Sport

​Liga e Evropës vazhdon sot me disa ndeshje interesante

Published

on

Pas ndeshjeve në Ligën e Kampionëve, ku Real Madrid arriti të sigurojë fitore minimale si mysafir kundër Atalantas, dhe Manchester City, fitoi me lehtësi kundër Borussia Monchengladbach, sot do të vazhdojë Liga e Evropës me një program tejet të ngjeshur me ndeshje.

Po ashtu, dje u zhvillua ndeshja me Tottenham e Wofsberger në kuadër të Ligës së Evropës, ku skuadra londineze arriti lehtësisht ta mposht atë austriake me rezultat 4:0, dhe të përgjithshëm 8:1.

Ndër ndeshjet më interesante të programit të sotëm do të jenë mes Arsenal e Benfica, Villarreal e RB Salzburg dhe Manchester United e Real Sociedad.

Në ndeshjet e para që janë zhvilluar javën e kaluar, Arsenal barazoi 1:1 me Benfican, Villarreal siguroi fitore 2:0 kundër skuadrës së Mërgim Berishës dhe Manchester United e deklasoi Real Sociedadin si mysafirë me rezultat përfundimtar 0:4.

Më poshtë mund të gjeni të bashkangjitur programin e plotë të ndeshjeve në Ligën e Evropës:

18:55 Ajax – Lille (Stadiumi Johan Cruijff Arena)

18:55 Arsenal – Benfica (Stadiumi Emirates)

18:55 Hoffenheim – Molde (Stadiumi Rhein-Neckar-Arena)

18:55 Napoli – Granada CF (Stadiumi Diego Armando Maradona)

18:55 Rangers – Antwerp (Stadiumi Ibrox)

18:55 Shakhtar Donetsk – Maccabi Tel Aviv (Stadiumi National Sports Complex “Olympiyskiy”)

18:55 Villarreal – RB Salzburg (Stadiumi Estadio de la Ceramica)

21:00 AC Milan – FK Crvena Zvezda (Stadiumi San Siro)

21:00 AS Roma – Braga (Stadiumi Olimpico)

21:00 Bayer Leverkusen – Young Boys (Stadiumi BayArena)

21:00 Club Brugge KV – Dynamo Kyiv (Stadiumi Jan Breydel)

21:00 Dinamo Zagreb – Krasnodar (Stadiumi Maksimir)

21:00 Leicester City – Slavia Prague (Stadiumi King Power)

21:00 Manchester United – Real Sociedad (Stadiumi Old Trafford)

21:00 PSV – Olympiacos Piraeus (Stadiumi Philips)

Aktualitet

​Nora Gjakova nis rrugëtimin si trajnere e xhudos

Published

on

Federata e Xhudos së Kosovës ka nisur një kapitull të ri me përfshirjen e kampiones olimpike, Nora Gjakova, në rolin e trajnere asistente të ekipit të meshkujve. Ajo tashmë i është bashkuar stafit teknik dhe po punon me plot energji e përkushtim në stërvitjet që po mbahen në Bordeaux të Francës.

Në këtë grumbullim, ekipi i meshkujve po përgatitet intensivisht për garat e rëndësishme që i presin në muajt e ardhshëm. Nën drejtimin e trajnerëve dhe me mbështetjen e Norës, xhudistët Akil Gjakova, Shpati Zekaj, Dardan Cena dhe Anes Veseli po zhvillojnë seanca të forta stërvitore, duke dhënë maksimumin në çdo hap të përgatitjeve.

Përfshirja e Nora Gjakovës në stafin e trajnerëve shihet si një vlerë e madhe për ekipin, duke sjellë përvojën e saj të pasur ndërkombëtare dhe frymën e suksesit që ka shoqëruar karrierën e saj si sportiste.

Kosova shpreson se ky kombinim i përvojës dhe energjisë së re do të sjellë rezultate të reja pozitive për xhudon kosovare në arenën ndërkombëtare.

Continue Reading

Sport

Presioni mbi Ruben Amorim rritet, Manchester United përgatit plan emergjent për trajnerin

Published

on

By

Problemet e Manchester United vazhduan mbrëmjen e së mërkurës me humbjen e papritur ndaj Grimsby Town në Kupën e Ligës, e cila u vendos pas penalltive. Pas kësaj, pronarët e klubit, Grupi Ineos, kanë kërkuar nga departamenti i futbollit të përgatisë një listë të shkurtër me kandidatë për trajner në rast se do të duhet shkarkimi i Ruben Amorim.

Sipas mediave, trajneri portugez, i sjellë në “Old Trafford” nga Sporting Lisbona me një kontratë të majme, po përballet me presion të madh pas pozicionit të dobët të skuadrës në renditje, duke zënë vendin e 16-të në Premier League.

Në listën e kandidatëve për zëvendësimin e tij përfshihen Andoni Iraola, trajneri i Bournemouth, i njohur për performancën e tij të mirë në Ligën Premier dhe eksperiencën në Spanjë me Mirandes dhe Rayo Vallecano, si dhe Oliver Glasner, trajneri aktual i Crystal Palace.

Manchester United duket i gatshëm të ndërmarrë veprime drastike në rast se rezultatet nuk përmirësohen në ditët në vijim.

Continue Reading

Sport

Leart Paçarada kalon te FC Heidenheim

Published

on

By

FC Heidenheim 1846 ka konfirmuar nënshkrimin e mbrojtësit kosovar Leart Paçarada, i cili vjen nga FC Köln.

Paçarada, 30 vjeç, ka zgjedhur të ndryshojë ambientin, por do të vazhdojë të luajë në Bundesligë, pasi kalon në skuadrën gjermane të Heidenheim. Mbrojtësi i majtë ka firmosur një kontratë që do ta mbajë te klubi deri në verën e vitit 2027.

Njoftimi është bërë zyrtar nga faqja e klubit, ku theksohet se Paçarada i bashkohet skuadrës së Bundesligës nga rivalët e FC Köln.

Në skuadrën e re, ai do të luajë së bashku me dy futbollistë tjerë me prejardhje shqiptare, Arijon Ibrahimovic dhe Diant Ramaj.

Continue Reading

Sport

Drita përballë Differdange në ndeshjen kthyese të Ligës së Konferencës, synon kualifikimin historik

Published

on

By

Drita do të luajë si mysafire ndaj Differdange në ndeshjen kthyese të fazës ‘play-off’ të Ligës së Konferencës, me synimin për t’u kualifikuar për herë të parë në grupet e një gare evropiane.

Takimi zhvillohet në “Stade Municipal de la Ville de Differdange” me fillim nga ora 20:00. Ekipi i trajnerit Zekirija Ramadani do të kërkojë të ruajë avantazhin 2-1 nga ndeshja e parë në Prishtinë.

“Intelektualët” synojnë të fitojnë apo të sigurojnë të paktën një barazim, që do t’i çonte në fazën e grupeve të Ligës së Konferencës për herë të parë në histori.

Nëse arrin kualifikimin, Drita do të bëhet klubi i dytë kosovar që e arrin këtë sukses, pas Ballkanit, i cili ka luajtur dy herë në grupet e këtij kompeticioni.

Continue Reading

Të kërkuara