Lajmet

​Krasniqi: Deputetët e VV-së janë në presion dhe shantazh për mosvotimin e Trustit

Krasniqi i bëri këto komente në seancën e Kuvendit, ku po shqyrtohet projektligji për tërheqjen e një pjese të Trustit.

Publikuar

Kryetari i PDK-së, Memli Krasniqi ka thënë se deputet e VV-së sot janë në presion dhe shantazh lidhur me Trustin, por ata duhet ta dëgjojnë ndërgjegjen e tyre e jo të kryeministrit.

Krasniqi i bëri këto komente në seancën e Kuvendit, ku po shqyrtohet projektligji për tërheqjen e një pjese të Trustit.

“Po flisni qysh nëse nxjerrën një pjesë e TRUST-it rritet inflacioni, nëse si vitin e kaluar 66 % e kontribut-dhënësve shkojnë edhe e nxjerrin një pjesë të mjeteve të tyre, realisht do të tërhiqen dikun më pak se 400 milionë euro, por edhe nëse këto 400 milionë euro hyjnë në ekonominë e Kosovës cila matje, cili argument iu thotë juve që do të ketë rritje të inflacionit, rritja e inflacionit edhe ashtu do të vazhdon, çdo parashikim, edhe vendor edhe ndërkombëtar e parasheh, ju krejt çka jemi qitu e dimë që çdo verë në tregun tonë, në qarkullim ka më shumë ‘cash’, për shkak të bashkë-atdhetarëve që vijnë, janë qindra miliona euro të cilat hyjnë në qarkullim”.

Ai tha se deputetët kanë presion ose shantazh por deputetët e VV-së duhet të jenë deputet të qytetarëve.

“Unë sinqerisht sot ju ftojë, me qenë deputet të qytetarëve, atyre që ua kanë dhënë mandatin, atyre që ua kanë dhënë mandatin e ju kanë sjellë këtu, kryeministri iu ka shti në listë, por deputet ju kanë bërë votuesit e juaj, qytetarët e juaj, ata që kanë nevojë sot për juve, edhe për votën e secilit prej neve, guxoni sot ose nëse mendoni që e keni më lehtë hajde po e qesim në mocion me bë me votim të msheftë, nëse doni me votu msheftë se keni presion ose shantazh, por mbi të gjitha ju keni guxu për kodin civil, gjysma se keni dëgjuar kryeministrin e keni dëgjuar ndërgjegjen, dëgjonte ndërgjegjen e juaj edhe për qytetarët që sot kanë nevojë me iu ndihmu” ka thënë Krasniqi.

Lajmet

Rrustemi kundër hetimit të kontratave njëburimore

Ai thotë se partitë opozitare po mundohen që me komisione hetimore të hedhin baltë mbi Qeverinë Kurti.

Publikuar

nga

Deputeti i Lëvizjes Vetëvendosje, Adnan Rrustemi tha se nuk ka bazë për hetimin e kontratave, gjë të cilën po e kërkon opozita. Sipas tij, partitë opozitare po mundohen që me komisione hetimore të hedhin baltë mbi Qeverinë Kurti. Teksa përmendi shumat e kontratave njëburimore në komunat ku udhëheq opozita, Rrustemi u shpreh se këto parti po mbyllin sytë në institucionet ku qeverisin.

Në seancë të jashtëzakonshme për themelimin e komisionit hetimor për kontratat një-burimore, Rrustemi tha se në këto kontrata nuk ka asgjë të dyshimtë.

“Në këto kontrata nuk ka asgjë të dyshimtë e që duhet hetuar, opozita në mungesë të kauzave dhe përballur me humbjen e besimit tek qytetarët, po mundohet që me komisione të tilla hetimore të hedh baltë mbi çdo gjë dhe mbi gjithë kë. Po mundohet ta kthej kuvendin në organ të akuzës dhe baltosjes. Por ne nuk mund ta lejojmë këtë çoroditje pa dyshim…E kuptoj që shumë nga ju deputetë të opozitës edhe mund të jeni ekspertë të tenderëve, ndoshta edhe të kontratave një-burimore por duhet të bindeni për një gjë: ka ikur koha juaj, në qeverisjen Kurti nuk ka praktika si në kohërat tuaj. Në Qeverinë Kurti nuk ka ministra të korruptuar dhe nuk ka korrupsion. Prandaj mos u përpiqni ta shihni vetën në situata të tilla e në funksione se çfarë do të bënit po të kishit këtë mundësi”, deklaroi Rrustemi në seancë të jashtëzakonshme.

Ai tha se kjo procedurë tenderuese është përdorur shumë në qeverisjet e kaluara.

“Nga viti 2008-2014 qeveria e udhëhequr PDK, 448 milionë euro ka qenë shuma e shpenzuar në kontratat njëburimore. Nga viti 2015-2017, qeveria e udhëhequr nga LDK, 158 milionë euro ka qenë shuma e shpenzuar në kontrata njëburimore. Nga viti 2018-2019, qeveria e udhëhequr nga AAK ka qenë 120 milionë euro shuma e shpenzuar në kontrata një-burimore. Ndërkaq, nëse e krahasojmë ndër vite qoftë në nivel sasior, ashtu edhe financiar, 2008 është viti me më së shumti kontrata njëburimore me gjithsejtë 164 milionë euro apo me rreth 19,86 për qind të totalit të kontratave të nënshkruara. Pastaj viti 2015 me 16, 10 apo 64 milionë euro shuma e shpenzuar në kontrata njëburimore”, deklaroi ai.

Në emër të Lëvizjes Vetëvendosje, Rrustemi shtoi se në komunat ku po udhëheq opozita ka kontrata njëburimore më shumë se në institucionet që po udhëheq pushteti.

“Të marrim shembull Komunën e Mitrovicës e cila që nga marrja e mandatit të kryetarit aktual i ka nënshkruar 11 kontrata në vlerë totale prej 137 mijë euro, po aq sa ka edhe Ministria e Industrisë, Ndërmarrësisë dhe Tregtisë. Komuna e Gjakovës me 2,9 milionë euro, e që shuma e tyre është më e madhe se shuma e kontratave të Ministrisë së Kulturës, Rinisë dhe Sportit. Pra, të nderuar qytetarë këta i shohin me llupë institucionet që nuk qeverisin, ndërsa mbyllin sytë në komunat ku qeverisin. Edhe pse vlerat e kontratave të tilla siç i prezantova më lartë është dukshëm më e lartë”, shtoi ai.

Vazhdo të lexosh

Lajmet

Tahiri: Kontratat njëburimore janë nënshkruar pa asnjë transparencë

Kështu deklaroi ai sot në seancën e Kuvendit.

Publikuar

nga

Shefi i Grupit Parlamentar të Partisë Demokratike të Kosovës, Abelard Tahiri, në seancën e Kuvendit të Kosovës, ka folur për kontratat njëburimore. Seanca e jashtëzakonshme është thirrur nga PDK-ja.

“Deri në 200 milionë euro shkon shifra e kontratave njëburimore nga kjo qeveri. Duhet t’i analizojmë këto kontrata dhe të shohim sa janë reale. Janë kontrata njëburimore me shuma marramendëse. Shohim sigurimin e objekteve të KEK-ut, e çështje banale që janë kontratat burimore. Kontratat njëburimore janë kontrata të nënshkruara në një tavolinë duke fshehur transparencën. S’ka transparencë”, u shpreh Tahiri.

Vazhdo të lexosh

Lajmet

Kurti: Masakra ndaj familjeve Bogujevci, Duriqi, Llugaliu na kujton sa i lartë ishte çmimi i lirisë

Shefi i ekzekutivit kërkoi nga Prokuroria e shtetit që të punojë më shumë që kryerësit dhe urdhërdhënësit e kësaj masakre të përballen me drejtësinë.

Publikuar

nga

Kryeministri i Kosovës, Albin Kurti, ka bërë homazhe te varrezat e 16 anëtarëve të vrarë të familjeve Bogujevci, Duriqi dhe Llugaliu në Podujevë, në masakrën e kryer nga njësiti serb “Shkorpionët”.

Kurti mes tjerash theksoi se ata na kujtojnë se sa i lartë ishte çmimi i shtetit dhe i lirisë që e gëzojmë sot. Shefi i ekzekutivit kërkoi nga Prokuroria e shtetit që të punojë më shumë që kryerësit dhe urdhërdhënësit e kësaj masakre të përballen me drejtësinë.

“Familjet Bogujveci, Duriqi dhe Llugaliu ishin bashkë por njësoj të bashkuar jemi edhe ne sot në kujtim dhe në nderim të rënies së tyre për tokën e Kosovës dhe lirin e popullit. Ata, ne kujtojnë dhe përkujtojmë se sa i lartë ishte çmimi i shtetit dhe lirisë që e gëzojmë sot, se si rrënjët e shtetit dhe lirisë janë te gjaku i martireve dhe dëshmorëve. Por njëkohësisht zëri ynë do të jetë gjithnjë më i fuqishëm si institucional dhe qytetar për kërkim të drejtësie”, tha Kurti.

Kurti tha se masakra e familjes Bogujevci është dëshmi e gjenocidit serb në Kosovë derisa shtoi se njësiti që ka marrë pjesë në këtë masakër, ka marrë pjesë edhe në masakrën e Srebrenicës më 1995.

“Janë vrarë shtatë gra e shtatë fëmijë. Fëmijët kanë qenë prej dy vjeç deri 15 vjeç. Me këtë rast është mbajtur një proces gjyqësor në Serbi ku janë dënuar disa pjesëtarë të njësitit famëkeq ‘Shkorpion’ që kanë kryer vrasje edhe në masakrën e Srebrenicës në gjenocidin në Bosnje dhe Hercegovinë. Ata të dënuar maksimalisht me 20 vjet pa u penduar kur i kanë mbajtur 2/3 e dënimit janë liruar. Kryesori i tyre është arrestuar në dhjetorin e vitit 2022, në Athinë të Greqisë si kreu i një karteli të drogës atje. Kjo tregon se si kriminelët e luftës dhe krimi i organizuar në paqe janë të ndërlidhura ngushtë. Ne kemi nevojë për drejtësi institucionale në Kosovë por edhe në rajon. Meqenëse numri më i madh i kriminelëve vazhdojnë të jenë eksponentë të krimit të organizuar ata siç dihet nuk ndodhen më në Kosovës. Ne edhe një herë i bëjmë thirrje Prokurorisë së Shtetit që të bëjë më shumë në mënyrë që këta vrasës mizor të familjeve Bogujevci, Duqiri e Llugali të ndodhen prapa grilave sepse kanë pasur shumë më tepër ekzekutorë dhe urdhërdhënës të kësaj ekspedite kriminale gjenocidale se sa janë përballur në procese në drejtësi. Në Serbi nuk ka pasur drejtësi për këto familje. Në mesin e atyre që u masakruan këtu ishte edhe Saranda Bugojevci e cila ju mbijetoi 16 plumbave. Pra para 25 vjetëve trupi i njomë i Saranda Bugojevict atëherë e mitur përfundoi me 16 plumba dhe ata 5 që shpëtuan nga kjo masakër ishte një mrekulli dhe sot janë dëshmitarë të gjenocidit të Serbisë në Kosovë”, u shpreh Kurti.

Vazhdo të lexosh

Lajmet

​Seanca nis me një minutë heshtje për të rënët për liri

Kryetari i Kuvendit të Kosovës, Glauk Konjufca kujtoi masakrën në Krushë të Madhe, Krushë të Vogël, në Dardani të Pejës, Izbicë të Skenderaj e në familjet Bogujevci, Duriqi e Llugaliu të Podujevës.

Publikuar

nga

Deputetët e Kuvendit të Kosovës kanë mbajtur një minutë heshtje për të rënët për liri, për të cilët ditëve të fundit është shënuar përvjetori i masakrës. Kryetari i Kuvendit të Kosovës, Glauk Konjufca kujtoi masakrën në Krushë të Madhe, Krushë të Vogël, në Dardani të Pejës, Izbicë të Skenderaj e në familjet Bogujevci, Duriqi e Llugaliu të Podujevës.

Seanca e jashtëzakonshme në lidhje me themelimin e Komisionit Hetimor për kontratat një-burimore të nënshkruara gjatë qeverisjes Kurti, filloi me një minutë heshtje të deputetëve.

“Këto ditë që po i kalojmë janë ditë të kujtimit dhe të dhimbjes, sepse pardje dhe dje ishte përvjetori i masakrës në Krushë të Madhe dhe të Vogël, dje ishte përvjetori i masakrës në Dardani të Pejës. Kurse sot e kemi 25 vjetorin e masakrës së Izbicës në Skenderaj e po ashtu edhe masakrat në familjes Bogujevci, Duriqi e Llugaliu të Podujevës. Për të gjithë të rënët unë po propozojë që të mbajmë një minutë heshtje në këtë datë”, deklaroi Konjufca.

Konjufca i ka shprehur ngushëllime senatit amerikan për vdekjen e senatorit Joe Lieberman, për të cilin tha se ishte mik i madh i shqiptarëve.

Vazhdo të lexosh

Të kërkuara