

Lajmet
Linja të reja ajrore të vendosura mbi Kosovën me mbështetjen e NATO-s
Published
4 years agoon
By
Betim GashiLinjat ajrore civile tani mund të përdorin linja të reja ajrore jug-perëndimore në hapësirën ajrore mbi Kosovën, një arritje kjo e rëndësishme në normalizimin e hapësirës së ulët ajrore mbi Kosovën, e cila është kryer me mbështetje përmes procesit të NATO-s për Normalizimin e Aviacionit në Ballkan.
Në një komunikatë për media të NATO-s thuhet se një gjë e tillë do të ndihmojë përmirësimin e ndjeshëm të trafikut ajror civil drejt dhe nga aeroporti i Prishtinës me përfitime të shumta duke përfshirë udhëtime më të shpejta, konsum më të ulët të karburantit dhe ndotje të zvogëluar.
NATO ka mbështetur procesin e normalizimit të përdorimit të hapësirës ajrore mbi Kosovën që nga viti 1999, duke udhëhequr Takimet e Normalizimeve të Aviacionit në Ballkan.
Këto takime marrin pjesë rregullisht nga përfaqësues të vendeve Aleate, autoritete të navigimit ajror, autoritete ushtarake kombëtare dhe organizata përkatëse ndërkombëtare, përfshirë Organizatën Ndërkombëtare të Aviacionit Civil, Agjencinë Evropiane të Sigurisë së Aviacionit dhe EUROCONTROL.
Hapësira e sipërme ajrore mbi Kosovën u rihap më 2014, falë kontributeve të ofruara nga Hungaria dhe rolit të ofruesit të shërbimit të saj të Navigacionit Ajror HUNGAROCONTROL) i cili mori përsipër përgjegjësinë për të kontrolluar fluturimet në lartësi mbi 21.000 metra.
Në vitet e fundit, NATO përmes Takimeve të Normalizimit të Aviacionit në Ballkan ka lehtësuar zyrtarizimin e një marrëveshje kornizë midis KFOR dhe Islandës.
Agjencia e Sigurisë së Transportit të Islandës (ICETRA) tani po vepron si një Funksion i Mbikëqyrjes së Sigurisë në mbështetje të komandantit të KFOR-it, i cili mban autoritetin kryesor për përdorimin e hapësirës ajrore mbi Kosovën. Ai kryen shqyrtimin e të gjitha zgjidhjeve teknike që lejojnë krijimin e rrugëve të reja të drejtpërdrejta, në hapësirën e ulët ajrore, midis Prishtinës dhe qyteteve të tjera.
Përmes kontributit të Agjencisë Islandeze të Sigurisë së Transportit, marrëveshjet teknike janë nënshkruar gjithashtu ndërmjet Ofruesit të Shërbimeve të Navigacionit Ajror Shqiptar (Albcontrol) dhe Ofruesit të Shërbimit të Navigacionit Ajror në Prishtinë (ASHNA), për krijimin e linjave të reja të drejtpërdrejta për në Prishtinë përmes Shqipërisë.
Kjo lejon linja më të shkurtër për linjat ajrore që vijnë nga veriu, me përfitime nga koha dhe kursimet e karburantit dhe ndotje më të ulët të ajrit, përfundon komunikata e NATO-s.
Aktualitet
UBT pret në vizitë zyrtare Kryetarin e FFK-së, Agim Ademi – fokus te edukimi dhe inovacioni në sport
Published
8 hours agoon
August 5, 2025By
Driton Iseni
Kryetari i Federatës së Futbollit të Kosovës (FFK), Agim Ademi, ka zhvilluar sot një vizitë zyrtare në UBT, ku është mirëpritur nga Presidenti dhe Themeluesi, Rektori, Prof. Dr. Edmond Hajrizi, në ambientet e Parkut Shkencor, Inovativ dhe Teknologjik të UBT-së në Lipjan.
Gjatë kësaj vizite, Ademi pati mundësinë të njihet nga afër me kapacitetet infrastrukturore, laboratorët e avancuar, si dhe projektet ndërdisiplinore që po zhvillohen në UBT.
Rektori Hajrizi dhe Kryetari Ademi diskutuan për mundësitë e bashkëpunimit ndërmjet UBT-së dhe FFK-së, me qëllim të ndërlidhjes së teknologjisë, inovacionit dhe sportit në funksion të zhvillimit të qëndrueshëm të të rinjve dhe shoqërisë në përgjithësi.
Gjatë vizitës së tij në UBT, Kryetari Ademi, vlerësoi rolin udhëheqës të këtij institucioni në fushën e arsimit, teknologjisë dhe inovacionit. Ai u shpreh i impresionuar nga projektet dhe potenciali që UBT ofron për zhvillimin e të rinjve dhe për krijimin e bashkëpunimeve konkrete ndërmjet sportit dhe edukimit.
“Sot pata kënaqësinë të vizitoj UBT-në në Prishtinë, një qendër jo vetëm e dijes dhe inovacionit, por që me të drejtë mund të quhet edhe një ‘smart city’ brenda kryeqytetit tonë. Ishte impresionuese të shihja nga afër një institucion që jo vetëm e ndjek hapin e zhvillimit teknologjik, por edhe kontribuon në të, me një program të sofistikuar që përfshin gjithçka – nga bazat deri te formimi i shkencëtarëve në profile të ndryshme”, u shpreh Ademi.
Rektori Hajrizi theksoi se përmes programeve bashkëkohore dhe investimeve në infrastrukturë moderne, UBT jo vetëm që udhëheq në fushën akademike, por gjithashtu kontribuon drejtpërdrejt në përgatitjen e sportistëve dhe trajnerëve të rinj, duke i dhënë vendit një bazë të fortë për afirmim në arenën ndërkombëtare.
“UBT është shndërruar në një qendër unike arsimore e inovative, ku talentet e reja jo vetëm edukohen, por edhe fuqizohen për të qenë kampionë në sport, shkencë dhe jetë. Kemi krijuar një ekosistem që i tejkalon kufijtë e edukimit tradicional – duke integruar teknologjinë, lidershipin dhe përgatitjen praktike me standarde ndërkombëtare, për të formuar gjenerata të gatshme të konkurrojnë në çdo arenë”, theksoi Rektori Hajrizi.
Vizita e Kryetarit të FFK-së në UBT hap perspektiva të reja për bashkëpunim në fusha të ndryshme si teknologjia sportive, edukimi i trajnerëve përmes platformave digjitale, organizimi i ngjarjeve të përbashkëta dhe mbështetja e inovacionit në sport.
UBT, si institucion lider në arsimin e lartë në rajon, vazhdon të dëshmojë se është një partner i besueshëm për bashkëpunime strategjike me institucionet vendore dhe ndërkombëtare.
Në këtë kontekst, UBT veçon edhe Fakultetin e Shkencave të Sportit dhe të Lëvizjes, përmes të cilit synon të kontribuojë në zhvillimin e sportit në vend duke nxjerrë kuadro të rinj profesionalë dhe talente të reja, të cilat do të mund të afirmohen në skenën ndërkombëtare përmes përgatitjes me standarde të larta dhe inspirimit nga kampionët botërorë.
Lajmet
Edicioni i ri në Serie-A vjen me risi në ndarjen e drejtësisë
Published
9 hours agoon
August 5, 2025By
UBT News
Sezonin e ardhshëm, futbolli italian do të sjellë një risi të rëndësishme në komunikimin me publikun. Gjyqtarët do të shpjegojnë vendimet e marra pas ndërhyrjes së VAR-it drejtpërdrejt në stadium dhe në transmetim televiziv.
Lajmi u konfirmua nga Gianluca Rocchi, përzgjedhësi i gjyqtarëve të Serie A dhe Serie B, gjatë takimit parasezonal të mbajtur në Cascia.
“Ky është një hap i madh përpara në drejtim të transparencës, një vlerë që e kemi ruajtur prej vitesh”, tha Rocchi. “Tani shpjegimet do të jepen në kohë reale, përpara të gjithëve”.
Ai shtoi se për këtë risi po përgatitet një grup i posaçëm gjyqtarësh, me synim unifikimin e gjuhës dhe përmbajtjes së komunikimit, për t’u bërë sa më të qartë për publikun.
Sipas Rocchit, nuk do të vendoset një kohë maksimale për këto njoftime, pasi secili gjyqtar ka stilin dhe ritmin e vet. “Do të përqendrohemi tek cilësia e komunikimit, më shumë se tek kufijtë e ngurtë kohorë”, përfundoi ai.
Lajmet
Kriza në Barcelonë, përplasje e hapur mes klubit dhe Ter Stegen
Published
10 hours agoon
August 5, 2025By
UBT News
Te Barcelona ka shpërthyer një konflikt i plotë mes klubit dhe portierit gjerman, Marc-André ter Stegen, i cili është edhe kapiten i skuadrës. Shkak është bërë refuzimi i tij për të nënshkruar formularin e pëlqimit të informuar, që do t’i lejonte mjekëve të klubit të merrnin raportin e detajuar të operacionit që ai kreu në pjesën e poshtme të shpinës.
Klubi katalanas, i cili sapo ishte kthyer të martën nga turneu në Azi, kishte planifikuar një takim me portierin për të diskutuar raportin mjekësor. Dokumenti duhet t’i dërgohet La Ligës për të përcaktuar kohëzgjatjen e mungesës së tij. Nëse ajo do të ishte katër muaj ose më shumë, Barcelona do të përfitonte mundësinë të afronte lojtarë të rinj, përfshirë Joan Garcian, i cili është siguruar si zëvendësues i tij.
Refuzimi i Ter Stegen për të dhënë pëlqimin ka habitur drejtuesit e klubit dhe ka përshkallëzuar tensionet. Përplasja nisi pas lajmit për afrimin e Garcias, çka u interpretua si sinjal se gjermani mund të largohej. Situata u rëndua edhe më shumë kur Ter Stegen njoftoi i vetëm – dhe jo bashkë me klubin – vendimin për t’iu nënshtruar operacionit, duke parashikuar një rikuperim prej tre muajsh, më pak se koha e nevojshme që Barcelona të regjistronte portierin e ri.
Reagimi i klubit ishte i menjëhershëm: Ter Stegen nuk do të mbajë më shiritin e kapitenit. Ndërkohë, Barcelona ka paralajmëruar hapjen e procedurave disiplinore ndaj tij.
Lajmet
United paraqet megaofertë për sulmuesin slloven
Published
11 hours agoon
August 5, 2025By
UBT News
Manchester United ka bërë një ofertë për sulmuesin e RB Leipzig, Benjamin Sesko, mund të arrijë në 85 milionë euro.
Oferta përfshin një pagesë të garantuar prej 75 milionë eurosh të menjëhershme.
United ende nuk ka marrë një përgjigje, por beson se është një vlerësim i përshtatshëm për 22-vjeçarin slloven dhe se lojtari është i etur të përfundojë një transferim në “Old Trafford”.
Newcastle gjithashtu e dëshiron Sesko-n dhe ka bërë një ofertë për sulmuesin, e cila nuk është pranuar.

UBT pret në vizitë zyrtare Kryetarin e FFK-së, Agim Ademi – fokus te edukimi dhe inovacioni në sport

Edicioni i ri në Serie-A vjen me risi në ndarjen e drejtësisë

Kriza në Barcelonë, përplasje e hapur mes klubit dhe Ter Stegen

United paraqet megaofertë për sulmuesin slloven

Meta do t’i ndalojë reklamat politike në BE nga tetori

Pesë suplemente që nuk kombinohen mirë me kafenë

Galliani drejt rikthimit te Milani, zbulohet roli i tij

Osmani tërheq kërkesën e saj në Kushtetuese: Gjyqtari Llaban paraqet rrezik për sigurinë kombëtare

S25 arrin 3 milionë shitje në Korenë e Jugut, dy muaj më shpejt se paraardhësi
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit