Lajmet

​Nis vaksinimi në sheshin “Zahir Pajaziti”, termini do të jetë i nevojshëm

Ekipi mobil i vaksinimit do të jetë aty duke filluar nga ora 10:00 e deri në 17:30.

Published

on

Nga sot qytetarët e komunave të ndryshme të Kosovës mund ta marrin dozën e parë të vaksinës anti-COVID në sheshin “Zahir Pajaziti në Prishtinë“, por të gjithë të interesuarit duhet të kenë gjithsesi termin. E nga java e ardhshme ekipe mobile për vaksinim në hapësira publike do të vendosen edhe nëpër komunat tjera. Ndonëse fillimi kishte disa qytetarët që u interesuan dhe morën vaksinën.

Ekipi mobil i vaksinimit në këtë pjesë të sheshit të Prishtinës do të jetë aty duke filluar nga ora 10:00 e deri në 17:30.

Kështu ka bërë të ditur menaxheri i qendrës së vaksinimit në sallën “1 Tetori”, Niman Bardhi i cili tha se ministria e Shëndetësisë ka marr këtë vendim me qëllim që vaksinimi të jetë sa më afër qytetarëve.

“Bazuar në planin e veprimit për vaksinimin në masë të popullatës në kuadër të planit kemi paraparë që të bëhet edhe vaksinimi përmes ekipeve mobile që me një fjalë do të jemi ne më afër qytetarit. Sot për herë të parë është ngritur dhe tenda me ekipe mobile pranë sheshit “Zahir Pajaziti”, por një gjë e tillë do të filloj së zbatuari në nivel vendi dhe në të gjitha vendet që kemi zbatimin e vaksinës kundër COVID-19 ne do kemi të ngritura ekipet mobile[…]Besoj që nga java e ardhshme e tutje gjithmonë bazuar në rekomandimet e që do dalin nga komiteti për vaksinimin do të shohim së zbatuari edhe në nivel vendi”, theksoi ai.

Sipas Bardhit në këtë tendë të vendosur në sheshin “Zahir Pajazit” do të mund të vaksinohen qytetarët vetëm me dozën e parë. Ndërsa, termini për dozën e parë vazhdon të jetë obligativ.

“Tendat do të shfrytëzohen vetëm për zbatimin e dozës së parë së vaksinës dhe asessi të dozës së dytë sepse doza e dytë për shkak të pajisjeve të teknologjisë ato do të jenë në qendrat e mëdha të vaksinimit dhe doza e dytë do të zbatohet atje….Këtu bëhet përjashtim sa i përket zonës së banimit nëse nuk del ndonjë vendim tjetër nga komiteti kur flasim për termine gjithsesi ato duhet të jenë të dëshmuara…Që të vaksinohet sepse atë veçse një apo më shumë arsye kanë prandaj ne kemi dalë që të jemi sa më afër tyre që të dalin dhe të marrin vaksinës sepse kemi pasur shumë herë ankesa të qytetarëve që për shkak të orarit të gjatë të punës po e kanë të pamundur përkundër ndarjes së terminit për të vaksinuar”, tha Bardhi.

Menaxheri I qendrës së vaksinimit në sallën “1 Tetori”, Niman Bardhi thotë se vendosja e ekipeve mobile në shesh është bërë që të jenë më afër qytetarëve e jo pse ka rënë interesimi I qytetarëve për imunizim, pasi siç u shpreh ai Kosova është lidere në rajon për këtë proces.

“Mbi 600 mijë persona veçse janë të vaksinuar me të dyja dozat, po i afrohemi shifrës 700 mijë dhe aktualisht kemi rreth 200 mijë që kanë marrë dozën e parë. Nëse bëjmë një kalkulim të tillë del me një përqindje se ku kemi arritur me numrin e të vaksinuarve jo vetëm në Kosovë, por edhe në rajon jemi lider në këtë pjesë sa I përket vaksinimi. Interesimi bazuar në grupmoshat që kemi të ngritura për vaksinat jemi në kuotën e normales dhe shpresojmë që edhe ata pak persona që nuk janë të vaksinuar me dozën e parë të jemi ne tani afër tyre”, deklaroi ai.

E qytetari i parë që e mori dozën e parë të vaksinës nga ekipi mobile e vaksinimit kundër COVID-19, të vendosur në sheshin “Zahir Pajaziti” ishte Afrim Ajeti, i cili e ka mirëpritur këtë vendim të ministrisë së Shëndetësisë.

Ajeti u vaksinua ndonëse nuk kishte termin dhe thotë se deri tani nuk u vaksinua vetëm për shkak të procedurave dhe pritjeve në qendrën e vaksinimit “1 Tetori”.

“Jo( nuk kam pas termin), pa termin[…]Shumë mirë[…]kallaballëk atje ku me prit në radhë aty vetëm për ata”, u shpreh Ajeti.

Krahas një tende të vendosur në sheshin “Zahir Pajaziti”, pranë saj ishte vendosur edhe një ambulancë si dhe ishte organizuar edhe hapësira e pritjes prej 15 minutave për ata që vaksinohen.

Ndërkohë vetëm në 24 orët e fundit janë imunizuar me vaksinës kundër COVID-19 5 mijë e 560 qytetarët.

Lajmet

Fryrja e organizmit nga grumbullimi i lëngjeve, si të humbni peshën e tepërt?

Published

on

Trupi i njeriut përbëhet nga 55 deri në 75 përqind ujë. Por akumulimi i tepërt i ujit në trup mund të shkaktojë fryrje, dhimbje dhe shtim në peshë.

Akumulimi i ujit është një nga shkaktarët e shtimit në peshë, megjithatë kontributon për shtimin në peshë me të paktën 2 deri në 5 kilogramë.

Akumulimi i ujit ndodh si pasojë e disa faktorëve.

Disa prej tyre janë konsumi i madh i kripës, mungesa e proteinave, mungesa e aktivitetit fizik dhe ndryshimet hormonale, faktorë më të lartë rreziku janë problemet me zemrën, veshkat dhe marrja e ilaçeve kundër dhimbjeve, kontraceptivëve dhe ilaçeve për zemrën.

Ju listojmë më poshtë disa nga mënyrat më të mira për të humbur peshën e shkaktuar nga akumulimi i lëngjeve në trup.

Si të humbni peshën e krijuar nga akumulimi i lëngjeve?

Aktiviteti Fizik

Mungesa e aktivitetit është një nga faktorët të akumulimit të lëngjeve, nëse kryeni aktivitet, indet e këmbëve dhe kyçeve do të lëshojnë lëngjet e mbledhura.

Kujdes me kripën

Pakësimi i sasisë së kripës është një nga mënyrat më efikase në humbjen e peshës së krijuar nga akumulimi i lëngjeve, sasia ditore e kripës nuk duhet të jetë më shumë se 2,300 miligramë, e barazvlefshme me një lugë çaji. Tregoni kujdes me konsumin e proshutave, djathrave, supave e produkteve të paketuara.

Më shumë proteinë

Proteina luan nrol kryesor në ruajtjen e ekuilibrave të lëngjeve në organizëm, sasia e rekomanduar ditore e proteinës duhet të jetë një gramë për çdo kilogramë të peshës trupore. Burime të mira të proteinës janë produktet e detit, mishi i shpendëve, mishi pa dhjamë i viçit dhe derrit, vezët dhe fasulet.

Më shumë kalium

Një mineral i përfshirë në ruajtjen e ekuilibrit të lëngjeve në trup, ai ndihmon në nxjerrjen e ujit dhe krips nga urina dhe djersa. Sasia e rekomanduar ditore e kaliumit është 4,700 miligramë. Ushqime të pasura me kalium janë barishtet, banania, patatet, avokado dhe domatet.

Më shumë magnez

Magnezi rrit prodhimin e urinës dhe uljen e sasisë së ujit të akumuluar në trup, të rriturit kanë nevojë për 310-420 miligramë magnez në ditë. Magnezi gjendet me bollëk tek barishtet si spinaqi, por edhe tek avokado, bajamet dhe fasulet e zeza.

Hidratimi

I rëndësishëm për nxjerrjen e ujit të tepërt nga organizmi, ekspertët rekomandojnë pirjen e një gote me ujë përpara çdo vakti ose ushqimi të konsumuar gjatë ditës. Përveç ujit, ju mund të konsumoni ushqime që kanë rol hidratues siç janë shalqini, selinoja, kastraveci dhe luleshtrydhet.

Continue Reading

Lajmet

Sveçla: Aksioni në Kaçanik po vazhdon, ka arrestime të reja

Published

on

By

Ministri në detyrë i Punëve të Brendshme, Xhelal Sveçla deklaroi se ka arrestime të reja që lidhen me vrasjen e rreshterit, Muhamed Lika.

Ai theksoi se operacioni i Policisë së Kosovës në Kaçanik po vazhdon dhe numri i të arrestuarve nuk dihet.

Tashmë është publike që ka arrestime të reja. Numri përfundimtar ende nuk dihet, për shkak se aksioni është duke vazhduar. Gjitha institucionet ligj-zbatuese janë të vendosura që të luftohet çfarëdo lloj ekstremizmi apo dhune, e cila dëmton institucionet dhe pjesëtarët e saj por po ashtu vetë popullin e saj”, ka thënë Sveçla.

Ai tha se Inspektorati Policor i Kosovës është duke zhvilluar hetime, derisa u pyet se personat e arrestuar kanë qenë në liri ani pse me vepra penale.

Inspektorati Policor i Kosovës është duke zhvilluar hetime sa i përket kësaj informate, kur t’i kemi të dalurat nga këto hetime pastaj do të marrim masat e nevojshme”, shtoi ai.

Sot, në orët e hershme të mëngjesit, Policia e Kosovës me njësitë e saja relevante ka filluar një operacion policor, në komunën e Kaçanikut.

Ky informacion është konfirmuar për KosovaPress nga zëdhënësi i Policisë së Kosovës, Baki Kelani.

Edhe në këtë rast pas përfundimit të operacionit policor, i cili po realizohet në bashkëpunim dhe koordinim me organet e drejtësisë, do të bëhen publike informacione shtesë”, tha Kelani.

Më 1 prill, Muhamed Lika ishte gjetur i plagosur rëndë në hyrje të ndërtesës së tij, në rrugën ‘Idriz Seferi’, në Kaçanik rreth orës 23:00. Ai u transportua në Qendrën e Mjekësisë në Kaçanik, por nuk arriti t’u mbijetojë plagëve.

Continue Reading

Lajmet

KEK-u njofton se ka përfunduar me sukses riparimin e njësisë B1: Gjendja është stabile

Published

on

By

Korporata Energjetike e Kosovës tha se kanë përfunduar me sukses punimet për remontin e njësisë B1, të cilat kanë nisur më 23 mars dhe tha se kanë përfunduar përpara afatit të parashikuar.

Korporata Energjetike e Kosovës njofton opinionin se, falë angazhimit të jashtëzakonshëm të stafit të TCB, punëtorëve, inxhinierëve dhe menaxhmentit, kemi përfunduar me sukses të gjitha punimet e planifikuara për remontin e njësisë B1, i cili kishte nisur më dt: 23.03.2025 dhe ka përfunduar përpara afatit të parashikuar”, njoftoi KEK.

Ai tha se gjatë kësaj periudhe, janë realizuar riparime dhe përmirësime të ndryshme, duke përfshirë ndërrimin e pjesëve të dëmtuara, rinovimin e sistemeve të ndryshme dhe realizimin e procedurave të domosdoshme për stabilitetin dhe efikasitetin e njësisë.

Falë përgatitjes dhe kontrollit të kujdesshëm, si dhe angazhimit të palodhshëm të ekipit të ekspertëve të TC-B-së, njësia B1 është sinkronizuar me rrjetin elektrik në orën 22:32 të dt: 24.04.2025 dhe aktualisht gjendja e saj është stabile. Kjo arritje është një dëshmi e punës së shkëlqyer të të gjithë të përfshirëve dhe vlerësimit të lartë të performancës gjatë periudhës së remontit”, tha KEK.

Continue Reading

Lajmet

Vazhdojnë regjistrimet në UBT International Smart Schools – Shkollat më inovative të mesme në vend

Published

on

By

Në UBT International Smart Schools po vazhdojnë regjistrimet për vitin e ri shkollor, në institucionin që tashmë njihet si një ndër platformat më të avancuara arsimore në Kosovë dhe rajon. Këto shkolla të mesme ofrojnë një model të veçantë të arsimit, duke kombinuar pjesën teorike me atë praktike, teknologjinë me kreativitetin, dhe edukimin me zhvillimin e lidershipit.

UBT International Smart Schools janë të parat në Kosovë dhe rajon që kanë zbatuar edukimin 4.0 – një model që përfshin përdorimin e teknologjive të avancuara, si dhe metodave moderne të mësimdhënies. Kjo qasje inovative mundëson që nxënësit të përgatiten për sfidat reale të së ardhmes dhe të dalin në tregun e punës apo arsimit të lartë me njohuri të thelluara dhe përvoja konkrete.

Përmes kurrikulave të harmonizuara me ato evropiane dhe amerikane, nxënësit zhvillojnë aftësi të avancuara akademike, teknike dhe shoqërore. Mësimi zhvillohet në ambiente moderne, të pajisura me laboratorë, pajisje teknologjike dhe hapësira të dizajnuara për të nxitur të menduarit kritik dhe bashkëpunimin.
Zgjedh programin që i përshtatet pasioneve dhe ambicieve të tua:

•     Gjimnazi TIK – Për të rinjtë që duan të jenë pjesë e botës së teknologjisë dhe inovacionit.
•     Gjimnazi Natyror – Për ata që kanë pasion për shkencat natyrore dhe kërkimin shkencor.
•     Gjimnazi Gjuhësor – Për nxënësit që duan të përparojnë në gjuhë të huaja dhe komunikim ndërkombëtar.
•     Asistent Dentar
•     Bashkëpunëtor Profesional i Infermierisë
•     Teknik i Farmacisë
•     Teknik i Laboratorit Mjekësor
•     Teknik i Optikës – Opticient

Formimi i liderëve të së nesërmes nis në UBT International Smart Schools

UBT International Smart Schools janë shkollat me synimin në zhvillimin e liderëve, inovatorëve dhe profesionistëve të së ardhmes. Me mentorim nga profesorë të kualifikuar, me praktika dhe projekte reale, si dhe me mundësi të shumta për pjesëmarrje në gara, konferenca dhe bashkëpunime ndërkombëtare, këto shkolla ofrojnë më shumë se një arsim – ofrojnë një përvojë jetësore.
Regjistrohu tani dhe bëhu pjesë e një udhëtimi edukativ që formëson të ardhmen tënde!

Për më shumë informata dhe aplikim: https://ubt.school/
046 332 233

Continue Reading

Të kërkuara