Lajmet

​Nis java për të drejtat e viktimave të krimit, theksohet nevoja e bashkëpunimit ndërinstitucional

Presidentja e Kosovës, Vjosa Osmani u shpreh se kohët e fundit vendi është shokuar nga rastet e sulmeve seksuale.

Published

on

Me moton “Moment Reflektimi i Zinxhirit Institucional” Zyra e Kryeprokurorit të Shtetit nga sot ka nisur “Javën për të Drejtat e Viktimave të Krimit”.

Presidentja e Kosovës, Vjosa Osmani u shpreh se kohët e fundit vendi është shokuar nga rastet e sulmeve seksuale, prandaj ajo bëri thirrje për një rol shumë më proaktive të institucioneve në parandalim, ndjekje penale dhe gjykim me efektiv.

E para e shtetit tha se më e pakta që institucionet e drejtësisë mund të bëjnë është mbrojtja e viktimës, por kjo sipas saj shpesh po mungon ose është e vonuar derisa e permendi edhe rastin e vajzës 11 vjecare e cila u dhunua muaj më parë. Ajo tha se mungesa e mbrojtjes trimëron kriminelët dhe është mbrojtje për kriminelër e jo për viktimat.

Osmani kërkoi edhe mbështetjen e procesit të vetingut nga përfaqësuesit e sistemit të drejtësisë në Kosovë.

Ushtruesi i detyrës së kryeprokurorit të shtetit, Besim Kelmendi shprehu angazhimin e tij për forcimin e sundimit të ligjit dhe mbrojtjen e viktimave të krimit.

Duke ftuar për bashkëpunim ndërinstitucional, Kelmendi tha se përkushtimi duhet të jetë profesional dhe serioz në mënyrë që mos të kenë vonesa në ndjekjen e personave që cenojnë të drejtët e viktimave. Ai po ashtu tha se sistemi i drejtësisë duhet të ofroje viktimave një proces te drejtë dhe jetë normale.

Ushtuesi i detyrës së Kryeprokurorit të shtetit tha se për këtë 9-mujor, zyra për ndihmën dhe mbrojtjen e viktimave ka ndihmuar 2 mijë e 163 viktima të të gjithë kategoritve, ndërsa prej 15 kërkesave për Kompensim, Komisioni ka aprovuar 12 prej tyre, dy janë në proces dhe një është refuzuar.

Ambasadori amerikan në Kosovë, Jeffery Hovenier u shpreh se kjo javë duhet të shërbejë për të ndërmarrë veprime që të gjitha viktimat të kenë shërbimet e duhura dhe të kenë drejtësi.

Duke iu referuar rasteve të shumta të ngacimebe seksuale e dhunimit por edhe dhunës në familjë që kanë ndodhur në Kosobë, Hovenier tha se këto raste janë shenja paralajmerjese për një bashkëpunim më të ngusht ndërinstitucinal, derisa kërkoi që lëndët ë këtyre kategorive të kenë përparësi.

Lajmet

Filharmonia e Kosovës performoi gjatë vikendit për herë të parë në Korçë

Published

on

Gjatë vikendit, në Teatrin “Andon Zako Çajupi” në Korçë, Orkestra e Filharmonisë së Kosovës shënoi një moment të veçantë, duke u prezantuar për herë të parë para publikut korçar.

Nën dirigjimin e Baki Jasharit, orkestra solli një mbrëmje artistike të nivelit të lartë me një program të pasur që ndërthurte kryevepra të repertorit botëror dhe krijimtari shqiptare nga Verdi, Saint-Saëns, Fahri Beqiri, Rexho Mulliqi, Valton Beqiri, Hajrullah Syla dhe Gridi Kraja.

Në skenë shkëlqeu edhe violinistja e njohur shqiptare, Sihana Badivuku, interpretimi virtuoz i së cilës i dha koncertit një dimension të veçantë artistik.

Filharmonia e Kosovës falënderoi Ministrinë e Kulturës dhe Turizmit të Republikës së Kosovës, Bashkinë Korçë, Këshillin e Qarkut Korçë dhe Qendrën e Kulturës dhe Inovacionit Korçë për mbështetjen në realizimin e këtij koncerti.

Continue Reading

Lajmet

Promovohet libri “Arti i Udhërrëfimit” në kuadër të Ditës Ndërkombëtare të Muzeve

Published

on

Në kuadër të aktiviteteve për Ditën Ndërkombëtare të Muzeve, u promovua libri “Arti i Udhërrëfimit”, i cili tashmë është përkthyer edhe në gjuhën shqipe.

Libri, i përgatitur nga Federata Evropiane e Guidave Turistike, sjell praktika bashkëkohore për interpretimin e trashëgimisë kulturore dhe fuqizimin e guidave turistike si ambasadorë të kulturës dhe historisë sonë.

Gjatë aktivitetit u theksua rëndësia e promovimit të trashëgimisë kulturore dhe roli i institucioneve kulturore në edukimin e brezave të rinj.

Po ashtu, u vlerësua edhe roli i Muzeut të Hidroelektranës, i funksionalizuar për publikun nga Ministria e Kulturës, i cili po shndërrohet në një hapësirë të rëndësishme edukimi, interpretimi dhe promovimi të trashëgimisë kulturore.

Continue Reading

Lajmet

Sot protestohet në Shkup: Studentët shqiptarë kërkojnë provimin e jurisprudencës në gjuhën shqipe

Published

on

By

Studentët shqiptarë në Maqedoninë e Veriut do të zbresin sot në rrugët e Shkupit për të protestuar sërish, me kërkesën e vetme që provimi i jurisprudencës t’u mundësohet edhe në gjuhën shqipe. Nën moton “Bashkohuni me studentët – të gjithë një zë”, kjo protestë që është e dyta me radhë, do të fillojë në ora 16:30 para Urës së Gurit. Ky reagim i rinisë akademike vjen si pasojë e refuzimit të drejtpërdrejtë të kërkesës së tyre nga ana e ministrit të Drejtësisë.

Përmes një thirrjeje publike, organizatorët u kanë kërkuar artistëve, sportistëve dhe të gjitha figurave publike që t’u bashkohen në këtë marshim, duke theksuar se sot studentët kanë më së shumti nevojë për zërin dhe mbështetjen e tyre. Ata kanë sqaruar se ky tubim nuk është i drejtuar kundër askujt, por është një protestë paqësore për mbrojtjen e gjuhës shqipe, dinjitetit dhe të drejtave të tyre si qytetarë të barabartë. Studentët po bëjnë thirrje për një bashkim masiv në krah të rinisë dhe mbrojtjes së të drejtave kombëtare në institucione.

Në anën tjetër, pas presionit të paralajmëruar nga studentët, kryeministri Hristijan Mickoski ka njoftuar se ekzekutivi tashmë po shqyrton mënyrat për të adresuar këtë kërkesë legjitime të studentëve shqiptarë. Ai theksoi se qeveria po punon intensivisht për gjetjen e një zgjidhjeje të mundshme ligjore dhe paralajmëroi se shumë shpejt para opinionit do të prezantohet një propozim konkret lidhur me këtë çështje, me qëllim që provimi i jurisprudencës të zhvillohet edhe në gjuhën shqipe.

 

Continue Reading

Lajmet

Një i vdekur dhe katër të lënduar në një vetaksident në Klinë

Published

on

By

Një person ka humbur jetën dhe katër të tjerë kanë mbetur të lënduar si pasojë e një vetaksidenti të rëndë trafiku që ka ndodhur mëngjesin e sotëm në fshatin Dollc të Klinës.

Policia e Kosovës ka njoftuar se rasti ka ndodhur rreth orës 04:55 të mëngjesit, me ç’rast në vendngjarje kanë dalë menjëherë njësitet kompetente të Njësitit Rajonal të Komunikacionit Rrugor (NJRKRR).

“Si pasojё e kёtij vetaksidenti njё person ka pёsuar me fatalitet, vdekjen e sё cilit e ka konstatuar ekipi mjekёsor nё vendin e ngjarjёs, ndёrsa katёr tё tjerё janё dёrguar nё Spitalin Rajonal nё Pejё pёr tretman mjekёsor. Të njëjtit, sipas mjekёve, janё jashtë rrezikut pёr jetё”, thuhet në njoftimin e policisë.

Me urdhër të Prokurorit të Shtetit, trupi i pajetë i viktimës është dërguar në Institutin e Mjekësisë Ligjore në Prishtinë për obduksion, ndërsa autoritetet po punojnë për zbardhjen e plotë të shkaqeve që çuan deri te ky vetaksident.

 

Continue Reading

Të kërkuara