Lajmet

​Kryeministrja e Zelandës së Re do të dorëhiqet muajin tjetër

Ajo do të japë dorëheqjen si kryetare e Partisë Laburiste jo më vonë se 7 shkurt .

Published

on

Kryeministrja e Zelandës së Re, Jacinda Ardern ka njoftuar se do të dorëhiqet nga posti që mban deri më 7 shkurt. Teksa konfirmoi zgjedhjet kombëtare në muajin tetor, Ardern u shpreh se nuk ka fuqi të rikandidojë dhe se nuk mund të vijojë udhëheqjen pasi siç theksoi ajo, i kanë shteruar energjitë.

Ajo do të japë dorëheqjen si kryetare e Partisë Laburiste jo më vonë se 7 shkurt dhe në ditët në vijim do të votohet për të përcaktuar zëvendësuesin e saj.

“Kisha shpresuar se do të gjeja atë që më duhej për të vazhduar gjatë asaj periudhe, por, për fat të keq, nuk e kam bërë, dhe do t’i bëja një shërbim të keq Zelandës së Re për të vazhduar. Unë jam njeri, politikanët janë njerëz. Ne japim gjithçka që mundemi për aq kohë sa mundemi. Dhe pastaj është koha. Dhe për mua është koha”, tha Ardern.

Ardern u bë kryetarja femër më e re e qeverisë në botë kur u zgjodh kryeministre në vitin 2017 në moshën 37-vjeçare. Ajo ka udhëhequr Zelandën e Re përmes pandemisë Covid-19 dhe fatkeqësive të mëdha duke përfshirë sulmin terrorist në dy xhami në Christchurch dhe White Island, dhe një sulm vullkanik.

“Këto kanë qenë pesë vitet e gjysmë më të kënaqshme të jetës sime. Por ka pasur edhe sfidat e veta – mes një agjendë të fokusuar në strehimin, varfërinë e fëmijëve dhe ndryshimet klimatike, ne hasëm një … ngjarje terrori të brendshëm, një fatkeqësi të madhe natyrore, një pandemi globale dhe një krizë ekonomike”, tha ajo.

E pyetur se si do të dëshironte që zelandezët ta kujtonin udhëheqjen e saj, Ardern u shpreh se donte të kujtohet gjithmonë si kryeministrja që përpiqej gjithmonë të ishte e sjellshme.

“Shpresoj t’i lë qytetarët e mi me besimin se mund të jeni të sjellshëm, por të fortë, empatikë, por vendimtarë, optimistë por të përqendruar. Dhe se ju mund të jeni lloji juaj i liderit – ai që e di se kur është koha për të shkuar”, tha Ardern.

Lajmet

​Silvinjo publikon listën e Shqipërisë për përballjen me Serbinë

Published

on

Trajneri i Kombëtares Shqiptare, Silvinjo, ka publikuar listën e lojtarëve të grumbulluar për dy ndeshjet e muajit tetor, sfidën kualifikuese të Kupës së Botës kundër Serbisë dhe miqësoren ndaj Jordanisë.

Tekniku kuqezi ka thërritur 25 lojtarë dhe risia e vetme është futbollisti i Shkëndijes së Tetovës, Klisman Cake. Qendërmbrojtësi ka qenë më parë pjesë e Kombëtares U-21 dhe pas paraqitjeve të mira me Shkëndijën, ku arritën edhe kualifikimin historik në Conference League, ka bindur trajnerin Silvinjo për ta ftuar në Kombëtare.

Lista e plotë e publikuar:

Portierë: Thomas Strakosha, Mario Dajsinani, Simon Simoni

Mbrojtës: Elseid Hysaj, Ivan Balliu, Mario Mitaj, Naser Aliji, Ardian Ismajli, Enea Mihaj, Berat Gjimshiti, Arlind Ajeti, Klisman Cake

Mesfushorë: Ylber Ramadani, Juljan Shehu, Kristjan Asllani, Medon Berisha, Qazim Laçi, Adrion Pajaziti, Nedim Bajrami, Arbër Hoxha, Jasir Asani

Sulmues: Armando Broja, Myrto Uzuni, Rey Manaj, Mirlind Daku

Grumbullimi i Kombëtares nis të hënën, më 6 tetor, në Tiranë, ku kuqezinjtë do të përgatiten fillimisht për sfidën kualifikuese të Kupës së Botës ndaj Serbisë, e cila do të luhet më 11 tetor në stadiumin “Gradski stadion Dubočica” në Leskovac, në orën 20:45.

Ndeshja miqësore Shqipëri- Jordani, do të zhvillohet më 14 tetor, në “Air Albania”, në 19:00./S.K/KP/

Continue Reading

Lajmet

​Prezantohet topi zyrtar i Botërorit 2026

Published

on

FIFA ka prezantuar topin zyrtar të Kampionatit Botëror 2026, i cili do të quhet TRIONDA.

Emri i tij, që në spanjisht do të thotë “tre valë”, simbolizon tri vendet organizatore: Kanadanë, Meksikën dhe Shtetet e Bashkuara.

Dizajni i topit është i gjallë me ngjyrat kuqe, jeshile e blu, duke nderuar vendet nikoqire. Ai përmban gjithashtu simbole kombëtare, gjethe panje për Kanadanë, shqiponjën për Meksikën dhe yllin për SHBA, si dhe elementë të artë që kujtojnë trofeun e Kupës së Botës.

TRIONDA ka një strukturë inovative me katër panele, që ofrojnë stabilitet optimal gjatë fluturimit, si dhe teknologjinë e avancuar të topit të lidhur me një çip sensor 500Hz, i cili ndihmon gjyqtarët në vendime të rëndësishme, përfshirë rastet e pozitës jashtë loje.

Presidenti i FIFA-s, Gianni Infantino, e përshkroi topin si të bukur dhe simbol të unitetit e pasionit të vendeve nikoqire, duke shtuar se mezi pret ta shohë në fushë.

Botërori 2026 do të mbahet për herë të parë në tre shtete, me shortin final që do të zhvillohet më 5 dhjetor 2025 në Uashington./S.K/KP/

Continue Reading

Lajmet

Osmani krah Zelenskyt në Kopenhagë: Siguria e Evropës është e ndërlidhur ngushtë me sigurinë e Ballkanit Perëndimor

Published

on

By

Presidentja e Kosovës, Vjosa Osmani po merr pjesë në Samitin e Liderëve të EPC-së në Kopenhagë.

Përmes një postimi në Facebook, Osmani ulur afër presidentit ukrainas, Zelensky thotë se ka theksuar rëndësinë e sigurisë së Ballkanit Perëndimor për Evropën.

Osmani tha se Evropa duhet të përqendrojë vëmendjen e saj në këtë rajon, duke investuar në parandalimin e taktikave destabilizuese të Serbisë, si hap kyç për një siguri të qëndrueshme dhe afatgjatë.

Në Samitin e Liderëve të EPC-së në Kopenhagë, në tryezën me liderë evropianë të fokusuar në temën e sigurisë, theksova se siguria e Evropës është e ndërlidhur ngushtë me sigurinë e Ballkanit Perëndimor.Prandaj, Evropa duhet të përqendrojë vëmendjen e saj në këtë rajon, duke investuar në parandalimin e taktikave destabilizuese të Serbisë, si hap kyç për një siguri të qëndrueshme dhe afatgjatë“, ka shkruar Osmani./D.B/KP

Continue Reading

Lajmet

Shpaloset lista e Shqipërisë për ballafaqim me Serbinë

Published

on

Kombëtarja shqiptare do të rikthehet në aksion për ndeshjen e radhës kualifikuese të Kupës së Botës 2026 ndaj Serbisë dhe për sfidën miqësore ndaj Jordanisë.

Grumbullimi zyrtar do të nisë më 6 tetor, ndërsa shpallja e listës së lojtarëve të grumbulluar nga trajneri Sylvinho është programuar për ditën e sotme.

Gjithashtu sot në orën 11:00, do të mbahet edhe konferenca për shtyp e trajnerit në ambientet e “Shtëpisë së Futbollit”.

Seanca e parë stërvitore e Kombëtares do të zhvillohet më 6 tetor.

Ndeshja Serbi-Shqipëri do të luhet më 11 tetor, në stadiumin “Gradski stadion Dubočica” në Leskovac, në orën 20:45.

Ndërsa, miqësorja Shqipëri-Jordani do të zhvillohet më 14 tetor, në stadiumin “Air Albania”, në orën 19:00./S.K/KP/

 

Continue Reading

Të kërkuara