Lajmet

​Krasniqi e Raci vizitojnë bizneset në Klinë, u premtojnë përkrahje

I pari i PDK-së, Memli Krasniqi, tha se plani i kandidatit të tyre për Klinën përfshin edhe projekte konkrete.

Published

5 years ago

on

Përkrahje për bizneset e Komunës së Klinës kanë premtuar kryetari i Partisë Demokratike të Kosovës (PDK), Memli Krasniqi dhe kandidati i kësaj partie për kryetar të kësaj komunë Esat Raci, gjatë vizitës që këtë të hënë i kanë bërë kompanisë Agro Butrinti.

I pari i PDK-së, Memli Krasniqi, tha se plani i kandidatit të tyre për Klinën përfshin edhe projekte konkrete për të ndihmuar bizneset lokale.

“Puna e sipërmarrësve tanë e ka ndihmuar edhe këtë pjesë të ekonomisë dhe kjo tregon se kanë nevojë realisht për mbështetje institucionale, pa dyshim nga niveli qeveritar qendror por edhe nga komuna. Mua më vjen mirë që edhe në planin e kandidatit tonë për Klinën tashmë ka projekte dhe propozime konkrete se si të stimulohen investitorët vendor dhe si të ndihmohen ata në mënyrë që të ju lehtësohet puna për të krijuar vende të reja të punës dhe për të ndihmuar ekonominë lokale. Vërtetë është frymëzim edhe për neve që kur shohim kaq punë të mirë dhe të suksesshme të marrim obligime shtesë për të punuar në drejtim të përmirësimit të klimës së të bërit biznes, por edhe në ofrimin e kushteve më të mira për këto kompani vendore”, tha ai.

Pretendenti për të udhëhequr me Klinën, Esat Reci, tha se ka takuar të gjitha bizneset e Komunës së Klinës dhe të gjitha kërkesat e tyre i ka paraparë në planin qeverisës.

“Kam vizituar pjesën më të madhe të bizneseve të Komunës së Klinës, që me marrjen e mandatit i kam siguruar të gjitha bizneset e Klinës që menjëherë ta formojmë shoqatën e bizneseve të Klinës me të cilat duhet të bisedohet për uljen e tarifave dhe në bashkëpunim me të gjitha bizneset këtë do ta arrijmë në afatin sa më të shpejtë”, tha ai.

Fushata zgjedhore për balotazhin e 14 nëntorit ka nisur sot.

Related Topics:
Continue Reading

Lajmet

Sulm ndaj zyrtarit policor në Vushtrri, i dyshuari në kërkim

Published

42 minutes ago

on

June 1, 2026

By

Në Vushtrri, më 31 maj 2026 rreth orës 18:50, është raportuar një rast i sulmit ndaj personit zyrtar gjatë kryerjes së detyrës.

Sipas Policisë së Kosovës, derisa njësiti policor ishte duke rregulluar dhe drejtuar komunikacionin, një i dyshuar me veturë nuk ka respektuar urdhrat e zyrtarit policor. Ai fillimisht ka ofenduar policin dhe më pas ka goditur me automjet zyrtarin policor mashkull kosovar.

Viktima nuk ka pësuar lëndime trupore, ndërsa i dyshuari është larguar nga vendi i ngjarjes dhe aktualisht ndodhet në kërkim policor.

Rasti është duke u trajtuar nga organet kompetente dhe hetimet janë në vazhdim.

Continue Reading

Lajmet

Arrestohet një person në Mitrovicën e Veriut për veshje të paautorizuar të uniformës së Policisë së Kosovës

Published

44 minutes ago

on

June 1, 2026

By

Një person është arrestuar në Mitrovicën e Veriut pasi dyshohet se kishte veshur pjesë të uniformës së Policisë së Kosovës pa qenë pjesëtar i këtij institucioni.

Sipas raportit 24-orësh të Policisë së Kosovës, i dyshuari është ndaluar dhe është shoqëruar në stacionin policor për intervistim. Gjatë kontrollit, policia ka sekuestruar tri veshje që i përkisnin Policisë së Kosovës.

Pas përfundimit të procedurave dhe me vendim të prokurorit kompetent, i dyshuari është liruar në procedurë të rregullt, ndërsa rasti po trajtohet nga organet e drejtësisë.

Continue Reading

Lajmet

Shtatë raste të dhunës në familje brenda një dite në Kosovë

Published

50 minutes ago

on

June 1, 2026

By

Sipas raportit të fundit 24-orësh të Policisë së Kosovës, gjatë 31 majit janë raportuar shtatë raste të dhunës në familje në komuna të ndryshme të vendit, ndërsa një person është arrestuar dhe dërguar në mbajtje.

Në Prishtinë, një grua ka raportuar se është sulmuar fizikisht nga një burrë pas një mosmarrëveshjeje. Pas intervistimit të palëve, me vendim të prokurorit, rasti është proceduar në procedurë të rregullt.

Po ashtu në Prishtinë, është raportuar se një i dyshuar kishte ushtruar dhunë fizike ndaj dy viktimave meshkuj. Viktimat janë intervistuar, ndërsa i dyshuari ndodhet në kërkim policor. Rasti vazhdon në procedurë të rregullt.

Një rast tjetër është raportuar në Fushë Kosovë, ku një grua dhe një burrë kanë pasur mosmarrëveshje. Të dy janë intervistuar dhe, pas konsultimit me prokurorin, rasti po hetohet në procedurë të rregullt.

Në Gllogoc, pak para mesnatës, një burrë dyshohet se ka ushtruar dhunë fizike ndaj një burri tjetër. Pas procedurave policore, prokurori ka urdhëruar që rasti të vazhdojë në procedurë të rregullt.

Ndërkaq, në Klinë është raportuar një rast i dhunës psikike, ku një burrë dyshohet se ka ushtruar presion dhe dhunë psikologjike ndaj një gruaje. Pas intervistimit, palët janë liruar dhe rasti po trajtohet në procedurë të rregullt.

Rasti më i rëndë është raportuar në Deçan, ku një burrë është arrestuar nën dyshimin për ushtrim të dhunës psikike ndaj një gruaje. Me vendim të prokurorit, i dyshuari është dërguar në mbajtje.

Ndërkohë, në Mitrovicën e Jugut, një shtetase e huaj ka raportuar se është përballur me dhunë fizike dhe psikike nga një burrë dhe një grua kosovare. Viktima ka pranuar trajtim mjekësor, ndërsa pas intervistimit të palëve, prokurori ka urdhëruar që rasti të vazhdojë në procedurë të rregullt.

Policia e Kosovës ka bërë të ditur se të gjitha rastet janë duke u trajtuar sipas procedurave ligjore dhe mbeten nën hetime.

Continue Reading

Lajmet

“Syrigana” e Petrit Halilajt prezantohet me sukses në Berlin

Published

1 hour ago

on

June 1, 2026

By

Opera bashkëkohore “Syrigana” e artistit kosovar Petrit Halilaj është prezantuar para publikut ndërkombëtar në Berlin, në hapësirat e “Hamburger Bahnhof”, një prej muzeve më të rëndësishëm të artit bashkëkohor në Evropë.

Interpretimi u realizua nga një ansambël i Filharmonisë së Kosovës në kuadër të ekspozitës “An Opera Out of Time”, e cila kishte në qendër operën e parë të Halilajt dhe njëherësh shënoi mbylljen e ekspozitës së tij personale në këtë institucion prestigjioz.

E bazuar në mite, legjenda dhe rrëfime të lidhura me vendlindjen e artistit, “Syrigana” ndërthur muzikën, teatrin dhe instalacionin artistik, duke sjellë një përvojë unike për publikun. Vepra pati premierën në qershor të vitit të kaluar në Syriganë të Skenderajt dhe që atëherë është vlerësuar si një nga projektet më të veçanta artistike të realizuara në Kosovë.

Sipas Filharmonisë së Kosovës, prezantimi në Berlin përbën një moment të rëndësishëm në rrugëtimin e operës, e cila tashmë ka potencial të vazhdojë jetën e saj artistike edhe në skena të tjera ndërkombëtare.

Me këtë paraqitje, Petrit Halilaj ka vazhduar ta prezantojë artin dhe kulturën e Kosovës në qendra të rëndësishme botërore, duke e shndërruar kujtesën, mitet dhe historitë lokale në vepra me jehonë ndërkombëtare.

Continue Reading

Të kërkuara