Aktualitet

​“Në tokën amë Kosovë”, 480 fotografi për promovimin e bukurive të Kosovës

Kjo për promovimin e bukurive natyrore dhe trashëgimisë kulturore të vendit.

Publikuar

Banka Ekonomike të premten ka hapur ekspozitën për librin e realizuar me fotografi të quajtur “Në tokën amë Kosovë” që promovon bukuritë natyrore dhe trashëgiminë kulturore të vendit. Në ceremoninë e hapjes, fotografitë e këtij libri iu dhuruan Muzeut të Kosovës, një akt ky që u vlerësua nga përfaqësuesit e këtij institucioni.

Përmes dizajnëve, fotografive, lokacioneve gjeografike e vendeve kulturore nga Kosova, është edhe teksti që shpjegon trashëgiminë e pasur kulturore e natyrore. Ky libër është përshkrues i denjë i bukurisë së rrallë natyrore të Kosovë dhe historisë që në vete bartë toka e Kosovës.

Libri shpalos natyrën dhe kulturën e vendit tonë, por në të njëjtën kohë specifikon një projekt të krijuar nga Banka Ekonomike që është vet simboli i vendores, 100% e vendit.

Me këtë rast, kryeshefi ekzekutiv i Bankës Ekonomike, Shpend Luzha ka thënë se kjo bankë është kontribuuese dhe mbështetëse aktive e kulturës, sportit dhe artit në Kosovë për ruajtjen e këtyre vlerave dhe trashëgimisë kulturore të vendit tonë.

Luzha shtoi se libri ka për qëllim promovimin e një shteti me vlera.

“Ne gjithmonë punojmë dhe veprojmë për të mirën e vendit, duke synuar në promovimin e një shteti me vlera. Fotografitë e dokumentuara nga fotografët tanë të njohur, me mbi 480 fotografi përbën një mori të dhënash mbi trojet tona, vendet arkeologjike, objektet fetare, botën e gjallë, egërsinë e natyrës, institucionet e kulturës dhe trashëgiminë që ruajmë me nder të veçantë. ‘Në tokën amë Kosovë’ janë të dokumentuara nga koha dhe momente të ndryshme, e kjo për të dëshmuar vlerën e vendit tonë edhe pse ndonëse një vend i vogël, por që ofron shumë”, theksoi ai.

Përfaqësuesja e Muzeut të Kosovës, Dafina Morina duke falënderuar Bankën Ekonomike për këtë donacion, ka thënë se libri me fotografi të bukurive natyrore dhe trashëgimisë kulturore është me rëndësi për vizitorët e muzeut.

“Këto fotografi që ju i dhuroni si donacion Muzeut Kombëtar të Kosovës do të shfrytëzohen për vizitorët vendorë dhe të huaj të muzeut. Kështu që njoftohen më afër me bukuritë e natyrës dhe të trashëgimisë kulturore që janë në Kosovë”, theksoi ajo.

Drejtues të bankës janë mirënjohës fotografëve të cilët i kanë realizuar këto fotografi. Fotografitë në këtë libër janë realizuar nga fotografët; Bleron Llugiqi, Arian Mavriqi, Bleron Caka, Meriton Dajakaj, Shkëlzen Rexha, Hydajet Hyseni, Ruzhdi Pacolli, Shpëtim Kaliqani dhe Albert Sinani.

Ekspozita për librin do të jetë e hapur tri ditë në lapidariumin e Muzeut të Kosovës.

Aktualitet

Rama nis vizitën zyrtare në Paris, takim ‘kokë më kokë’ me presidentin Macron

Vizita bëhet me ftesë të presidentit Macron.

Publikuar

nga

Kryeministri Edi Rama nisi sot një vizitë zyrtare dyditore në Paris me ftesë të presidentit francez, Emmanuel Macron, ku do të zhvillojë një sërë takimesh të përqendruara kryesisht në promovimin e potencialeve dhe klimës pozitive që Shqipëria ofron për zhvillimin e investimeve të huaja, si dhe në perspektivën e bashkëpunimit mes dy vendeve në fushën e teknologjisë dhe inovacionit.

Konkretisht, ditën e premte në orën 8:30, kryeministri Rama do të zhvillojë një mëngjes pune me Unionin e Sipërmarrësve të Francës MEDEF, nën drejtimin e z. Jean-Paul Agon, president i grupit L’Oréal dhe i komitetit Francë-Shqipëri në MEDEF, me pjesëmarrjen e 35 përfaqësuesve të kompanive prestigjoze franceze, si dhe të ftuar të tjerë nga bota e biznesit. Gjatë takimit do të prezantohen disa nga fushat prioritare për investime në Shqipëri, me interes të ndërsjellë për të dy vendet dhe më pas kryeministri Rama do të zhvillojë takime individuale me drejtues të sipërmarrjeve pjesëmarrëse, shkruan Top chanel, transmeton KosovaPress.

Të premten, në orën 12:30, do të zhvillohet ceremonia zyrtare e mirëseardhjes, e më pas në orën 13.00, Kryeministri Rama do të mbërrijë në Pallatin Elysee, ku do të mikpritet nga Presidenti francez Emmanuel Macron me të cilin do të mbajnë edhe një deklaratë për shtyp.

Më pas, në praninë e Kryeministrit Edi Rama dhe Presidentit francez Macron do të nënshkruhen disa marrëveshje ndërqeveritare dhe memorandume mirëkuptimi mes vendeve.

Në orën 14:45, Kryeministri Edi Rama dhe Presidenti Francez Macron do të zhvillojnë një takim kokë më kokë mes tyre.

Axhenda do të vijojë në orën 16.00 me vizitën dhe takimet në STATION F, inkubatori më i madh në botë i startup-eve dhe inovacionit, si dhe me mbledhjen inauguruese të Këshillit të Inovacionit Francë-Shqipëri –CIFA, ku do të marrë pjesë edhe Sekretarja franceze e Shtetit për Industrinë Numerike, përfaqësues të ministrive franceze të Jashtme dhe të Ekonomisë, si edhe operatorë të ndryshëm franceze e shqiptarë në fushën e inovacionit.

Së bashku me Kryeministrin Rama pjesë e delegacionit qeveritar do të jenë Ministrja e Arsimit dhe Sportit Ogerta Manastirliu, Ministrja e Turizmit dhe Mjedisit Mirela Kumbaro, Ministri i Ekonomisë, Kulturës dhe Inovacionit Blendi Gonxhe, Ministri i Shtetit për Pushtetin Vendor Arbjan Mazniku, si dhe Ministrja e Shtetit për Administratën Publike dhe Antikorrupsionin Adea Pirdeni.

Vazhdo të lexosh

Aktualitet

​Vdes ish-gazetari Arben Rugova

AGK-ja i shpreh ngushëllime familjes, miqve dhe komunitetit. 

Publikuar

nga

Asociacioni i Gazetarëve të Kosovës me pikëllim ka marrë lajmin për vdekjen e gazetarit, Arben Rugova. Në njoftim thuhet se ai ka punuar në sektorin e arsimit dhe të politikës në disa media si Koha Ditore, Gazeta Express, Telegrafi, Gazeta Lajmi e të tjera.

Rugova punonte së fundi si Zyrtar për Qasje në Dokumente Publike në Ministrinë e Jashtme dhe të Diasporës. Për vdekjen e gazetarit Rugova, kanë njoftuar familjarët e të ndjerit në rrjetet sociale.

AGK-ja i shpreh ngushëllime familjes, miqve dhe komunitetit.

Vazhdo të lexosh

Aktualitet

Shpërthim në Lushnjë: Raportohet një i vdekur e gjashtë të plagosur, mes tyre deputeti i PS

Gjashtë të plagosurit nga shpërthimi në Lushnjë janë nisur drejt spitalit të Traumës.

Publikuar

nga

Një shpërthim i fuqishëm ka ndodhur në një magazinë në ndërtim në Lushnjë. Një person humbi jetën, shtetasi R.H. Gjithashtu raportohet për gjashtë persona janë plagosur, mes tyre edhe deputeti i PS, Bujar Çela.

Gjashtë të plagosurit nga shpërthimi në Lushnjë janë nisur drejt spitalit të Traumës.

Ministri i Brendshëm Taulant Balla ka mbërritur në spitalin e Lushnjës, ndërkohë që ende nuk dihet gjendja e të plagosurve. Ndërsa ajo që dihet deri më tani është se deputeti Bujar Çela po i nënshtrohet një ndërhyrje kirurgjikale. Në ndihmë po vijnë dhe mjekë nga spitali i Fierit dhe Beratit, bashkë me autoambulanca.

Ende nuk dihet shkaku i saktë i këtij shpërthimi, ndërsa dyshohet se gjatë punës në fabrikë, një vinç ka prekur linjën e tensionit të lartë dhe për rrjedhojë ka pasur një shpërthim.

Vazhdo të lexosh

Aktualitet

Safet Gjici dënohet me 2 vjet burgim për “shpërdorim detyre”

Gjykata ka ndryshuar akuzën ndaj Gjicit nga korrupsion në shpërdorim detyre.

Publikuar

nga

Ish-kryetari i bashkisë së Kukësit, Safet Gjici është dënuar me 3 vite burg, ndërsa nga gjykimi i shkurtuar dënimi i ulet në dy vite.

Gjykata ka ndryshuar akuzën ndaj Gjicit nga korrupsion në shpërdorim detyre. Ndërkohë për Alma Kaçin, gjykata ka dhënë dënimin me 1 vit burg, duke e shpallur fajtore atë për prostitucion.

Safet Gjici sipas SPAK ka përfituar favore seksuale nga Kaci, duke i premtuar kësaj të fundit një projekt për qentë, ndërsa kjo e fundit ja ka ofruar favoret, përderisa kryen marrëdhënie seksuale orale në zyrën e punës së kryebashkiakut.

Para shpalljes së vendimit, Safet Gjici kërkoi pafajësi, duke pretenduar se nuk ka shkelur asnjë ligj, ndërsa i përlotur i kërkoi falje familjes dhe qytetarëve të Kukësit. Ai akuzoi Abedin Orucin se e sulmoi që të zaptonte pronat e bashkisë.

“Unë kam marrë dënimin më të madh, është dënimi moral. Iu kërkoi falje familjarëve të mi dhe qytetarëve të Kukësit”, tha Gjici, i cili akuzoi Oruçin se i publikoi videon intime.

Vazhdo të lexosh

Të kërkuara