Lajmet

Kurti për grevën: Gëzimi i 1 shtatorit është kthyer në hidhërim shtetëror

Derisa ka komentuar grevën e punëtorëve arsimor, ai ka theksuar se askush nuk mund të paguhet nëse nuk punon.

Published

2 years ago

September 1, 2022

UBT.News

Gëzimi i fillimit të vitit të ri shkollor, sipas kryeministrit Albin Kurti është kthyer në hidhërim shtetëror. Ai ka deklaruar se në vend të bojkotit të shtetit, fëmijëve duhet tu mundësohet që të vijojnë mësimin në shkolla.

Derisa ka komentuar grevën e punëtorëve arsimor, ai ka theksuar se askush nuk mund të paguhet nëse nuk punon.

Në ditën e përurimit të Abetares së përbashkët të Kosovës e Shqipërisë, nxënësit nuk ishin në shkolla.

Kryeministri Albin Kurti nga Gjakova u ka bërë thirrje edhe një herë punëtorëve arsimorë që të ndërprejnë grevën. Ndërkohë që i ka quajtur absurde kërkesat e këtyre të fundit.

Ai theksoi se 90 për qind të administratës janë duke punuar.

“Unë e kuptoj që greva është instrument i sindikatave, mirëpo sindikatat vetë nuk bën të jenë instrument të bojkotit të qeverisë e shtetit. Shkolla është shteti, shkolla nuk bën të bojkotohet. Shkolla duhet të ketë edhe mësuesin e mësuesen, duhet ta ketë nxënësin, mësimnxënien. Meqenëse është e drejtë elementare, njerëzore për secilin fëmijë edukimi. Këtë e parasheh edhe kushtetuta dhe ligjet tona. Andaj unë shpresoj që do të mbizotërojë racionaliteti dhe do të vazhdojë mësimi. Asnjë ditë e humbur e mësimit nuk kompensohet kollaj. Andaj unë ju bëj thirrje të gjithë prindërve, nxënësve, mësimdhënësve që ta kuptojnë që jemi me një moment shumë të rëndësishëm e historik dhe kurrsesi nuk bën të braktiset mësimi“, ka deklaruar Kurti.

Ai theksoi së Ligji për Pagat është në diskutim paraprak dhe pas një jave do të jetë edhe në diskutim publik. Sipas tij, koeficienti për mësimdhënësit është më i mirë se më parë.

“Në vend se t’i bëhet grevë e bojkot shkollës, qeverisë e shtetit duhet të bashkëpunim në mënyrë që fëmijët që janë e ardhmja jonë të jenë të edukuar dhe të mësuar. Të gjithë fëmijët e kanë pritur me gëzimin 1 shtatorin dhe është shumë dëm që gëzimi i 1 shtatorit të shndërrohet për një politizim sindikal në hidhërim shtetëror. Sot është ditë e hidhërimit shtetëror e shoqëror për të gjithë ata të cilët nuk i kanë mësimet, ose nuk i japin ato“, ka shtuar ai.

Derisa u ka bërë thirrje mësimdhënësve që të ndërprejnë grevën, Kurti shtoi se nuk mund të ketë dëshira irracionale të cilat përcaktojnë agjenda shtetërore.

Ai shtoi se nuk ka urrejtje e as hakmarrje ndaj askujt.

“Një gjë duhet ta kuptoni, nuk mund të paguhen njerëzit për një punë që nuk e bëjnë. Prandaj janë bërë ndryshime demokratike në Kosovë në shkurtin e vitit e kaluar, e kemi shënuar një 1 vit e gjysmë para një jave. Njerëzit duhet të paguhen sipas meritës, nuk duhet të paguhen për mospunë, nuk duhet të paguhen pse nuk punojnë. Kjo nuk është vetëm një çështje e ligjit dhe qeverisë, por është një çështje e arsyes së shëndoshë njerëzore“, tha ai.

Për më tepër, siç tha Kurti, kërkesa për pagesa edhe kur nuk punohet, është kthim i avazit të vjetër i cili është përmbyllur me qeverisjen e tij.

Kurti u ka bërë thirrje drejtorëve të arsimit që të mos ju bëjnë trysni drejtorëve të shkollave dhe arsimtarëve për mos mbajtje të mësimit.

“Kur dikush thotë dua të ma rrisësh pagën 100 euro, pyetja është pse jo 300? Pse veç 100? Planifikimet financiare, shtetërore nuk bëhen në mënyrë të papërgjegjshme, duhet ta kuptojmë që pako e ringjalljes ekonomike, 7 për qind të bruto produktit vendor gjithsej vjet edhe sivjet ka qenë 570 milionë euro. Buxheti është rreth 3 miliardë euro. Nuk mund të marrim buxhete të shteteve të tjera që të plotësojmë kërkesa irracionale, është e pamundur. Kërkesat absurde, të cilat janë dëshira irracionale nuk mund të hasin në mirëkuptimin tonë. Mua më vjen keq për këtë, por realiteti dhe mundësitë janë të këtilla“, deklaroi ai.

Sot në ditën e parë e fillimit të vitit shkollor, mbi 320 mijë nxënës në Kosovë është dashur të ulen në bankat shkollore. Megjithatë, me vendimin e BSPK-së, punëtorët arsimorë janë në greva.

Bota

Ish-udhëheqësi i Hezbollah do të varroset të dielën

Published

2 days ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

2 days ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

2 days ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.