Sport

Lewandowski fitues i Këpucës së Artë

Published

5 years ago

September 21, 2021

Betim Gashi

Ylli i Bayern Munich, Robert Lewandowski është fituesi i Këpucës së Artë për vitin 2021, pasi që sezonin që lamë pas ka qenë golashënuesi më i mirë në Evropë.

Lewandowski regjistroi një rekord të ri në Bundesligan gjermane duke shënuar 41 gola përgjatë sezonit 2020/21, kështu duke thyer rekordin e kaluar prej 40 golave të legjendës së Bayern Munich Gerd Muller.

“Jam tejet krenarë. Duhet gjithmonë që të besosh në vete, në paraqitje të mëdha, pavarësisht vendit se nga vjen”, tha Lewandowski gjatë ceremonisë në muzeun e klubit të Bayernit.

Presidenti i Ligës së Futbollit të Gjermanisë, Christian Seifert ka thënë që rekordi do të jetë përgjithmonë, ku edhe e cilësoi Lewandowski si njërin nga lojtarët më të mirë në histori të Bundesligës.

I dyti pas Lewandowskit ishte ylli Lionel Messi me 30 golat e tij për Barcelonën, që la pas Cristiano Ronaldon me 29 gola për Juventusin.

Related Topics:kryesore Robert Lewandowski Kepuca e Arte

Up Next

Guardiolas i imponohen lojtarët e akademisë për ndeshjen ndaj Wycombe

Don't Miss

PSG-Messi, vjen një tjetër lajm i papritur

Sport

KV Ulpiana triumfon ndaj KV Forcës

Published

5 hours ago

October 14, 2026

UBTNews

KV Ulpiana ka shënuar fitore ndaj KV Forcës në kuadër të Superligës A në volejboll, duke e mbyllur përballjen me rezultat 3:0 në sete.

Volejbollistët e Ulpianës treguan paraqitje të mirë që nga fillimi i takimit, duke fituar setin e parë me rezultat 25:17.

Ulpiana vazhdoi me ritëm pozitiv edhe në pjesën tjetër të ndeshjes, ndërsa seti i tretë rezultoi më i luftuar, duke u mbyllur me rezultat të ngushtë 25:23.

Me këtë triumf, Ulpiana regjistron një fitore të rëndësishme në Superligën A.

D.L

Sport

KV Ulpiana e nis fuqishëm ndeshjen ndaj KV Forcës, fiton setin e parë

Published

6 hours ago

October 14, 2026

UBTNews

KV Ulpiana ka nisur me rezultat pozitiv përballjen ndaj KV Forcës, në kuadër të Superligës A në volejboll.

Volejbollistët e Ulpianës kanë treguar lojë të mirë në setin e parë, duke e mbyllur atë me rezultat 25:17.

Ndeshja është duke vazhduar, ndërsa Ulpiana synon të ruajë epërsinë dhe të sigurojë fitoren.

D.L

Sport

Baton Zabërgja në formacionin më të mirë të javës në Ukrainë

Published

10 hours ago

October 14, 2026

UBTNews

Futbollisti i Përfaqësueses së Kosovës, Baton Zabërgja, është përfshirë në formacionin më të mirë të javës së tetë në Premier Leaguen e Ukrainës.

Përzgjedhja është bërë të mërkurën nga faqja zyrtare e kampionatit ukrainas, pas paraqitjeve të futbollistëve në ndeshjet e fundit.

25-vjeçari nga Vushtrria ishte ndër lojtarët më të dalluar në fitoren 2-1 të Kharkivit ndaj Odesas në udhëtim, duke kontribuar me një gol.

Sulmuesi kosovar po kalon një formë të shkëlqyer këtë edicion, duke u shndërruar në një nga lojtarët më produktivë të skuadrës së tij.

Në nëntë paraqitje në të gjitha garat, Zabërgja ka realizuar shtatë gola dhe ka kontribuar me katër asistime, duke konfirmuar formën e tij të mirë në futbollin ukrainas.

D.L

Sport

Albian Hajdari pëson një tjetër lëndim, jashtë fushës për disa javë

Published

11 hours ago

October 14, 2026

UBTNews

Mbrojtësi i Përfaqësueses së Kosovës, Albian Hajdari, ka pësuar një tjetër lëndim, duke u detyruar të qëndrojë jashtë fushës për disa javë.

Lajmin e ka konfirmuar klubi gjerman Hoffenheim, i cili ka bërë të ditur se futbollisti kosovar është lënduar gjatë stërvitjes së fundit, në pjesën e poshtme të shputës së këmbës.

Përmes një njoftimi zyrtar, Hoffenheimi ka konfirmuar mungesën e Hajdarit në javët e ardhshme, duke i uruar shërim të shpejtë dhe rikthim të suksesshëm në fushë.

Ky është lëndimi i dytë brenda një periudhe të shkurtër për mbrojtësin kosovar, i cili kishte pasur probleme fizike edhe gjatë grumbullimit me Përfaqësuesen e Kosovës muajin e kaluar.

Ende nuk është bërë e ditur data e saktë e rikthimit të tij në fushë.

D.L