Sport

Napoli-Milan, kërkesa për bileta e jashtëzakonshme

“Vetëm disa bileta të spozorëve janë në dispozicion”, tha Bardelli për “Radio Marte”.

Published

5 years ago

March 2, 2022

UBT news

Amedeo Bardelli nga “TicketOne”, kompania përgjegjëse për shitjen e biletave për ndeshjet në shtëpi të Napolit, pretendon se kërkesat për ndeshjen kundër Milanit janë shumë të mëdha.

Kryesuesit e tabelës së Serisë A takohen të dielën në stadiumin “Diego Armando Maradona”. Tifozët e Napolit ëndërrojnë Scudetton e tyre të parë pas më shumë se 30 viteve dhe tashmë janë shitur të gjitha biletat për ballafaqimin me “Rossonerët”, madje, kërkesa për bileta është aq e madhe sa do të mund të mbusheshin stadiume, përcjellë KosovaPress.

“Vetëm disa bileta të spozorëve janë në dispozicion”, tha Bardelli për “Radio Marte”.

“Njerëzit kanë qenë duke pritur në radhë përpara se biletat të dilnin në shitje dhe biletat në internet ishin të disponueshme vetëm për ata që kishin kartën e Napolit”

“Të gjitha biletat Curva A dhe B u shitën për 35-40 minuta. Po të kishim dy stadiume me kapacitet të “ Diego Armando Maradonas”, do t’i kishim mbushur të dyja.

Stadiumet në Itali ende funksionojnë me kapacitet 75% për shkak të pandemisë COVID-19, por së shpejti do të kthehen në kapacitet të plotë.

Vendi

Akil Gjakova mbyll garën pa medalje në Abu Dhabi

Published

1 hour ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

4 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/