

Lajmet
Krasniqi: Mungesa e një vlerësimi pozitiv për vizat i pakuptimtë
Krasniqi shpreson që deri në fund të vitit të ndryshojë qasja dhe të ketë vendimmarrje.
Published
3 years agoon
By
Betim GashiKryetari i Partisë Demokratike të Kosovës, Memli Krasniqi e ka quajtur të pakuptimtë dhe të paarsyeshëm mungesën e një vlerësimi pozitiv për heqjen e vizave për qytetarët e Kosovës. Ai tha se kanë parë një deklaratë në gjuhë diplomatike dhe të paqartë, por shpreson që deri në fund të vitit të ndryshojë qasja dhe të ketë vendimmarrje.
“Kriteret për liberalizim të vizave janë plotësuar zyrtarisht që nga viti 2018, është konfirmuar në vitin 2019 është konfirmuar edhe dje, pse nuk ka një vlerësim dhe një rekomandim pozitiv që të mos humbet kohë kjo jo vetëm që është frustruese, por kjo është komplet e pakuptimtë dhe e paarsyeshme në ende nuk i kemi marr detajet konkrete se çka janë këto hezitime, kemi parë një deklaratë që është krejtësisht në gjuhë diplomatike dhe të paqartë, por shpresoj shumë që do të ndryshoj shumë si qasje dhe do të ketë një vendimmarrje para fundit të vitit”, tha ai.
Kreu i PDK-së po ashtu ka ftuar Qeverinë e Kosovës të shfrytëzojë momentumin aktual dhe të aplikojë për statusin kandidat për anëtarësim në BE. Sipas tij, në këtë aspekt kontribuon edhe miratimi i deklaratës për mbështetjen e liberalizimit të vizave dhe statusit kandidat për anëtarësim në BE për Kosovën.
“Si PDK ne e ftojmë Qeverinë dhe e inkurajojmë atë që sa më parë të bëjë aplikimin për status të kandidatit për anëtarësim në Bashkimin Evropian meqenëse tash pas rekomandimit pozitiv për Bosnjën dhe Hercegovinën, Kosova po mbetet vendi i fundit në rajon jo vetëm pa liberalizim të vizave ende por edhe pa avancim në procesin integrues”, u shpreh Krasniqi.
Këto komente kryetari i PDK-së, Memli Krasniqi i bëri pas takimit me Rrjetin e Partive Liberale të Evropës Juglindore.
Deputetja e Parlamentit Evropian, Svenja Hahn, nga radhët e Partisë Liberale Gjermane, tha se është tejet e nevojshme që të rritet bashkëpunimi me Kosovën.
Duke u shprehur e zhgënjyer se nuk ka një vendimmarrje pozitive për Kosovës sa i takon liberalizmit të vizave, deputetja gjermane shpreson që së shpejti do të ketë rezultate në këtë drejtim.
“Mendoj se ne kemi nevojë për një bashkëpunim më të gjatë dhe më të ngushtë me këtë rajon. Është çështje gjeopolitike, është çështje e identitetit evropian për të punuar së bashku dhe kjo është arsyeja pse jam shumë e zhgënjyer kur mësova se ne nuk kemi ende një arritje në çështjen e liberalizimit të vizave. Edhe unë vetë vij nga politika rinore dhe mendoj se është shumë e rëndësishme që t’u japim perspektivë sidomos të rinjve të Kosovës. Mendoj se liberalizimi i vizave për Kosovën është një arritje e rëndësishme dhe me të vërtetë shpresoj se do ta kemi këtë së shpejti. Është diçka për të cilën veçanërisht Parlamenti Evropian po punon intensivisht, është një hap shumë i rëndësishëm për t’u afruar më shumë si evropianë, por edhe për Kosovën në rrugën drejt Bashkimit Evropian. E shohim tani që ka shumë lajme pozitive në rajon për bashkëpunim më të ngushtë me Bashkimin Evropian dhe shpresoj vërtet që të vazhdojmë të punojmë në këtë për liberalizimin e vizave dhe ta kemi këtë së shpejti si arritje”, theksoi ajo.
Deputeti i parë shqiptar i Landit të Hamburgut, Sami Musa u shpreh se diaspora duhet ta vazhdojë mbështetjen për Kosovën. Sa i takon çështjes së liberalizimit të vizave, ai tha se ende nuk e ka të qartë se pse po ka vonesa për këtë çështje.
“Jam i bindur se për të ardhmen kemi me ec në një rrugë të mirë….Ne e kemi një problem me na pyet neve në Kosovë pranojmë direkt por ne nuk vendosin për vete vendosin të tjerët për neve. Unë ende nuk e kam kuptua çka shtyhet kaq gjatë dhe për çka një frikë mund të jetë sepse ne nuk jemi popull me miliardë dhe miliona në krejt qytetet jemi 1.8 milionë …Çka duhet me kuptua edhe Bashkimi Evropian është se edhe ne jemi pjesë e hartës e Evropës jemi brenda, dhe duhet me kuptua atë se pa punuar bashkë edhe Evropa nuk e kemi gjasa të mbajmë këtë forcën që e kemi edhe ekonomikisht edhe njerëzisht”, tha ai.
E gjatë kësaj jave në Kosovë po qëndron Rrjeti i Partive Liberale të Evropës Juglindore, nikoqire e të cilëve ishte Partia Demokratike e Kosovës e cila me propozim të saj miratoi edhe Deklaratën për Mbështetjen e Liberalizimit të Vizave dhe Statusit Kandidat për anëtarësim në BE për Kosovën.
Në këtë rrjet po marrin pjesë përfaqësues kryesor liberal nga Kroacia, Sllovenia, Mali i Zi Maqedonia e Veriut.
Lajmet
Numërimi i fletëvotimeve nga votimi me kusht drejt përfundimit
Published
35 minutes agoon
October 22, 2025By
UBT News
Komisioni Qendror i Zgjedhjeve ka njoftuar se në Qendrën e Numërimit dhe Rezultateve (QNR) është drejt përfundimit numërimi i fletëvotimeve që i takojnë votimit me kusht.
Në ditën e zgjedhjeve, votimi me kusht është realizuar në 54 vendvotime të veçanta, në 38 komuna.
KQZ bën të ditur se pas përmbylljes së këtij procesi, gjatë ditës së mërkurë, në këtë qendër do të vijojë numërimi i fletëvotimeve që i takojnë votimit të personave me nevoja të vçanta, i cili është zhvilluar në ditën e zgjedhjeve jashtë vendvotimeve dhe përmes ekipeve mobile.
Numri i votuesve të regjistruar me nevoja të veçanta është më shumë se 3,467.
Rezultatet nga ky numërim do të pasqyrohen në platformën për rezultate, në rubrikën “Rezultatet QNR -Nevoja të veçanta (VPNV)”.
Në QNR, të martën është përmbyllur procesi i skanimit të Listës së Votuesve.
Skanimi mundëson krahasimin e pjesëmarrësve në votim në vendvotimet e rregullta me ata që kanë votuar me kusht. Qëllimi është të identifikohen rastet eventuale kur një person ka votuar dy here: në vendvotimin e rregullt dhe në atë me kusht./S.K/KP/
Lajmet
Departamenti i Thesarit i SHBA-së nënshkruan marrëveshjen e stabilizimit ekonomik me Bankën Qendrore të Argjentinës
Published
51 minutes agoon
October 22, 2025By
UBT News
Departamenti i Thesarit i SHBA-së nënshkroi një marrëveshje stabilizimi ekonomik me Bankën Qendrore të Argjentinës për një urë drejt një të ardhmeje më të mirë ekonomike për Argjentinën, njoftoi të martën Sekretari Scott Bessent.
“Përpjekjet e Presidentit Javier Milei për të përmbysur dekadat e rënies së kombit të tij, që rrjedhin nga e majta radikale e Peronistëve, janë me rëndësi kritike. Argjentina tani ka mundësinë të përqafojë lirinë ekonomike dhe marrëveshja jonë e stabilizimit është një urë drejt një të ardhmeje më të mirë ekonomike për Argjentinën, jo një paketë shpëtimi”, shkroi Bessent në kompaninë amerikane të mediave sociale.
Bessent vuri në dukje se Milei ka bërë një përpjekje të përbashkët për të përmbysur politikat e kaluara ekonomike, duke përfshirë shpenzimet e tepërta, mungesën e disiplinës fiskale dhe huamarrjen e papërgjegjshme dhe se Fondi Monetar Ndërkombëtar (FMN) gjithashtu mbështet programin e fortë ekonomik të Argjentinës.
Duke theksuar se administrata Trump mbështet planet aktuale të reformës së Mileit dhe strategjinë e kujdesshme fiskale, Bessent tha:
“Ne nuk duam një shtet tjetër të dështuar në Amerikën Latine dhe një Argjentinë e fortë dhe e qëndrueshme si një fqinj i mirë është në mënyrë të qartë në interesin strategjik të Shteteve të Bashkuara.”
Më 9 tetor, Bessent njoftoi se, pas diskutimeve me Ministrin e Ekonomisë të Argjentinës, Luis Caputo, SHBA-të blenë drejtpërdrejt peso argjentinase dhe përfunduan një kuadër shkëmbimi prej 20 miliardë dollarësh me bankën qendrore të Argjentinës.
Banka njoftoi të hënën se kishte nënshkruar një marrëveshje me Departamentin e Thesarit të SHBA-së me vlerë deri në 20 miliardë dollarë për të siguruar stabilitetin e kursit të këmbimit.
Një deklaratë shpjegoi se marrëveshja përcakton termat dhe kushtet për zbatimin e transaksioneve të shkëmbimit midis palëve./S.K/KP/
Lajmet
Ukrainë: Dy të vdekur në Kiev pas sulmit rus në shkallë të gjerë
Published
54 minutes agoon
October 22, 2025By
UBT News
Mediat ukrainase raportuan se Moska nisi një sulm ajror në shkallë të gjerë gjatë natës, me shpërthime që tronditën Kievin dhe qytete të tjera në të gjithë vendin.
Mediat thanë se banorët e Kievit dëgjuan shpërthime në qytet rreth orës 1:10 të mëngjesit sipas kohës lokale, pak pasi Forcat Ajrore lëshuan një paralajmërim për raketa.
Disa shpërthime të tjera ndodhën afërsisht 30 minuta më vonë. Shpërthime u raportuan gjithashtu në Dnieper, Zaporizhia dhe qytetin portual të Izmail.
Të paktën dy persona janë vrarë në sulmet ajrore ruse që goditën Kievin mbrëmë, njoftuan autoritetet ukrainase, dhe të paktën 13 persona janë plagosur në sulmet ajrore ruse që goditën qytetin ukrainas të Zaporizhzhisë mbrëmë, sipas autoriteteve lokale të cituara nga mediat e Kievit.
Një zjarr shpërtheu në katet e tetë dhe të nëntë të një rrokaqielli në lagjen Dniprovskyi pas një sulmi me dron, sipas Tymur Tkachenko, kreu i Administratës Ushtarake të kryeqytetit, i cituar nga mediat lokale.
Dëme u raportuan gjithashtu në lagjet Pechersky dhe Desnyansky./S.K/KP/
Lajmet
Kosova ofron të bëhet vendi i parë që pranon azilkërkuesit e refuzuar nga Britania
Published
57 minutes agoon
October 22, 2025By
UBT News
Kosova është bërë vendi i parë që tregon se do të pranojë azilkërkuesit e refuzuar nga Britania si pjesë e planeve qeveritare për të ngritur qendra kthimi në vendet e treta, shkruan mediumi The Guardian.
Kryeministri i Kosovës, Albin Kurti, tha se dëshiron të ndihmojë Mbretërinë e Bashkuar dhe konfirmoi se po zhvilloheshin diskutime me zyrtarë nga Mbretëria e Bashkuar.
Planet do të synonin dërgimin e njerëzve, kërkesat e të cilëve për azil ishin refuzuar, në qendrat e paraburgimit të huaja, pasi të kishin shteruar të gjitha rrugët e apelimit.
Komentet e tij vijnë përpara një samiti të liderëve të Ballkanit Perëndimor që do të mbahet sot në Londër nga Keir Starmer.
“Ne duam të ndihmojmë Mbretërinë e Bashkuar. Ne e konsiderojmë se kjo është detyra jonë miqësore dhe politike. Ne kemi kapacitet të kufizuar, por prapëseprapë duam të ndihmojmë dhe ndërsa flasim, ka komunikim të rregullt midis ekipeve tona të zyrtarëve shtetërorë nga ministria jonë e punëve të brendshme dhe avokatëve se si ta bëjmë këtë pa probleme për përfitim të ndërsjellë.”, tha Kurti.
Ai shtoi se në këmbim, Kosova do të donte kryesisht të merrte mbështetje në siguri qoftë përmes marrëveshjeve strategjike apo përmes pajisjeve dhe projekteve që mund të bëjnë.
“Sigurisht, ne duam, si vend, të përfitojmë, por e konsiderojmë para së gjithash detyrimin tonë t’ju ndihmojmë, sepse ju na ndihmuat shumë dhe ne kurrë nuk do ta harrojmë këtë”, shtoi ai.
Kosova mbetet një përjashtim relativ krahasuar me fqinjët e saj ballkanikë. Në qershor, kryeministri i Shqipërisë, Edi Rama, tha se ideja që Mbretëria e Bashkuar të donte të “kërkonte vende për të larguar emigrantët” do të kishte qenë e pakonceptueshme para Brexit-it./S.K/KP/

Kevin Federline zbulon telefonatën që i dha fund martesës me Britney Spears

Samsung zbulon zyrtarisht projektin “Moohan”, kufjet e reja Galaxy XR

Numërimi i fletëvotimeve nga votimi me kusht drejt përfundimit

Departamenti i Thesarit i SHBA-së nënshkruan marrëveshjen e stabilizimit ekonomik me Bankën Qendrore të Argjentinës

Ukrainë: Dy të vdekur në Kiev pas sulmit rus në shkallë të gjerë

Prishtina mirëpret edicionin e 25-të të Festivalit Frankofon të Filmit

Kosova ofron të bëhet vendi i parë që pranon azilkërkuesit e refuzuar nga Britania

Rihanna humbi 36 milionë dollarë nga projekti i dështuar me Louis Vuitton

Pesë kinezë hyjnë ilegalisht nga Serbia në Kosovë, arrestohet shoqëruesi i mitur
Të kërkuara
-
Lajmet2 months ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni4 weeks ago
Policia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet nga UBT2 months ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni2 months ago
Profesori i UBT-së fiton grant prestigjioz kërkimor në Universitetin Çarls të Pragës