Kryetari i Lidhjes Demokratike të Kosovës, Lumir Abdixhiku, ka deklaruar mbështetjen e tij për vendimin e Presidentes Vjosa Osmani-Sadriu për shpërndarjen e Kuvendit të Kosovës.

Sipas Abdixhikut, LDK-ja vlerëson përgjegjësinë dhe qartësinë kushtetuese që Presidentja ka treguar përmes këtë vendimi, duke vepruar në mbrojtje të rendit kushtetues dhe funksionimit normal të institucioneve të Republikës.

Kreu i LDK-së u shpreh se dështimet politike dhe tendencat për imponim nuk mund të prodhojnë zvarritje procedurale, të cilat do ta shndërronin Kosovën në një vend pa norma dhe rregulla. Ai u shpreh i gatshëm që partia e tij të marrë pjesë në konsultimet e menjëhershme për caktimin e datës së zgjedhjeve të reja.

Në fund, Abdixhiku nënvizoi se zgjedhjet nuk ishin alternativa e preferuar e LDK-së dhe se ekzistonte mundësia për ta evituar këtë proces. Megjithatë, siç u shpreh ai: “Apetitet për kapje njëpartiake të të gjitha pozitave shtetërore parandaluan çdo kompromis eventual”.

Në mëngjesin e së premtes, Presidentja e Kosovës, Vjosa Osmani, ka nënshkruar zyrtarisht dekretin për shpërndarjen e legjislaturës aktuale të Kuvendit. Ky vendim vjen si pasojë e ngërçit politik të krijuar në institucionin ligjvënës.

Në një deklaratë për mediat, Osmani sqaroi se pamundësia e deputetëve për të zgjedhur kreun e ri të shtetit gjatë natës së mbrëmshme e ka dërguar vendin në mënyrë të pashmangshme drejt procesit të parakohshëm zgjedhor.

“Kjo situatë ka qenë plotësisht e evitueshme. Është fatkeqësi e madhe që ata përfaqësues nuk zgjodhën interesin e popullit”, ka theksuar ajo.

Procesi i zgjedhjes u ndërpre gjatë një seance të jashtëzakonshme të mbajtur vonë të enjten, vetëm pak orë para se të skadonte afati ligjor i paraparë me Kushtetutë. Shkak për këtë u bë mungesa e votave të mjaftueshme në sallë për të vijuar me procedurat.

Sipas rregullave në fuqi, për zgjedhjen e presidentit kërkohet prania e 80 deputetëve në kuti gjatë dy raundeve të para, ndërsa në të tretin nevojiten të paktën 61 vota. Megjithatë, të enjten ishin të pranishëm vetëm 66 deputetë të shumicës qeverisëse, pasi opozita zgjodhi të mos merrte pjesë.

Gjatë ditës së premte, Presidentja e Kosovës, Vjosa Osmani, ka nënshkruar zyrtarisht dekretin për shpërndarjen e legjislaturës aktuale të Kuvendit. Ky vendim vjen si pasojë e ngërçit politik të krijuar në institucionin ligjvënës.

Në një deklaratë për mediat, Osmani sqaroi se pamundësia e deputetëve për të zgjedhur kreun e ri të shtetit gjatë natës së mbrëmshme e ka dërguar vendin në mënyrë të pashmangshme drejt procesit të parakohshëm zgjedhor.

“Kjo situatë ka qenë plotësisht e evitueshme. Është fatkeqësi e madhe që ata përfaqësues nuk zgjodhën interesin e popullit”, ka theksuar ajo.

Procesi i zgjedhjes u ndërpre gjatë një seance të jashtëzakonshme të mbajtur vonë të enjten, vetëm pak orë para se të skadonte afati ligjor i paraparë me Kushtetutë. Shkak për këtë u bë mungesa e votave të mjaftueshme në sallë për të vijuar me procedurat.

Sipas rregullave në fuqi, për zgjedhjen e presidentit kërkohet prania e 80 deputetëve në kuti gjatë dy raundeve të para, ndërsa në të tretin nevojiten të paktën 61 vota. Megjithatë, të enjten ishin të pranishëm vetëm 66 deputetë të shumicës qeverisëse, pasi opozita zgjodhi të mos merrte pjesë.

Seanca e Kuvendit të Kosovës për zgjedhjen e Presidentit ka dështuar të mbahet për shkak të mungesës së kuorumit.

Në sallën e Kuvendit ishin të pranishëm vetëm 66 deputetë, ndërsa deputetët e PDK-së, LDK-së, AAK-së dhe të Listës Serbe nuk morën pjesë në seancën e paraparë për votimin e presidentit.

Për shkak të numrit të pamjaftueshëm të deputetëve, kryetarja e Kuvendit, Albulena Haxhiu, e ndërpreu seancën menjëherë pas hapjes dhe njoftoi se ajo do të vazhdojë në një moment tjetër, kur të plotësohen kushtet për zhvillimin e votimit.

Sipas procedurave kushtetuese, në raundin e parë për zgjedhjen e presidentit nevojiten të paktën 80 vota të deputetëve.

Lëvizja Vetëvendosje kishte propozuar si kandidat për postin e presidentit Glauk Konjufca, ndërsa si kundërkandidate ishte propozuar Fatmire Kollçaku.

Për shkak të mungesës së kuorumit, procesi i votimit nuk u zhvillua dhe mbetet të shihet nëse në seancat e ardhshme do të ketë edhe ndonjë seancë deri në përfundim te afatit ligjor.

Policia e Kosovës ka realizuar një aksion në veri të vendit, ku ka arritur të gjejë dhe të konfiskojë një sasi armatimi dhe municioni në komunën e Leposaviqit.

Gjatë angazhimeve në terren këtë të enjte, autoritetet policore në rajonin e veriut kanë siguruar informacione operative se në një shtëpi të pabanuar në fshatin Jashanicë mund të kishte mjete të rrezikshme.

Me të pranuar informatën, njësitë relevante kanë ndërhyrë në lokacionin e specifikuar, ku pas një kontrolli të hollësishëm kanë rënë në gjurmë të një arsenali armësh.

Gjatë këtij operacioni, policia ka sekuestruar një armë automatike AK-47, një pistoletë të tipit CZ bashkë me dy karikatorë, një pushkë karabinë M48, si dhe një pushkë gjuetie. Përveç armëve, në këtë shtëpi janë gjetur edhe 128 fishekë të kalibrave të ndryshëm.

Për gjetjet në terren është njoftuar menjëherë Prokurori i Shtetit, i cili ka udhëzuar që rasti të trajtohet si mbajtje dhe posedim i paautorizuar i armëve.

Megjithëse armatimi u gjet në një ambient të braktisur dhe deri më tani nuk ka të arrestuar, organet e rendit kanë bërë të ditur se hetimet po vazhdojnë për të zbardhur rrethanat dhe për të identifikuar personat që mund të kenë lidhje me këtë rast.