Lajmet

Serbia paralajmëron për hapa të ardhshëm për zgjedhjet e 3 prillit

Petkoviq: Autoritetet e Kosovës duan t’i pengojnë serbët e Kosovës që të votojnë më 3 prill.

Published

4 years ago

on

Udhëheqësi i Zyrës për Kosovën në Qeverinë e Serbisë, Petar Petkoviq, tha të hënën se autoritetet e Kosovës duan t’i pengojnë serbët e Kosovës që të votojnë më 3 prill në zgjedhjet parlamentare dhe presidenciale të Serbisë.

Petkoviq e cilësoi si “gënjeshtër” dhe “mashtrim” deklaratën e kryeministrit të Kosovës, Albin Kurti se ka vullnet të mirë për mbajtjen e zgjedhjeve të Serbisë në Kosovë.

Sipas komunikatës së lëshuar nga zyra e tij, “qëndrimi i Republikës së Serbisë dhe organeve të saj shtetërore lidhur me situatën e re do të shpallet nesër (22 mars), pas seancës së Këshillit të Sigurisë Kombëtare, kur edhe do të vendoset për hapat e ardhshëm”.

“Beogradi zyrtar pret që vendet e Quint-it të marrin qëndrim të qartë dhe pa mëdyshje për shantazhin dhe sabotimin e Prishtinës, si dhe për shkeljen e të drejtave themelore, civile dhe demokratike të serbëve nga Kosova”, thuhet në komunikatë.

Autoritetet në Kosovë më 21 mars kanë bërë të ditur se Serbia nuk ka bërë ndonjë kërkesë të drejtpërdrejtë Qeverisë së Kosovës për mbajtjen e këtyre zgjedhjeve brenda territorit të Kosovës.

Më 14 mars, Mimoza Kusari – Lila, shefe e Grupit Parlamentar të partisë qeverisëse në Kosovë, Lëvizjes Vetëvendosje ka thënë se Beogradi u është drejtuar institucioneve ndërkombëtare për mundësinë e mbajtjes së zgjedhjeve në Kosovë, por, siç ka thënë ajo, autoritetet sovrane në Kosovë janë Qeveria e Kosovës dhe institucionet e Kosovës.

Ndërkaq, kryeministri i Kosovës, Albin Kurti, ka deklaruar javën e kaluar se është në kontakt me shtetet e Quint-it që të gjendet një zgjidhje për serbët e Kosovës që duan të votojnë në këto zgjedhje. Kreu i ekzekutivit kosovar ka thënë se synon që të drejtat e serbëve të mos shkelen, por as të mos cenohet shtetësia e Kosovës.

Në fillim të këtij viti, institucionet e Kosovës lejuan që serbët e Kosovës të votojnë për një referendum kushtetues të Serbisë vetëm përmes Zyrës Ndërlidhëse të Serbisë dhe postës.

Më herët, ka pasur një praktikë në Kosovë, ku misioni në Kosovë i Organizatës për Siguri dhe Bashkëpunim në Evropë (OSBE) ka grumbulluar votat e qytetarëve serbë, dhe më pas ato janë dërguar në Rashkë dhe Vranjë – dy qytete kufitare të Serbisë – për t’u numëruar.

Kjo praktikë është krijuar qysh në vitin 2017 dhe autoritetet e Kosovës e kanë lejuar këtë gjë.

Nga OSBE-ja kanë thënë për Radion Evropa e Lirë se janë të gatshëm t’i grumbullojnë votat edhe për zgjedhjet e 3 prillit, por me pëlqimin e të gjitha institucioneve përkatëse.

Related Topics:
Continue Reading

Lajmet

Tri raste të dhunës në familje në Malishevë, Gjakovë dhe Graçanicë

Published

53 seconds ago

on

June 11, 2026

By

Tri raste të ndara të dhunës në familje janë raportuar në Malishevë, Gjakovë dhe Graçanicë, ku si pasojë janë arrestuar tre persona të dyshuar.

Në Malishevë, më 10.06.2026 rreth orës 16:30, është arrestuar një i dyshuar kosovar nën dyshimin se ka ushtruar dhunë psikike ndaj viktimës mashkull kosovar. Pas inicimit të rastit, me vendim të prokurorit i dyshuari është dërguar në mbajtje.

Në Gjakovë, në të njëjtën kohë, është arrestuar një i dyshuar mashkull kosovar pasi pas një mosmarrëveshjeje ka kanosur verbalisht viktimën mashkull kosovar. Pas intervistimit, me vendim të prokurorit, i dyshuari është dërguar në mbajtje.

Ndërsa në Graçanicë, më 10.06.2026 rreth orës 02:00, ankuesja kosovare ka njoftuar se i dyshuari kosovar ka ushtruar dhunë psikike ndaj saj. I dyshuari është arrestuar dhe pas inicimit të rastit, me vendim të prokurorit është dërguar në mbajtje./A.K/

Continue Reading

Lajmet

Aksident trafiku me fatalitet në Prizren, humb jetën biçiklisti

Published

5 minutes ago

on

June 11, 2026

By

Ka ndodhur një aksident trafiku mes një veture, të cilën e drejtonte një i dyshuar mashkull kosovar, dhe një biçiklete në rrugën “Faik Konica” në Prizren më 10.06.2026 rreth orës 09:58.

Si pasojë e aksidentit, drejtuesi i biçikletës, viktimë mashkull kosovar, ka pësuar lëndime të rënda trupore dhe është dërguar për trajtim mjekësor në QKUK, ku gjatë trajtimit ka ndërruar jetë.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa i dyshuari është arrestuar dhe dërguar në mbajtje.

Continue Reading

Lajmet

Tentim vrasje ndaj një gruaje, arrestohet i dyshuari

Published

11 minutes ago

on

June 11, 2026

By

Sipas raportit policor, një grua ka pësuar lëndime trupore pasi është sulmuar me mjet të mprehtë nga një i dyshuar mashkull kosovar në Prishtinë.

Ngjarja ka ndodhur më 10 qershor 2026, rreth orës 11:20. Në vendin e ngjarjes është sekuestruar një mjet i mprehtë, i cili dyshohet se është përdorur gjatë sulmit.

Sipas policisë, i dyshuari është arrestuar dhe ka pranuar trajtim mjekësor psikiatrik. Me vendim të prokurorit, pas intervistimit, ai është dërguar në mbajtje.

Rasti është iniciuar si “Vrasje në tentativë” dhe po hetohet nga organet kompetente./A.K/

Continue Reading

Lajmet

KQZ aprovon mbi 22 mijë pako votash nga diaspora, refuzon 755

Published

16 minutes ago

on

June 11, 2026

By

Komisioni Qendror i Zgjedhjeve ka njoftuar se deri më 10 qershor janë vlerësuar mbi 23 mijë e 300 pako me fletëvotime të ardhura nga jashtë Kosovës.

Sipas KQZ-së, nga këto pako janë aprovuar 22,601, ndërsa 755 janë refuzuar. Arsyeja kryesore e refuzimit ka qenë mungesa e dëftesës së regjistrimit, dokument i domosdoshëm për votuesit e regjistruar, problem që është evidentuar në 699 raste.

Procesi i vlerësimit ka nisur më 9 qershor dhe ka për qëllim verifikimin nëse pakot janë dërguar nga votuesit e regjistruar për votim përmes postës.

KQZ bëri të ditur se nga 23 kuti postare në 22 shtete të ndryshme dhe në Kosovë janë tërhequr mbi 85 mijë e 700 pako të supozuara me fletëvotime, një pjesë e të cilave tashmë janë sjellë në Kosovë.

Gjatë periudhës së regjistrimit për votimin me postë, nga 6 deri më 17 maj, janë regjistruar 104 mijë e 480 shtetas për të votuar nga jashtë Kosovës. Pas përfundimit të procesit të vlerësimit, KQZ do të publikojë numrin përfundimtar të pakove që do të procedohen për numërim në Qendrën e Numërimit dhe Rezultateve./A.K/

Continue Reading

Të kërkuara