Lajmet

​Murati kërkon nga deputetët të mbështesin Projektligjin për punë publike

Murati kërkoi që të shqyrtohet me procedurë të përshpejtuar nga Kuvendi i Kosovës.

Published

on

Ministri i Financave, Punës dhe Transfereve, Hekuran Murati gjatë arsyetimit të Projektligjit për mbështetjen e punëve publike ka kërkuar nga të gjitha Grupet Parlamentare që ta mbështesin këtë projektligj, në mënyrë që siç tha ai të nisë vazhdimi i punëve publike.

Duke marrë parasysh rëndësinë e këtij ligji, Murati kërkoi që të shqyrtohet me procedurë të përshpejtuar nga Kuvendi i Kosovës. Murati ka treguar se kompanitë të cilat kanë kontrata para 1 prillit të këtij viti, mund të kompensohen për shkak të rritjes së çmimeve.

“Projektligji për punë publike parasheh kompensimin për inflacion, për ato materiale ndërtimore, të cilat janë ndikuar nga inflacioni përkatësisht çimento, hekuri, plastika dhe produktet e plastikes, betoni dhe produktet e betonit si dhe zhavorri, alumini e të tjera. Bazuar në këtë projektligj, kompensimi për inflacion mund të realizohet edhe për punët përcjellëse të cilat indeksohen sipas indeksit të harmonizuar të çmimeve të Kosovës që publikohet nga ASK. Të drejtë për të kërkuar kompensim për inflacion parashihet që të kenë operatorët ekonomikë që dëshmojnë se materialet ndërtimore që janë pjesë e kontratës së tyre kanë pësuar rritje të çmimeve e për më tepër kriter është që të jetë kontratë aktive për punë publike të vlerës së mesme dhe të madhe dhe e nënshkruar para datës 1 prill e këtij viti. Kështu parashihet që kontratat që janë të nënshkruara para kësaj date të mund të kualifikohen për këtë kompensim shtesë, ndërkaq kontratat që janë nënshkruar pas datës 1 prill të këtij viti vlerësohet që do të duhej të ishin të përshtatura me çmimet e reja që i kemi aktualisht në treg… Ju ftoj që ta mbështesni si grupe parlamentare në mënyrë që të mundësohet vazhdimi i punëve. Lutja ime do të ishte që ky projektligj të trajtohet me procedurë të përshpejtuar”, theksoi ai. 

Bota

Erdogan thotë se Putin dhe Zelensky “nuk janë ende gati” për takim ballë për ballë mbi luftën

Published

on

By

Presidenti turk, Recep Tayyip Erdogan, deklaroi se ka diskutuar mundësitë për t’i dhënë fund luftës në Ukrainë me, Vladimir Putin, gjatë takimit në Kinë, si dhe me, Volodymyr Zelensky, në një bisedë telefonike. Megjithatë, sipas tij, palët “nuk janë ende gati” për një takim në nivel liderësh.

Erdogan foli me gazetarët në bordin e aeroplanit të tij duke u kthyer nga Kina, ku u takua me Putinin dhe më pas tha se e telefonoi Zelenskyn-n. Ai tha se bisedimet në muajt e fundit midis zyrtarëve rusë dhe ukrainas në Stamboll treguan se rruga drejt paqes mbetet e hapur.

Turqia favorizon “ngritjen graduale të nivelit të negociatave” për të shndërruar shpresat për paqe në rezultate konkrete, tha ai, duke shtuar se çdo iniciativë në fund të fundit do të duhet të trajtohet në nivelin e udhëheqësve, megjithëse kushtet nuk ishin ende të vendosura, raporton Reuters.

Turqia, anëtare e NATO-s, ka mbajtur kanale të hapura si me Moskën ashtu edhe me Kievin që nga pushtimi i Rusisë në vitin 2022 dhe është përpjekur të ndërmjetësojë midis tyre./D.B/EO/CNN

Continue Reading

Lajmet

​Kushtetuesja po shqyrton ankesën e Listës Serbe, thotë s’është përmendur “Kuvendi i Prishtinës”

Published

on

By

Gjykata Kushtetuese ka njoftuar se Lista Serbe në ankesën e saj për çështjen e nënkryetarit të Kuvendit, nuk e ka përdorur termin “Kuvendi i Prishtinës”, siç e kishte cekur në njoftimin publik vetë kjo parti.

Lista Serbe një postim në rrjetet sociale kishte njoftuar të shtunën se ka bërë ankesë në Kushtetuese për procedurën e zgjedhjes së nënkryetarëve të Kuvendit, nga radhët e komunitetit serbë gjatë seancës konstituive.

Rasti ka nxitur reagime të shumta, ndërsa tash zëdhënësi i Gjykatës Kushtetuese, Veton Dula ka konfirmuar se gjykata ka pranuar këtë kërkesë me 30 gusht dhe se po merret me ankesën e Listës Serbe.

Kërkesa e parashtruar nga përfaqësuesit e Listës Serbe, më 30 gusht 2025, është duke u proceduar nga Gjykata. Në kërkesën e parashtruar nuk figuron askund termi ‘Kuvendi i Prishtinës”, tha ai.

Kryeparlamentari Dimal Basha në seancën që ka nis zgjedhja e nënkryetarëve nga komuniteti serb, ka ndarë procesin e votimit për nënkryetarët nga radhët e komuniteteve.

Këtë procedurë Lista Serbe e pati quajtur si kundër ligjeve dhe rregullores së Kuvendit. Megjithatë, nëntë deputetët e kësaj partie nuk kanë marrë shumicën e votave në Kuvend për t’u zgjedhur nënkryetar.

Votat nuk i mori as deputeti tjetër serb, Nenad Rashiq, që nuk i takon këtij grupi.

Pavarësisht dështimit për të zgjedhur një nënkryetar serb, Basha e ka shpallur të konstituuar Kuvendin./D.B/KP

Continue Reading

Aktualitet

Tre nga viktimat e aksidentit të rëndë në Luksemburg bëhet e ditur se janë kosovarë

Published

on

Tre kosovarë janë në mesin e pesë viktimave nga aksidenti tragjik që ndodhi në Luksemburg, ku familjarët kanë njoftuar dhe kanë publikuar fotografitë e tre të vdekurve. Bëhet fjalë për E.K, U.B dhe U.B.

Sipas njoftimit aksidenti ka ndodhur dje në ora 17:00.

“Me dhimbeje te thellë ju njoftoje se dje rreth orës 17:00 ne Luxembourg Acidentalish humben jet 3 Engjullit Uka dhe Ujkani nipat e mi dhe djali i Tezakut Edonik Kastrati Allah ju shprblefte me Xhehnet e Motres tim Zoti ja letoft dhimbej dhe Dhondrrit Bajramit e Tezakt tim Zijas ju kujtojme per jet 3 Engjit e mi”, ka shkruar familjari.

 

Continue Reading

Lajmet

​Jasper Ostlund emërohet trajner i Kosovës në hendboll

Published

on

Suedezi Jasper Ostlund do të jetë në krye të Kombëtares së Kosovës në Hendboll duke e pasuar trajnerin e deritanishëm, Bujar Qerimi.

Presidenti i Federatës së Hendbollit, Edi Kolgeci tha në konferencë për media se ky është një moment shumë i rëndësishëm për hendbollin kosovar pasi që është hera e parë që në krye të këtij sporti vendoset një trajner i huaj, derisa u shpreh i bindur Ostlund do të sjellë energji të re në fushë si dhe rezultate pozitive.

Ndërsa, Ostlund theksoi se e ka pranuar me krenari dhe nder ofertën për ta drejtuar Kosovën.

Për dy vitet e ardhshme, ai tha se do të jetë sfiduese që Kosova ta krijojë një skuadër kompetitive që synon qartësisht kualifikim në kompeticione të mëdha të hendbollit si Kampionati Evropian apo Botëror.

Bashkë me Ostlund, pjesë e stafit të trajnerëve është angazhuar edhe Jasmin Zhuta nga Suedia.

/S.K/KP

Continue Reading

Të kërkuara