Lajmet

​Nxënësit i gëzohen rikthimit në shkollë

SBAShK të shtunën mori vendim për pezullim të grevës deri në janar të vitit të ardhshëm.

Published

3 years ago

on

Zilja e shkollës ka rënë sërish në shkollën “Naim Frashëri” për fillimin e vitit të ri shkollor. Që nga qershori kur ka përfunduar mësimi, nxënësit kanë qenë jashtë bankave shkollore. Pas pesë javëve grevë, mëngjesin e së hënës ka nisur mësimi, ani pse me vonesë.

Diell Blakaj, i cili këtë vit vijon klasën e gjashtë, shprehet i lumtur se do të takojë sërish shokët e shoqet.

“Pak emocione kam se ende nuk i kam takuar shokët… Jam i gëzuar që do të kthehem në shkollë me shokët e mi bashkë”, ka thënë ai.

Gjatë këtyre pesë javëve, nëna e tij, Adelina thotë se ka qenë e brengosur për mosfillimin e procesit mësimor.

“Si prind, normalisht që e kemi ndjerë atë brengën edhe te fëmijët, sepse u transferua edhe te prindërit pa dyshim. Inshallah është fundi më”, ka thënë ajo.

SBAShK-u ka paralajmëruar se nuk do të ketë zëvendësim të orëve të humbura. Mirëpo Blakaj kërkon që një e gjë e tillë të bëhet, meqë fëmijët kanë humbur shumë.

“Normalisht do të ishte mirë, sepse nuk është një kohë e shkurtër për fëmijët. Një muaj për fëmijët është shumë, e sidomos pas një pauze të pushimit veror është tepër. Unë mendoj që do të ishte mirë të bëhet zëvendësimi i orëve. Me gjet mënyrën, normalisht Ministria e Arsimit në bashkëpunim me arsimtarët”, ka shtuar ajo.

Greva në arsim ka nisur me datën 25 gusht me kërkesën për 100 euro shtesë deri në hyrjen në fuqi të Ligjit të Pagave. Ndërkaq SBAShK të shtunën mori vendim për pezullim të grevës deri në janar të vitit të ardhshëm. 

Related Topics:
Continue Reading

Lajmet

Dhuna në familje në Malishevë, një person goditet me brisk, i dyshuari dërgohet në mbajtje

Published

21 minutes ago

on

October 20, 2025

By

Një rast i dhunës në familje është raportuar mbrëmjen e së dielës në Malishevë, ku një mashkull kosovar dyshohet se ka sulmuar fizikisht një anëtar tjetër të familjes, mashkull kosovar, duke i shkaktuar lëndime në dorë me një mjet të mprehtë (brisk).

I dyshuari është arrestuar nga policia dhe pas intervistimit, me vendim të prokurorit të shtetit, ai është dërguar në mbajtje.

“Është arrestuar i dyshuari mashkull kosovar pasi që i njëjti dyshohet se ka sulmuar fizikisht viktimën mashkull kosovar dhe i ka shkaktuar lëndime në dorë me një mjet të mprehtë (brisk). Viktima ka pranuar tretman mjeksëor. I dyshuari është arrestuar dhe me vendim të prokurorit pas intervisitimit dërgohet në mbajtje.” thuhet në njoftim./UBTNews

Continue Reading

Lajmet

Prishtinë: Arrestohet i dyshuari për rast dhune në familje

Published

29 minutes ago

on

October 20, 2025

By

Policia e Kosovës ka ndërhyrë pas një raportimi për dhunë në familje në Prishtinë, ku një mashkull kosovar dyshohet se ka sulmuar fizikisht viktimën, një femër kosovare.

I dyshuari është arrestuar nga njësiti policor dhe pas intervistimit, me vendim të prokurorit, është liruar në procedurë të rregullt.

“Është raportuar se i dyshuari mashkull kosovar e ka sulmuar viktimën femër kosovare. I dyshuari është arrestuar dhe pas intervistimit me vendim të prokurorit lirohet në procedurë të rregullt.” thuhet në raport./UBTNews

Continue Reading

Lajmet

Arrestohet një person në Lipjan nën dyshimin për sulm seksual

Published

33 minutes ago

on

October 20, 2025

By

Policia e Kosovës ka arrestuar një person të dyshuar në Lipjan, pasi dyshohet se ka kryer veprën penale të sulmit seksual ndaj një viktime femër kosovare.

Sipas njoftimit zyrtar, me vendim të prokurorit, ai është dërguar në mbajtje për procedura të mëtejshme hetimore.

“Lidhur me rastin është arrestuar i dyshuari mashkull kosovar pasi i njëjti dyshohet se ka kryer veprën e lartcekur ndaj viktimës femër kosovare. Me vendim të prokurorit i dyshuari dërgohet në mbajtje.” thuhet në njoftim nga Policia e Kosovës.

Autoritetet nuk kanë dhënë më shumë detaje rreth rastit, për shkak të ndjeshmërisë së hetimeve dhe mbrojtjes së identitetit të viktimës./UBTNews

Continue Reading

Lajmet

Shqiptohen rreth 2 mijë gjoba trafiku brenda 24 orëve të fundit në Kosovë

Published

38 minutes ago

on

October 20, 2025

By

Policia e Kosovës ka shqiptuar 1896 gjoba për kundërvajtësit e trafikut brenda 24 orëve të fundit.

Në 24 orët e fundit janë raportuar 36 aksidente trafiku me dëme materiale, 25 aksidente trafiku kanë përfunduar me të lënduar.

Policia e Kosovës ka arrestuar 14 persona, 12 janë dërguar në mbajtje, 1 person është në vuajtje të dënimit/S.K/KP/

Continue Reading

Të kërkuara