

Lajmet
Nagavci: Buxheti për arsimin në vitin 2023 do të jetë mbi 82 milionë euro
Nagavci tha se buxheti do të jetë 9.7% më i lartë se i këtij viti.
Published
3 years agoon
By
Betim GashiMinistrja e Arsimit, Shkencës, Teknologjisë dhe Inovacionit, Arbërie Nagavci, ka thënë se buxheti për arsimin në vitin 2023 do të jetë mbi 82 milionë euro apo 9.7 për qind më i lartë se i këtij viti.
Në raportimin në Komisionin për Arsim të martën, pjesë e së cilës nuk ishin deputetë të PDK-së dhe të LDK-së, ministrja Nagavci paralajmëroi se shumë shpejt do të miratohet Projektligji për arsimin e lartë në qeveri. Nga ana tjetër, ajo tha se pjesëmarrja e nxënësve në kompensimin e orëve të humbura ka qenë e ulët në javët e para, porse siç tha ajo, ka shenja të përmirësimit për javët në vazhdim.
Gjatë raportimit, ministrja Nagacvci u përfshi në debat me deputetët edhe sa i përket verifikimit të titujve akademikë të profesorëve në arsimin e lartë dhe plagjiaturën.
“Buxheti i paraparë për MASHT për vitin 2023 do të jetë mbi 82 milionë euro, apo 9.7 për qind më shumë se në vitin 2022. Kjo paraqet një rritje prej 12 për qind me vitin 2022, i cili vit po ashtu ka pasur një rritje prej 12 për qind në krahasim me vitin paraprak 2021… Vëmendje të veçantë i kemi kushtuar edhe përmirësimit të infrastrukturës fizike, përveç ndërtimit të disa shkollave dhe vënies së gurthemelit të disa çerdheve të reja. Jemi në bashkëpunim me komunat në mënyrë që identifikojmë hapësirat e nevojshme, qoftë tokën apo objektet të cilat mund të ri adoptohen për çerdhe. Kemi parapa edhe buxhetin e nevojshëm për vitin e ardhshëm”, tha ministrja Nagavci.
Përmes Projektligjit për arsimin e lartë, ministrja Nagavci tha se do të vendosen kritere për themelimin e institucioneve të arsimit të lartë dhe do të përcaktohen standarde dhe kushte minimale për emërimet akademike.
“Kemi finalizuar Projektligjin për arsimin e lartë i cili shumë shpejtë do të votohet në qeveri dhe pastaj do të procedohet në Kuvend. Ndër risitë që i sjell janë kriteret e qarta për themelimin e institucioneve të arsimit të lartë, përcaktimin e obligimeve, strukturave qeverisë dhe institucioneve publike të arsimit të lartë. Përcaktimi i standardeve dhe kushteve minimale për emërimet akademike”, shtoi ajo.
Para deputetëve, ministrja Nagavci foli edhe për kompensimin e orëve të humbura nga greva e SBASHK-ut gjatë muajit shtator.
“Vazhdon të mbetet sfidë puna dhe angazhimi për të kompensuar humbjet që janë bërë për nxënësit. Kalendari i miratuar nga ministria së paku në dy të shtunat e para ka pasur vështirësi serioze në implementim. Gjendja po vjen duke u përmirësuar dhe pres që në ditët në vijim pjesëmarrja të jetë më e madhe”, tha ajo.
Mirëpo asaj i reagoi deputetja e AAK-së. Albena Reshitaj, e cila tha se duhet të krijohet një mundësi e realizimit dhe kompensimit të duhur të orëve.
“Po rezulton me një dështim në mbajtjen e këtyre orëve të humbura. Ju e thatë se është një sfidë, por konsideroj se duhet të trajtohet dhe të rregullohet, pasi këto orë të humbura, meqenëse keni deklaruar se orët duhet të zëvendësohen për fëmijët, pasi janë ata që kanë pasur më së paku faj në gjithë këtë situatë. Duhet të krijohet një mundësi e realizimit dhe kompensimit të duhur dhe jo vetëm për të thënë se po zëvendësohen, ndërsa në realitet është duke ndodhur diçka tjetër”, deklaroi Reshitaj.
Lidhur me verifikimin e titujve të profesorëve, në kuadër të draftit fillestar të Projektligjit për arsimin e lartë, kryetari i Komisionit për arsim, Ardian Gola tha se është një nen që ka qasje paradoksale sa i përket punimeve shkencore.
“(Neni) Na futë në një situatë paradoksale meqë rast detyrohemi të bëjmë vlerësim retroaktiv të dispozitës në relacion me thirrjet që janë bërë përpara këtij ligji. Këto standarde minimale, njëri prej tyre që është se profesori i asocuar duhet të ketë minimalisht dy punime prej thirrjes së fundit, ky nuk ka qenë standard më herët. Tash hipotetikisht një thirrje që është marrë në 2010 dhe i nënshtrohet këtij standardi, automatikisht ka me ra, kam përshtypjen se mundet me u prish sistemi”, tha Gola.
Mirëpo kolegu i tij nga radhët e LVV-së, deputeti Jahja Kokaj, nuk u pajtua me këtë konstatim, pasi nënvizoi se punimet shkencore të profesorëve duhet të jenë të nivelit të standardit botëror.
“Këto që sapo e the jam shumë kundër, kategorikisht kundër. Arsyeja është se një prej nevojave të domosdoshme të zhvillimit të prosperitetit kombëtar është zhvillimi i universitetit. Komponenti kryesore është internacionalizmi. Kjo do të thotë se punimet duhet të jenë të nivelit të standardit botëror dhe pikë. Kam pas problem me kolegët, pasi ata donin të zvogëlonin nivelin e botimit, pasi ishte një revistë që pranohej më herët në Universitetin e Prishtinës… Pa punime ndërkombëtare nuk kemi universitet, pa universitet nuk kemi profesor, po them universitet të nivelit ndërkombëtar”, theksoi deputeti Kokaj.
Në debat u përfshi edhe ministrja Nagavci, e cila tha se integriteti akademik i profesorëve është shumë i rëndësishëm. Ajo foli edhe qasjen ndaj plagjiaturës në arsimin e lartë, për të cilën kërkoi që mos të adresohet ndaj personave të caktuar, por të ketë trajtim të njëjtë për të gjithë.
“Jemi munduar me bërë maksimumin që të punojmë sa i përket integritetit akademik dhe përmirësimit të performancës dhe rritjes së konkurrencës. Ndërkombëtarizimi mbetet një ndër synimet tona… Jemi të interesuar që të kemi një qasje që përdorë kritere dhe parime për të gjithë. Në rastin konkret unë mendoj se është një numër që është drejtuar apo për të cilat është marrë vendim nga Universiteti i Prishtinës në këtë rast. Me sa di unë kanë qenë shtatë raste të adresuara, dy prej tyre janë adresuar nga Këshilli i Etikës. Masat të cilat janë dhënë për mendimin tim kanë qenë joproporcionale në raport me evidentimet që janë bërë. Për këtë arsye si ministri jemi të vendosur që të trajtohen në mënyrë të njëjtë dhe shumë profesionalizëm për të gjithë. Mos të kemi adresime nga persona apo organizata të caktuara apo vetëm ndaj personave të caktuar, por të jetë një qasje që i trajton në mënyrë të njëjtë të gjitha institucionet e arsimit të lartë”, theksoi ajo.
Në anën tjetër, deputeti Kokaj i kërkoi ministres Nagavci që të bëhet unifikim i teksteve shkollore Kosovë-Shqipëri në mënyrë urgjente.
“Unifikimi i teksteve Kosovë-Shqipëri të bëhet në mënyrë sa më urgjente. Pse vetëm abetaret, rritet jo vetëm konkurrenca, por edhe potenciali. Rritet pastaj mundësia e shfrytëzimeve të laboratorëve këtu dhe atje. Këtu nuk na pengon Evropa, neve po na pengon për atë të cilën unë jetojë dhe shpresoj pa e përjetu, bashkimin Kosovë-Shqipëri, për të cilin jam edhe në Vetëvendosje mbi të gjitha”, deklaroi ai.
Në kuadër të raportimit të saj para komisionit, ministrja Nagavci mes tjerash tha se edukimi parafillor është i obligueshëm për gjithë fëmijët.
Lajmet
FSK po realizon ushtrimin fushor “Ujku shigjetë”
Published
21 minutes agoon
September 3, 2025By
UBTnews
Forca e Sigurisë së Kosovës po realizon ushtrimin fushor “Ujku shigjetë”, në kuadër të parapërgatitjeve për validimin e Regjimentit të Tretë të Forcave Tokësore.
Ushtrimi ka për qëllim testimin dhe ngritjen e kapaciteteve operacionale të pjesëtarëve të FSK-së, të cilët po dëshmojnë disiplinë, profesionalizëm dhe përkushtim në përmbushjen e misionit dhe detyrave të tyre.
Me këtë ushtrim, FSK afirmon gatishmërinë dhe aftësinë për të përmbushur misionin e një force profesionale në shërbim të vendit dhe qytetarëve./D.B/KP
Lajmet
Pep Guardiola përballë sfidës më të vështirë në Man City
Published
1 hour agoon
September 3, 2025By
UBT News
Brenda Manchester Cityt kishte filluar të lëkundej pushteti që sezonin e kaluar pas dy humbjeve në tri ndeshjet e para të këtij edicioni, por çarjet janë thelluar edhe më shumë.
Ajo që dikur ishte makina më dominuese e Premierligës, papritmas duket e cenueshme madje edhe pas lëvizjeve të fundit në tregun e transferimeve.
Ardhja në ditën e fundit të afatit e Gianluigi Donnarummës, i cili nënshkroi për të zëvendësuar Edersonin pas kalimit të tij te Fenerbahçe, konsideroht një shtresë e ndryshimeve. Donnarumma është portier i nivelit botëror, por jo i tipit që zakonisht lidhet me Guardiolën.
Përveç Edersonit, gjatë verës janë larguar edhe emra si Kevin De Bruyne, Kyle Walker, Jack Grealish, James McAtee, Ilkay Gundogan dhe Manuel Akanji. Pa shumë zhurmë, një nga skuadrat më të mëdha që ka parë ndonjëherë Premier League është shpërbërë.
Mesfushori dirigjent dhe fituesi i Topit të Artë 2024 ka edhe dy vite kontratë, por ende nuk e ka rinovuar. Interesimi i hershëm i Real Madridit mbetet i gjallë, dhe ndjesia është se, nëse City nuk arrin ta rivendosë veten në majë, spanjolli mund të joshet për t’u rikthyer në qytetin e tij.
Brenda Etihad-it pranojnë se ekziston shqetësim. Rodri është i pazëvendësueshëm, zemra e sistemit të Guardiolës dhe rrjeti i sigurisë që u lejon yjeve të sulmit të shkëlqejnë. Humbja e tij do të ishte më shumë se një largim tjetër i profilit të lartë.
City ka kaluar tranzicione edhe më parë, por Pep Guardiola tani gjendet përballë sfidës së tij më të vështirë në Angli.
Ai ka rindërtuar skuadra, por jo nga një pozitë kaq e brishtë. Ky grup duket më pak i sigurt, më pak i paprekshëm.
Dhe nëse Rodri fillon të dyshojë në drejtimin e klubit, përballja me një tjetër lamtumirë të dhimbshme bëhet e pashmangshme. Burimet thonë se ai me të vërtetë po e peshojnë të ardhmen e tij.
Për City-n, çështja nuk është vetëm ndjekja e një titulli tjetër, por dëshmia ndaj vetë lojtarëve se ende i përkasin majës absolute.
/S.K/EO/
Lajmet
Spanca: Mbi 60 mijë euro u dhanë si subvencione për libra pa plotësuar kriteret më 2024
Published
1 hour agoon
September 3, 2025By
UBTnews
Auditorja e Përgjithshme, Vlora Spanca, ka deklaruar se gjatë auditimit të pasqyrave financiare të Ministrisë së Arsimit për vitin 2024 janë evidentuar parregullsi në procesin e subvencionimit të librave shkollorë. Sipas saj, ZKA-ja ka identifikuar mbi 60 mijë euro që janë dhënë si subvencion për qytetarë që kanë aplikuar pa i plotësuar kriteret për fëmijët e tyre.
Ajo në konferencë për media të mërkurën tha se për vitin shkollor 2025-2026 kanë diskutuar me MASHT-in dhe kanë ndërmarrë hapa të verifikimit, ku kanë obliguar shkollat që t’i verifikojnë paraprakisht cilët nxënës vijojnë mësimin në shkolla.
“Aty kemi prezantuar mangësitë sa i përket çështjeve që ndërlidhen me subvencionimin e librave. ZKA-ja ka identifikuar mbi 60 mijë euro janë dhënë si subvencion apo kanë aplikuar qytetarë të cilët nuk i kanë plotësuar kriteret për fëmijët e tyre që të marrin subvencionimin për libra. Kjo ka ndodhur si pasojë e kontrolleve jo të mira nga Ministria e Arsimit në bashkëpunim me Agjencinë e Shoqërisë së Informacionit e cila e ka zhvilluar këtë aplikacion. Po ashtu ka qenë edhe një numër i qytetarëve që kanë aplikuar, vlera e tyre ka qenë 70 mijë euro, nuk mund të themi që nuk i kanë plotësuar kriteret por ka qenë e pamundur për neve të verifikojmë se për cilën shkollë kanë aplikuar. Stafi ynë ka biseduar me ministrin dhe aq sa kemi informacione për këtë sezon që ka filluar tashmë viti MASHT ka ndërmarrë hapa në bashkëpunim me nivelin lokal dhe kanë obliguar shkollat në komunë që t’i verifikojnë paraprakisht cilët nxënës vijojnë mësimin në shkollë”, tha ajo.
Vlora Spanca i bëri këto deklarata sot në një konferencë për media, ku u prezantuan rezultatet e Raportit Vjetor të Auditimit për vitin 2024./D.B/KP
Aktualitet
Një hap drejt karrierës ndërkombëtare: Zgjidh Masterin në të Drejtën Komerciale në UBT
Published
1 hour agoon
September 3, 2025By
Driton Iseni
Në epokën e globalizimit dhe digjitalizimit të tregjeve, ligji i biznesit është bërë një prej fushave më të rëndësishme dhe më të kërkuara në botën profesionale. Duke e njohur këtë nevojë, UBT ofron Programin Master (LLM) në të Drejtën Komerciale (Tregtare), i cili është dizajnuar për juristë, profesionistë dhe të diplomuar në drejtësi që synojnë të specializohen në sektorin e biznesit dhe tregtisë ndërkombëtare.
Ky program nuk është vetëm një rrugëtim akademik, por edhe një mundësi drejt karrierës ndërkombëtare, duke u ofruar studentëve njohuri të avancuara, përvojë praktike dhe një qasje kritike ndaj sfidave të së drejtës tregtare.
Çfarë përfiton një student i këtij programi?
- Njohuri të avancuara mbi kontratat tregtare – nga hartimi deri te ekzekutimi i tyre, duke përfshirë rastet e shkeljes dhe arbitrazhit.
- Të drejtën e shoqërive tregtare – themelimi, qeverisja, menaxhimi dhe shpërbërja e kompanive, sipas standardeve kombëtare dhe ndërkombëtare.
- Ekspertizë në të drejtën e konsumatorit dhe konkurrencës – ku studentët aftësohen të analizojnë dhe krahasojnë kuadrot ligjore të Kosovës me ato të BE-së dhe tregjeve globale.
- Pronësia intelektuale dhe inovacioni – trajnim i veçantë mbi menaxhimin e patentave, markave tregtare, të drejtave të autorit dhe sekreteve tregtare, thelbësore për bizneset moderne.
- Simulime të proceseve gjyqësore – studentët marrin pjesë në skenarë praktikë, duke menaxhuar ekipe, hartuar kontrata reale dhe përgatitur mbrojtje ligjore.
- Aftësi kërkimore dhe akademike – programi ofron mjete të avancuara për hulumtim shkencor, duke i përgatitur studentët për publikime dhe studime të thelluara.
Pse Master në të Drejtën Komerciale në UBT?
UBT është i vetmi institucion në Kosovë që kombinon teorinë e avancuar akademike me praktikën ligjore ndërkombëtare, përmes:
- Punëtorive me juristë dhe ekspertë të shquar vendas e të huaj.
- Pjesëmarrjes në raste reale të tregut global.
- Integrimit të studentëve në rrjetin profesional të UBT-së, i cili përfshin partneritete me kompani, institucione publike dhe organizata ndërkombëtare.
Objektivat kryesore të programit:
- Formimi i një baze solide mbi të drejtën tregtare kombëtare dhe ndërkombëtare.
- Zhvillimi i aftësive për të adresuar çështje komplekse të qeverisjes korporative dhe përgjegjësisë sociale të bizneseve.
- Nxitja e mendimit kritik dhe kreativ në menaxhimin e të drejtave të pronësisë intelektuale.
- Përgatitja e profesionistëve për një treg pune që kërkon ekspertë të gatshëm të ofrojnë zgjidhje për sfidat ligjore të epokës moderne.
Misioni i programit
Misioni i Masterit në të Drejtën Komerciale është të edukojë juristë me standarde të larta etike dhe profesionale, të pajisur me njohuri që tejkalojnë kufijtë e zakonshëm të teorisë dhe që lidhen drejtpërdrejt me praktikën. Në këtë mënyrë, UBT synon të kontribuojë në forcimin e sundimit të ligjit, stabilitetit ekonomik dhe zhvillimit të qëndrueshëm në Kosovë dhe rajon.
Ky program është një mundësi e artë për të gjithë ata që duan të bëhen pjesë e një fushe ku ligji dhe biznesi takohen, krijojnë inovacion dhe udhëheqin zhvillimin global.

FSK po realizon ushtrimin fushor “Ujku shigjetë”

Ndryshime tek ChatGPT, akuzohet se po i nxit adoleshentët për vetëvrasje

Pse Jennifer Aniston nuk merr pjesë asnjëherë në Met Gala?

Pep Guardiola përballë sfidës më të vështirë në Man City

Spanca: Mbi 60 mijë euro u dhanë si subvencione për libra pa plotësuar kriteret më 2024

Një hap drejt karrierës ndërkombëtare: Zgjidh Masterin në të Drejtën Komerciale në UBT

Hulumtimi: Muzika klasike përmirëson gjumin dhe ul ankthin

Nis viti i ri shkollor në Qendrën Korrektuese të Dubravës

Kryeziu: Paraqitja e kryeministrit Kurti në Gjykatë nuk është standard i dyfishtë në raport me ftesën nga Prokuroria Speciale
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Aktualitet1 week ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet1 month ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës