Lajmet

​Manastirliu takohet me Gexhën, Kosova dhe Shqipëria do të nënshkruajnë dy marrëveshje në fushën e shëndetësisë

Gexha ka deklaruar se ka bashkëpunim të mirë mes të dyja vendeve në sektorin e shëndetësisë.

Published

3 years ago

on

Ministrja e Shëndetësisë dhe Mbrojtjes Sociale të Shqipërisë, Ogerta Manastirliu është pritur në takim nga zëvendësministrja Dafina Gexha. Pas takimit u tha se bashkëpunimi mes të dy vendeve do të shtohet edhe me dy marrëveshjet që priten të firmosen në mbledhjen e qeverive. Marrëveshjet kanë të bëjnë me ofrimin e shërbimeve shëndetësore në zonat kufitare si në Prizren e Gjakovë dhe qasjen e lehtë të shërbimeve në sezonin turistike për qytetarët e të dyja vendeve.

Zëvendësministrja e Shëndetësisë, Dafina Gexha ka deklaruar se ka bashkëpunim të mirë mes të dyja vendeve në sektorin e shëndetësisë.

“Pavarësisht situatës së sezonit, në vazhdimësi kemi bashkëpunime që edhe më tej duhet t’i thellojmë. Kemi trajtimin e pacientëve me hemodializën, qasjen në Qendrën Klinike Spitalore Universitare “Nënë Tereza” në Tiranë për qytetarët e Republikës së Kosovës. Kemi qasjet në Spitalin e Prizrenit dhe Gjakovës për qarqet Kukës dhe Malësi e Gjakovës. Sot, natyrshëm qarkullojmë këndej dhe andej Drinit për jetë, familje, shkollë, punë, argëtim dhe turizëm. Sistemet tona shëndetësore duhet të rrisin edhe më tej bashkëpunimin në frymën e marrëveshjeve mes dy qeverive tona për të mbështetur këtë integrim”, ka theksuar ajo.

Ajo ka shtuar se si ministri janë të interesuar që për sezonin veror, shqiptarët e Kosovës të kenë qasje të duhur në sistemin shëndetësor të Shqipërisë.

Një gjë të tillë ka garantuar edhe ministrja e Shëndetësisë dhe të Mbrojtjes Sociale të Shqipërisë, Ogerta Manastirliu.

“Ne kemi siguruar si Ministri e Shëndetësisë, kemi marrë masat që prej datës 15 qershor, qendrat shëndetësore verore që tashmë janë prej vitesh në dispozicion të pushuesve edhe në këtë vit të jenë në dispozicion të pushuesve dhe gjithashtu t’i shërbejnë me shumë cilësi të gjithë pushuesve, turistëve dhe qytetarëve shqiptar e kosovar, duke mos patur asnjë mungesë dhe duke u dedikuar në gjithë shërbimet e urgjencës. Gjithashtu edhe në shërbimet spitalore që mund të dal nevoja për të pasur”, është zotuar ajo.

Më tej, ajo i ka uruar shërim të shpejt ministrit Latifi, duke njoftuar se do ta vizitojë në spitalin ku po trajtohet.

Ministrja e Shëndetësisë së Shqipërisë tha se është në Kosovë për bashkëpunim më të mirë mes të dyja vendeve.

“Në takimin që patëm sot, arsyeja dhe çështjet kryesore të diskutimit janë ndalur në dy marrëveshje që ne presim që të firmosen në mbledhjen e përbashkët të dy qeverive të Shqipërisë dhe Kosovës, që do të mbahet brenda muajit qershor. Dy marrëveshje të cilat synojnë që të ofrojnë më shumë garanci për kujdes shëndetësor për qytetar shqiptar dhe të Kosovës. Marrëveshja e parë konsiston në një bashkëpunim mes spitaleve të zonave ndërkufitare, të Spitalit të Kukësit, Gjakovës dhe Prizrenit. Ku fokusi kryesor do të jetë shërbimi i profesionistëve të shëndetësisë në këto zona”, është shprehur ai.

Sipas saj, element i rëndësishëm i kësaj marrëveshje do të jenë edhe korridoret që do të krijohen nëpërmjet protokolleve të bashkëpunimit për shkëmbimin e barnave, vaksinave, pajisjeve bio-mjekësore.

Po ashtu, Manastirliu tha se është në vullnetin e tyre një marrëveshje që mbështesin qytetarët me vëmendje fëmijët. Ajo është pyetur edhe për shërbimet kardiokirurgjike dhe ndihmën për Kosovën.

“Ne kemi diskutuar edhe për këtë aspekt, pasi shërbimet që janë të specializuara dhe ofrohen në qendra unike referenciale, sikurse është shërbimi i kardiokirurgjisë do të mundet që të zhvillohet edhe më tej. Shqipëria ka hapur qendrën e dytë të Kardiokirurgjisë publike në Spitalin Universitar “Shefqet Ndroqi”, duke rritur kapacitetet e saj tashmë për ndërhyrje kardiokirurgjikale, por edhe duke shtuar të gjitha ato ekipe profesionistësh për të pasur më shumë ndërhyrje kardiokirurgjikale dhe për të pasur më shumë mbulim në këtë pikë. Patjetër që e mundëson edhe lëvizjen, sipas një kalendari të përcaktuar, që zhvillohet mes dy spitaleve universitare të kardiokirurgëve që mund të vijnë në Kosovë për të kryer këto ndërhyrje”, ka përfunduar ministrja e Shëndetësisë.

Ministrja e Shëndetësisë së Shqipërisë gjatë qëndrimit në Kosovë do të ketë takime edhe me zyrtarë të tjerë nga ekzekutivi.

Related Topics:
Continue Reading

Lajmet

Osmani pranoi letrat kredenciale nga ambasadori i ri i Hungarisë në Kosovë

Published

20 hours ago

on

May 30, 2025

By

Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.

Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.

Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.

Continue Reading

Lajmet

Punëtorët e “Pastrimit” në ditën e nëntë të grevës

Published

22 hours ago

on

May 30, 2025

By

Punëtorët e ndërmarrjes “Pastrimi” kanë hyrë në ditën e nëntë të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes.

Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.

Nënkryetari i Sindikatës, Shpend Qosa, në një intervistë për Ekonomia Online tha se janë në pritje të një takimi vendimtar me zyrtarët komunalë, ndërsa theksoi se kërkesat kryesore janë sigurimi i naftës, pagave dhe stabilizimi i kompanisë.

“Sot kemi hyrë në ditë e nëntë të grevës, ne e kemi pasur një takim me zyrtarët komunal jemi në shqyrtim të kërkesave tona edhe sot jemi në pritje të një takimi. Deri sa të gjejmë një zgjidhje për kërkesat tona. Diçka konkrete nuk kemi që do të arrijmë një zgjedhje ne vazhdojmë punën dhe dalim në punë. Ato kërkesa tona që i kemi në takim kemi folur, edhe komuna ka dhënë disa zgjidhje të saj të cilat i kemi shqyrtuar. Sot i presim në takim për të arrijmë një marrëveshje, realisht kërkesat tona janë me pasur naftë paga dhe me stabilizuar gjendja e kompanisë. Punëtorët pagat i kanë marr”, ka thënë Qosa.

Punëtori Blerim Hajdini, i cili punon prej 16 vitesh në këtë ndërmarrje, tha se greva nuk do të ndalet pa u plotësuar kërkesat.

Ai shprehu shqetësimin për pagat e ulëta dhe borxhet personale, duke theksuar se paga mujore prej 425 euro është e pamjaftueshme për të përballuar jetesën.

“Jemi në grevë deri të na plotësohet kërkesat tona dhe kushtet tona nuk e kemi ndërmend ta ndalim grevën. Unë punoj që 16 vite këtu të gjithë kanë kredi të majme, unë i kam 15 euro kredi nuk mund t’ia dal assesi për arsye se paga është shumë vogël, e kemi 425 euro në kontratë. Kërkesa jonë është të na kthej borxhin 100 për qind dhe ta ndërpresin privatin menjëherë”, shtoi ai.

Continue Reading

Lajmet

Ministria e Shëndetësisë paralajmëron 100 inspektorë të rinj për luftën kundër duhanit

Published

24 hours ago

on

May 30, 2025

By

Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.

Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.

Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.

“Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.

Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.

“Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.

 

Continue Reading

Lajmet

PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë

Published

1 day ago

on

May 30, 2025

By

Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.

Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.

“Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Continue Reading

Të kërkuara