Lajmet

Nëse e vëreni këtë në patate mos e hani, është e rrezikshme për shëndetin

Published

4 years ago

September 12, 2021

Betim Gashi

Patatet janë një ushqim që e lëmë në qilar shumë më gjatë sesa duhet, kështu që nuk është e pazakontë t’i hedhim pasi vërejmë një erë të pakëndshme. Por ka edhe nga ata që do të supozojnë se mjafton vetëm të qërojmë lëvoren, të heqim njollat e zeza, për t’u ngrënë.

Ekspertët thonë se ekziston një shenjë specifike që zbulon se patatet nuk janë më të mira për t’u ngrënë, por gjithashtu se ato mund të jenë të rrezikshme për shëndetin.

Është e lehtë të mendosh se ne vetëm duhet t’i heqim ato nga patatet për ta bërë atë të ngrënshëm, por ju thjesht nuk jeni në dijeni të problemit.

Sipas portalit Healthline, ngjyra e gjelbër në patate shfaqet kur fillon të prodhojë klorofil, i cili është një proces natyror. Por kur vini re këtë pigment, kjo do të thotë që patatja gjithashtu ka filluar të prodhojë solaninë, një përbërës që mbron nga dëmtimet e shkaktuara nga kafshët, insektet, kërpudhat dhe bakteret. Është një toksinë që gjendet në patate, jo vetëm në njollat e gjelbra, dhe nëse është në një nivel më të lartë, mund të jetë e rrezikshme për njerëzit.

Nivelet e solaninës janë më të larta në lëvoret e patates, kështu që qërimi patjetër do të largojë disa nga toksinat (rreth 30 për qind), por ju nuk do ta zgjidhni problemin.

Ekspertët nuk janë të sigurt saktësisht se sa nga ky komponent duhet të jetë në patate për t’ju sëmurë, por një studim zbuloi se 0.6 miligram për kilogram peshë mund të çojë në sëmundje.

Është veçanërisht e rëndësishme të mbani patate të tilla larg fëmijëve që kanë një peshë shumë më të ulët trupore, kështu që ata mund të ndiejnë efektet e helmimit me solaninë më fort.

Lajmet

Arrestohet një zyrtare në Prizren për keqpërdorim të pozitës zyrtare

Published

3 minutes ago

June 20, 2025

UBTNews

Në Prizren, është arrestuar një femër kosovare nën dyshimin se ka keqpërdorur detyrën zyrtare gjatë ushtrimit të punës, me qëllim përfitimi të dobive pasurore për vete ose për persona të tjerë.

Pas intervistimit, ajo është dërguar në mbajtje me aktvendim të prokurorit kujdestar.

Autoritetet vazhdojnë hetimet për këtë rast.

Lajmet

Arrestohet i dyshuari për sulm seksual në Vushtrri

Published

6 minutes ago

June 20, 2025

UBTNews

Policia e Kosovës ka arrestuar një person nën dyshimin për kryerjen e veprës penale të sulmit seksual ndaj një viktime femër kosovare në Vushtrri.

Viktima është dërguar për ekzaminime mjeko-ligjore në Institutin e Mjekësisë Ligjore (IML), ndërsa i dyshuari pas intervistimit është dërguar në mbajtje me vendim të prokurorit.

Autoritetet po vazhdojnë hetimet lidhur me këtë rast, ndërsa apelojnë tek qytetarët që të raportojnë çdo rast të dhunës seksuale për të garantuar drejtësinë dhe mbrojtjen e viktimave.

Lajmet

Një person i zhdukur në Gllogoc

Published

11 minutes ago

June 20, 2025

UBTNews

Një rast i zhdukjes është raportuar në Policinë e Kosovës nga komuna e Gllogocit. Sipas informatave zyrtare, një vajzë kosovare është larguar nga shtëpia rreth orës 03:00 të mëngjesit më 18 qershor dhe deri më tani nuk është kthyer.

Familjarët kanë njoftuar autoritetet për zhdukjen, ndërsa rasti është iniciuar dhe aktualisht është nën hetim, me urdhër të prokurorit kujdestar.

Policia nuk ka dhënë detaje të mëtejshme për identitetin apo rrethanat e zhdukjes, ndërsa hetimet po vazhdojnë me qëllim të lokalizimit të viktimës dhe sqarimit të ngjarjes.

Lajmet

Tri raste dhune në familje brenda një dite – një i arrestuar

Published

15 minutes ago

June 20, 2025

UBTNews

Gjatë 24 orëve të fundit, janë raportuar tri raste të dhunës në familje në qytete të ndryshme të Kosovës, përfshirë Prishtinën dhe Vushtrrinë.

Në një rast në Prishtinë, një grua ka raportuar se është sulmuar fizikisht nga partneri i saj. Pas intervistimit, me vendim të prokurorit, i dyshuari është liruar në procedurë të rregullt.

Po ashtu, në një incident tjetër në kryeqytet, një burrë është arrestuar pasi dyshohet se ka sulmuar një anëtar tjetër të familjes pas një mosmarrëveshjeje verbale. Gjatë incidentit, ai ka dëmtuar edhe gjësende në shtëpi. Pas intervistimit, prokurori ka urdhëruar ndalimin e tij në mbajtje.

Ndërkohë, edhe në Vushtrri është raportuar një rast tjetër i dhunës në familje. Sipas Policisë, një grua ka qenë viktimë e një sulmi fizik nga një anëtar mashkull i familjes. Rasti është proceduar në procedurë të rregullt.