Lajmet

​Kurti: Pagën minimale do ta bëjmë 264 euro

Ai tha se për këtë duhet të pajtohen në Këshillin Ekonomiko-Social.

Published

4 years ago

on

Kryeministri i Kosovës, Albin Kurti ka deklaruar se pagën minimale nga 170 euro sa është tani, tash e një dekadë duan ta bëjnë 264 euro, por për këtë duhet të pajtohen në Këshillin Ekonomiko-Social.

Kurti këto komente i bëri gjatë vizitës në Shkollën Fillore të Mesme të Ulët “Xhemail Mustafa”, në Prishtinë, të cilën e vizitoi me rastin e Ditës Ndërkombëtare të Sindromës Down. Kurti aty mori një pyetje edhe nga një nxënës i kësaj shkolle lidhur me pagat e vogla që kanë familjarët e personave me Sindromës Down. Kryeministri tha se duan ta ngrisin pagën minimale, por nevojitet pajtim në Këshillin Ekonomiko-Social.

“Sa i përket pagës minimale, ne kemi thënë që atë do ta rrisim nga 130 përkatësisht 170 euro sa është tani, tash e një dekadë ta bëjmë 250 euro, por në fakt ne do ta bëjmë 264 euro. Por, për këtë duhet të merremi vesh në Këshillin Ekonomiko-Social”, u shpreh Kurti.

Kurti së bashku me ministren e Arsimit, Arberie Nagavci në vizitojë këtë shkollë, ku ora e parë iu kushtua sindromës Down. Ai tha se si shoqëri dhe si shtet e kemi për detyrë dhe obligim që t’iu ndihmojmë këtyre fëmijëve që t’i kenë mundësinë dhe qasjen e barabartë sikurse të tjerët.

“Është edhe Dita Ndërkombëtare e personave me Sindromin Down, që është marrëveshje e jona shoqërore të përkujdesemi në mënyrë të veçantë për këta njerëz të veçantë, e që sërish lidhet me një fakt të dhënë natyror që nuk e ndryshojmë dot. Pra, persona me aftësi të kufizuar, që kanë lindur të tillë, por ne si shoqëri e si shtet e kemi për detyrë dhe obligim që t’iu ndihmojmë ashtu që t’i kenë mundësinë dhe qasjen e barabartë sikurse të tjerët, në kuadër të një ambienti gjithëpërfshirës dhe gjithashtu pa diskriminim e pa stigmatizim”, tha Kurti.

Ai tha se në një takimin që kishte mbajtur sot ka biseduar për mundësitë e organizimit të trajnimeve dhe punësime për personat me sindromën Down.

“Ne kishim sot një takim me organizatën e cila i ndihmon të gjithë fëmijët me sindromën Down, dhe biseduam edhe për mundësit që të kemi trajnime e punësime për personat me sindromën Down. Por, gjithashtu edhe 100 asistentë shtesë, si dhe kurse të veçanta për prindërit me qenë se nuk mjafton që këta fëmijë të jenë të mirëpritur në shkolla dhe institucione publike, por duhet që atyre t’iu ndihmojmë edhe në familjet ku janë”, tha Kurti.

Kjo ditë është shënuar edhe me aktivitete të ndryshme në Kosovë.

Related Topics:
Continue Reading

Lajmet

Drejtori i policisë ndan 19 vetura për policët e lagjes

Published

34 seconds ago

on

October 20, 2025

By

Me synim për rritjen e efikasitetit në punën e policëve të lagjes, Drejtori i Përgjithshëm i Policisë, Gazmend Hoxha ka ndarë 19 vetura të reja Hybride, për mbulimin e zonave sektoriale, në të gjitha drejtoritë rajonale.

Lajmin e ka bërë të ditur Policia e Kosovës përmes një komunikate zyrtare.

“Përmbushja e objektivave të Strategjisë së Policimit të drejtuar nga Inteligjenca dhe Policimit në Bashkësi, si dhe forcimi i qasjes proaktive ndaj kërkesave të qytetarëve tashmë mundësohet më lehtë dhe më shpejt, falë pajisjes me automjete zyrtare”.

“Kjo edhe një herë dëshmon përkushtimin e menaxhmentit të Policisë për një qasje gjithnjë e më proaktive ndaj komunitetit, për forcimin e bashkëpunimit dhe komunikimit me qytetarët, si dhe për rritjen e mëtejme të besueshmërisë dhe transparencës institucionale”, shkruhet tutje në komunikatë./EO

Continue Reading

Lajmet

​Ish-lojtari i Real Madridit pëson goditje në tru

Published

29 minutes ago

on

October 20, 2025

By

Ish-futbollisti holandez, Royston Drenthe, ka pësuar një goditje në tru dhe aktualisht ndodhet nën kujdes mjekësor në spital.

“Të premten e kaluar, Royston Drenthe pësoi një goditje në tru. Ai po trajtohet dhe është në duar të sigurta. Familja e tij kërkon paqe dhe privatësi gjatë kësaj periudhe, për t’i mundësuar shërimin e plotë,” thuhet në njoftimin e klubit në Instagram.

Drenthe, i cili u konsiderua një prej talenteve më premtues të futbollit holandez, nuk arriti të përmbushte pritshmëritë pas transferimit te Real Madridi. Gjatë karrierës së tij ai ka luajtur në Spanjë, Angli, Rusi, Turqi dhe Emiratet e Bashkuara Arabe, ndërsa futbollin aktiv e përfundoi në Holandë në vitin 2019.

Lajmi është konfirmuar edhe nga FC Der Rebellen, ekipi i ish-lojtarëve profesionistë ku bën pjesë edhe 38-vjeçari.

Pas tërheqjes nga futbolli, Drenthe iu përkushtua muzikës dhe prej vitit 2023 punon si komentator në kanalin holandez Ziggo Sports./S.K/KP/

Continue Reading

Lajmet

Kosova temë diskutimi nesër në Këshillin e Sigurimit të OKB-së

Published

52 minutes ago

on

October 20, 2025

By

Këshilli i Sigurimit do të mblidhet nesër për takimin e dytë të rregullt informues këtë vit mbi situatën në Kosovë.

Zëvendës Përfaqësuesi Special dhe Zyrtari i Përgjegjshëm i Misionit të Administratës së Përkohshme të OKB-së në Kosovë (UNMIK), Milbert Dongjoon Shin, pritet të informojë mbi raportin e fundit të Sekretarit të Përgjithshëm mbi UNMIK-un, i cili iu shpërnda anëtarëve të Këshillit më 10 tetor dhe mbulon zhvillimet nga 16 marsi deri më 15 shtator.

Kosova dhe Bashkimi Evropian (BE) pritet të marrin pjesë sipas rregullit 39.

Shin pritet të nxjerrë në pah zhvillimet kryesore politike dhe të sigurisë në Kosovë gjatë periudhës së mbuluar nga raporti i Sekretarit të Përgjithshëm.

Kuptojeni përmes këtij linku njoftimin e plotë të “Raportit të Këshillit të Sigurimit”, lidhur me Kosovën./EO

Continue Reading

Lajmet

Kombëtarja e femrave, Kosova publikon listën për dy ndeshjet e playoff-it

Published

58 minutes ago

on

October 20, 2025

By

Kombëtarja e Kosovës në futboll në kategorinë e femrave, do t’i zhvillojë dy ndeshjet vendimtare kundër Turqisë, në fazën e playoff-it në kuadër të Ligës së Kombeve.

Loja e parë do të zhvillohet në Prishtinë më 24 tetor derisa e dyta më 28 tetor në Izmir.

Trajneri Sami Sermaxhaj, e ka publikuar listën e futbollisteve të ftuar për këtë ndeshje jetike.

“Dardanet” në rast të fitores do të kenë mundësi të ngjiten në Ligen B./S.K/EO/

Continue Reading

Të kërkuara