Kulturë

​Mithat Frashëri, kundërshtari i komunizmit

Ai kujtohet jo vetëm për prejardhjen, por edhe për librarinë, partinë (Balli Kombëtar), dhe kundërshtimin e komunizmit.

Published

on

Në Janinë më 25 mars të vitit 1889, lindi Mithat Frashëri, biri i Abdyl Frashërit, udhëheqës ushtarak i Lidhjes se Prizrenit – Mithati ishte pra nipi i Samiut dhe Naimit.

Mithati shkollohet në Stamboll, punësohet në administratën osmane. Ai kujtohet jo vetëm për prejardhjen, por edhe për librarinë, partinë (Balli Kombëtar), dhe kundërshtimin e komunizmit. Ai mori pjesë në Kongresin e Manastirit më 14 nëntor-22 nëntor 1908. Mithat bej Frashëri u zgjodh kryetar i Kongresit dhe nënkryetar i Komisionit për hartimin e alfabetit, kryetar i Komisionit ishte Gjergj Fishta.

Në moshën 32-vjeçare u largua përfundimisht nga Stambolli dhe udhëtoi për në Shqipëri duke kaluar nga Kosova në Shkup dhe pastaj në Elbasan. Në vitin 1912, në Qeverinë e Shqipërisë e krijuar nga Ismail Qemali ai u zgjodh ministër i botores. Më 30 mars 1913, dha dorëheqje nga detyra prej indinjatës kundrejt qëndrimit të kryeministrit ndaj rrethimit të Janinës.

Në janar 1923 filli detyrën e Ministrit Fuqiplotë të Republikës së Shqipërisë në Athinë. Këtë detyrë e kreu deri në dhjetor 1925. Sipas Mehdi Frashërit: “Më 1924-1925 kishte qenë përfaqësues i Shqipërisë në Athinë, i cili interesohej tepër për gjendjen e mjerueshme të shqiptarëve në Çamëri”.

Në nëntor 1944, Frashëri ikën nga Shqipëria. Vdes papritur në një hotel në Nju Jork më 3 tetor 1949, si pasojë e goditjes në zemër – spekullohet se vdiq i helmuar nga KGB-ja, ndërsa Amerika kishte filluar përgatitjet për një operacion klandestin kundër regjimit komunist në Shqipëri, ku Mithati ishte zgjedhur me koncensus kryetar komisioni koordinues mbarë shqiptar në mërgimim për këtë operacion, prandaj edhe vdekja e tij e papritur hodhi hije dyshimi.

Magazinë

Një perandori e tërë, zbuloni pasurinë e Jennifer Lopez

Published

on

Perandoria e Lopez përfshin më shumë se 80 milionë albume të shitura globalisht.

Pasuria neto më 2025 vlerësohet në shifër marramendëse 400 milionë dollarësh, duke e vendosur midis grave më të suksesshme në industrinë e argëtimit.

Nga fillimet modeste si balerinë në videoklipe muzikore dhe një “Fly Girl” në In Living Color, Lopez e transformoi veten në një markë globale, duke përfshirë muzikën, filmin, televizionin, modën dhe më shumë.

Zbulimi i saj i madh erdhi në vitin 1997 me Selena, një rol që jo vetëm që tregoi aftësitë në aktrim, por hapi dyert për një kontratë regjistrimi me Sony Music.

Që nga ajo kohë, Lopez ishte e pandalshme, ajo kombinoi filma të suksesshëm si Anaconda dhe The Wedding Planner me një karrierë të lulëzuar muzikore, duke arritur në një moment suksesin e rrallë të të pasurit filmin dhe albumin numër një njëkohësisht.

Deri në vitin 2005, vrulli i saj u ngadalësua, por ajo e rikrijoi veten përsëri në vitin 2010, duke u bashkuar me American Idol dhe duke nisur partneritete fitimprurëse me marka.

Perandoria e Lopez përfshin më shumë se 80 milionë albume të shitura globalisht, aroma, linja mode dhe bashkëpunime me marka si L’Oréal dhe Fiat.

Vetëm midis viteve 2017 -2019, fitoi mbi 90 milionë dollarë nga sipërmarrje të ndryshme.

Ylli i muzikës pop ka fituar deri në 15 milionë dollarë për film dhe ka marrë 12 milionë dollarë çdo vit gjatë kohës së saj në American Idol.

 

Continue Reading

Magazinë

Lindsay Lohan flet për kirurgjinë: Ushqehem shëndetshëm dhe ndryshova kujdesin për lëkurën!

Published

on

Në muajt e fundit, shumë personazhe të famshëm kanë qenë objekt diskutimi për shkak të pamjes rinore.

Ylli për të cilin u fol, ndër të tjera, ishte Lindsay Lohan, për të cilën shumë shkruan se duket më e re sot se sa më parë.

Lindsay në një farë mënyre donte t’i jepte fund thashethemeve rreth kësaj teme në një intervistë të re me Elle.

Ajo thotë se pamja e saj është për shkak të një rutine për kujdesin e lëkurës e dietës, të cilat “ngadalësojnë plakjen”.

“Unë pi një lëng çdo mëngjes që ka karota, xhenxhefil, limon, vaj ulliri dhe mollë. Pi çaj jeshil dhe ujë”, tha Lindsay.

Lindsay shtoi se është në procesin e zhvillimit të linjës së kujdesit për lëkurën dhe po teston produkte të reja tek vetja.

“Duhet shumë kohë sepse jam shumë specifike, sepse jam e çmendur pas lëkurës dhe shëndetit tim”, tha ajo.

Ajo thotë se i pëlqen ta zhytë fytyrën në ujë me akull sapo zgjohet. “Pi shumë lëng limoni, hedh tufë fara chia në ujin tim. Vë një maskë për sytë çdo mëngjes. Gjithashtu më pëlqejnë lazerët”, tha ajo.

Lidhur me thashethemet se ajo ka bërë operacione plastike, Lindsay thotë: “Të gjithë bëjnë botoks”. Pastaj ndërhyri publicisti i saj, duke thënë se ka standarde të dyfishta të bukurisë në Hollywood.

Continue Reading

Magazinë

Prokurorët britanikë: Autorizohen 21 akuza kundër vëllezërve Tate

Published

on

Prokurorët në Mbretërinë e Bashkuar kanë konfirmuar për herë të parë se kanë autorizuar 21 akuza kundër Andrew dhe Tristan Tate, duke përfshirë përdhunim, dëmtim trupor dhe trafikim qeniesh njerëzore.

Shërbimi i Prokurorisë së Kurorës tha se kishte autorizuar akuzat kundër vëllezërve më 2024, para se të lëshohej urdhër ekstradimi për t’i sjellë nga Rumania.

Dy britaniko-amerikanët janë nën hetim në Rumani, duke u përballur me një numër akuzash, që i mohojnë e CPS tha se “çështjet penale të brendshme në Rumani duhet të zgjidhen së pari”. Vendimi i CPS-së për ngritjen e akuzave erdhi pasi mori dosje me prova nga Policia e Bedfordshire në lidhje me akuzat e bëra në Mbretërinë e Bashkuar.

CPS tha se Andrew Tate, një influencues 38-vjeçar dhe ish-kikbokser, përballet me 10 akuza të lidhura me tre viktima të dyshuara, duke përfshirë përdhunim, dëmtim trupor, trafikim qeniesh njerëzore dhe kontrollim të prostitucionit për qëllime fitimi. Tristan Tate, 36 vjeç, përballet me 11 akuza të lidhura me një viktimë të supozuar, duke përfshirë përdhunim, dëmtim trupor dhe trafikim qeniesh njerëzore.

Dyshja u lindën në SHBA, por u zhvendos në Luton të Mbretërisë së Bashkuar me nënën pasi prindërit e tyre u divorcuan. Vitet e fundit, Andrew Tate ka ndërtuar prani masive online, duke përfshirë 10 milionë ndjekës në X, duke ndarë stilin e tij të jetesës me makina të shpejta, avionë privatë dhe jahte.

Ai dhe vëllai u arrestuan për herë të parë në Rumani në dhjetor 2022, me Andrew-n të akuzuar për përdhunim dhe trafikim qeniesh njerëzore dhe Tristan-in të dyshuar për trafikim qeniesh njerëzore.

Continue Reading

Magazinë

Hailey Bieber shfaqet e tensionuar mes thashethemeve për krizë martesore

Published

on

Hailey Bieber është fotografuar ditën e martë në Beverly Hills, duke lënë ndërtesën e agjencisë UTA me një pamje të lodhur dhe të ftohtë.

28-vjeçarja, e cila aktualisht përfaqësohet nga IMG Models – një rival i UTA – zgjodhi të qëndrojë larg vëmendjes, ndërsa ndjekësit e saj vijojnë të komentojnë veprimet e fundit të Justin Bieber në rrjete sociale.

E veshur me një xhaketë lëkure të zezë, crop top dhe pantallona të gjera, Hailey u pa e vetme në dalje, pa bashkëshortin e saj, ndërsa spekulimet për probleme në martesë vazhdojnë.

Edhe pse u kthye në Los Angeles me avion privat, modelja duket se po fokusohet tek angazhimet profesionale në këtë periudhë të turbullt.

 

Continue Reading

Të kërkuara