Lajmet

​Krasniqi: Shkarkimi i ambasadorit Berishaj nuk mjafton, duhet hetim serioz

Kreu i PDK-së u shpreh se krerët shtetëror po tentojnë ta heshtin skandalin e ambasadorit Berishaj.

Published

3 years ago

on

Kryetari i Partisë Demokratike të Kosovës, Memli Krasniqi në seancën e sotme të Kuvendit të Kosovës, ka ngritur çështjen e ambasadorit të Kosovës në Kroaci, Martin Berishaj, për të cilin kërkoi hetim serioz.

Kraniqi tha se në vend që sot në këtë seancë të diskutohej për të arriturat e kësaj qeverisje, po diskutojnë për dështime në të gjithë sektorët.

Kreu i PDK-së u shpreh se krerët shtetëror po tentojnë ta heshtin skandalin e ambasadorit Berishaj.

“Fatkeqësisht nuk mund ta bëjmë dhe kjo për dy arsye e para jo vetëm që nuk ka progres në asnjë sektorë, por ka regres dhe degradim të secilit prej tyre që nga shëndetësia, tek diplomacia, njohjet e çdogjë tjetër. Dhe e dyta ka disa muaj që kjo Qeveri e kryeministri në veçanti që nuk po ka guxim që të ta trajtoj një virus helmues për shtetin. Më 21 prill të vitit të kaluar mediet sllovene raportuan për skandalin e madh financiar në të cilin ishte përfshirë ambasadori i Kosovës në Kroaci, Martin Berishaj, që fiks 273 ditë, dy gjëra diametralisht të kundërta e kanë karakterizuar këtë skandal, e para për 9 muaj raportimet për aferën Martin Berishaj kanë ardhur duke u shtuar faktet, duke u zbuluar akuzat, duke u ngritur dyshimet, duke gjetur rrugë deri tek kryeministri, Albin Kurti e Lëvizja Vetëvendosje, e dyta reagimi institucional nga kryeministri, presidentja e ministrja e MPJD në shpërputhje me zhvillimet e seriozitetin e këtij rasti, kanë ardhur duke u zvogëluar, duke tentuar që përmes heshtjes, mostransparencës dhe papërgjegjësisë, ta heshtin, fshehin apo tejkalojnë këtë situatë. Por po gabojnë aq shumë sa vetëm po e konfirmojnë se edhe vetë janë të përfshirë”, u shpreh Krasniqi.

Lideri i PDK-së kërkoi që shefi i ekzekutivit të ishte në sallën e Kuvendit të Kosovës për t’iu përgjigjur disa pyetje për ambasadorin Berishaj.

“Ky skandal i madh korrupsioni jo vetëm që ka dëmtuar reputacionin e diplomacisë së shtetit tonë…Kryeministri duhet të vijë këtu në shtëpinë e popullit, para mijëra njerëzve që na shohin e t’u përgjigjet disa pyetjeve në mesin e tyre janë edhe këto pyetje: si mundet dikush me marrë nënshtetësinë në një ditë edhe qysh të nesërmen me u emëruar ambasador në një nga postet më të nderuara që mund ta jep një shtet. Si e mori dritën e gjelbër Martin Berishaj nga organet e inteligjencës së Kosovës, si është e mundur që pas gjithçka që dimë tash ministrja e Punëve të Jashtme deklaroi pikërisht këtë javë se ajo i beson MartinBerishaj, ende e jofakteve të panumërta. Si është e mundur që ambasadori Martin Berishaj është ende në detyrë dhe nuk është shkarkuar e as nuk është thirr në Kosovë për hetim të mëtejme…çka po e ndal a është duke e ndal Martini vetë që mbrapa ambasadorit Martin Berishaj fshihet lidhja e thellë e këtij pushteti me mafinë energjetike të rajonit tashmë edhe ju tashmë shumë deputetë të mazhorancës e dini dhe prandaj iu takon që të flisni”, tha ai.

Kreu i PDK-së u shpreh se tashmë shkarkimi i ambasadorit të Kosovës në Kroaci, Martin Berishaj nuk mjafton. Ai kërkoi hetim serioz për këtë rast nga organet e drejtësisë.

Related Topics:
Continue Reading

Lajmet

Radoniqi për rezultatet e zgjedhjeve: Duhet t’i presim edhe ankesat nga PZAP

Published

8 hours ago

on

October 22, 2025

By

Komisioni Qendror i Zgjedhjeve ka vendosur rinumërimin e fletëvotimeve të 16 kutive të votimit, ku pesë nga to janë për kryetarë të Komunave, ndërsa 11 të tjera për Kuvende Komunale.

Drejtori i sekretariatit të KQZ-së ka paraqitur sot para anëtarëve të Komisionit propozimin për rinumërimin e 16 vendvotimeve ku përfshihet një kuti e votimit në Deçan, një në Gllogoc, dy në Gjilan, një në Lipjan, dy në Prishtinë dy në Prizren, një në Shtime dhe një Suharekë.

Ndërsa, Drejtori i Sekretariatit të Komisionit Qendror të Zgjedhjeve, Besnik Buzhala ka treguar pse nuk janë shpallur rezultatet e zgjedhjeve lokale brenda afateve që ishte, pra sot. E kjo erdhi pas pyetjes së anëtarit të PDK-së në KQZ, Ilir Gashi, për këtë çështje.

“Procesi i numërimit në QNR më së voni përfundon ditën e nesërme. Por për detaje  numërimit sipas rekomandimit varet sa fletëvotime janë e si ka me shku numërimi. Ndërsa sipas planit operacional që ka miratuar KQZ, shpallja përfundimtare e rezultateve është dashtë të ndodhte shumë me datë 22, meqenëse sot nuk kemi mujt me implementu një aktivitet. Mendoj që ky proces përfundon sa i përket numërimit të gjithë fletëvotimeve”, tha ai.

Këtu u plotësua edhe me ndërhyrjen e kryetarit të KQZ-së, Kreshnik Radoniqi, i cili tha e duhet të priten dhe vendimet e PZAP-së për ankesat.

“Pa paragjykuar ndonjë vendim të PZAP, sa e kemi pa PZAP është e vërshuar nga ankesat kështu që duhet me prit edhe ankesat nga PZAP para se me u shpall rezultati.

Në mbledhjen e KQZ-së anëtari i Lëvizjes Vetëvendosjes në KQZ, Sami Kurteshi ka bërë një thirrje për Prokurorinë që t’i hetojnë vendvotimet me asistencë.

“Ftoj Prokurorinë që t’i hetojë rastet me asistencë rrënjësisht, sepse nuk është e mundur që në një qytet të ketë 10% të votimeve me asistencë”, tha ai.

Në këtë mbledhje, KQZ vendosi edhe për dizajnin dhe përmbajtjen e fletëvotimeve për raundin e dytë të zgjedhjeve për Kryetarë të Komunave. Ky miratim u bë për të mundësuar zhvillimin e votimit jashtë Kosovës./EO

Continue Reading

Lajmet

UBT dhe Universiteti i Minho-s nënshkruajnë marrëveshje bashkëpunimi akademik në Braga

Published

9 hours ago

on

October 22, 2025

By

Në kuadër të vizitës zyrtare në qytetin historik të Braga-s, Rektori i UBT-së, Prof. Dr. Edmond Hajrizi, dhe Rektori i Universitetit të Minho-s, Prof. Dr. Rui Vieira de Castro, nënshkruan një marrëveshje bashkëpunimi me qëllim forcimit të bashkëpunimit midis dy institucioneve.

Kjo marrëveshje ka si objektiv të promovojë shkëmbimin e studentëve të ciklit të parë dhe të dytë, duke ofruar mundësi për përvoja akademike dhe kulturore nga të dyja anët. Gjithashtu, marrëveshja parasheh mbikëqyrjen e përbashkët të tezave të masterit, nxitjen e hulumtimeve dhe inovacionit në fushat përkatëse.
Një aspekt i rëndësishëm i kësaj marrëveshjeje është lehtësimi dhe zhvillimi i përbashkët i planeve dhe kurrikulës së programeve me interes të përbashkët në përputhje me politikat zhvillimore dhe kërkesat e tregut.
Me këtë marrëveshje, dy rektorët u zotuan se do të angazhohen për të krijuar një partneritet të qëndrueshëm dhe të frytshëm, i cili do të sjellë përfitime të ndërsjella për të dyja institucionet./UBTNews

Continue Reading

Lajmet

​Kërkohet paraburgim ndaj të miturit për kontrabandimin e 5 shtetasve kinezë

Published

9 hours ago

on

October 22, 2025

By

Prokuroria Themelore në Ferizaj, Departamenti për të Mitur, ka kërkuar nga Gjykata Themelore në Ferizaj, caktimin e masës së paraburgimit ndaj të miturit, nën dyshimet se ka kryer veprën penale kontrabandë me migrantë.

Ekziston dyshimi i bazuar se më 21 tetor 2025 rreth orës 20:20, në Seqishtë, Hani i Elezit, saktësisht te Parku memorial “Bllaca 99”, i mituri ka organizuar-kontrabanduar kalimin e jashtëligjshëm të migrantëve, saktësisht pesë persona me shtetësi kineze, duke kaluar vijën kufitare Kosovë-Maqedoni e Veriut.

Personi i mituri fillimisht ishte takuar dhe kishte komunikuar me personat në fjalë në shtetin e Serbisë, dhe kishin bërë marrëveshje që për secilin person të marrë pagesë në vlerë prej 20 euro, e më pas i merr personat nga shteti i Serbisë, hyjnë në shtetin e Kosovës, ku i mituri siguron një automjet, ku e drejton një person deri më tani i panjohur, dhe i fusin në veturë që të gjithë, e më pas të njëjtit i dërgon te vija kufitare Kosovë-Maqedoni Veriore, ku aty nga njësiti patrullues kufitar janë vërejtur dhe kanë arritur të ndalojnë që të gjithë dhe t’i shoqërojnë në stacionin policor kufitar rajoni Lindje-Kaçanik, ku i mituri edhe është arrestuar, me këtë kishte për të kryer veprën penale kontrabandim me migrantë.

I mituri me vendim të Prokurorit të Shtetit gjenden nën masën e ndalimit 24-orë./KP

Continue Reading

Lajmet

Trajneri i Suedisë i diagnostikuar me leukemi: Më i fortë, sepse e kuptova rëndësinë e jetës

Published

9 hours ago

on

October 22, 2025

By

Trajneri Anders Torstensson, njëri prej protagonistëve më të mëdhenj të Suedisë që është pagëzuar edhe si ‘Leicester suedez’, prej muajsh po lufton një betejë shumë më të fortë jashtë fushave të lojës.

Në gusht të vitit 2024, Torstensson mësoi një lajm të tmerrshëm; u diagnostikua me leucemi linfatike kronike.

“Që nga ai moment e ndjej veten akoma më të fortë sepse kuptova rëndësinë e jetës, rëndësinë e çdo ditë këtu-pohon trajneri 59 vjeçar-sot nuk ndihem ndryshe në krahasim me ditët kur nuk e dija për sëmundjen. Në një farë mënyre e lë diagnozën në spital. E kam pranuar dhe nuk është diçka që më prek thellë.”, tha ai.

Por në anën tjetër diagnoza me kancer i ka mësuar Torstensson se nuk duhet marrë asgjë për të mirëqenë dhe nuk duhet të i shtyejmë gjërat për t’i bërë të nesërmen.

“Nuk marr asgjë për të mirëqenë dhe nuk i shtyj gjërat për t’i bërë të nesërmen, edhe kjo një arsye që fituam. Të gjithë pyesin për sekretin tonë, por nuk ka asnjë të tillë. Janë rreth 500 gjëra mbi të cilat kemi punuar cdo ditë me një kujdes të jashtëzakonshëm dhe nuk kemi bërë kompromis për asgjë.”, tha ai./S.K/EO/

Continue Reading

Të kërkuara