Lajmet

​Ndryshon procedura e subvencionimit të policës kufitare për bashkatdhetarët, Murati tregon hapat

Murati ka sqaruar se rimbursimi mund të kërkohet për të gjitha policat që keni blerë nga data 1 janar 2022 e këtej.

Published

4 years ago

on

Ministri i Financave, Punës dhe Transfereve, Hekuran Murati, ka njoftuar sot se edhe këtë vit, Qeveria e Kosovës do të mbulojë koston financiare të policës kufitare për bashkatdhetarët.

Ndonëse ministri Murati në postimin e tij, ka shkruar se për dallim nga dy vitet paraprake, kur polica kufitare e subvencionuar merrej në pikën kufitare, këtë vit ka ndryshuar procedura.

“Procedura vazhdon të jetë e thjeshtë dhe nuk ju merr kohë, e madje mund të evitoni edhe pritjet në kufi kur e bleni online para se të niseni. Pasi ta keni blerë policën, ju mund të aplikoni për rimbursim të pagesës në formularin online të Ministrisë së Financave”, ka shkruar ministri Murati në rrjete sociale.

Ministri Murati ka bërë të ditur se polica mund të blihet edhe fizikisht në pikat kufitare hyrëse, mirëpo, që të mos ketë pritje në kufi, e të mos shkaktohen kolona, rekomandohet që polica të blihet online para se të nisen për Kosovë.

“Mbështetja vlen për autoveturat për pasagjerë dhe motoçikletat, dhe rimbursimi bëhet për qëndrime deri në 3 muaj brenda vitit kalendarik. Rimbursimi mund të kërkohet për të gjitha policat që keni blerë nga data 1 janar 2022 e këtej, me kusht që periudha e tërësishme e mbulueshmërisë për një automjet të mos kalojë 3 muaj brenda vitit”, shtoi Murati.

Në fund, Murati ka sqaruar se rimbursimi mund të kërkohet për të gjitha policat që keni blerë nga data 1 janar 2022 e këtej, me kusht që periudha e tërësishme e mbulueshmërisë për një automjet të mos kalojë 3 muaj brenda vitit.

Related Topics:
Continue Reading

Lajmet

Arrestohet një person në Podujevë, dyshohet se shtyu zyrtaren policore

Published

17 minutes ago

on

September 22, 2026

By

Një person është arrestuar në Podujevë pasi dyshohet se ka përdorur fjalë fyese dhe ka shtyrë një zyrtare policore.

Rasti ka ndodhur më 21 shtator, rreth orës 15:08.

I dyshuari është intervistuar dhe, me vendim të prokurorit, është liruar në procedurë të rregullt./A.K/

Continue Reading

Lajmet

Dyshohet për kontrabandim me migrantë në Vërmicë, ndalohet një person

Published

19 minutes ago

on

September 22, 2026

By

Policia ka ndaluar një automjet me targa vendore në Vërmicë, ku janë gjetur katër migrantë, shtetas të huaj.

Rasti ka ndodhur më 21 shtator, rreth orës 04:00. Automjeti drejtohej nga një i dyshuar mashkull kosovar.

I dyshuari është intervistuar dhe, me vendim të prokurorit, është liruar në procedurë të rregullt.

Ndërkohë, migrantët janë trajtuar nga institucionet përkatëse dhe më pas janë dërguar në qendrën strehimore./A.K/

Continue Reading

Lajmet

Dy persona sulmojnë me kaçavidë një burrë në Ferizaj

Published

21 minutes ago

on

September 22, 2026

By

Një burrë në Ferizaj ka kërkuar ndihmë mjekësore pasi dyshohet se është therur me një mjet të mprehtë, konkretisht kaçavidë, nga dy persona të panjohur.

Rasti është raportuar më 21 shtator, rreth orës 22:30.

Viktima ka marrë tretman mjekësor dhe më pas është liruar.

Policia ka bërë të ditur se rasti po hetohet./A.K/

Continue Reading

Lajmet

Tre të dyshuar për materiale të shfrytëzimit seksual të fëmijëve në Prizren dhe Drenas

Published

24 minutes ago

on

September 22, 2026

By

Policia e Kosovës ka identifikuar tre persona të dyshuar për veprën penale “Materiale me përmbajtje të shfrytëzimit dhe keqpërdorimit seksual të fëmijëve”.

Rasti është raportuar më 21 shtator në Prizren dhe Drenas. Si prova materiale janë sekuestruar tre telefona celularë.

Njëri nga të dyshuarit është arrestuar dhe, pas intervistimit, është liruar në procedurë të rregullt, ndërsa dy të dyshuarit e tjerë janë ftuar për intervistim.

Rasti mbetet në procedurë hetimore, njofton Policia e Kosovës./A.K/

Continue Reading

Të kërkuara