Lajmet

​LDK: Niveli më i lartë politik i Qeverisë i përfshirë në aferën e rezervave shtetërore

LDK-ja thotë se ky pushtet ka treguar paaftësi qeverisje dhe në anën tjetër ka treguar aftësi të jashtëzakonshme për kapjen e shtetit.

Published

2 years ago

on

Lidhja Demokratike e Kosovës po vlerëson se në rastin me rezerva shtetërore, ku dyshohet se ka keqpërdorime, janë të përfshirë edhe përfaqësuesit më të lartë të Qeverisë. Përfaqësues të kësaj partie, duke përmendur këtë rast, por edhe raste të tjera, theksuan se ka elemente për një rrjet të mirë organizuar kriminal.

Anëtari i Lidhjes Demokratike të Kosovës (LDK), Berat Rukiqi, para mediave tha se rasti me rezervat shterërore, është pjesë e mozaikut në të gjitha institucionet të instaluara nga Lëvizja Vetëvendosje.

Sipas tij, ky pushtet ka treguar paaftësi qeverisje dhe në anën tjetër ka treguar aftësi të jashtëzakonshme për kapjen e shtetit dhe shtrirjen e aktiviteteve kriminale.

“Të gjitha indikacionet nga ky rast, të gjitha faktet e publikuara deri tani, të gjitha ndërlidhjet, na japin shenja që ky nuk është vetëm një rast korruptiv. Të gjitha elementet na qojnë deri te një rrjet i mirë i organizuar i krimit, i cili e ka aprovimin e niveleve më të larta politike, besoj që e keni parë të publikuar edhe vendimin e datës 26 shkurt të vitit 2022, ku me vendim të Qeverisë, autoritetit të rezervave shtetërore iu jepet mundësia që të furnizojnë vendin me rezerva shtetërore edhe pa procedura të rregullta të prokurimit. Domethënë Qeveria Kurti me këtë vendim ua ka bërë më të lehtë dhe më të shpejt vjedhjen e këtyre rezervave të gjithë akterëve të cilët, tani për tani i kemi të arrestuar”, tha Rukiqi.

Ai përmendi rastin e përgjimeve të Mimoza Kusarit, për të cilin tha se duhet të hetohet, por përmendi edhe aferën e ambasadorit Martin Berishaj, i cili mori para nga Serbia dhe Nagip Krasniqin, tashmë i arrestuar për korrupsion me tenderët njëburimor.

“Kur flasim për tenderët një burimor, këta tender janë modeli biznesor i kësaj qeverie, në këtë mënyrë kanë zgjedhur të bëjnë biznes me kontrata të cilat janë jo transparente, me kontrata të cilat eliminojnë konkurrencën, është dëshmuar ditë më parë rasti i rrugës Podujevë-Prishtinë, 8 milionë për kompaninë e afërt me zëvendësministrin e infrastrukturës. Asamblistë të arrestuar për afera me tokë, Berat Lahu dhe me subvencione Liridon Fandaj, ish drejtor të arrestuar Faruk Mujka dhe Hysen Musliukaj, të cilët jo vetëm që janë arrestuar por tek të njëjtit janë gjet edhe shuma të mëdha parash, në një rast 50 mijë euro. Besnik Mujevci që nuk është harruar…i afërt me kryeministrin dhe me njerëz të rëndësishëm të Lëvizjes Vetëvendosje dhe me ministrin e Brendshëm, arrestohet për trafik droge në një rrjet të trafikut rajonal. Nepotizmi me qindra raste në qeveri të dëshmuara tani, në komuna ku qeveris Vetëvendosje, në ndërmarrje publike, kemi shumë njerëz të zgjedhur pa kritere, të vetmin kriter që e kanë plotësuar ka qenë amini i nivelit të lartë të LVV-së që qeverisë me vendin”, tha ai.

LDK sipas tij, inkurajon organet e rendit që të zbatojnë punën e tyre të pavarur në të gjitha rastet korruptive.

“ Të gjitha faktet e publikuara deri tani na bëjnë të besojmë që në aferën e rezervave shtetërore, kemi të bëjmë me përfshirjen të niveleve më të larta politike të kësaj qeverie, prandaj edhe hetimet nuk duhet të ndalet tek zyrtarët dhe tek sekseri Ridnavi por duhet të përfshijë të gjitha nivelet e qeverisjes. Dorëheqja për ministren nuk mjafton, e njëjta duhet të largohet nga ai vend dhe të jep përgjegjësi para organeve të rendit”, tha ai, duke bërë thirrje pozitës që të mos sulmojë institucionet e rendit dhe drejtësisë.

Ai shtoi se do të kërkojnë në Kuvend themelimin e një komisioni për rastin e rezervave të vendit.

Related Topics:
Continue Reading

Bota

Ish-udhëheqësi i Hezbollah do të varroset të dielën

Published

1 day ago

on

February 21, 2025

By

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Continue Reading

Lajmet

Arrestohet ish-kryetarja e Nishit, Dragana Sotirovski

Published

1 day ago

on

February 21, 2025

By

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Continue Reading

Lajmet

KQZ: Votat me kusht dhe ato nga Diaspora numërohen javën e ardhshme

Published

2 days ago

on

February 21, 2025

By

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

 “Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Continue Reading

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

on

February 21, 2025

By

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.

Continue Reading

Të kërkuara