Në seancën gjyqësore për rastin Banjska avokatët e të dëmtuarve kërkuan nga trupi gjykues që të akuzuarit të dënohen me burgim të përjetshëm.

Mbrojtësi i të dëmtuarit Alban Rashitaj, avokati Naim Rudari, tha se ajo ditë e sulmit në Banjskë ishte e kobshme.

“Ora 2.00 e mëngjesit ishte e kobshme për familjen Bunjaku. Ishte e rëndë edhe për Alban Rashitajn dhe të tjerët. Ishte një madhështi për policinë e Kosovës që arritën aq shpejt të shpartallojnë një grup të organizuar mirë profesionalisht dhe doli që organizimi i tyre të dështojë brenda 24 orësh”.

“Ne paraqesim kërkesë pasurore juridike për të dëmtuarin . Zotëria që është ulur është pjesëtar i policisë së Kosovës. Unë konsideroj se në këtë gjykatore nuk mund të ulet ku është paraparë vendi i prokurorit special”, tha avokati Rudari.

Seanca e parë gjyqësore për tre të akuzuarit për sulmin terrorist në Banjskë është mbajtur sot në Gjykatën Themelore të Prishtinës, ku të akuzuarit nuk pranuan fajësinë.

Vlladimir Tolliq, Bllagoje Spasojeviq dhe Dushan Maksimoviq u deklaruan të pafajshëm.

Prokuroria Speciale e Republikës së Kosovës ka ngritur aktakuzë ndaj 45 individëve, shumica e të cilëve janë arratisur, të cilët akuzohen për terrorizëm, financim të terrorizmit dhe vepra të tjera të rënda penale.

Në mesin e të akuzuarve është edhe Millan Radoiçiq, i cili ka marrë përsipër përgjegjësinë për sulmin.

Në seancën përgatitore të mbajtur më 9 tetor 2024, të akuzuarit Tolliq dhe Spasojeviq refuzuan të deklaroheshin për fajësinë, ndërsa Maksimoviq u shpreh i pafajshëm.

Kreu i AAK-së, Ramush Haradinaj, ka kujtuar viktimat e Masakrës së Poklekut nga forcat serbe, duke shënuar 26-vjetorin e saj.

Ai ka përkujtuar tragjedinë që ndodhi më 17 prill 1999, kur mbi 54 anëtarë të familjeve Muqolli dhe Elshani u masakruan barbarisht nga forcat serbe në Poklek të Drenicës, shumica prej të cilëve ishin gra, pleq dhe fëmijë të pafajshëm. Po në të njëjtën ditë, në Çikatovë, forcat serbe ekzekutuan 24 civilë shqiptarë pa mëshirë.

Haradinaj theksoi se, edhe pas 26 vjetësh, mungesa e drejtësisë vazhdon të mbetet një plagë e hapur. Ai shtoi se, pavarësisht kësaj, kujtimi për ata që humbën jetën në këtë masakër nuk mund të zbehet. “Drejtësia ende mungon, por ajo nuk e zbeh kurrë kujtimin për ata që u shuan nga regjimi serb, në përpjekje për të zhdukur ekzistencën tonë si popull. Lavdi e përjetshme të rënëve për liri!”, përfundoi Haradinaj.

Në Gjykatën Themelore të Prishtinës ka nisur seanca gjyqësore lidhur me rastin e sulmit terrorist në Banjskë të Zveçanit.

Dushan Maksimoviq, Blagoje Spasojeviq dhe Vladimir Toliq janë tre të dyshuarit që po mbahen në paraburgim dhe që janë paraqitur në seancë nën masa të rrepta sigurie. Gjatë seancës ishin të pranishëm edhe familjarët e të dyshuarve.

Më 11 shtator, kryeprokurori i Prokurorisë Speciale të Kosovës, Blerim Isufaj, ka konfirmuar aktakuzën e ngritur për rastin “Banjska”. Të dyshuarit janë arrestuar pas sulmit të armatosur në Banjskë, në veri të Kosovës, kur një grup i armatosur serb sulmoi Policinë e Kosovës dhe vrau policin Afrim Bunjaku. Gjatë shkëmbimit të zjarrit, tre sulmues të tjerë u vranë.

Përgjegjësinë për sulmin e shtatorit të vitit të kaluar e ka marrë Millan Radoiçiq, ish-nënkryetar i Listës Serbe, partisë më të madhe të serbëve në Kosovë, e cila mbështetet nga Beogradi zyrtar. Ndërkohë, besohet se ai dhe shumica e pjesëtarëve të grupit të armatosur ndodhen në Serbi.

Seanca përgatitore ishte paraparë për 25 shtator, por avokatët e të arrestuarve kërkuan shtyrje, duke theksuar se kishin marrë aktakuzën me vonesë dhe se kishin nevojë për më shumë kohë për t’u përgatitur. Nga ana tjetër, Prokuroria kërkoi që gjykimi të vazhdojë edhe për ata të dyshuar që janë në arrati, një kërkesë e cila u kundërshtua nga avokatët, të cilët theksuan se kjo nuk është e parashikuar në ligjet e Kosovës.

Në përfundim, gjyqtari i rastit, Arben Hoti, njoftoi se do të kërkojë një opinion juridik nga Gjykata Supreme për interpretimin e Ligjit lidhur me gjykimin në mungesë dhe shtoi se ka kushte për të gjykuar ata që ndodhen në paraburgim në Kosovë.