Sport

Lëndohet Paul Pogba, mungon për disa javë

Published

6 years ago

February 8, 2021

Betim Gashi

Paul Pogba do të mungojë disa javë për Manchester United për shkak të një lëndimi ka konfirmuar trajneri Ole Gunnar Solskjaer.

Mesfushori fitues i Kupës së Botës, Pogba u kthye në formacionin startues të United për t’u përballur me Evertonin në fundjavën e kaluar, por luajti vetëm 39 minuta në barazimin 3-3.

27-vjeçari duket se pësoi një dëmtim në kofshë dhe menjëherë u raportua se është në dyshim për ndeshjen e së martës në raundin e pestë të Kupës FA me West Ham United të martën.

Solskjaer ka zbuluar shkallën e dëmtimit, i cili mund ta detyronte Pogban të qëndronte jashtë fushës për një varg ndeshjesh shumë të rëndësishme.

United luajnë më Real Sociedadin në shtëpi dhe jashtë saj në Ligën e Evropës në shkurt, para se të vizitojë Chelsean në Premier League në fund të muajit dhe Manchester Cityn më 6 mars.

“Është një dëmtim që do të duhen disa javë për t’u shëruar”, tha Solskjaer për “MUTV”. Ai sapo ka filluar shërimin e tij, duke punuar me stafin mjekësor dhe ne do ta kthejmë atë sa më shpejtë që mundemi. Sigurisht, Pali ka qenë shumë i rëndësishëm për ne dhe ne nuk do të ndërmarrim ndonjë rrezik”, tha Klopp.

Related Topics:Manchester United Paul Pogba Ole Gunnar Solskjaer

Up Next

Nesër zhvillohen këto tri ndeshje në Kupën e Kosovës në futboll

Don't Miss

Chelsea raportohet se ka arritur marrëveshje me lojtarin e Bayernit

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/