Lajmet

​Opozita: Injorimi nga Blinken, mesazh për Kurtin dhe Osmanin

Sipas tyre, kjo qeveri po krijon çdoherë e më shumë një distancë me drejtuesit amerikan.

Published

3 years ago

on

Opozita ka drejtuar kritika për kryeministrin Albin Kurti rreth procesit të dialogut me Serbinë, si dhe për raportet me Shteteve e Bashkuara të Amerikës. Sipas tyre, kjo qeveri po krijon çdoherë e më shumë një distancë me drejtuesit amerikan. Ndërsa shefja e deputetëve të Lëvizjes Vetëvendosje, Mimoza Kusari-Lila ka deklaruar se raportet në mes të Kosovës dhe Amerikës, janë siç duhet të jenë në mes të dy partnerëve strategjik dhe të përhershëm.

Lidhur me procesin e dialogut Kosovë-Serbi, Kusari-Lila ka deklaruar se nuk mund të quhet dështim derisa ka proces të negociatave.

“Përderisa ka dialog ka proces, nuk mund të quhet dështim ose nuk duhet të paragjykohet si dështim, por natyrisht se në këtë proces do të ketë dinamikë e cila individualisht palëve mund t’u duket ndryshe por ajo çka është shumë e rëndësishme është të vazhdojë procesi, të vazhdojë dialogu dhe natyrisht synimi final i këtij procesi të jetë njihja e ndërsjellë dhe normalizimi i plotë i raporteve në mes të dy vendeve”, ka thënë ajo.

Ndërsa, shefi i deputetëve të Partisë Demokratike të Kosovës, Abelard Tahiri ka thënë se është shqetësues fakti që kryeministri Albin Kurti dhe presidentja Vjosa Osmani nuk kanë arritur ta takojnë sekretarin amerikan të shtetit, në kudër të konferencës së Mynihut. Ai ka thënë që Blinken u ka bërë krerëve të shtetit të Kosovës, ndërkohë që ka takuar presidentin e Serbisë, është mesazh për Kurtin dhe Osmanin.

“Është shqetësues fakti që drejtuesit e Kosovës janë injoruar nga sekretari i shtetit Blinken gjatë kësaj konferencë në Mynih, dhe vizita e presidentit Vuçiq në këtë konferencë e kemi parë që është lidhë kryekëput me dialogun në mes të Kosovës dhe Serbisë, dhe injorimi që është bërë nga sekretari Blinken është mesazh i qartë për kryeministrin Kurti dhe për presidenten Osmani. Është shumë mirë që të takohen me kongresmen, e senatorë mirëpo ajo që është shumë e rëndësishme është të takohen me vendimmarrësit. Është hera e parë që në këtë konferencë të Mynihut, drejtuesit e Shtetit të Kosovës nuk arrijnë më u taku me drejtues të niveleve të larta të shteteve të Bashkuara të Amerikës, dhe më shqetësues është fakti që jemi një javë para këtij takimi dhe një javë para këtij takimi ta takon presidentin Vuçiq dhe jo kryeministrin e Kosovës është sinjal shumë i keq”, ka thënë Tahiri.

Por, sipas shefes së deputetëve të Vetëvendosjes, Kosova dhe SHBA-të kanë partnerë të përhershëm.

“Te trajtimi i raporteve në mes të Kosovës dhe shteteve të Bashkuara të Amerikës unë mendoj që për këtë shumë herë deri tash është deklaruar edhe Ambasada e Shteteve të Bashkuara të Amerikës që është zgjatim i politikës së ekzekutivit gjegjësisht departamentit të shtetit, në Kosovë, dhe këto raporte janë raporte siç duhet të jenë në mes të dy partnerëve strategjik, afatgjatë dhe të përhershëm”, ka thënë Kusari-Lila.

Takimi i radhës Kurti-Vuçiq pritet të zhvillohet më 27 shkurt në kuadër të dialogut të Brukselit.

Sipas shefit të deputetëve të Aleancës për Ardhmërinë e Kosovës, Besnik Tahiri, koha kur takimet kanë ndodhur për fotografi duhet të kalojë dhe duhet të ketë mobilizim të sinqertë më ShBA-të për të arritur të marrëveshja finale.

“Rreziku potencial i Kosovës është që Serbia të vazhdojë të mbajë Kosovën në një konflikt të ngrirë duke e parë dhe paraqitur si palë jo konstruktive, si palë që bën telashe, ne në këtë qosh nuk duhet të hyjmë, ne duhet të kemi një politikë proaktive që ka munguar tash e pesë vjet, pra ne kemi qenë, jemi dhe vazhdojmë të mendojmë që arritja e një marrëveshje e cila në fakt e siguron njohjen reciproke, njohjen e Kosovës, ecjen e Kosovës përpara në rrugëtimin e vet është e rëndësishme”, ka thënë ai.

Related Topics:
Continue Reading

Lajmet

IKSHPK me rekomandime për qytetarët pas paralajmërimit për stuhi me rrufe

Published

5 seconds ago

on

July 22, 2026

By

Pasi Instituti Hidrometeorologjik i Kosovës (IHMK) ka paralajmëruar për sot stuhi lokale me bubullima dhe rrezik të lartë nga goditjet e rrufesë, edhe Instituti Kombëtar i Shëndetësisë Publike të Kosovës (IKSHPK) ka publikuar disa rekomandime për qytetarët.

Sipas IKSHPK-së, për të mbrojtur veten dhe familjen gjatë stuhive me rrufe, qytetarët duhet të hyjnë menjëherë në një ndërtesë të mbyllur ose në një automjet.

Po ashtu, rekomandohet të shmanget qëndrimi në fusha të hapura, nën pemë, pranë shtyllave elektrike dhe objekteve të tjera që mund të paraqesin rrezik gjatë motit të lig.

Më poshtë i gjeni rekomandimet e plota të IKSHPK-së:

/A.K/

Continue Reading

Lajmet

Trump premton mbështetje për Libanin pas takimit me presidentin Aoun

Published

47 minutes ago

on

July 22, 2026

By

Presidenti amerikan Donald Trump është zotuar se Shtetet e Bashkuara do ta ndihmojnë Libanin gjatë një takimi në Shtëpinë e Bardhë me presidentin libanez, Joseph Aoun.

“Ka qenë një vend shumë i keqtrajtuar dhe ne do ta trajtojmë siç duhet dhe me respektin që meriton. Ne do ta ndihmojmë shumë”, ka deklaruar Trump, pa dhënë detaje konkrete për mbështetjen.

Presidenti Aoun e falënderoi Trumpin për mbështetjen amerikane, duke shprehur mirënjohje për angazhimin e SHBA-së ndaj sovranitetit të Libanit, institucioneve shtetërore dhe Forcave të Armatosura Libaneze.

I pyetur për tërheqjen e trupave izraelite nga Libani jugor, Trump tha se procesi është duke vazhduar, duke shtuar se forcat izraelite janë në fazën e ridislokimit, por pa dhënë hollësi të mëtejshme.

Nga ana e tij, Aoun e vlerësoi qasjen e presidentit amerikan ndaj paqes, duke e cilësuar atë si pjesë të trashëgimisë së tij. Trump iu përgjigj me humor, duke thënë se pajtohet me këtë vlerësim dhe shtoi se presidenti libanez “di si ta kontaktojë”.

Takimi u zhvillua në kohën kur Libani po kërkon mbështetjen e SHBA-së për stabilitet afatgjatë pas muajsh përleshjesh mes Izraelit dhe Hezbollahut. Ndërkohë, Uashingtoni njoftoi se kanë nisur operacionet në tre fshatra të Libanit jugor, në kuadër të një plani pilot për të lehtësuar vendosjen e ushtrisë libaneze, ndërsa forcat izraelite përgatiten të ridislokohen nga disa zona./A.K/

Continue Reading

Lajmet

Ndahet nga jeta akademik Emin Riza, studiuesi i shquar i trashëgimisë kulturore shqiptare

Published

1 hour ago

on

July 22, 2026

By

Është ndarë nga jeta në moshën 89-vjeçare akademik Emin Riza, një nga figurat më të rëndësishme të studimeve mbi trashëgiminë kulturore dhe arkitekturën tradicionale shqiptare.

Akademia e Shkencave e Shqipërisë ka shprehur ngushëllime për familjen, miqtë dhe komunitetin akademik, duke vlerësuar kontributin e jashtëzakonshëm të Rizës në ruajtjen dhe promovimin e trashëgimisë kulturore kombëtare.

I lindur më 3 korrik 1937 në Shkodër, Emin Riza zhvilloi një karrierë të gjatë si studiues, pedagog dhe specialist në Institutin e Monumenteve të Kulturës, duke lënë gjurmë të rëndësishme në dokumentimin dhe mbrojtjen e monumenteve shqiptare.

Ndër veprat e tij më të njohura janë “Qyteti-Muze i Gjirokastrës” dhe monografia “Banesa shqiptare me qoshk”. Ai ishte autor i 16 monografive dhe 134 artikujve shkencorë në revista të specializuara.

Emin Riza ishte gjithashtu kryeredaktor i revistave “Studia Albanica” dhe “Monumentet”, si dhe një nga kontribuuesit në përgatitjen e dosjeve të Gjirokastrës dhe Beratit për UNESCO-n.

Për kontributin e tij shumëvjeçar, ai ishte nderuar me titullin “Qytetar Nderi” i Gjirokastrës dhe Beratit. Homazhet për akademikun Emin Riza do të mbahen sot në Tiranë, ndërsa ceremonia e varrimit do të zhvillohet në varrezat e Tufinës./A.K/

Continue Reading

Lajmet

Wizz Air hap bazën në Prishtinë, shton tri destinacione të reja dhe investon 100 milionë euro

Published

1 hour ago

on

July 22, 2026

By

Kompania ajrore me kosto të ulët Wizz Air ka njoftuar hapjen e bazës së saj operative në Aeroportin Ndërkombëtar të Prishtinës, duke zgjeruar njëkohësisht rrjetin e fluturimeve me tri destinacione të reja.

Në ceremoninë e organizuar në aeroport, përfaqësuesit e kompanisë bënë të ditur se nga periudha e ardhshme do të nisin fluturimet drejt dhe nga Brukseli tri herë në javë, Karlsruhe/Baden-Baden katër herë në javë, si dhe fluturime të përditshme drejt Bazelit në Zvicër.

Me këto shtesa, Wizz Air do të operojë gjithsej në nëntë destinacione nga Prishtina. Aktualisht, kompania ofron fluturime për në Londër, Dortmund, Memmingen, Bratislavë, Milano dhe Romë.

Baza e re e Wizz Air në Prishtinë pritet të bëhet funksionale në muajin nëntor dhe, sipas kompanisë, përfaqëson një investim prej rreth 100 milionë eurosh. Si pjesë e këtij investimi, në Prishtinë do të vendoset edhe një aeroplan Airbus A321neo, me kapacitet prej 239 ulësesh.

Në ceremoni mori pjesë edhe kryeministri në detyrë, Albin Kurti, i cili e cilësoi vendimin e Wizz Air si një tregues të besimit në ekonominë dhe perspektivën e Kosovës.

“Vendimi i Wizz Air për të vendosur bazën e saj në Aeroportin Ndërkombëtar të Prishtinës është dëshmi se Kosova po shihet gjithnjë e më shumë si vend i besueshëm për investime, me perspektivë të qartë zhvillimi dhe potencial të madh për t’u integruar edhe më shumë në rrjetet evropiane të transportit, tregtisë dhe lëvizjes së lirë të njerëzve”, tha Kurti.

Ai shtoi se ky investim, së bashku me vendosjen e avionit të ri Airbus A321neo, dëshmon se Kosova po bëhet gjithnjë e më tërheqëse për industrinë ndërkombëtare të aviacionit.

Sipas Kurtit, bashkëpunimi i institucioneve me operatorët ekonomikë dhe partnerët ndërkombëtarë ka ndikuar në rritjen e besimit ndaj potencialit të Kosovës, duke krijuar kushte më të favorshme për investime të reja dhe zhvillim ekonomik.

D.L

Continue Reading

Të kërkuara