Aktualitet

​Në Gjilan nisin disa projekte të rëndësishme

Hyseni bëri të ditur se edhe këtë vit do të ketë përkrahje nga MKRS-ja për manifestimin “Flaka e Janarit”.

Published

3 years ago

on

Kryetari i Komunës së Gjilanit, Alban Hyseni ka nënshkruar sot memorandume të bashkëpunimit me ministrin e Kulturës, Rinisë dhe Sporteve, Hajrulla Çeku, për realizimin e disa projekteve të rëndësishme për Gjilanin.

Paraprakisht, kryetari Hyseni bëri të ditur se edhe këtë vit do të ketë përkrahje nga MKRS-ja për manifestimin “Flaka e Janarit” në vlerë prej 30 mijë euro. Pasi falënderoi ministrin Çeku për vizitën dhe mbështetjen për Gjilanin, ai bëri të ditur se ka nënshkruar marrëveshje bashkëfinancimi edhe për tetë projekte që kanë të bëjnë me xhepat e gjelbër, për ndërtimin e tetë parqeve të reja”, thuhet në njoftimin e komunës së Gjilanit.

“Kemi nënshkruar marrëveshje për dy vite me radhë për tetë projekte që kanë të bëjnë me xhepat e gjelbër për tetë parqet që do të ndërtohen, dy prej të cilëve në qytet dhe gjashtë të tjera në fshatra, ku vlera totale e këtyre projekteve është 690 mijë euro. Në këto projekte, përfshihen këndet e lodrave për fëmijë, terrene sportive dhe hapësira të tjera që mund të shfrytëzohen për banorët”, tha kryetari Hyseni.

Kreu i Gjilanit bëri të ditur se në kuadër të marrëveshjeve që i ka nënshkruar sot është edhe projekti për ndërtimin e Kult Qendrës në lagjen “Dardania” në vlerë prej 700 mijë euro, projekti për skulpturat monumentale në vlerë prej 71 mijë euro, Festivali i Teatrove të Shkollave dhe projekti për hartimin e mastër planit të kompleksit sportiv në palestrën e sporteve “Bashkim Selishta – Petriti”, ku përfshihen renovimi i palestrës ekzistuese, ndërtimi i palestrës së xhudos, shtëpisë së shahut dhe disa objekteve të tjera përcjellëse në lëmin e sportit.

Ndërkaq ministri i Kulturës, Rinisë dhe Sporteve, Hajrulla Çeku, pasi falënderoi kryetarin Hyseni për një dinamikë të shtuar të punëve dhe angazhim maksimal për të rinjtë e Gjilanit, tha se marrëveshjet që janë nënshkruar sot janë për ta konsoliduar tutje infrastrkurën e sportit dhe të kulturën në Gjilan.

“Jam shumë i gëzuar që dinamika e punëve në mbrojtjen e trashëgimisë kulturore të Gjilanit është duke shkuar mjaft mirë dhe sivjet do të kemi edhe ndërhyrje të tjera në monumentet e trashëgimisë kulturore. Krahas kësaj, bashkë me Komunën i kemi edhe këto zotimet e reja për të cilat ju foli kryetari i Komunës. Ne si Ministri, zotohemi që përpos financiarisht, do të jemi pranë Komunës edhe profesionalisht, në mënyrë që të rinjtë, sportistët dhe artistët e Gjilanit të kenë mundësi sa më të mira për ta zhvilluar potencialin dhe talentin e tyre përpara”, është shprehur ministri Çeku.

Related Topics:
Continue Reading

Vendi

Ambasada e SHBA-së mbështet “Dardanët” para finales me Turqinë në “Fadil Vokrri”

Published

49 minutes ago

on

March 31, 2026

By

Atmosfera para përballjes vendimtare mes Kosovës dhe Turqisë është ndezur, madje kësaj ngjarje vëmendje i ka kushtuar edhe Ambasada e Amerikës në Kosovë

Përmes një postimi në rrjetet sociale, përfaqësia diplomatike amerikane ka rreshtuar veten përkrah tifozëve dardanë në këtë natë historike, duke dhënë një mesazh të qartë mbështetjeje: “Nga të gjithë ne në Ambasadën e SHBA-së, ne po ju mbështesim – luani fort dhe bëjeni Kosovën krenare”.

Kjo ndeshje, e cila konsiderohet si një finale e vërtetë për fatet e kualifikimit në Kampionatin Botëror, pritet të fillojë në orën 20:45 në stadiumin “Fadil Vokrri”.

Interesimi për këtë takim është i jashtëzakonshëm dhe shkallët e stadiumit pritet të jenë të stërmbushura me tifozë që kërkojnë fitoren historike.

Përfaqësuesja e Kosovës zbret në fushë me moral të lartë dhe me përkrahjen e plotë të partnerëve ndërkombëtarë, ndërsa vëmendja e gjithë opinionit publik është përqendruar në Prishtinë për këtë sfidë vendimtare që përcakton rrugëtimin drejt botërorit.

Continue Reading

Aktualitet

Alumni i UBT-së udhëheq punëtorinë mbi psikologjinë klinike dhe formulimin e rasteve me studentët e nivelit master

Published

1 hour ago

on

March 31, 2026

By

Me sukses është përmbyllur punëtoria “Clinical Psychology in Practice: Paraphilic Disorders, Case Formulation, and Pathways in Psychological Science”, një aktivitet profesional me studentët e nivelit master në UBT, që solli në fokus qasjen praktike të psikologjisë klinike dhe zhvillimin e karrierës në këtë fushë.

Punëtoria u udhëhoq nga alumni i Fakultetit të Psikologjisë në UBT, Olti Gjonbalaj, i cili ndau me studentët dhe pjesëmarrësit përvojën e tij akademike dhe profesionale, duke trajtuar tema të rëndësishme si çrregullimet parafilike, formulimi i rasteve dhe rrugët profesionale në shkencën psikologjike.

Punëtoria u pasurua edhe nga kontributi i folësve të ftuar ndërkombëtarë, të cilët sollën perspektiva të ndryshme nga fusha të specializuara të psikologjisë:

  • Jaidaa Amin – Counseling Psychologist
  • Aya Elsherif – Clinical Psychologist
  • Lucine Ahyi – Neuropsychologist
  • Ayah Fahmy – Neuromarketing

Gjatë aktivitetit, studentët patën mundësinë të angazhohen në diskutime interaktive, të analizojnë raste praktike dhe të eksplorojnë mundësi të ndryshme të zhvillimit profesional në psikologji, duke përfituar njohuri të vlefshme nga ekspertë të fushës.

Kjo punëtori dëshmon edhe një herë rëndësinë e rolit të alumni-ve të UBT-së në fuqizimin e brezave të rinj, duke krijuar ura lidhëse mes studimeve akademike dhe praktikës profesionale.

Continue Reading

Vendi

Botërori është afër: “The Guardian” i thur lavde rrugëtimit emocional të Kosovës

Published

1 hour ago

on

March 31, 2026

By

Sytë e botës sonte janë në stadiumin “Fadil Vokrri”, aty ku Kosova luan një ndeshje historike kundër Turqisë për një biletë në Botëror, një sukses që ka zgjuar vëmendjen e mediave më prestigjioze globale.

Prestigjiozja britanike “The Guardian” ka botuar një artikull tejet prekës ku përshkruan rritjen e jashtëzakonshme të kombëtares sonë, duke e titulluar: “Besojmë te njëri-tjetri: Rruga e vështirë e Kosovës nga lufta drejt shpresës për Kupën e Botës”.

Gazeta sjell rrëfimin e Samir Ujkanit, i cili kujton kohën kur lojtarët nuk ia dinin as emrat njëri-tjetrit në ndeshjen e parë kundër Haitit dhe stërviteshin në fusha të rënduara nën tymin e termocentraleve të Obiliqit.

Artikulli vë në pah se për një shtet që dikur e kishte të ndaluar futbollin nga autoritetet serbe, ky moment përfaqëson kulmin e një diplomacie të gjatë sportive të nisur nga i ndjeri Fadil Vokrri dhe Eroll Salihu.

Sipas “The Guardian”, ajo që dikur dukej e pamendueshme – kualifikimi i Kosovës në finalet e një Botërori – sonte është vetëm një fitore larg, duke e shndërruar sportin në projektimin më të bukur të një shteti modern dhe të suksesshëm në skenën ndërkombëtare.

Continue Reading

Lajmet

Nga ‘Fadil Vokrri’ në Madrid: Një orë, dy sfida të mëdha

Published

2 hours ago

on

March 31, 2026

By

Sot futbolli kosovar përjeton një moment unik pasi në të njëjtën kohë kur ekipi A zbret në fushën e “Fadil Vokrrit” për ndeshjen finale ndaj Turqisë, Kosova U21 do të sfidojë Spanjën në Madrid.

Të rinjtë tanë po luftojnë për një vend në “Europianin Shqipëri-Serbi 2027”, duke u përballur me liderin e grupit A që mban 18 pikë, ndërsa Kosova renditet në vendin e katërt me 8 pikë.

Pas humbjes 1-3 në ndeshjen e parë në Prishtinë, dardanët e rinj kërkojnë hakmarrjen ndaj spanjollëve, duke u mbështetur në formën e mirë që treguan me fitoret bindëse 4-0 ndaj Qipros dhe 7-0 ndaj San Marinos, si dhe barazimet pa gola kundër Rumanisë dhe Finlandës.

Kjo pasdite i gjen tifozët me vëmendje të ndarë mes Prishtinës dhe Madridit, në një përpjekje të dyfishtë për sukses ndërkombëtar.

Continue Reading

Të kërkuara