Sport

Liga Unike vjen me sida shumë interesante në mesjavë

Përballje interesante.

Published

5 years ago

March 8, 2022

Betim Gashi

Në mesjavë zhvillohet xhiroja e 12-të në Ligën Unike, ku do të zhvillohen disa përballje interesante.

Kampioni dhe lideri Golden Eagle Ylli do të sfidohet nga Kamza Basket. Skuadra e Kamzës ka dy fitore e nëntë humbje, ndërsa therandasit dhjetë fitore e një humbje, duke kryesuar renditjen.

Rahoveci që është këndellur në xhirot e fundit do të ndeshet me Vllazninë e Shkodrës, në një përballje shumë të vlefshme. Vreshtarët kanë katër fitore e shtatë humbje, ndërsa shkodranët dy fitore e nëntë humbje.

Përballje shumë interesante priten të enjten. Prizreni 16 do të përballet me Pejën, skuadrat e renditura në vendin e tretë, përkatësisht të dytë. Prizrenasit kanë shtatë fitore e katër humbje, ndërsa pejanët tetë fitore e tri humbje. Duke marrë parasysh ambiciet e mëdha të dy skuadrave pritet një ndeshje shumë interesante.

Ndeshja e fundit zhvillohet mes Tiranës dhe Teutës. Tiranasit kanë pesë fitore e gjashtë humbje, ndërsa durrësakët gjashtë fitore e pesë humbje, andaj pritet një sfidë rivalizuese dhe dramatike.

Liga Unike-Xhiro 12

E mërkurë

17:00 Kamza – Golden Eaglle Ylli

19:00 Rahoveci – Vllaznia

E enjte

17:00 Prizreni 16 – Peja

19:00 Tirana Neptun – Teuta

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/