Sport

​Messi do të largohet nga PSG

Kjo nëse nuk pranon një ulje të konsiderueshme të pagës.

Published

4 years ago

on

Lionel Messi thuhet se do të largohet nga Paris Saint-Germain në verë, nëse nuk pranon një ulje të konsiderueshme të pagës.

Kontrata e argjentinasit me PSG-në do të skadojë më 30 qershor dhe klubi ende nuk ka arritur një marrëveshje me sulmuesin për zgjatje të saj. Sipas “L’Equipe” , 35-vjeçari ishte i prirur drejt një qëndrimi më të gjatë në “Parkun e Princave” pas Kupës së Botës, por situata ka ndryshuar javët e fundit. Messi tani është shumë afër largimit nga PSG, dhe thuhet se mund të qëndrojë aty vetëm nëse pranon ulje të konsiderueshme të pagës.

Javën e kaluar u raportua nga i njëjti publikim se Messi aktualisht fiton mbi 3 milionë euro në muaj në PSG, gjë që e vendos atë të tretin në listën e klubit me përfitimet më të mëdhea pas shokëve të skuadrës Kylian Mbappe dhe Neymar.

“Goal” po ashtu ka raportuar se PSG po lufton për t’iu përmbajtur rregulloreve të Fair Play Financiar (FFP) dhe duhet të ulë listën e pagave të tyre me pothuajse 30 për qind për të akomoduar Messin për një sezon tjetër.

“L’Equipe” raporton se Messi po kërkon gjithashtu garanci për projektin e PSG-së përpara se të shqyrtojë një marrëveshje të re, me të dy palët aktualisht të ndara në negociata. Messi nuk ka alternativa pasi Barcelona ka konfirmuar interesimin e saj për ta rikthyer atë në “Camp Nou” , ndërsa ekipi i MLS Inter Miami dhe ai i Arabisë Saudite Al-Hilal gjithashtu thuhet se po konkurrojnë për shërbimet e tij.

Argjentinasi ka një vendim për të marrë për të ardhmen e tij në verë, por për momentin ai do të fokusohet në ndeshjen e radhës të PSG kundër Nice të shtunën në Ligue 1.

Related Topics:
Continue Reading

Lajmet

Përzgjedhësi i Izraelit, Ben Shimon: Kosova ka ekip të mirë, jemi në nivel të përafërt

Published

2 days ago

on

November 13, 2026

By

Përzgjedhësi i Kombëtares së Izraelit, Ran Ben Shimon, ka vlerësuar lart përfaqësuesen e Kosovës në konferencën për media para përballjes së nesërme ndërmjet dy kombëtareve, duke deklaruar se të dyja ekipet kanë nivel të përafërt.

Tekniku izraelit e cilësoi Kosovën si një kundërshtar cilësor, ndërsa shtoi se bilanci i takimeve të kaluara nuk do të luajë rol përcaktues në këtë sfidë.

“Mendoj që Kosova dhe Izraeli pak a shumë e kanë nivelin e njëjtë. Mund të them që të dyja janë ekipe relativisht të vogla. Sa i përket rezultateve të së kaluarës, nuk bazohemi te historia. Kosova me të vërtetë ka një ekip të mirë, por do të shohim se çfarë do të ndodhë”, tha Ben Shimon.

Ndeshja ndërmjet Kosovës dhe Izraelit zhvillohet nesër, ku të dyja përfaqësueset synojnë rezultat pozitiv. Deri më tani, nga tri përballjet e ndërsjella, Kosova ka arritur të shënojë një fitore. /E.A/

Continue Reading

Sport

Anglia triumfon ndaj Kroacisë dhe mban hapin me Spanjën

Published

2 days ago

on

November 13, 2026

By

Anglia ka regjistruar një fitore të rëndësishme me rezultat 2-1 kundër Kroacisë, në një ndeshje të mbushur me emocione dhe ndërhyrje të sistemit VAR.

Anglezët kaluan të parët në epërsi në minutën e 24-të me anë të Morgan Rogers.

Kroacia u kundërpërgjigj në pjesën e dytë, duke barazuar shifrat në 1-1 në minutën e 59-të përmes Petar Sucic.

Megjithatë, Anglia fitoi një penallti pas rishikimit me VAR, të cilën kapiteni Harry Kane e shndërroi në gol në minutën e 64-t për 2-1. Në fund, anglezëve iu anulua edhe një gol i James Garner për pozicion jashtë loje.

Pas kësaj fitoreje, Anglia renditet në vendin e dytë të Grupit 3 me 12 pikë, duke ndjekur nga afër lideren Spanja. /E.A/

Continue Reading

Lajmet

Spanja mposht Çekinë dhe mbetet e pamposhtur në krye të grupit

Published

2 days ago

on

November 13, 2026

By

Spanja ka vazhduar rrugëtimin e shkëlqyer në Ligën e Kombeve, duke shënuar fitore minimale 1-0 ndaj Republikës së Çekisë në kuadër të Grupit 3 të Ligës A.

Kampionia e Evropës kaloi në epërsi në minutën e 39-të përmes Alex Baenës, i cili realizoi një gol të saktë. S

panja rrezikoi sërish me Fabian Ruiz, ndërsa një gol i Yeremy Pinos në fillim të pjesës së dytë u anulua nga VAR-i për pozicion jashtë loje. Çekët e patën edhe më të vështirë nga minuta e 72-të, kur Ladislav Krejci u ndëshkua me karton të kuq pas rishikimit të një ndërhyrjeje në sistemin VAR.

Me këtë triumf, Spanja forcon pozitat në vendin e parë të grupit me 15 pikë të tubuara, pa pësuar asnjë humbje deri më tani. /E.A/

Continue Reading

Lajmet

Italia përmbys Francën 3-1 dhe merr kreun e grupit

Published

2 days ago

on

November 13, 2026

By

Kombëtarja e Italisë ka regjistruar fitoren e tretë radhazi, duke mposhtur Francën me rezultat 3-1 pas një përmbysjeje dhe duke u ngjitur në vendin e parë të grupit me 10 pikë, aq sa kanë edhe “Gjelat”.

Ndeshja nisi më mirë për francezët, të cilët kaluan në epërsi në minutën e 10-të me golin e Michael Olise, i cili përfitoi nga një gabim i portierit Gianluigi Donnarumma. Megjithatë, skuadra e drejtuar nga Roberto Mancini reagoi shpejt dhe barazoi shifrat në minutën e 26-të përmes Francesco Pio Espositos, pas asistimit nga Nicolo Cambiaghi.

Në pjesën e dytë, italianët shpërdoruan një rast të artë për të kaluar në epërsi, pasi Sebastiano Esposito humbi penalltinë në minutën e 60-të. Por vetëm tri minuta më vonë, Davide Frattesi realizoi për 2-1 pas një asistimi të Federico Dimarcos.

Fitoren e Italisë e vulosi sërish Francesco Pio Esposito në minutën e 75-të, duke u treguar i saktë nga pika e bardhë pas një penalltie të shkaktuar nga Dayot Upamecano, për rezultatin përfundimtar 3-1. /E.A/

Continue Reading

Të kërkuara