Aktualitet

​Nisin punimet për rregullimin e lumit Silnica, pritet të mbledh shumë turistë

Published

on

Lumi Silnica brenda dy vitesh pritet të marrë një pamje krejt tjetër, pasi do të shndërrohet në një zonë atraksioni për të gjithë qytetarët e qytetit të Vushtrrisë. Për këtë qëllim, komuna e Vushtrrisë ka nisur sot punimet për rregullimin e lumit, projekt ky i cili po konsiderohet të jetë më i rëndësishmi në këtë qytet.

Kryetari i komunës, Xhafer Tahiri tha se ky është projekt që do të ndryshojë tërësisht dukjen e qytetit të vjetër të Vushtrrisë, e që pas përfundimit pritet të mbledhë shumë vushtrrias e qytetarë nga pjesë të ndryshme të vendit. Ai bëri të ditur se ky projekt arrin vlerën prej 1.1 milion euro dhe është bashkëfinancim i komunës dhe Ministrisë së Ambientit.

“Është një prej projekteve më të rëndësishme zhvillimore të Vushtrrisë, dhe një prej projekteve që e ndryshon komplet faqen e dukjes së qytetit të vjetër të Vushtrrisë, një projekt në vlerë prej 1.1 milionë euro, që bashkëfinancohet nga komuna e Vushtrrisë dhe Ministria e Ambientit. Do të rregullohet komplet shtrati i lumit Silnica, nga lumi Tërstena deri tek lumi Podrança, po ashtu do të kemi staza të ecjes, gjelbërim, kamera të sigurisë, dhe ndriçim, në mënyrë që të mos dëmtohet”, tha ai.

Duke uruar qytetarët e Vushtrrisë për fillimin e këtij projekti, Tahiri tha se si i tillë, projekti pritet të përfundojë brenda dy viteve.

“Ky projekt do të përfundoj brenda dy vitesh, nga sot që kane filluar punimet… Dhe, jam shumë i bindur që me kohë do t’i përfundojmë në mënyrë cilësore punimet edhe do të kemi një prej ambienteve më të mira në qytetin e Vushtrrisë, pikërisht përgjatë lumit Silnica”, tha ai.

Me rregullimin e shtratit të lumit Silnica do të ndërtohen edhe shëtitoret përgjatë lumit, të cilat siç tha kryetari i komunës Xhafer Tahiri, do të shfrytëzohen nga qytetarët dhe do të shpërbejnë edhe për aktivitete të ndryshme sportive, si për ping-pong dhe shah.

Aktualitet

Parashikimi i motit për sot

Published

on

Sot parashihet të mbajë mot me diell dhe vranësira të pakta.

Sipas Institutit Hidrometeorologjik të Kosovës, vranësirat parashihen te dendësohen dhe të sjellin momente të freskëta.

Temperaturat minimale pritet të lëvizin nga 12 – 16°C, kurse ato maksimale: 22-29°C.

Continue Reading

Aktualitet

Rektori i UBT-së, Prof. Dr. Edmond Hajrizi pranohet anëtar në Akademinë Evropiane të Shkencave (EurASc)

Published

on

Themeluesi dhe Presidenti i UBT-së, Rektori, Prof. Dr. Edmond Hajrizi, është pranuar si anëtar në Akademinë Evropiane të Shkencave (European Academy of Sciences – EurASc).

European Academy of Sciences (EurASc) është një nga akademitë më prestigjioze në Evropë, që bashkon shkencëtarë dhe studiues të shquar nga e gjithë bota, me qëllim promovimin e ekselencës shkencore dhe teknologjike për të adresuar sfidat më të mëdha globale. Anëtarët e saj janë emra të njohur që kanë dhënë kontribute të mëdha në fushat përkatëse, përfshirë shumë fitues të çmimeve ndërkombëtare dhe nobelistë.

Ky është një vlerësim i rëndësishëm ndërkombëtar që njeh kontributin e jashtëzakonshëm të Prof. Hajrizit në fushën e arsimit të lartë, kërkimit shkencor, inovacionit dhe politikëbërjes në nivel rajonal dhe evropian.

“Pjesëmarrja ime si anëtar në Akademinë Evropiane të Shkencave është një vlerësim personal, por mbi të gjitha është një njohje për punën dhe përkushtimin afatgjatë të UBT-së në ndërtimin e një ekosistemi akademik dhe shkencor në përputhje me standardet evropiane. Ky është një hap i rëndësishëm drejt fuqizimit të rolit të Kosovës në hartën ndërkombëtare të dijes dhe inovacionit”, tha Rektori Hajrizi.

Akademia Evropiane e Shkencave (EurASc), në publikimin e saj në rrjetet sociale, ka vlerësuar lart kontributin e Prof. Dr. Edmond Hajrizi për përvojën e tij mbi dydekadëshe në ndërthurjen e akademisë me ekosistemet e inovacionit dhe zhvillimit ekonomik.

Nën udhëheqjen e tij strategjike dhe vizionare, UBT është konsoliduar si një nga institucionet më të avancuara të arsimit të lartë në Evropën Juglindore, duke u shndërruar në një qendër të rëndësishme për zhvillimin e inovacionit, teknologjisë dhe sipërmarrjes.

Si pjesë e angazhimeve të tij profesionale, Prof. Hajrizi ka udhëhequr me sukses dhjetëra projekte të financuara nga Bashkimi Evropian, si dhe ka kontribuar si këshilltar për institucione prestigjioze ndërkombëtare, duke promovuar transformimin digjital, prodhimin inteligjent dhe arsimin e orientuar drejt së ardhmes.

Ky pranim përfaqëson jo vetëm një sukses personal për Rektorin Hajrizi, por një arritje të rëndësishme për UBT-në dhe Kosovën në tërësi. Ai dëshmon se përkushtimi ndaj inovacionit, cilësisë akademike dhe vizionit global mund të sjellë njohje ndërkombëtare dhe ta vendosë Kosovën në hartën e qendrave të rëndësishme të dijes dhe teknologjisë.

Continue Reading

Bota

​Trump shtyn për tre muaj tarifat ndaj Meksikës

Published

on

Presidenti i SHBA-së Donald Trump tha se do të shtyjë vendosjen e tarifave ndaj Meksikës për tre muaj, për të arritur një marrëveshje tregtare, që do të thotë se tarifat më të larta të shpallura nuk do të hyjnë në fuqi për momentin.

Trump shkroi në Truth Social se diskutoi në telefon me presidenten meksikane Claudia Sheinbaum, duke e përshkruar bisedën si “shumë të suksesshme”.

Tarifat prej 25 për qind për shumicën e mallrave nga Meksika do të mbeten në fuqi ndërsa negociatat vazhdojnë. Trump kërcënoi të rriste tarifat në 30 për qind më parë këtë muaj.

Presidenti amerikan shkroi në Truth Social se tarifat për veturat do të mbeten 25 për qind dhe se tarifat prej 50 për qind për çelikun, aluminin dhe bakrin do të vazhdojnë të zbatohen.

Ndërsa Sheinbaum shkroi në X: “Ne shmangëm rritjen e tarifave të njoftuara për nesër dhe na u dhanë 90 ditë për të krijuar një marrëveshje afatgjatë përmes dialogut,”rtheksoi ajo.

Nesër, do të hyjnë në fuqi më shumë tarifa për shumë vende kur bëhet fjalë për importet në SHBA, ndërsa fillon faza tjetër e politikës tregtare të Trump.

Disa vende, përfshirë Britaninë e Madhe dhe Japoninë, kanë arritur tashmë marrëveshje me qeverinë amerikane për të ulur tarifat. Pas muajsh negociatash, Bashkimi Evropian ra dakord për një marrëveshje tregtare me SHBA-në katër ditë më parë, sipas së cilës norma bazë e tarifës për eksportet e Bashkimit Evropian në SHBA do të jetë 15 për qind.

Continue Reading

Bota

​Policia u del në ndihmë 5 shtetasve që rrezikonin të mbyteshin në Durrës

Published

on

Shërbimet e Njësisë Policore Detare u kanë dalë në ndihmë pesë shtetasve që kërkonin ndihmë, pasi gomonia e tyre rrezikonte të fundosej për shkak të erërave të forta në afërsi të Gjirit të Durrësit.

Menjëherë pas konstatimit, efektivët e Njësisë, me mjete lundruese, ndërhynë në kohë dhe bënë të mundur nxjerrjen në breg të qytetarëve, të cilët ndodheshin në gjendje të mirë shëndetësore.

Policia fton qytetarët apo turistët që ndodhet në vështirësi dhe kanë nevojë për ndihmë të kontaktojnë menjëherë Shërbimet e Njësisë Policore Detare.

Continue Reading

Të kërkuara