Sport

​Nënkryetari i Yllit paralajmëron rivalët: Duam titullin kampion, do të sjellim lojtarë të huaj

Palushi flet rreth rrugëtimit të skuadrës.

Published

3 years ago

on

Klubi i basketbollit Golden Eagle Ylli këtë edicion ka për mision mbrojtjen e titullit kampion në Superligën e Kosovës. Fillimi tejet i dobët i sezonit vuri në dyshim serioz arritjen e këtij objektivi, por situata ndryshoi për të mirë pas xhiros së katërt.

Nënkryetari i klubit, Lendrit Palushi thotë se humbjet e njëpasnjëshme në fillim të sezonit, lanë shije të hidhur te tifozët e skuadrës, por ato nuk i kishin shqetësuar drejtuesit e klubit, pasi ata ishin të kënaqur me përkushtimin dhe punën e trajnerit dhe të lojtarëve.

“Pas një fillimi jo të mirë, edhe pse për mendimin tim nuk ka qenë fillim jo i mirë shkaku që humbjet që kanë ardhur, kanë ardhur kryesisht prej ekipeve pretendente këtë vit, përveç Rahovecit, i cili në mungesë të trajnerit tonë na ka mposhtur, humbjet tjera kanë ardhur ndoshta jo me meritë, por jemi mposhtur nga ekipet me kualitet përafërsisht të njëjtë…Ato humbje neve nuk na ka çuar peshë shumë, neve si klub, edhe pse si qytetarë të Suharekës, kemi pasur gjithmonë kritika, por kryesorja ka qenë ne të jemi të kënaqur me ekipin, me trajnerin dhe po shihet, kemi nëntë fitore me radhë, të cilat kanë ardhur pikërisht ndaj kundërshtarëve kryesor për titull”, tha Palushi.

Palushi tha se pas nisjes së dobët të sezonit, trajneri Adis Beçiragiç kërkoi që të largohet, gjë të cilën nuk e pranuan drejtuesit e klubit.

“Pas humbjes nga Peja trajneri kërkoi që të largohet, mirëpo e kemi parë të rrugës që nuk ishte trajneri fajtori kryesor, aty sa ishim ne të klubit, pasi që i lamë të largohen dy ndër lojtarët kryesorë në Kosovë, por arritëm që edhe këtë vit ta mbajmë trajnerin dhe besoj që nuk e di, por në bazë të asaj çfarë kemi biseduar me të, trajneri ndoshta është i gatshëm edhe vitin e ardhshëm të qëndrojë”, theksoi Palushi.

Rikthimi në rrugën e fitoreve dhe rezultateve pozitive e ka futur sërish Yllin në luftë për titull, por Palushi thotë se ky objektiv do të jetë jashtëzakonisht i vështirë që të arrihet për shkak të konkurrencës së madhe.

“Nuk ka qenë e lehtë as dy vitet e kaluara, por ky vit besoj që do të jetë pak më i vështirë, pasi që kualiteti i lojtarëve është rritur edhe organizimi në klube është shumë më i madh. Nuk e di, si pretendent kryesor deri tani çfarë kemi parë është Trepça, Prishtina dhe Peja”, ka thënë Palushi.

Përtej kampionatit vendor, numri dy i KB Yllit pranon se nuk është i kënaqur me ecurinë e skuadrës në garat evropiane.

“Si vit i parë i pjesëmarrjes ka qenë një vit ndoshta i mirë, edhe pse kemi mundur t’i arrijmë edhe ndoshta një fitore apo dy të tjera, por nuk e di, nuk ishim edhe shumë të gatshëm për garat evropiane, të jemi konkurrues sepse nuk është më e rëndësishme të marrim pjesë, e rëndësishme është te kemi sukses dhe rezultat. Këtë vit, nuk e di, nuk na e deshi, kishim probleme edhe me lëndime”, theksoi tutje Palushi.

Përveç anës sportive, Palushi flet edhe për gjendjen financiare të klubit. Derisa vlerëson lartë ndikimin e ligjit të sponsorisimit dhe të mirat e tij, ai thotë se 70 përqind të buxhetit të klubit e mbulon kompania që e drejton, Golden Eagle Ylli.

“Klubi i Yllit 70 përqind të buxhetit e mbulon kompania jonë, Golden Eagle, kurse pjesa tjetër, nuk është një pjesë e vogël sigurohet prej sponsorëve të tjerë. Sporti në përgjithësi është mjaftë i zorshëm ta menaxhosh, por të gjitha përvojat që i kemi pasur në kompani i kemi përcjellë edhe në menaxhimin e klubit, përzgjedhjen e njerëzve adekuat”, ka shtuar ai.

Për të konsoliduar radhët e skuadrës dhe për t’i arritur objektivat e sezonit, Palushi thotë se klubi mund të transferojë edhe disa lojtarë të huaj.

“Disa biseda që i kemi pasur me trajnerin, ai ka kërkuar njëherë ta mbajë këtë ekip. Ndoshta aty tek mbyllja ë xhiros së tretë, aty kemi mundësi të sjellim lojtarë të huaj sepse për vendorë ka përfunduar afati kalimtar. Nuk e di, ndoshta do të sjellim edhe pse vet nuk e di në cilat pika kemi nevojë më shumë, por me kalimin e kohës do t’i shohim edhe mangësitë që i ka klubi”, tha Palushi.

Nënkryetari i klubit nga Suhareka u shpreh i shqetësuar me incidentet ndërmjet tifozëve në palestrat sportive. Sipas tij, është përgjegjësi e Federatës së Basketbollit dhe vet klubeve që organizimin e garave dhe ndeshjeve ta marrin më seriozisht dhe raste të tilla të mos ndodhin asnjëherë.

Related Topics:
Continue Reading

Lajmet

UBT organizoi me sukses Konferencën e parë Ndërkombëtare të Mjekësisë Sportive

Published

1 day ago

on

October 24, 2025

By

Në Parkun Shkencor, Inovativ dhe Teknologjik të UBT-së në Lipjan, u mbajt me sukses Konferenca e parë Ndërkombëtare e Mjekësisë Sportive (IC-SM 2025) – një ngjarje e nivelit të lartë që shënoi një moment historik për zhvillimin e kësaj fushe në Kosovë dhe rajon.

Në këtë konferencë morën pjesë figura të njohura ndërkombëtare të mjekësisë sportive, përfshirë Presidentin e Federatës Ndërkombëtare të Mjekësisë Sportive (FIMS), Prof. Dr. Fabio Pigozzi nga Italia, Prof. Dr. Norbert Bachl nga Austria, Annika Hangleiter, M.Sc. nga Universiteti Teknik i Mynihut (Gjermani), dhe Prof. Dr. Gobert von Skrbensky nga Austria, së bashku me shumë ekspertë vendorë dhe ndërkombëtarë.

Në hapje të konferencës, Rektori i UBT-së, Prof. Dr. Edmond Hajrizi, theksoi se që nga themelimi, UBT ka qenë e përkushtuar ndaj dijes, inovacionit dhe krijimit të një shoqërie të zgjuar, ku shkenca, teknologjia dhe praktika bashkohen për të krijuar ndikim të qëndrueshëm në shoqëri.

“Mjekësia sportive është një nga fushat që mishëron më së miri këtë filozofi – duke bashkuar shëndetin, edukimin, performancën dhe inovacionin teknologjik”, u shpreh Rektori Hajrizi, duke theksuar se përmes Themelimit të Qendrës për Mjekësi Sportive në UBT, është hapur një kapitull i ri për zhvillimin e kësaj fushe në Kosovë.

Ai gjithashtu përmendi se falë kësaj nisme, Kosova është bërë për herë të parë anëtare e Federatës Ndërkombëtare të Mjekësisë Sportive (FIMS), përmes Shoqatës së Mjekësisë Sportive dhe Ushtrimeve të Kosovës (KASEM) — një arritje që e rendit vendin përkrah mbi 117 shteteve anëtare të kësaj organizate prestigjioze.

Në fjalën e tij përshëndetëse, Prof. Dr. Fabio Pigozzi, President i FIMS-it, vlerësoi kontributin e UBT-së në zhvillimin e mjekësisë sportive dhe theksoi rëndësinë e bashkëpunimit ndërkombëtar për avancimin e kërkimit dhe praktikave klinike në këtë fushë.

Në hapje të konferencës morën fjalën edhe: Fitim Arifi, përfaqësues i Komitetit Olimpik të Kosovës; Agim Krasniqi, Kryetar i KASEM; Iber Alaj, Drejtor i Departamentit të Sportit në Ministrinë e Kulturës, Rinisë dhe Sportit.

Pjesa kryesore e konferencës përfshiu sesionet shkencore me ligjërata nga:

Prof. Dr. Fabio Pigozzi (Itali) – “Sudden Cardiac Death in Sports and Exercise”

Prof. Dr. Norbert Bachl (Austri) – “Sports Medicine as a Specialty in Europe: Shaping Precise Prevention”

Prof. Dr. Edmond Hajrizi (Kosovë) – “UBT Smart City – An Integrated Platform of Emerging Technologies and Smart Support for Sports Medicine Education, Research, Innovation, and Clinical Services”

Annika Hangleiter, M.Sc. (Gjermani) – “Wearable Technologies in Personalized Prevention: The Future is Already Present”

Prof. Dr. Gobert von Skrbensky (Austri) – “Concepts in Sports Surgery Following Knee Trauma: The Role of Activity Level and Biological Age”

Prezantimet shkencore dhe punimet kërkimore

Në sesionin e dytë të konferencës, të udhëhequr nga Dr. Milaim Berisha dhe Dr. Agron Thaqi, u prezantuan punime shkencore të recenzuara, ndër të cilat:

“The New Era FitScore Test: A Comprehensive General Fitness Assessment” – Era Deva, Milaim Berisha

“The Success Ratio of Non-Surgical Management of Proximal Hamstring Injury in Judo: The Case of Olympic Gold Medalist” – Nora Gjakova, Milaim Berisha

“Beyond Consensus, Into Action: Kosovo’s Response to Elite Athlete Mental Health Challenges” – L.J., Zhu., J., Hell & V. Klissouras

“Comparative Analysis of Body Composition in Elderly Residents of Nursing Homes in Kosovo” – Agron Thaqi

Konferenca IC-SM 2025 shërbeu si një platformë e rëndësishme ndërkombëtare për bashkëpunim, shkëmbim përvojash profesionale dhe prezantim të trendeve më të fundit në mjekësinë sportive. Ngjarja synon të nxisë kërkimin shkencor, inovacionin në rehabilitim, edukimin profesional dhe ndërtimin e rrjeteve ndërkombëtare në fushën e sportit dhe shëndetit.

Konferenca u organizua nga UBT, në bashkëpunim dhe mbështetje të:

  • Kosovo Association of Sports and Exercise Medicine (KASEM),
  • International Federation of Sports Medicine (FIMS),
  • Komitetit Olimpik të Kosovës, dhe
  • Sport, Health and the People – A Western Balkan University Network (SHAPE Project).

IC-SM 2025 u vlerësua si një ngjarje që shënon fillimin e një tradite të re shkencore në Kosovë, duke e pozicionuar vendin në hartën ndërkombëtare të kërkimit në mjekësinë sportive dhe shëndetin publik.

Continue Reading

Lajmet

Muriqi mund të thyejë disa rekorde këtë edicion te Mallorca

Published

1 day ago

on

October 24, 2025

By

Sulmuesi kosovar Vedat Muriqi ka pasur startin e tij më të mirë me klubin e Mallorcas që nga ardhja në vitin 2022.

Sulmuesi i Mallorcas po kalon sezonin e tij të pestë në klub dhe me një total prej pesë golash, “Pirati” ka vendosur rekord për shënimin e golave në tetë ndeshjet e para të këtij edicioni në ishull që nga transferimi i tij zyrtar në sezonin 2022/2023.

Muriqi, kujtojmë se nuk ka shënuar më herët pesë gola në tetë ndeshjet e tij të para për Mallorcan.

Sezoni i tij më i mirë në Mallorca

Në sezonin 2022/2023, Vedat Muriqi luajti sezonin e tij të parë të plotë me fanellën e Mallorcas. Atë kohë, me të madhin Lee Kang-in në sulm, kosovari regjistroi rekordin e tij më të mirë personal që nga koha e tij te Fenerbahçe, me 15 gola dhe tre asistime në kampionat.

Nga këto 15 golat, Muriqi ndihmoi Mallorcan të fitonte nga tre pikë në shtatë raste në një sezon në të cilin skuadra përfundoi në vendin e nëntë me 50 pikë. Deri më tani dhe padyshim ky është sezoni i tij më i mirë me fanellën e kuqe.

Por edhe atëherë, ai nuk arriti të shënonte pesë gola në tetë ndeshjet e para.

Në fakt, goli i tij i katërt i sezonit u realizua në javën e tetë, dhe vetëm në javën e 11-të ai shënoi golin e tij të pestë, pasi kishte humbur dy ndeshjet e mëparshme për shkak të pezullimit. Pra, nëse vazhdon në trajektoren e tij aktuale, Muriqi mund të tejkalojë edhe rekordin e tij personal- 17 gola, një shifër që e ka arritur në tre raste të ndryshme.

Muriqi mund të bëhet golashënuesi më i mirë në histori të Mallorcas.

Nëse shkojmë edhe më tej për atë që Vedat Muriqi mund të arrijë këtë sezon, shohim se kalimi në vendin e dytë për golashënuesin më të mirë të të gjitha kohërave të Mallorcas është i arritshëm, dhe në fakt, thjesht çështje kohe.

Me 38 gola në 117 ndeshje në La Liga, Muriqi është gjashtë gola prapa Juan Arangos, i cili shënoi 45 gola në 183 ndeshje në La Liga. Një shifër krejtësisht e arritshme në muajt në vijim që mund ta kalojë legjendën e klubit.

Rekordin për gola të shënuar e mban Samuel Eto’o i cili ka shënuar 53 gola në 133 ndeshje.

Megjithatë, me një kontratë deri në vitin 2029, duket gjithashtu se është çështje kohe para se “Pirati kosovar” të bëhet sulmuesi me më së shumti gola në historinë e ekipit elitar të Spanjës./S.K/EO

Continue Reading

Lajmet

Shkëndija, skuadra e parë në RMV që arrin fitore në fazën e grupeve të Ligës së Konferencës

Published

1 day ago

on

October 24, 2025

By

Skuadra nga Tetova, Shkëndija, ka arritur të shkruajë historinë e futbollit të Maqedonisë së Veriut, duke regjistruar fitoren e parë dhe tri pikët e para në fazën e grupeve të Ligës së Konferencës.

Skuadra kuqezi triumfoi me rezultat minimal 1-0 ndaj ekipit irlandez Shelburn, në ndeshjen e zhvilluar në stadiumin “Todor Proeski” në Shkup.

Goli vendimtar erdhi në minutat shtesë, pas një goditjeje të fortë të Ronaldo Webster, që u devijua nga Patrik Barnet, duke përfunduar në rrjetën e skuadrës mysafire.

Me këtë fitore, Shkëndija jo vetëm që regjistroi triumfin e parë në historinë e saj në fazën e grupeve të një gare evropiane, por gjithashtu u bë skuadra e parë nga Maqedonia e Veriut që arrin një sukses të tillë./S.K/EO/

Continue Reading

Lajmet

​Edhe Serie A pranë anulimit të ndeshjes në Australi

Published

1 day ago

on

October 24, 2025

By

Grupi “Football Supporters Europe” (FSE) i ka kërkuar Serie A-së që të heqë dorë nga planet për zhvillimin e ndeshjes Milan–Como në Perth të Australisë.

Kjo ndeshje është e parashikuar për fillimin e vitit 2026, dhe kërkesa vjen pas vendimit të La Ligës që të anulojë një ndeshje të ngjashme mes Villarreal dhe Barcelonës në SHBA, pas protestave të lojtarëve dhe tifozëve.

Sipas protestuesve, lojërat nuk kanë vend 15,000 kilometra larg shtëpisë së tyre dhe vazhdimi i këtij projekti do të dëmtonte imazhin e futbollit italian.

Milani ka marrë me hezitim lejen e UEFA-s për ta zhvilluar ndeshjen në stadiumin Optus të Perthit, pasi San Siro nuk do të jetë i disponueshëm për shkak të Lojërave Dimërore Milano-Cortina 2026.

Megjithatë, ndeshja kërkon ende miratimin e Federatës Australiane, AFC-së dhe FIFA-s.

Drejtori ekzekutiv i Serie A, Luigi De Siervo, ka mbrojtur idenë, duke e krahasuar me modelet e NFL dhe NBA që luajnë jashtë SHBA-së.

“Futbolli duhet të ndjekë rrugën e globalizimit nëse nuk do të mbetet prapa”, tha ai.

Nga ana tjetër, Ministrja e Sportit e Australisë Perëndimore, Rita Saffioti, është e bindur se ndeshja do të zhvillohet sipas planit, duke theksuar se presin miratimin përfundimtar brenda ditëve të ardhshme./S.K/FlashScore/

Continue Reading

Të kërkuara