksa metali.

Në vazhdën e këtij aksioni, më 12 gusht 2026, inspektorët e tregut të asistuar nga Policia e Kosovës kanë zhvilluar një tjetër kontroll në të njëjtin lokacion, ku te personat e dyshuar u gjetën dhe u sekuestruan: 86 mjete të mprehta, 19 boksa metalikë, 2 shufra metali, 3 fotrolla thike

Policia e Kosovës bën të ditur se të gjitha veprimet janë ndërmarrë duke përfillur procedurat ligjore në fuqi, me qëllim parandalimin e rreziqeve dhe rritjen e sigurisë publike. /E.A/

 

 

Continue Reading

Të kërkuara