Lajmet

Mbrojtja kundërshton masat e kërkuara nga Prokuroria për drejtorin e KPK-së dhe zyrtaren tjetër

Published

5 years ago

March 3, 2021

Betim Gashi

Drejtori i Sekretariatit të Këshillit Prokurorial të Kosovës (KPK), Lavdim Krasniqit dhe zyrtarja e lartë ekzekutive e KPK-së Marigona Berisha sot kanë dalë para trupit gjykues të Gjykatës Themelore në Prishtinës.

Seanca u mbajt në lidhje me kërkesën e Prokurorisë që të dyve t’i caktohet masa e paraburgimit si të dyshuar për veprat penale, keqpërdorim të detyrës zyrtare, ushtrim të ndikimit, dhënie e ndihmës kryesve pas kryerjes së veprës penale dhe moslajmërim të veprës penale. E mbrojtja e dy të dyshuarve e ka kundërshtuar masën e paraburgimit, madje Prokurori gjatë kësaj seanca e ndryshoi kërkesën për të dyshuarën, Marigona Berisha nga ajo për paraburgim në atë për arrest shtëpiak pas provave të ofruara nga mbrojtja e Berishës.

Seanca u mbajt e mbyllur për publikun, ndërsa pritet që për vendimin trupi gjykues i udhëhequr nga Kushtrim Shyti të njoftoj palët për masat karshi të dyshuarve.

Avokati mbrojtës i Lavdim Krasniqit, Ramë Gashi tha se pretendimeve të Prokurorisë së Shtetit i mungojnë arsyet për të kërkuar masën e paraburgimit.

“Mbrojtja ka kundërshtuar kërkesën e Prokurorisë së Shtetit për të gjitha pretendimet e saj dhe sipas vlerësimit dhe bindjes së thellë të mbrojtjes, kërkesës së Prokurorit për caktimin e paraburgimit i mungojnë arsyet e duhur që parasheh ligji, dhe po ashtu prokurori i shteti nuk ka arsyetuar në mënyrë të duhur shkaqet ligjore për caktimin e paraburgimit. Ne natyrisht kemi kundërshtuar këtë kërkesë të prokurorit dhe i kemi propozuar gjykatës mos ta miratoj kërkesën e prokurorit. Atë që përmban kërkesa e Prokurorit sipas mbrojtjes nuk është bazë e arsyeshme për të filluar procedura e lëre më për masën më të ashpër, siç është ajo e paraburgimit”, theksoi Gashi.

Kurse, avokati mbrojtës i Marigona Berishës, Fatlum Podvorica tha se asnjë pretendim i Prokurorisë se e dyshuara e ka marrë veturën si dhuratë nuk qëndron, pasi ajo ka prova që vërtetojnë se e ka blerë atë veturë.

Podvorica ka thënë se klientja e tij kishte marrë kredi në vlerë të 17 mijë eurove të cilën do ta paguante për 7 vjet, nga të cilat dy janë paguar. Marigona Berisha dyshohet për veprën penale mos lajmërim i veprës penale.

“Sipas kërkesës së Prokurorisë Themelore të Prishtinës është mbajtur seanca lidhur me caktimin e masës ndaj mbrojtjes sime, Marigona Berisha e cila dyshohet për veprën penale mos lajmërim të veprës penale dhe marrjes së një automjeti kinse dhuratë. Ky fakt nuk qëndron dhe Prokurori i çështjes nuk ka mundur argumenton kërkesën në fjalë sepse mbrojtja ime ka një kontratë me TEB Bank ku ka marrë një kredi prej 17 mijë eurosh në emër të blerjes së automjetit. Dhe në bazë të shumës në fjalë të cilës banka e ka aprovuar kredinë prej 17 mijë euro, e njëjta ka lidhur kontratë tek noteri Sefedin Blaka në emër të shitblerjes të automjetit në fjalë të cilin Prokuroria pretendon se është marr në emër të dhuratës. Rrethana se kinse e ka marrë nuk qëndron për arsye se familja nëna e mbrojtjes time ka qenë bashkëhumarrëse e kredisë për blerje të automjetit”, theksoi ai.

Podvorica tha se pas provave të ofruara, prokurori i rastit e ka ndryshuar kërkesën për klientin e tij nga masa e paraburgimit në arrest shtëpiak, të cilën prapë e kundërshtoi mbrojtja e Berishës.

“Prokurori i çështjes ndryshoj kërkesën nga masa e paraburgimit në masën e arrestit shtëpiak edhe ne kundërshtuam prapë masën e kërkesës së arrestit shtëpiak sepse nuk qëndron asnjë provë e artikulueshme se e njëjta kinse ka kryer veprën penale në fjalë“, tha ai.

Këshilli Prokurorial i Kosovës, ditën e djeshme ka njoftuar se pas fillimit të procedurës penale ndaj Drejtorit të Përgjithshëm të Sekretariatit, Lavdim Krasniqi, ka marrë vendim për suspendimin e të njëjtit me 50 për qind të pagës deri në marrjen e vendimit përfundimtar nga gjykata kompetente.

Vendi

Votohet Qeveria Kurti me 66 vota pro

Published

3 hours ago

February 11, 2026

UBTNEWS

Kuvendi i Kosovës ka votuar Qeverinë e re të Kosovës në krye me Albin Kurtin. Pro qeverisë votuan 66 deputetë, 49 votuan kundër, ndërsa nuk pati asnjë abstenim.

Me këtë votim, Kuvendi zgjodhi zyrtarisht Qeverinë e re të Kosovës, e cila do të udhëhiqet nga kryeministri Albin Kurti.

Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Zëvendëskryeministre e Dytë dhe Ministre e Drejtësisë është propozuar Donika Gërvalla, ndërsa Zëvendëskryeministër i Tretë për Çështje të Pakicave dhe Bashkëpunim Ekonomik Fikrim Damka.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla. Për Ministrinë e Administratës Publike dhe Digjitalizimit është propozuar Lulëzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural Armend Muja.

Ministër i Infrastrukturës dhe Transportit do të jetë Dimal Basha.

Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Vendi

Kurti prezanton kabinetin e ri qeveritar

Published

3 hours ago

February 11, 2026

ubtnews

Mandatari për kryeministër, Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla.

Për Ministrinë e Administratës Publike dhe Digjitalizimit është propozuar Lulzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural, Armend Muja.

Ministër i Infrastrukturës dhe Transportit do të jetë Dimal Basha. Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Kabineti i propozuar pritet t’i nënshtrohet votimit në Kuvend.

Vendi

Osmani cakton Kurtin mandatar për formimin e Qeverisë së re

Published

5 hours ago

February 11, 2026

ubtnews

Presidentja e Republikës së Kosovës, Vjosa Osmani – Sadriu, ka caktuar Albin Kurtin mandatar për formimin e Qeverisë së re të Kosovës.

Përmes një njoftimi publik, Presidentja bëri të ditur se vendimi është marrë në përputhje me Kushtetutën e Republikës së Kosovës, duke i dhënë kështu kryetarit të Lëvizjes Vetëvendosje mandatin për formimin e ekzekutivit të ri. Ky hap vjen pas përmbylljes së procedurave të nevojshme institucionale dhe hap rrugën për krijimin e kabinetit të ri qeveritar.

Presidentja Osmani i uroi suksese Kurtit në udhëheqjen e Qeverisë së re, duke theksuar rëndësinë e punës në shërbim të qytetarëve dhe forcimit të institucioneve të Republikës së Kosovës. “Ju priftë e mbara!”, përfundoi ajo mesazhin e saj publik.

Lajmet

Albulena Haxhiu zgjidhet kryetare e Kuvendit të Kosovës

Published

6 hours ago

February 11, 2026

ubtnews

Në seancën e mbajtur më 11 shkurt 2026, Albulena Haxhiu është zgjedhur kryetare e Kuvendit të Republikës së Kosovës.

Haxhiu mori 66 vota për, 44 vota kundër dhe 8 abstenime, duke siguruar kështu mbështetjen e nevojshme për të marrë drejtimin e institucionit legjislativ.

Seanca konstituive u kryesua nga deputeti më i moshuar i Kuvendit, Avni Dehari nga Lëvizja Vetëvendosje, i cili u asistua nga deputetja më e re në moshë, Fatma Taçi nga KDTP.

Me zgjedhjen e kryetares së Kuvendit, pritet të vazhdojnë procedurat e tjera për konstituimin e plotë të legjislaturës së re.

Në Kosovë u mbajtën më 28 dhjetor 2025 zgjedhjet e jashtëzakonshme parlamentare pas një ngërçi politik që la vendin pa qeveri funksionale për mbi një vit.

Lëvizja Vetëvendosje (LVV), e udhëhequr nga Albin Kurti, fitoi qartë me 51.10% të votave, duke siguruar 57 ulëse në Kuvend, një rekord që nga pavarësia e vendit.

Partia Demokratike e Kosovës (PDK) dhe Lidhja Demokratike e Kosovës (LDK) morën respektivisht 22 dhe 15 mandate, ndërsa Aleanca për Ardhmërinë e Kosovës (AAK) dhe Lista Serbe siguruan disa ulëse të tjera.

Pjesëmarrja në zgjedhje ishte rreth 47.5%, e ngjashme me zgjedhjet e mëparshme, duke reflektuar sfidën e mobilizimit të votuesve.

Komisioni Qendror i Zgjedhjeve certifikoi rezultatet dhe seanca konstituive e Kuvendit u caktua për 11 shkurt 2026, duke hapur rrugën për krijimin e institucioneve funksionale dhe miratimin e buxhetit. Këto zgjedhje shënojnë një hap vendimtar për kapërcimin e ngërçit politik dhe stabilizimin e qeverisjes në Kosovë.